Министерство за земјоделство шумарство и водостопанство – Kurir.mk

Земјоделци од скопско идниот петок ќе ја блокираат обиколницата: Власта со години лаже дека ќе ни исплати оштета од непогодите во 2018

Дарко Андоновски — Fri, 07 Feb 2020 13:43:17 +0000

Разочарани земјоделци денеска протестираа пред Министерството за земјоделство поради неисплатата на штетите од елементарните непогоди во 2018 година. -Ние со последните напори бараме решение бидејќи деловите од Арачиново и неколку села од Гази Баба имаат претрпено огромни штети од невремето во 2018, но до ден денес не е исплатена штетата иако од страна на владата и министерот имаше ветување дека ќе се реши, но нема ништо од тоа, велат разочараните земјоделци. Тие најавија и доколку до идниот петок не се исплатат парите за штетите ќе ја блокираат скопската обиколница кај клучката во Стајковци. По ова земјоделците беа примени и на средба со дополнителниот министер Цветан Трипуновски. Тој сподели и статус на својот Фејсбук профил во врска со средбата. -Денеска се сретнав со земјоделци од Арачиново, Стајковци, Брњарци и други села од скопско. Тие во форма на Иницијативен одбор дојдоа да го искажат својот револт од власта, која 3 години ги лаже и не им ги исплаќа обештетувањата од невремето од 2016 и 2018 година, како и субвенциите за изминативе години. Трајан Димковски и Зоран Заев три години не им ги исплаќаат обештетувањата за штетите кои ги претрпеле од невремето, иако истите имаат уредна документација. Земјоделците од Арачиново, Стајковци и Брњарци како што ме информираа се лажени од Трајан Димковски во неколку наврати, како и од други претставници од власта, кои ветувале исплата, ама не ја реализирале.

Оттука ја повикувам власта, Оливер Спасовски како технички премиер и Трајан Димковски, како МЗШВ веднаш да пристапат кон исплаќање на обештетувањата на земјоделците и субвенциите кои им ги должат. Доколку СДСМ не го стори тоа, ВМРО-ДПМНЕ веднаш по формирањето на владата по 12 април ќе ги исплати сите заостанати обврски кои Зоран Заев со години не ги исплаќал, стои во постот на Фејсбук.

Револтираните вработени во МЗШВ по распределбата удрија по власта: Доаѓа денот кога ќе ги положите сметките за сето малтретирање, неработење и трошење

Дарко Андоновски — Sat, 02 Nov 2019 13:36:37 +0000

Како што претходно во изјава за медиумите Цветан Трипуновски од ВМРО-ДПМНЕ објави дека СДСМ ги шиканира вработените во МВЗШ и истите добиле прераспределба, еден од вработените во оваа институција објави свој статус на Фејсбук. Станува збор за Кире Михајлов кој бил прераспределен од Струмица во Радовиш. -Директорот на #МакедонскиШуми Зоран Ѓорѓиев да не остане покус, следејќи ја праксата за едно општество за сите граѓани што ја практикува и министерот Трајан од МЗШВ со шумската полиција и останатите вработени овие денови, еве "ме почести" и мене со решение за прераспоредување од Струмица во Радовиш! Туку, Зоране, знаеш што, не Радовиш, ако сакаш прати ме и Бистра накај Кичево или Шара во тетовско-гостиварско, или ајде еве кои планини ти се тебе мерак, тие прати ме да ги видам, нема да ме уплашите, уште помалку ќе ме замолчите, напротив ми давате елан и ме стимулирате уште пожестоко, поотворено и посилно да бидам секаде во првите редови и со земјоделците, и со шумарите и со сите граѓани на нашата #Македонија и заедно со нив да се борам што побрзо да си заминете. Туку, Зоране, една работа ни е јасна мене, тебе и на целиот #Македонски народ, а тоа е дека Вашето време помина, еве одминуваат и последните денови од времето во кое како во државата, така и во шумарството владее хаос и расипништво во кој не се знае кој јаде, кој пие, ама Зоране, доаѓа денот кога ќе ги положите сметките за сето малтретирање, неработење, трошење и секако си знаете Вие убаво за што уште?!? И за крај, Зоране, штетата што ја направивте и ја правите е голема, огромна, но затоа #ДоаѓаОбноватаНаМакедонија #МакедонијаВечна, стои во неговиот пост на Фејсбук.

