министерство за внатрешни работи – Kurir.mk

ВМРО-ДПМНЕ: Ќе се извини ли МВР и Спасовски, што направи јавен линч врз млад човек, чиј идентитет го објави и прогласи за бомбаш?

Дарко Андоновски — Thu, 03 Nov 2022 09:40:54 +0000

Ќе се извини ли МВР и Спасовски што направи јавен линч врз млад човек чиј идентитет го објави и го прогласи за бомбаш?, ова денеска преку соопштение до јавноста го прашуваат од ВМРО-ДПМНЕ. -Ќе поднесе ли оставка Спасовски што направи жигосување на млад живот? Ќе поднесе ли некој воопшто одговорност што МВР е толку неспособно па не може да открие кој во континуитет праќа лажни дојави за бомби?, прашуваат од партијата.

Спасовски: Се преземаат мерки за говорот на омраза, припадниците на ЛГБТ имаат повеќе закани кон нив

Магдалена Андонова — Wed, 29 Jun 2022 16:35:44 +0000

МВР презема интензивни мерки во однос на говорот на омраза и тоа е ставено високо на агендата, посебно делот на спроведувањето на Стратегијата за сајбер безбедност и голем дел од граѓаните и препознаваат и пријавуваат, посебно ранливите категории на граѓани, истакна министерот за внатрешни работи Оливер Спасовски одговарајќи на пратеничко прашање на Маја Морачанин од ДОМ, со посебен фокус на говорот на омраз искажан кон лица од ЛГБТ заедницата. Спасовски рече дека во периодот јануари – мај оваа година за делата ширење на расистички и ксенофобичен материјал по пат на компјутерскиот систем има осум кривични дела и осум сторители, додека во истиот период во 2021 за говор на омраза имало 14 кривични дела и 13 сторители. -Имаме едно кривично дело загрозување на сигурноста по електронски пат, едно кривично дело и еден сторител, додека во 2021 имало две вакви кривични дела. Предизвикување на омраза, раздор или нетрпеливост врз основа на верска, национална, расна и друга дискриминаторкска основа лани сме имале едно кривично дело и еден сторител додека оваа година немаме, рече Спасовски. Министерот вели дека мора да се признае дека за припадниците на ЛГБТ заедницата има малку повеќе говор на омраза и закани кон нив, а регистрирано е дури и едно кривично дело лихварство за што станало збор на средба на која биле Спасовски и Морачанин. Од јануари 2020 година до мај 2022 на подрачјето на СВР Скопје и во СВР Тетово регистрирани се осум настани поврзани со ЛГБТ заедницата, четири од овие настани се целосно расчистени. -Поднесени се три кривични пријави и едно известување до ОЈО, рече Спасовски додавајќи дека во овие настани се пријавени пет лица, од кои две за насилство, а едно за уцена и едно за лихварство. Министерот исто така додаде дека има регистрирано еден настан за загрозување на сигурноста во Тетово и случајот е расчистен. -Има постапување по уште четири случаи за кои се прибираат дополнителни докази. Ова е фактичката состојба во однос на постапувањето. Сите заедно мора сите да придонесеме да ја сузбиеме оваа состојба, пред се во делот на јавноста и јавната свест, додавајќи дека тоа говорот на омраза е најчест на социјалните медиуми. (МИА)

Ковачки: Повторно кријат за убиство и ги кријат сторителите, било манипулирано со трагите од насилство

Магдалена Андонова — Sun, 12 Jun 2022 13:11:10 +0000

Повторно кријат за убиството и ги кријат сторителите. Додека Оливер Спасовски си ги вработува поранешните градоначалници во МВР, нарко-бандите продолжуваат да царуваат во Македонија, а нерасветлените убиства се показател за корумпираноста и неспособноста на МВР, но и на јавното обвинителство предводено од Љубомир Јовески. Имено, на 7 јуни, јавноста од локалните портали дозна дека во Струмица се случило грозоморно убиство на момче на 25-годишна возраст. И толку, стои во Фејсбук објавата на Драган Ковачки од ВМРО-ДПМНЕ. - Што се случува во меѓувреме? Обвинителот Златко Иванов од ОЈО Струмица постапил по случајот со убиството во Ново Село - Струмичко. Во текот на постапувањето, обвинителот констатирал дека обдукцијата на телото била направена нереално, односно дека било манипулирано со трагите од насилство врз телото. (!!!) Според информациите, надлежните во судска медицина биле под притисок да изготват несоодветен извештај, односно да направат нереална обдукција на телото, со што истрагата би се затворила веројатно како несреќен случај или нешто слично. За ова бил запознаен и шефот на ОЈО Струмица - извесен обвинител Миле Петков, кој молчел и не се интересирал за овој случај, затоа што знаел каде ќе заврши истрагата, напиша тој. Ковачки информираше дека ова е случај кој бил поврзан со наркотици и претпоставувате кој може да врши опструкции на истрагата, односно кој е тој што го контролира како пупка расцветаното правосудство со 8% доверба. - 5 (пет) дена молчи МВР, молчи ЈО, молчат медиумите, молчат и граѓаните. Каква леснотија на прифаќање на тешки убиства и нивно забошотување... Државните институции немаат никаков авторитет поради силните врски помеѓу нарко-бизнисот, политиката, обвинителството и судството.Доколку итно не се преземат мерки, Македонија многу брзо ќе почне да наликува на Колумбија, додаде тој во својот Фејсбук статус.

