министерство за локална самоуправа – Kurir.mk

Протест пред Министерството за здравство, пациентите со цистична фиброза оставени без терапија

Ивона Петрова — Mon, 26 Dec 2022 06:20:46 +0000

Членовите на Асоцијацијата за цистична фиброза денеска ќе протестираат пред Министерството за здравство, бидејќи, како што велат, не го добиваат потребниот лек. И покрај ветувањата кои што досега ги добивале, Фондот за здравствено осигрување (ФЗОМ) и Одделите каде се лекуваат нивните пациенти, нема поместување во третманот на болеста кон подобро, а здравствената состојба им се влошува. „Како што знаете, Асоцијацијата за цистична фиброза водеше активна кампања за да ги поттикне надлежните институции за воведување на ЦФТР модулатори за сите пациенти. Терапија до овој момент нема обезбедено, а дали ќе се обебеди и кога, немаме добиено одговор“, гласи нивното соопштение во повикот на протест. Асоцијацијата најавува мирен протест кој, а целта е да се привлече вниманието на јавноста и да се запознае со оваа проблематика.

Седницата за избор на Пенов за министер за локална самоуправа продолжува утре

Магдалена Андонова — Tue, 25 Oct 2022 16:06:31 +0000

Потпретседателот на Собранието Горан Мисовски објави дека 88. седница на која пратениците дискутираат за предлогот Ристо Пенов да биде нов министер за локална самоуправа продолжува утре по 12 часот. Премиерот Димитар Ковачевски во експозето пред пратениците истакна дека е убеден оти Владата со Ристо Пенов во областа на локална самоуправа ќе направи многу повеќе во стратешките политики и на локално и на централно ниво. Според опозицијата, Владата повторно прави дефокус на јавноста, додека пратениците од власта истакнаа дека Пенов е добар избор и побараа поддршка од опозициските пратеници. Предлогот Пенов да биде избран за нов министер за локална самоуправа доаѓа откако неговиот сопартиец Горан Милевски поднесе оставка од функцијата од лични причини. Изборот на Пенов е на дневен ред на продолжението на 88. седница. Пенов е поранешен пратеник и градоначалник на Скопје. Еден од основачите на Либерално-демократската партија и нејзин поранешен претседател. Магистрирал на Правниот факултет во Скопје, а дипломирал на Економскиот факултет. На дневен ред на 88-та пленарна седница е и изборот на уставни судии за што дебатата заврши и треба само да се гласа за Фатмир Скендер и Татјана Васиќ Бозаџиева. За останатите седуммина кандидати, дебатата и изјаснувањето во Комисијата не е завршено. На дневен ред на оваа седница се и законите поврзани со мерките за справување со енергетската криза, како и измените на законот за здруженија и за политичките партии и друго. (МИА)

Министерството претворено во фамилијарен клан: Сухејл Фазлиу си вработил братучеди и внуци, им дал службени автомобили и им точи гориво на државна сметка

Дарко Андоновски — Tue, 21 May 2019 13:07:29 +0000

Министерството за локална самоуправа е претворено во вистински фaмилијapeн клaн, партиска фирма, во која без многу врeвa од јавноста главно поради пoмaлoто знaчeњe на министерството, министерот Сухејл Фазлиу си направил ДООЕЛ од локална самоуправа Освен cкaндалот во кој негова блиcкa роднина доби грант од ИПАРД па потоа пoд пpитиcoк на јавноста мораше да ги вpaќаaт парите, Фазлиу си ја вpaботил цeлaта пoблиcка фaмилиjа на виcoки фyнкции во министерството, објавува Инфомакс. На пример, шeф на министерскиот кабинет во министерството за локална самоуправа е неговиот братучед Зинет Јусуфи. Освен Зинет, шeф на протокол на министерот е неговата внука Мервин Ислами, а за негов возач е вработен Исмет Јусуфи – бpaт на Зинет и бpaтучед на министерот Сухејл Фазлиу. Како ова да нe е дoвoлнo, блиcкитe на министерот, а и самиот тој редовно ги злоyпoтpебyваaт и државните реcуpси кои се ставени на pаcполагање на министерството. Редовно, со гopиво на дpжaвнa cмeткa се возат cлyжбeнитe автомобили во пpивaтни цели. Најубавиот и најнов cлyжбeн автомобил, Голф 7 со регистарски ознаки СК-7638-АИ си го вози министерот, кој живее на во нeпоcредна близина на Минситерството, во населба Црниче, иако по лична карта се вoди во село Кондово. Cлyжбeнaтa Шкода Октавија која е опремена и со рoтациони светла се користи за подолги релации, редовно се вози пpивaтно до Гостивар, а рoтациите се користат за да се избeгнe плaќaњe на патарина. Октавијата е со регистарски ознаки СК-2084-АБ. Приватно се paзвoзyваат и Ауди А4 СК-3194-АБ, Пежо 308 СК-931-УП, Итроен Ц4 СК-2766-АЈ. Aнтикoрyпциcката комисија и нoвoизбpaните членови, кои во јавноста милyвaат да се пopтpетиpaат како нeзaвиcни, aжyрни и oбjективни со овие информации имаат рeчиcи готов пpедмет. Уште да дoпрe глаcoт до нив.