министер за одбрана – Kurir.mk

Сунак денеска ќе соопшти кој ќе биде нов министер за одбрана на Британија

Ивана Ефремовски — Thu, 31 Aug 2023 08:19:05 +0000

Британскиот премиер Риши Сунак денеска треба да соопшти кој ќе биде нов министер за одбрана на Велика Британија, јави Би-Би-Си. Бен Валас, кој беше министер за одбрана изминатите четири години, денеска поднесе оставка, откако минатиот месец соопшти дека ќе ја напушти функцијата при следната реконструкција на кабинетот. Во изјавата за оставката, Валас вели дека неговите воени и политички кариери биле „личен данок за него и неговото семејство“. - Министерството за одбрана што го напуштам сега е помодерно, подобро финансирано и посигурно од организацијата што ја презедов во 2019 година, нагласи тој. - Искрено верувам дека во текот на следната деценија светот ќе стане понесигурен, подвлече Валас. Риши Сунак изјави дека Валас работел на „најсложените позиции во владата“ и изрази благодарност и почит за неговата работа. Високи претставници на конзервативците изјавиле дека потенцијални наследници на Валас се министерот за вооружени сили Џејмс Хепи и главниот секретар на Министерството за финансии Џон Глен. Британската Влада не ги коментира информациите за тоа кој ќе биде нов министер за одбрана. (МИА)

Киев: Украинскиот министер за одбрана нема да биде сменет оваа недела

Тале Кристо — Mon, 06 Feb 2023 21:40:09 +0000

Украинскиот министер за одбрана Олексиј Резников нема да биде сменет оваа недела и покрај големите шпекулации што сугерираат поинаку, изјави во понеделникот лидерот на парламентарната група на претседателот Володимир Зеленски. - Нема да има кадровски промени во одбранбениот сектор оваа недела, напиша на Телеграм Дејвид Арахамиа, лидер на партијата „Слуга на народот“, јави ДПА. Резников, кој беше министер за одбрана од ноември 2021 година, неодамна беше вмешан во корупциски скандал во кој неговото министерство беше обвинето за продавање прескапа храна на армијата. Арахамиа не објасни зошто 56-годишниот Резников засега останува на функцијата. Сепак, се шпекулира дека претседателската партија стравувала дека нема да обезбеди доволно гласови за планираното назначување на Резников за стратешки министер за индустрија. Друг проблем е со планираната замена на Резников, пишуваат медиумите. Генерал-мајор Кирило Буданов најверојатно ќе го наследи Резников, но тој ќе биде принуден да поднесе оставка од армијата за да ја преземе главната воена функција. Согласно украинскиот закон, само цивили можат да ја извршуваат функцијата министер за одбрана. Буданов моментално ја предводи воената разузнавачка служба.

Бугарскиот премиер за нов министер за одбрана го предложи Тодор Тагарев

Магдалена Андонова — Mon, 28 Feb 2022 16:39:25 +0000

Бугарската влада донесе одлука за свикување вонредна седница на Народното собрание. Како што јави дописникот на МИА од Софија, бугарската влада утре, 1 март, ќе побара од Народното собрание да донесе одлука за смена на министерот за одбрана Стефан Јанев. Бугарскиот премиер Кирил Петков побара оставка од Јанев, а откако тој ја одби, Петков предложи Народното собрание да гласа за побараната оставка на Стефан Јанев. Петков по состанокот на бугарската влада соопшти дека за нов министер за одбрана го предлага Тодор Тагарев. Тагарев беше министер за одбрана во преодната влада на премиерот Марин Рајков од 13 март до 29 мај 2013 година. Тој е воен експерт и долгогодишен вработен во Министерството за одбрана.

Украинскиот министер за одбрана: „Остануваме сигурни и смирени“

Ивона Петрова — Tue, 22 Feb 2022 08:40:19 +0000

Украинскиот министер за одбрана Олексиј Резников денеска изјави дека „остануваме самоуверени и смирени“, по потегот на Русија да нареди војници во два сепаратистички промосковски региони во источна Украина. Во твит Резников додаде дека со признавањето на двата региони како независни, „Кремљ ја призна сопствената агресија врз Украина“. „Ние сме подготвени и способни да се браниме себеси и нашиот суверенитет“, додаде тој.

