министер за здравство – Kurir.mk

МАКЕДОНИЈА ИМА НОВ МИНИСТЕР ЗА ЗДРАВСТВО – кој е Фатмир Меџити?

Дарко Андоновски — Tue, 28 Feb 2023 07:23:23 +0000

Фатмир Меџити е новиот министер за здравство кој доаѓа од редовите на Алијанса за Албанците. Тој по професија е специјалист-невролог во ЈЗУ УК за Неврологија Скопје, каде што работи од 2011 година. Меџити доаѓа на местото на Беким Сали, кадар на Алтернатива. Специјализирал неврологија на Медицинскиот факултет во Скопје во 2015 година. Претходно работел како лекар по општа медицина во приватна пракса и во Општата болница „Ферид Мурат“ во Гостивар. Се здобил со лиценца за лекар од Лекарската комора на Македонија во 2000 година. Студирал и на Медицинскиот факултет во Сараево во 1993-1999 година. Во својата биографија како работно искуство навел и дека бил член и претседател на Управен одбор – Фонд за здравствено осигурување на Македонија (2017-2018); советник на министерот за здравство (2017).

ДРАМА ВО НАЈПОГОДЕНОТО ПОДРАЧЈЕ – министерот за здравство за малку ќе настрадаше, се грееше покрај огинот на улица, а потоа се случи ЕКСПЛОЗИЈА (ВИДЕО)

Дарко Андоновски — Thu, 16 Feb 2023 21:21:16 +0000

Турскиот министер за здравство, Фахретин Коча вечерва избегнал сериозни повреди откако од огинот на кој се грееле луѓето настанала експлозија. Тој беше на терен во провинцијата Хатај која е тешко повредена од разорниот земјотрес пред десетина дена, а пред насобраните луѓе и новинари даваше изјава за медиумите.

Biraz önce sağlık personelini ziyaret eden Sağlık Bakanı Fahrettin Koca, ateş başında ısınan sağlık personeli ile sohbet ederken yaşadığımız an. pic.twitter.com/BHezb1qxH9
— Adem Metan (@AdemMetan) February 15, 2023

Додека се грееа пред огинот, во еден момент се создаде експлозија по што сите се уплашија и се тргнаа на страна. За среќа брзата човечка реакција остави никој да не биде повреден.

Беким Сали утре ќе се вакцинира со трета доза на вакцина против коронавирусот

Дарко Андоновски — Thu, 27 Jan 2022 14:35:51 +0000

Министерот за здравство, д-р Беким Сали утре (петок, 28.01) во 13 часот ќе се вакцинира со трета доза вакцина против коронавирус, во рамки на заедничката акција со студентите на Медицински, Стоматолошки и Фармацевтски факултет. Станува збор за иницијатива на студентите од овие факултети, во насока на промоција на имунизацијата како најдобра јавноздравствена превентивна мерка. Настанот ќе се одржи во просториите на Економски факултет при УКИМ, со почеток во 13 часот.

Дали овој струмичанец ќе го наследи Венко Филипче ?!

Магдалена Андонова — Fri, 10 Sep 2021 18:25:41 +0000

Д-р Христијан Костов ќе го наследи Венко Филипче во Министерството за здравство откако пред еден час си поднесе оствака на функцијата, дознава Нетпресс. Костов е од Струмица и е актуелен директор на ГОБ „8 Септември“. Како што пренесува НетПресс тој ќе биде предлог на СДСМ.

Петр Аренбергер е четвртиот министер за здравство во Чешка кој поднесе оставка од почетокот на пандемијата

Магдалена Андонова — Tue, 25 May 2021 11:21:10 +0000

Чешкиот министер за здравство Петр Аренбергер ќе поднесе оставка и ќе биде заменет со поранешниот министер Адам Војтех, соопшти денеска чешкиот премиер Андреј Бабиш. Аренбергер е четвртиот министер за здравство во земјата од почетокот на пандемијата на Ковид-19 во март 2020 година. Пред него, министер за здравство беше Јан Блатни. Војтех на 21 септември минатата година поднесе оставка поради критиките за справување со здравствената криза по зголемувањето на случаите на коронавирус во земјата. После него, министер за здравство беше Роман Примула. (МИА)

Во Еквадор за помалку од 3 недели сменет и третиот министер за здравство

Магдалена Андонова — Thu, 08 Apr 2021 06:24:05 +0000

Еквадорскиот министер за здравство Мауро Фалкони поднесе оствка откако на оваа функција мина помалку од три недели, следејќи ги стапките на неговиот претходник, соопшти владата во Кито, пренесе ДПА. - Нашите сениори заслужуваат најголема почит. Она што се случи денеска нема оправдување. Побарав оставка од министерот за здравство и тој ќе биде заменет со д-р Камило Салинас, напиша на Твитер претседателот Ленин Морено. Локалните медиуми јавија за големите проблеми вчера и завчера со распределбата на вакцините во Кито, каде постарите граѓани чекаа по повеќе од осум часа во ред за да бидат имунизирани, пренесе ДПА. Весникот „Ел Комерсио“ објави дека имало и проблеми со координацијата на испораката на вакцините, соопштувајќи дека слични проблеми имало и во Гвајакил. Генералниот секретар на кабинетот, Хорхе Ватд Решуан, настаните во Кито на Твитер ги оцени за „неприфатливи“. Фалкони е третиот министер за здравство што поднесува оставка во последните 40 дена. Неговиот претходник, хирургот Родолфо Фарфан, оставката ја поднесе на 19 март иако на функцијата стапи на 1 март, а го замени Хуан Карлос Зевалос, кој поднесе оставка кон крајот на февруари, поради обвинувањата за фаворизирање на вакцините. Салинас е шести министер за здравство во сегашната влада и петти од почетокот на пандемијата на коронавирусот, соопшти „Ел Универзо“. Еквадор, латиноамериканска држава со околу 17 милиони жители, досега има регистрирано над 328.000 инфекции и речиси 12.000 смртни случаи поврзани со Ковид-19, јави ДПА. (МИА)

