Министерство за земјоделство – Kurir.mk

Касами потврди дека Беса ќе раководи со министерството за земјоделство

Магдалена Андонова — Wed, 19 Aug 2020 17:06:38 +0000

Лидерот на Движењето Беса Билал Касами вечерва по состанокот на СДСМ со коалициските партии од коалицијата „Можеме“ потврди дека при поделбата на владиниот колач го добиле ресорот земјоделие. Тој не откри дали генералниот секретар Аријанит Хоџа ќе биде министер за земјоделие и рече дека за тоа ќе одлучува Централниот совет на Беса. – Движењето Беса ќе има важна улога во владеачкото мнозинсртво, ќе го водиме ресорот земјоделие и ќе имаме и заменици министри и директори. Вечерва ќе се одлучува кој ќе биде министер за заемјоделие. Одлуката ќе ја донесе Централниот совет на партијата – изјави Касами.

Земјоделците разочарани: Сливите ќе скапат на нивите

Предраг Кукиќ — Fri, 10 Aug 2018 08:21:10 +0000

Производителите на сливи велат дека земјоделството е клекнато на колена. Поради благопријатните климатски услови, годинава сините сливи созреаја месец дена порано, а сливарите очекуваат рекордна реколта. Меѓутоа доколку нема заинтересирани купувачи во следните десетина дена, кога треба да започне бербата, сливите ќе скапат по овошните насади. Во минатото велат дека се се откупувало и не останувала ниту една слива, но сега ситуацијата не е воопшто таква. Неготичанката Менче Стевановска на својот Фејсбук профил пишува дека сливите ќе скапат на нивите ако не се преземе нешто веднаш. -Гледам Делчево реагира за црната слива истиот проблем е и во Тиквешијата со сливите, род има ама нема кој да го земе. Министерот нека се запраша и за овој проблем. Инаку сливите ќе скапат на нивите, вели Стевановска. Моменталната големопродажна цена на сината слива е 7 денари за килограм, која е на границата на рентабилност за производителите. Инаку, претходно, земјоделците масовно ги кршеа бостаните бидејќи беа незадоволни од откупната цена која изнесуваше само три денари. И тогаш, како и сега тие беа крајно револтирани од односот на Владата и Министерството за земјоделство.

Македонија засега не воведува контра-мерки кон Косово

Даниел Василев — Thu, 26 Jul 2018 13:46:15 +0000

Македонија засега не планира воведување контра - мерки кон Косово. Очекува целосно укинување на зголемените царини врз основа на досегашните преговори, соопшти денеска Министерството за земјоделство, шумарство и водостопанство (МЗШВ). Според МЗШВ, по утрешниот состанок на министерот за економија Крешник Бектеши со косовскиот колега, ќе има многу повеќе детали за наредните чекори. - Сите досегашни преговори ни даваат за право да очекуваме целосно укинување на зголемените царини. Затоа во овој момент, Македонија останува на ставот барем засега да не се воведуваат контра - мерки. По утрешниот состанок на Бектеши, ќе имаме и многу повеќе детали за наредните чекори, наведува МЗШВ. Министерството и натаму останува на ставот дека разговорите со Косово во изминатиот период дадоа резултат, а како потврда за тоа го посочува фактот дека Приштина веќе ја повлече зголемената царина за дел од земјоделските производи. МИА

Нема откуп на домати во струмичко- производителите во агонија

Катерина Бојаџиева — Fri, 22 Jun 2018 20:43:50 +0000

Производителите на домати од струмичко во агонија. Производството им скапува по нивите оти нема ниту откуп ниту пласман. Васе Цветков од Просениково со денови се обидува да го продаде производството кое амбалажирано му стои во дворот. Тврди дека околу 14 тони домати стојат на нивите, пренесува Телевизија 24. „Неорганизирано, неплански, нема редовен откуп, сега два дена нема откуп. Беше 10, па 12, 15 денари, сега падна на нула. Имаме предадено 14 тони, а има уште толку.“ - вели Васе Цветков производител од Просениково. Слична е состојбата и во дворот на Коле Спасов од Пиперево. Ги спремаше доматите за на пазар. Вели дека ќе го остави производството на нива оти нема сила да ги собере и да гледа како дома му скапува. „Катастрофа е откупот, нема цена и нема каде да се пласира.“ - вели Коле Спасов, прозводител од Пиперево. По почетнииот солиден откуп, изминатава седмица производителите контуинирано се жалат на ниските цени и немање откуп и пласман при што бараат интервенции од државата. Од Министерството за земјоделство велат дека се следи состојбата на терен и веќе се во комуникација и се договара вишокот домати да го откупат домашните преработувачи. Паралелно соопштуваат дека ако земјдоелците остваруваат загуби од призоводната и продажната цена министерството може да излезе со дополнителни мерки за производителите.

Се подготвува огласот за доделување државно земјиште на сточари

Даниел Василев — Fri, 01 Jun 2018 13:27:42 +0000

Објавен е повикот за поднесување барања за исплата на 50 отсто од трошоците за набавка на педигриран добиток, соопшти денеска министерот за земјоделство шумарство и водостопанство Љупчо Николовски. Станува збор за мерката од Програмата за рурален развој за набавка на педигриран добиток од увоз или со потекло од признати организации за ониe фармери кои го набавиле добитокот до 31 декември 2017 година. - Со цел поефикасна искористеност, Владата за следните огласи за оваа мерка ги измени условите. Прво ќе се објавува огласот, потоа ќе се склучува договорот и по реализација на набавката ќе се изврши исплата. На овој начин се обезбедува поголема сигурност за оние што ќе извршат набавка, изјави Николовски кој по повод Светскиот ден на млекото присуствуваше на настан во Млекара АД Битола. Министерот информира и дека е во тек подготовката на наменскиот оглас за доделување државно земјоделско земјиште под закуп за сточари со цел поголемо и посигурно производство на добиточна храна. Огласот треба да биде објавен следната недела. - За производство на квалитетно млеко, МЗШВ презема конкретни мерки. Преку Програмата за финансиска поддршка годинава субвенциите се 3,5 денари по литар за предадено сурово кравјо млеко и четири денари по литар за предадено овчо и козјо сурово млеко во преработувачки капацитети, истакна Николовски. Согласно Националната петгодишна програма за финансиска поддршка во земјоделството од 2019 година, планирано е исплатата на субвенции да биде според класата на суровото млеко: за литар екстра класа четири денари, а за прва и втора класа 3,5 денари. Годинава за 10 отсто се зголемени субвенциите по грло за сточарите со развоен потенцијал. На настанот во Битолска млекара им беа додели плакети на најуспешните производители на млеко во 2017 година. Покрај Николовски, присуствуваа и директорот на Агенцијата за финансиска поддршка на земјоделството и рурален развој Никола Бабовски, директорот на Агенција за храна и ветеринарство Зоран Атанасов, како и посебниот советник за земјоделство на премиерот, Ленче Николовска. МИА