министерства – Kurir.mk

Понуда за влез во Влада: Три министерства и 30 директорски места за Алијанса за Албанците

Тале Кристо — Fri, 18 Nov 2022 10:22:46 +0000

Правда, земјоделство, здравство, образование или животна средина -три од овие министерства ќе добие Арбен Таравари како понуда за влез во Влада, брифира за ТВ 24 висок владин функционер. Дека на маса се овие ресори неофицијално потврдуваат и од Алијанса за Албанците. Според истите информации сите три партии во Владата се откажуваат од по еден ресор. И ако Гаши, според владин функционер реши да го "даде" Беким Сали, Ковачевски и Ахмети се уште не пресекле. Таравари ќе добие и три заменички министри, а во третиот ешалон се во барањата на Алијанса 30 директорски места. Според висок партиски функционер во Алијанса ќе има и содржински пакет , а во него ќе влезе и промената на 20 % од формулацијата на јазикот.

Новата Влада ќе има 7 министерства помалку

Ристе Здравков — Thu, 20 Aug 2020 07:11:04 +0000

Новата Влада ќе има 19 министри и премиер, наместо досегашните 26 министри и премиер. Бројот на ресори е намален за 7 министри, изјави лидерот на СДСМ Зоран Заев по седницата на Централниот одбор, што се одржа синоќа. СДСМ од своите редови како свои предлози ги номинира: Љупчо Николовски за потпретседател на Владата за борба против криминал и корупција, за одржлив развој и човечки ресурси, Никола Димитров за потпретседател на Владата за европски политики, Фатмир Битиќи за потпретседател на Владата за економски политики, Оливер Спасовски за министер за внатрешни работи, Радмила Шеќеринска за министер за одбрана, Венко Филипче останува министер за здравство. Мила Царовска ќе биде министер за образование и наука , Благој Бочврарски за министер за транспорт и врски, Ирена Стефоска ќе биде министер за култура, Бојан Маричиќ за министер за правда и Јагода Шахпанска за министер за труд и социјална политика. Истовремено од редовите на коалицијата Можеме за коалиционите партнери од коалицијата Можеме се дадени ресорите земјоделијe кај БЕСА и министерот за локална самоуправа даден на коалициониот партнер ЛДП, рече Заев. Во новата Влада од 19 министри СДСМ на свои предлог има 11 министри од коишто 8 се министри со ресор плус 3 потпретседатели на Владата кои се предлагаат како министри без ресор со надлежност којашто владата ја дава во областите коишто ги споменав. Од 8-те министри со ресор 4 се жени, 4 се мажи. Остануваме доследни и во вака комплексни ситуации на договарање коалициско во којашто постојат 26 политички партии заедно со партијата ДУИ и испраќаме порака за еднаквост помеѓу мажите и жените во нашата земја. – истакна Заев Тој истакна дека парламентарното мнозинство ќе го почитува духот на заедничкото работење кое подразбира конструктивна соработка, дијалог, почитување различно мислење базирано на аргументи и градење на консензуална демократија наместо паралелизам, етноцентризам и надгласување. Партиите СДСМ и ДУИ веќе ги усогласуваат изборните платформи во заедничка четиригодишна владина програма. Она што е јасно дека главен фокус ќе биде ставен на јакнење на економскиот стандард, зголемување на платите и пензиите, отворање на нови работни места и привлекување на нови странски инвестиции како и директна поддршка на домашната економија. Во делот на судските реформи ќе инсистираме на силна транспарентност и конкретна одговорност во поглед на прераспределба на предметите, како и работата на сите обвинители и судии. Следува прочистување на судството и проверка на потеклото на имотот и парите на функционерите. – потенцираше Заев. Според договорот на коалиционите партнери, претседателот на Собранието и во наредните 4 години ќе биде Талат Џафери, а во Владата од редовите на ДУИ влегуваат Артан Груби како прв вицепремиер и министер за политички систем, Фатмир Бесими како министер за финансии, Бујар Османи ќе биде министер за надворешни работи, Крешник Бектеши ќе го води Министерството за економија, Насер Нуредини животната средина, а дополнителнио ќе биде утврден министерот за информатичко општество, најави лидерот на ДУИ Али Ахмети.