Американскиот министер за здравство Азар поднесе оставка

Магдалена Андонова — Sat, 16 Jan 2021 08:20:40 +0000

Американскиот министер за здравство и социјални услуги Алекс Азар синоќа поднесе оставка, оценувајќи дека минатонеделниот напад врз Конгресот бил напад врз демократијата и оти „би можел да го оцрни наследството на администарцијата“ на Трамп. Азар во оставката поднесена на 12 јануари до претседателот во заминување Доналд Трамп ги наведе и успесите на администрацијата, меѓу кои и брзиот развој на вакцина и терапија против Ковид-19. Тој изрази загриженост и поради неоснованите тврдања на Трамп за изборна измама на претседателските избори. – Нападите врз Капитол беа напади врз нашата демократија и врз традицијата за мирен пренос на власта, наведе Азар во оставката. Тој ќе остане на функцијата до стапување на должност на новиот американски претседател Џо Бајден. (МИА)

Министерот за здравство се расплака, Британците го обвинија за „крокодилските солзи“ (ВИДЕО)

Ивана Ефремовски — Wed, 09 Dec 2020 14:11:53 +0000

Гледачите на емисијата „Good Morning Britain“ останале зачудени додека ова утро ја следеле програмата и гостинот, министерот за здравство Мет Хенкок. Целата јавност го гледала Хенкок како плаче додека зборува за вакцинацијата против коронавирусот, која започна денеска во оваа земја. „Уверени сме дека наредната серија на вакцината на Фајзер против коронавирусот ќе биде испорачана наредната недела, и тоа неколку милиони дози“, изјавил министерот, откако денеска беше вакцинирана првата личност во Велика Британија. Тој нагласил дека програмот за вакцинација започнал во 70 болници ширум Велика Британија, а додека зборувал на таа тема, реагирал прилично емотивно, па дури и се расплакал. Хенкок почнал да плаче поради веста дека 90-годишна баба од Ковентри и пензионер од Ворикшир наречен Вилијам Шекспир се првите луѓе на светот кој ја добиле одобрената вакцина. Оваа земја презеде голем чекор за спречување на пандемијата на т.н. „V-Day“ (ден на вакцинација). Меѓутоа, гледачите го оцениле неговото однесување како „срамотен настап“ и го обвиниле за лажно плачење и „крокодилски солзи“.

Бајден го именуваше адвокатот Хавиер Бекер за министер за здравство

Ивона Петрова — Mon, 07 Dec 2020 06:22:04 +0000

Новоизбраниот американски претседател Џо Бајден (72) го номинираше калифорнискиот адвокат Хавиер Бекер за министер за здравство, објави „Њујорк тајмс“, повикувајќи се на свои извори. Британските медиуми известуваат дека Бекер, кој е и поранешен конгресмен, ќе го преземе здравствениот сектор, што се бори со зголемувањето на бројот на лица кои се зафатени од коронавирусот, како и на бројот на смртни случаи, што само во последните неколку дена надмина 2.000. Изборот на Бекер, кој има латиноамериканско потекло и беше потенцијален кандидат и за други позиции, вклучувајќи ја и функцијата државен обвинител, следеше по притисокот врз Бајден да внесе поголема етничка разноликост во неговиот кабинет, наведуваат британските медиуми. Меѓу тие притисоци беше и поплаката од Конгресниот латино кокус за недостаток на Латиноамериканци во федералната извршна власт, додаваат британските медиуми.

Поради двојно зголемување на бројот на заразени во Словенија, министерот нуди оставка- во Македонија министерот бега од одговорност!

Дарко Андоновски — Tue, 10 Nov 2020 11:33:03 +0000

Во Словенија во изминатите 24 часа се направени 4.457 тестови од кои потврдени се 1.048 нови случаи на заразени со коронавирусот, што е рекорд за разлика од минатите денови, објавува хрватскиот портал Индекс. Процентот на позитивни тестови и понатаму е околу 24 проценти поради што вчера претставници на владата изразија оптимизам дека пикот на вториот бран веќе поминал, со оглед на бројот на хоспитализирани лица. Сепак владата според словенските медиуми наместо да ги олабави мерките треба да ги заостри, особено на тоа повика и министерот за здравство кој се закани доколку не дојде до тоа ќе поднесе оставка. Како што вчера објавила словенечката телевизија ПОП-ТВ, во заострените мерки доколку не се склучи ограничување во продавниците и трговијата, министерот за здравство Томаж Гантар понудил дури и оставка, а тоа го потенцирал особено доколку дојде до попуштање на мерките. Како за пример во Македонија ниту министерот за здравство во моментов нуди решенија за црните бројки, ниту пак Комисијата за здравство предлага рестрикции се со цел да не се шири вирусот, а најмалку Филипче најавува оставка поради неспособноста.