Додека земјоделците ги фрлаат праските, државата увезува од странство за повисока цена, новиот министер Димковски „тера“ партиски средби (ФОТО)

Дарко Андоновски — Thu, 18 Jul 2019 14:26:17 +0000

Земјоделците мака мачат со речиси сите видови на овошје и зеленчук овие три години откако СДСМ е на власт. Овие недели најактуелна е продажбата на праските која речиси и да ја нема или ја има по смешна цена. Откако производителите на праски неодамна протестираа со истурање на родот во знак на револт поради незаинтересираноста од страна на Министерството за земјоделство, Заев го смете поранешниот министер за земјоделие Љупчо Николовски, но сепак со „метлата“ само и замачка очи на јавноста, бидејќи ново назначениот министер Трајан Димковски е „копија“ на Николовски. Димков инаку е поранешен шеф на кабинетот на Љупчо Николовски и неодамнешен раководител на овој ресор што е доказ дека земјоделците од ден на ден се повеќе тонат и се во загуба. На социјалните мрежи инаку се појавија и фотографии од еден супер маркет во Македонија каде праските се продаваат по цена од 65 денари за килограм. -Зошто земјоделците ги фрлаат праските по улица? Зарем не се задоволни со цена од 65 денари? Ааа во еден македонски супер маркет праските се носат од Грција, а нашите одат по реки и ливади бидејќи се 1 денар килограм. Народот е*ан, на државата така и одговара, стои во постот на социјалните мрежи. Праските минатиот месец инаку во Росоман се продаваа по смешна цена од 40 денари за 10 килограми (една гајба), додека се увезуваат од странство за двојна цена и се продаваат исто така двојно. И додека земјоделците не ја губат надежта за нивниот род, Димковски заедно со Оливер Спасовски остварува партиски средби во Кочани и води политичка кампања промовирајќи ги лошите политики на Заев и владата која од ден на ден се повеќе тоне.

Трипуновски: Додека АД Водостопанство нема пари за оспособување на каналите, истото претпријатие исплаќа астрономски плати

Дарко Андоновски — Sat, 29 Jun 2019 10:56:58 +0000

Се наоѓаме пред АД Водостопанство, претпријатието кое што е одговорно за наводнувањето во Република Македонија. Имаме нефункционални канали за наводнување низ цела Македонија, иако земјоделската сезона е во полн ек, ова денеска во изјава за медиумите го истакна Цветан Трипуновски од ВМРО-ДПМНЕ. -И додека АД Водостопанство нема пари за оспособување на каналите, истото претпријатие исплаќа астрономски плати. Ова е потврда за исплатена плата од страна на АД Водостопанство кон свој вработен, од неа се гледа, дека месечната исплатена бруто плата изнесува повеќе од 100.000 денари, додека нето исплатената плата која ја добива на сметка е речиси 70.000 денари. Почитувани, АД Водостопанство исплаќа плата од 1.150 евра плата на свој вработен, а нема пари за поправка и тековно одржување на каналската мрежа низа Република Македонија, потенцира Трипуновски. Тој додава дека расипнички се трошат вашите пари почитувани земјоделци. Вие исплаќате огромна сума на пари кон АД Водостопанство, а истото наместо да ви пружи услуга каква што заслужувате дели плати од 1.150 евра на своите вработени. -И ако погледнете реално, плата од 500 евра има само за блиските луѓе нс власта, за земјоделците нема пари, тие немаат ни леб да јадат. Егзистенцијата на земјоделците е алармантна, а директни виновници за тоа се Зоран Заев и СДСМ. Власта има пари за се, само за земјоделците нема. Ова набргу ќе се смени. Зоран Заев и СДСМ мора да си заминат. Ова е вистинскиот режим, кој мора да си оди. Потребна е влада која ќе се грижи за земјоделците, а ВМРО-ДПМНЕ ќе го направи тоа многу брзо, вели Трипуновски.