Пленковиќ најави помал број министерства и општини

Тале Кристо — Sun, 19 Jul 2020 07:58:52 +0000

Мандатарот за состав на новата влада и до неодамна премиер на Хрватска, Андреј Пленковиќ најави помал број министерства, но и намалување на бројот на општините и локалните власти. – Новата влада ќе има четворица потпретседатели. Двајцата нови потпретседатели се Томо Медведев и Борис Милошевиќ. Според новата структура, ќе има вкупно 16 министерства, што е намалување за четири, изјави Пленковиќ за „Нови лист“. Како што појасни, ќе се спојат министерствата за правда и администрација, градежништво и државен имот. На Министерството за труд и пензиски систем ќе му се додаде и секторот за социјална политика. Ќе има и ново министерство за туризам и спорт, а во Министерството за економија и одржлив развој ќе биде секторот за енергетика и климатски промени. – Во првиот чекор, ова намалување на бројот на министерства значи помал број министри, што ќе ми го олесни управувањето со владата и комуницирањето со одделни министри. Така ќе можам да посветам поголемо внимание на секој од одделите, рече Пленковиќ. Тој исто така најави дека во новиот мандат планира да го преполови бројот на локалните власти со укинување на позициите заменици-градоначалници, градоначалници и жупани, пренесува Н1 Загреб. – Тоа ќе донесе годишна заштеда од најмалку 100 милиони куни (13 милиони евра), рече Пленковиќ Според него, станува збор за анализа на функционално спојување на општините, а бројот на агенции и заводи е намален.

Андоновски: Наместо да видиме колку Заев бил вмешан во случајот „Рекет“, СДСМ се занимава со таблата која во одредени министерства ја има, а во некои не

Тале Кристо — Thu, 13 Feb 2020 18:10:43 +0000

Стефан Андоновски, советник за меѓународна политика на Претседателот на ВМРО-ДПМНЕ, Христијан Мицкоски во своето гостување во емисијата „Само Вистина“ зборуваше за ситуацијата со министерката за труд и социјална политика, Рашела Мизрахи поврзана со таблата која се наоѓала во позадина на нејзина прес конференција каде посочи дека ова го прави СДСМ затоа што им е страв дека таа започна со откривање на скандали и злоупотреби во функционирањето на МТСП -Не очекуваме дека ќе се случи разрешување на Мизрахи. Очевиден е стравот дека министерката започна со откривање на бројни скандали, злоупотреби во функционирањето на МТСП. Да спомнам вчера или завчера на прес конференција Мизрахи објави дека економско-социјалниот совет не функционирал и не носел одлуки на начин со кој тоа со закон и правилник е утврдено. Прави посети во сите населени места, градови, социјални центри и забележува дека работите не функционираат како што треба и ова е обид на владеачката структура предводена во моментот од техничкиот премиер да ја префрли топката на страната на министерката и со едни смешни обвинувања и му предлага на Собранието да ја разреши. Очевиден е стравот зошто наместо да се зафатат со реални прашања, проблеми да видиме кога разговарал Зоран Заев со Боки 13 , што му кажал, колку бил вмешан, зошто не пријавил кај Вилма Русковска навреме, ние ќе се занимаваме сега со таблата која што во одредени министерства ја има, а некаде нема табли, истакна Анодоновски. Андоновски во врска со барањето на СДСМ за разрешување на Мизрхи посочи дека тоа не е паметно од нивна страна затоа што ќе ја втурнат државата во една сериозна политичка криза. -На граѓаните им е преку глава од ваков тип на кризи и тие очекуваат една стабилна мирна иднина и ова само прави една дополнителна тензија во општеството кое немам никаква полза, додаде Андоновски.