Во Косово министерката за финансии си поднесе оставка – именуван на тоа место е досегашниот заменик министер

Магдалена Андонова — Wed, 24 Feb 2021 14:12:01 +0000

Министерката за финансии во косовската влада во оставка, Хикмете Бајрами поднесе оставка на функцијата и на нејзино место е именуван досегашниот заменик министер Агим Красниќи, јави дописникот на МИА од Приштина. Во одлуката потпишана од премиерот Авдулах Хоти се наведува дека Бајрами е разрешена на нејзино барање. Бајрами во писмото до Хоти наведува дека во иднина ќе се ангажира како пратеничка во Собранието на Косово. – Барам од вас да ме ослободите од задачата вршител на должноста министер за финансии. Ја напуштам министерската позиција поради лични причини и ќе се ангажирам на позицијата пратеник во републичкото Собрание по сертификацијата на резултатите, се вели во писмото на Бајрами кое го објави порталот „Газета експрес“. Владата на Авдулах Хоти ќе ја врши должноста до формирањето на новата влада, која се очекува да ја води Албин Курти, лидерот на партијата Движење самоопределување (ВВ), која извојува апсолутна победа на вонредните парламентарни избори на 14 октомври. ВВ освои 47,85 отсто од гласовите, со тоа што се уште не се преброени гласовите на дијаспората, која традиционално гласа за партијата на Курти, така што може да се очекува негова уште поубедлива победа. (МИА)

министерка за финансии – Kurir.mk

Во Косово министерката за финансии си поднесе оставка – именуван на тоа место е досегашниот заменик министер