Овчарството во Тетовско има потреба од помош поради загубите

Дарко Андоновски — Fri, 07 Jun 2019 12:05:13 +0000

Одгледувачите на овци од Тетовско побараа што поскоро ресорното Министерство да најде начин да им се помогне околу загубите, бидејќи поради тоа сточарите се одлучуваат да го продаваат добитокот и на друг начин да обезбедуваат егзистенција. Своите ставови денеска ги истакнаа на состанокот во Тетово со раководството на Сојузот на одгледувачи на овци и другите сродни асоцијации и установи. -Пред продавање на јагнињата ни беше ветено дека загубата ќе се покрие. Сто десет до 130 денари се откупуваше јагнето, а цена на „чинење“ на јагне е 180 денари по килограм. Тоа значи загуба од по 40-70 денари по килограм. Се зборуваше да се плати по предадено јагне во кланица, да се додаде некој денар да не одат во загуба. Поради откупот на јагнињата сме во загуба, сите ги продаваат овците и бараат друга работа, рече Меџит Амити, одгледувач на овци од Тетовско. Тој додаде дека и состојбата со волната е катастрофална. -Никој не ја купува волната. Една овца да се стриже е 50 денари, а волната ни 10 денари не ја земаат, сите ја фрлаат од сточарите, рече Амити. Актуелната состојба во овчарството треба да се координира со ветувањата од Министерството за земјоделство, шумарство и водостопанство за одржливост во оваа област, велат од Сојузот. -Имаме три мерки да се покрие загубата за кои разговараме по региони. Треба да одлучиме дали со интервентна мерка за килограм продадено јагне во кланични капацитети или по глава продадено јагне или со зголемување субвенции со што би се надоместиле загубите што ги трпат овчарите. Загубата ја утврдува Институт за овчарство – Скопје. Тие утврдија по региони дека загубите не се подеднакви. Сметам дека треба да се одржува оваа гранка, бидејќи за разлика од Европа ние се уште имаме млади луѓе кои се волни да работат во сточарството, изјави Никола Георгиев, претседател на Сојузот на огледувачи на овци на Република Северна Македонија. На состанокот се разговараше и за спроведувањето на традиционалната манифестација „Овчарски денови на Бистра“

Овчарите со нови барања, повисоки субвенции или поддршка за предадено грло во кланица

Дарко Андоновски — Thu, 06 Jun 2019 10:33:12 +0000

Зголемување на субвенциите за 800 денари по грло или воведување интервентна мерка – поддршка за предадено грло во кланичен капацитет, ќе побараат од државата одгледувачите на овци. Овие две опции тие ќе ги разгледаат утре, на состанок во Тетово, а целта е, како што велат, изнаоѓање најсоодветно решение за одржливост на овчарството. – Не можам да прејудицирам колкава поддршка ќе бараме зашто загубите во производството се различни зависно од регионот. Ќе почекаме за тоа оценка да даде Институтот за сточарство. Според нашите пресметки, би требало да биде 40 денари за килограм предадено јагне во капацитет или околу 1.000 по грло предадено во кланичен капацитет, вели за МИА претседателот на Сојузот на одгледувачи на овци, Никола Георгиев. Колкаво да биде зголемувањето на субвенциите би требало најреално да се знае по 30 јуни, до кога е пролонгиран и рокот за пријавување. Како што додава Георгиев, пријавувањето всушност ќе ја прикаже бројната состојба на овците во земјава. – Кампањскиот откуп е завршен и заклучено со православниот Велигден извезени се 180.000 јагниња, додека досега бројката е околу 200.000. Лани вкупно беа извезени 198.000 грла. Очекуваме надминување иако моментно ситуацијата со извозот е статус-кво, нагласува Георгиев. На утрешниот состанок во Тетово, покрај одгледувачите ќе присуствуваат и претставници од Министерството за земјоделство и од Јавното претпријатие за пасишта. Освен за актуелната состојба во овчарството, ќе стане збор и за претстојните Овчарски денови кои традиционално се одржуваат секој 7 јули на Бистра.

Oтворeна истрага: Како тутунарите се офајдија со 27 милиони евра среде избори ?

Предраг Кукиќ — Wed, 17 Apr 2019 13:43:36 +0000

Антикорупциската комисија денеска отвори истрага по сопствена иницијатива за вчерашната исплата на 26.786 тутунари со субвенции од над 27 милиони евра за ланската реколта, објави Плусинфо. Оваа информација, како што беше речено на денешната седница на антикорупционерите била објавена вчера попладнето на сајтот на Министерството за земјоделство, што беше повод Државната комисија за спречување на корупцијата, да отвори предмет, затоа што исплатата е направена спротивно на членот 8 од Изборниот законик. На исплатата државни пари среде кампања реагираше и претседателот на ВМРО-ДПМНЕ, Христијан Мицкоски.

ВИКЕНДОВ ЗАБОРАВЕТЕ ДВИЖЕЊЕ ВО ПЛАНИНА: Воведена забрана за движење во шума и шумско земјиште