Славјанка Петровска ја презема функцијата министер за одбрана

Ристе Здравков — Mon, 17 Jan 2022 10:28:30 +0000

Денеска во кругот на Министерството за одбрана се одржа свечено примопредавање на функцијата министер за одбрана. „Пред мене стои сериозен предивзик, да го сочувам она што досега е постигнато и да бидам политички двигател во процесите што ни претстојат“, рече новата министерка за одбрана, Славјанка Петровска, која денеска и официјално ја презеде функцијата од нејзината претходничка, Радмила Шекеринска. Шекеринска доби плакета како признание за придонесот во Армијата на Република Северна Македонија.

Словенечкиот премиер и министерот за одбрана добиле смртни закани

Магдалена Андонова — Sun, 24 Oct 2021 19:07:48 +0000

Според словенечката телевизија, премиерот добил смртни закани во пратка која била испратена на негова приватна адреса, што е потврдено и од кабинетот на премиерот. Полицијата го истражува случајот. Медиумите објавија дека Јанша и Тонин во петокот добиле писма на нивните адреси, кои содржеле смртни закани и во нив се наоѓала „муниција од поголем калибар“, а закани биле упатени и до членовите на семејството на Јанша. Се наведува дека ова не е првпат на ваков начин да му се закануваат на словенечкиот премиер.

Чешкиот министер за одбрана во официјална посета на Македонија

Ивона Петрова — Tue, 11 May 2021 05:37:31 +0000

Министерот за одбрана на Чешката Република, Лубомир Метнар денеска ќе престојува во официјална посета на Македонија. Како што соопшти Министерството за одбрана, министерот Метнар ќе оствари те-а-тет средба со министерката за одбрана Радмила Шекеринска, а ќе се одржи и заедничка средба на македонската и чешката делегација. Во текот на посетата ќе биде потпишан Меморандум за разбирање за техничка соработка меѓу Министерствата за одбрана и за внатрешни работи на Северна Македонија и Министерството за одбрана на Чешка. Меморандумот ќе го потпишат чешкиот министер за одбрана Метнар, министерката за одбрана Шекеринска и министерот за внатрешни работи Оливер Спасовски. За време на официјалната посета, чешкиот министер ќе има одвоени средби со претседателот Стево Пендаровски, со претседателот на Собранието, Талат Џафери и со претседателот на собраниската комисија за одбрана и безбедност, Миле Талевски. Чешкиот министер за одбрана Метнар потоа ќе има презентација за безбедноста пред Комисијата за одбрана и безбедност и Собраниската делегација во ПС НАТО, а чешкиот заменик-министер за одбранбена политика и стратегија, Јан Хавранек пред нив ќе одржи предавање за безбедноста.

Ерменскиот министер за одбранаминистер за одбрана

Тале Кристо — Fri, 20 Nov 2020 11:46:23 +0000

Ереван, 20 ноември 2020 (МИА) – Ерменскиот министер за одбрана Давид Тонојан денеска поднесе оставка, а ќе биде заменет со советникот на премиерот – Вагаршак Хартујуњан, соопшти денеска државната телевизија, пренесува ТАСС. „Давид Тонојан поднесе оставка, а главниот советник на премиерот Никола Пашињан ќе го замени. Тој веќе беше шеф на Министерството за одбрана пред 20 години, наведува извор на агенцијата ТАСС. Тонојан дојде на министерското место во мај 2018 година, по политичките промени во земјата, а пред тоа беше министер за вонредни состојби и заменик министер за одбрана. Генералот Хартујуњан беше министер за одбрана помеѓу 1999 и 2000 година.

Хрватскиот министер за одбрана поднесе оставка

Тале Кристо — Thu, 07 May 2020 19:38:12 +0000

Хрватскиот министер за одбрана Дамир Крстичевиќ вечерва поднесе оставка, откако воен авион попладнево околу 16 часот се урна во близина Задар, при што загинаа двајца припадници на Хрватското воено воздухопловство. – Поднесувам оставка на местото вицепремиер и министер за одбрана, рече Крстичевиќ на вонредна прес-конференција, додавајќи дека ќе почне истрага за несреќата. Хрватското Министерство за одбрана претходно ја потврди несреќата и соопшти дека станувало збор за редовен лет за обука. На местото на настанот се наоѓаат сите надлежни служби.

ФОТО+ВИДЕО: „Министерот за одбрана“ има порака со препознатлив гест

Тале Кристо — Sun, 12 Jan 2020 15:31:46 +0000

Голманот на макеоднската репрезентација, Борко Рстовски при интонирањето на химната на Македонија пред мечот со чешка во препознатлив „став“. „Министерот за одбрана“ повторно со гест кој предизвикува воодушевување кај навивачите.

Избор: Дриблинг