146 санкционирани возачи во Скопје, 31 за брзо возење

Дарко Андоновски — Sat, 17 Jul 2021 09:10:03 +0000

Министерството за внатрешни работи во текот на вчерашниот ден (16.07.2021) продолжи со засилените акциски контроли во областа на сообраќајот. На територијата на град Скопје изречени се вкупно 146 мерки, меѓу кои за возење повеќе од дозволената брзина 31 санкција, шест прекршоци што ги чинат возачите на мотоцикли, шест санкции за возачи - почетници, 11 санкции за управување без возачка дозвола. Исто така, изречени се 18 санкции за возење под дејство на алкохол, три санкции за користење мобилен телефон, четири санкции за минување на затворен сигнал (црвено светло), четири санкции за управување на нерегистрирани возила, 44 санкции за непрописно паркирање. Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

МВР: 572 санкции за неносење маска

Магдалена Андонова — Tue, 22 Dec 2020 09:02:21 +0000

Во текот на изминатото деноноќие (21/22.12.2020 година) на територијата на Република Македонија, по однос на мерката за носење лична заштита на лице, регистрирани се 572 прекршоци. Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со ковид-19.

Полицијата излегува на протест: Бараат враќање на професионализмот и подобри услови

Ивона Петрова — Tue, 27 Oct 2020 06:35:00 +0000

Синдикатот на полицијата денеска со почеток во 17:45 часот организира протест за како што велат враќање на професионализмот во полицијата. -Пред нас е историски момент можеби за прв пат во полицијата, да се искажува ваков револт, ваков вид на протест. Најнапред Ви се обраќаме на сите со цел сите заедно масовно да излеземе на протестот и да дадете својот придонес во остварувањето на правата пред се за достоинствен живот. Со Вашето присуство и дадена поддршка ќе бидеме на чекор пред остварувањето на нашите и Ваши барања за подобри услови за живот и работа. Од Вас зависи дали СЕГА или после некое „идно време“ условите ќе се подобрат или не, велат од СПМ. Дел од барањата на Синдикатот се: Тендер за сите видови на униформа во полицијата, стоп за незаконските распоредувања, додаток за борбата против коронавирусот, нов Колективен договор во МВР, професионалци на чело во МВР, стоп за мобингот, пдобри услови и права за подобар живот, владеење на правото во МВР, стоп за пресметка со синдикалните претставници на СПМ, зголемување на платите во полицијата, признавање на СПМ во МВР. Од СПМ ги повикуваат сите колеги да излезат на протестот и да дадат придонес во борбата за остварување на подобри услови и права во полицијата. Конфедерацијата на слободни синдикати на Македонија (КСС) заедно со своите грански синдикати безрезервно информира дека го поддржува протестот на Синдикатот на полиција во Македонија, грански синдикат при КСС, кој ќе се одржи денес, информира претседателот на КСС Благоја Ралповски. -КСС е против секоја форма на дискриминација и неправда кон работниците, против секоја форма не депрофесионализација и нарушување на достоинството на работникот и ги поддржува сите форми на синдикално делување кои водат кон унапредување на правата на работниците, како и борбата за сите стекнати права кои ни следуваат на нас како работници и синдикални лидери, а кои постојано ни се прекршуваат и погазуваат, изјави Ралповски.

110 вработени во МВР се заразени со КОВИД-19

Дарко Андоновски — Thu, 22 Oct 2020 12:44:26 +0000

Вкупно 110 вработени во Министерството за внатрешни работи во моментов се заразени со Ковид-19, поради што се наоѓаат во изолација.

Од МВР за „Фокус“ велат дека бројот на заразени во изминатиот период се движи од 80 до 120, а според последните падатоци од утринава, активно заразени се 110 вработени.

МВР од денеска доби нов министер

Дарко Андоновски — Mon, 31 Aug 2020 08:38:10 +0000

Во МВР денеска беше извршено примопредавање на функцијата меѓу новиот министер за внатрешни работи Оливер Спасовски и досегашниот Агим Нухиу. Спасовски кој до вчера беше технички премиер повторно се враќа на министерското место во МВР, функција што ја извршуваше до неговото назначување на претседател на техничката влада. Тој во јануари дојде на чело на преодната влада чија задача според Пржинскиот договор беше да ги организира предвремените парламентрани избори кои првично беа закажани на 12 април, но беа одложени поради крона кризата. Нухиу, пак, ја извршуваше функцијата министер за вантрешни работи од средината на јули по објавувањето на конечните резултати од парламентраните избори со што истече мандатот на дотогашниот технички министер, Наќе Чулев.

„Летна кампања на МВР“- да ја зголемиме безбедноста во сообраќајот

Дарко Андоновски — Thu, 23 Jul 2020 11:33:30 +0000

Секторот за внатрешни работи Скопје при Бирото за јавна безбедност во соработка со Републичкиот совет за безбедност на сообраќајот организира сообраќајно превентивна кампања за безбедност во сообраќајот „Летна кампања“. Целта на кампањата е едукација и подигање на свеста за одговорно учество во сообраќајот во летниот период. Изработени се едукативни материјали за потребите на кампањата и по успешно организираниот вчерашен настан на наплатна станица Петровец, денеска (23.07, четврток) на просторот помеѓу трговските центри „Бисер“ и „Капитол мол“ во општина Аеродром – Скопје, беше реализирана уште една акција за дистрибуција на едукативните материјали.

МЕРКИТЕ МОРА ДА ВАЖАТ ЗА СИТЕ: Еве колку казни напиша МВР за не носење маски во изминатите 24 часа

Дарко Андоновски — Mon, 13 Jul 2020 07:39:43 +0000

Во текот на изминатото деноноќие (12/13.07.2020 година) на територијата на Република Македонија по однос на мерката за неносење лична заштита на лице регистрирани се 237 прекршоци. Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со Ковид -19.