Дарко Андоновски — Fri, 29 Mar 2019 19:05:05 +0000

Поради раширените шумски пожари, согласно со Законот за шумите од денеска се воведува забрана за движење во шума и шумско земјиште од 00 до 24 часот. Забраната ќе трае сê до нејзино отповикување, соопшти вечерва Министерството за земјоделство, шумарство и водостопанство. Физички лица кои нема да ја почитуваат забраната и ќе бидат затекнати како се движат во шума и шумско земјиште, ќе бидат парично казнети од 1.500 до 2.000 евра. Забраната не важи за движење во парк-шумата Водно, Гази Баба како и за организирани тури на туристи за туристичко разгледување на шумите со стопанска намена, националните паркови и заштитените подрачја со посебна намена во Република Македонија кои ќе бидат одобрени со дозволи од соодветните субјекти кои стопанисуваат / управуваат со шумите во придружба на нивни преставник. Забраната не важи за вработените во ЈП „Национални шуми“ и субјектите кои управуваат со заштитените подрачја од сите категории (национални паркови, парк-шуми, шуми со специјална намена споменици на природата и сл). Забраната ја спроведуваат вработените од ЈП „Национални шуми“, субјектите кои управуваат со заштитените подрачја од сите категории (национални паркови, парк шуми, шуми со специјална намена споменици на природата и сл) кои вршат дејност заштита, МВР, Шумска полиција, Државниот инспекторат за шумарство и ловство, Државниот инспекторат за животна средина и други инспекторати до слична надлежност. МЗШВ ги информира сите граѓани дека се забранува палење стрништа, плевел и други растителни отпадоци во ловиштата и друг земјоделски отпад на земјоделско земјиште, како превентивна мерка за заштита на шумски пожари. За непочитување на одредбите од Законот за ловството се предвидува глоба во износ од 1.500 до 3.000 евра за прекршок на физичко лице.

Сината слива лани се продавала и по 25 денари за килограм, сега откуп нема, земјоделците немаат ни за егзистенција

Предраг Кукиќ — Thu, 16 Aug 2018 10:25:28 +0000

По кризата со откупот на сината слива и штетата која што беше причинета, а само во радовишкиот регион изнесува над 1.6 милиони евра државата излезе со мерки со кои ги субвенционира откупувачите, а не производителите. Како резултат на ваквиот чекор на терен се уште не се откупува сливата, а земјоделците велат доколку уште некој ден нема решение на нивниот проблем тие ќе се соочат со финансиски проблеми и нивната егзистенција ќе биде доведена во прашање. Откупот оваа година почна со цени од 5 денари по килограм, за многу бргу целиот откуп да биде запрен. Земјоделците велат дека лани цената за еден килограм сина слива била 25 денари, додека во 2016, 18 денари, цени кои ги задоволуваат производствените трошоци и обезбедуваат егзистенција, но ова сега што се случува е под секое ниво. Цената под 12 денари за килограм сина слива е нерентабилна велат тие, со цена под 12 денари не можат да се покријат основните производствени трошоци, а не пак да дојде до обезбедување на егзистенцијата на нив и нивните семејства.

Земјоделието на колена, илјадници земјоделци се оставени на раб на егзистенција

Предраг Кукиќ — Wed, 15 Aug 2018 10:39:15 +0000

Земјоделието оваа година е на колена, по очајно ниските цени на доматите, лубениците, сега на ред дојдоа сливите, праските и пченицата. Нема откуп, половина од родот на сливи во радовишко е опаднат, а штетите се проценуваат на над 1.6 милиони евра. Производителите на праски по забраната за увоз од Русија се соочуваат со вистинска голгота, а откуп на пченица во поголемиот дел од државата скоро и да нема. На вчерашниот протест на производителите на слива во Делчево еден од земјоделците се пожали и на немањето на откуп на пченицата. Земјоделец од Делчево пред нашите камери изјави: - Се чудиме дека да продадеме, од Велес наваму немаме откупна станица за пченица, што ги имаме тие наши таму инспектори, наши советници, велат ние не сме надлежни, ние само законот го спроведуваме. Кој закон го спроведува кога не сака да дојде да види како се жнее, дека се носи и дека го истураш, зошто ни се? Само за да зимаат 26 илјади - 30 илјади плата. Никој не го заштитува земјоделецот, не само сливарите и ратарство и градинарство и сточарство и се. Илјадници земјоделци се доведени на раб на егзистенција, а салонските политичари од власта не излегуваат на терен да го видат вистинскиот проблем, туку предлагаат нереални мерки, кои не можат да го стимулираат откупот, коментираат од ВМРО-ДПМНЕ. - ВМРО-ДПМНЕ предупредува дека цена под 12 денари за килограм сина слива е нерентабилна и не ја гарантира егзистенцијата на илјадници семејства - производители. Ја повикуваме владата во договор со откупувачите да обезбеди минимална откупна цена од 12 денари по килограм и тоа во најбрз можен рок. Над 10.000 тони слива треба да бидат откупени, а земјоделците очекуваат фер цена која ќе ја обезбеди нивната егзистенција, истакна вчера на прес-конференција Цветан Трипуновски од ВМРО-ДПМНЕ. Состојбата со праските и пченицата е исто така алармантна, а земјоделците велат дека нема да дозволат нивниот труд да биде и понатаму потценуван.