министер за земјоделие – Kurir.mk

Во Србија поради примање мито уапсена помошник министерката за земјоделство

Дарко Андоновски — Fri, 09 Oct 2020 14:27:30 +0000

По наредба на српското Обвинителството за организиран криминал, помошник министерката за земјоделство Дарија Јањиќ Нишавиќ уапсена е попладнево поради сомнение дека примила мито, додека Д.Ч. е уапсен под сомнение дека ја има подмитено. Како што јави дописникот на МИА од Белград, Дарија Јањиќ Нишавиќ е раководител на Секторот за меѓународна соработка и ги води работите со ЕУ во министтерство за земјоделие. Претходно била вработена во Канцеларијата за европска интеграција. -Се сомнева дека Дарија Јањиќ Нишавиќ од Д.Ч. примила месечна рата од однапред ветенета корист за добивање договор во постапката за јавна набавка на Министерството за земјоделство од областа на услугите, што е поддржано од странски фонд за финансирање на земјоделството, се вели во соопштението на обвинителството. Се додава дека на Дарија Јањиќ Нишавиќ и е ветена корист за плаќање од околу 1.000 евра месечно, во следните две години, додека трае спроведувањето на договорот за јавна набавка. Обвинителството соопшти дека претресите се во тек, а помошникм министерката се сомничи за кривичното дело примање на мито. Акцијата за апсење по налаог на обвинителството, по повеќемесечна предистражна постапка ја извршија припадници на Министерството за внатрешни работи, Полициската управа и Службата за борба против организираниот криминал. На осомничените им е одредено полициско задржување и тие со кривична пријава ќе бидат спроведени во Обвинителството за организиран криминал.

Лозари бараат средба со новиот министер за земјоделство

Магдалена Андонова — Wed, 02 Sep 2020 12:17:02 +0000

Претставници на регионалното здружение „Тиквешки лозароовоштари" денеска побараа средба со новиот министер за земјоделство, со цел разгледување и решавање на проблемите со кои се соочуваат пред годинашниов гроздобер. Претседателот Златко Стојчев рече дека се нема слух за да се разговара за маките на лозарите. -Бараме средба со министерот, градоначалниците од нашиот лозарски регион, за утврдување на цената за килограм грозје. Со различни цени се прави раздор помеѓу лозарите. Бараме заштитна цена за килограм грозје, плус субвенции од државата во оваа кризна година, нагласи тој. Дане Јошев додаде дека не знаат што да прават, а бербата почна на некои сорти. -Ако нема средба, размислуваме и за блокирање на винарии кои немат разбирање за проблемите на лозарите, рече Јошев. Тој се осврна и на други проблеми како суша, проблеми со наводнување и слично. Диме Соколов нагласи дека никаде во светот нема цена на производство која е поголема од цената на продажба. Како да се одлучат младите да работат земјоделство при вакви услови, праша тој. Лозарите рекоа дека размислуваат и за истурате на грозјето во знак на револт, како и блокирање на патишта. /МИА

Димковски допатува со луксузно возило кај земјоделците кои одат со скинати патики (ФОТО)

Дарко Андоновски — Thu, 19 Sep 2019 16:55:53 +0000

Лозарите денеска излегоа на протест и го блокираа патот кај Росоман. Тие таму се затекнаа со министерот за земјоделство Трајан Димовски, а разочараните земјоделци не пропуштија прилика да побараат оставка од него. Земјоделците освен оставката беа гневни и разочарани од луксузот во кои ужива министерот додека лажно ветува брда и долини на земјоделците само за да остане во удобната фотелја. Имено тие беа разочарани од неговото пристигнување на протестот со луксузно возило, бидејќи како што велат самите додека тие одат со скинати патики и се борат за нивните права, тој удобно ужива на својата фукнција.