Мино Раиола – Kurir.mk

Мино Раиола пуштен од болница

Бошко Тасиќ — Sat, 22 Jan 2022 09:45:20 +0000

Познатиот фудбалскиот агент Мино Раиола е отпуштен од болница, објави „Football Italia“. Педесет и четиригодишниот Италијанец се врати во својот дом во Монте Карло. Раиола мина неколку недели во миланската клиника „Сан Рафаеле“ поради здравствени проблеми. Претходно претставници на агентот ги демантираа информациите за негова итна хоспитализација и наводно критична состојба.

Раиола четири часа преговарал со раководството на Милан за Ибрахимовиќ

Ивона Петрова — Mon, 19 Nov 2018 17:31:18 +0000

Раководството на Милан и познатиот фудбалски агент Мино Раиола имаа четири часовна средба, на која било дискутирано за враќањето на Златан Ибрахимовиќ. Напаѓачот на Л.А. Галакси ги напушти „росонерите“ во 2012 година, за да премине во тимот на Пари Сен Жермен. На неколку пати, сепак Ибра изјави дека никогаш не сакал да го напушти Милан, а историјата со неговиот трансфер во ПСЖ беше раскажана детално во новата книга на Швеѓанецот. Во последниве месеци Ибра се повеќе е поврзуван за трансфер во Милан, а од клубот ќе се обидат да го засилат составот во текот на зимата поради сериозната криза со повредени фудбалери, која го ограничува изборот на тренерот Џенаро Гатузо. МИА

Раиола: Вратата за Ибрахимовиќ во Милан е отворена

Ивона Петрова — Sat, 10 Nov 2018 19:31:20 +0000

Агентот Мино Раиола не ја отфрли можноста Златан Ибрахимовиќ да се приклучи на Милан, како и Пол Погба да се врати во Јувентус. – Ќе го потврдам она што веќе го реков. Мојот однос со новите директори на Милан е одличен, па вратата за Ибрахимовиќ е отворена. Сите опции остануваат достапни, изјави Раиола за евентуалниот трансфер на 37-годишниот Швеѓанец. Агентот зборуваше и за можноста Погба да се врати во Јувентус по две сезони и половина во Манчестер Јунајтед. -Во моментов Погба е спокоен, бидејќи се чувствува важен во Јунајтед. Но Торино и Јувентус остануваат во неговото срце. Се е можно, вели Италијанецот. Ибрахимовиќ беше дел од тимот на „росонерите“ меѓу 2010 и 2012 година. Погба пак игра во Јувентус меѓу 2012 и 2016 година. МИА

Алчниот Раиола го попречува трансферот на Балотели во Марсеј

Даниел Василев — Fri, 27 Jul 2018 13:15:09 +0000

Агентот Мино Раиола е виновникот што Марио Балотели се уште не преминал во Олимпик Марсеј. Ова го тврди француското издание „Екип“, кој го обвинува Раиола за насочени лаги, со цел поголема провизија за него. Ница и Марсеј продолжуваат со преговорите за Италијанецот, но во нив има еден куп проблеми кои Раиола ги создава со цел неговиот клиент да премине во друг тим. Марсеј се согласи со личните услови на играчот, но тие не се согласуваат да ја платат високата провизија на Раиола. Според изданието, сагата почнала уште во март, кога Италијанецот јавно изјави дека Балотели ќе биде слободен агент во текот на летото. Неговите коментари, сепак, биле „насочени лаги“, кои ги налутиле во Ница, бидејќи всушност 27-годишниот напаѓач има уште една година од договорот. Адвокатот на Марсеј, Александар Миале ја контактирал Ница во јуни, прашувајќи за можноста да го привлечат Балотели. Во текот на разговорот тој навел дека Раиола изјавил оти Балотели може да премине во кој било тим за 10 милиони евра. Сепак, Марсеј не може да си дозволи да ја плати и трансфер сумата и платата на Балотели, како и провизијата на Раиола. Така, Балотели се уште продолжува да тренира со Ница, а тој, пак, им рекол на своите соиграчи дека трансферот се одолговлекува поради интерес од Пари Сен Жермен. МИА

Лукаку ќе го претставува агенцијата на Џеј Зи

Даниел Василев — Fri, 20 Apr 2018 19:06:32 +0000

Фудбалерот на Манчестер Јунајтед, Ромелу Лукаку одлучи да ја раскине соработката со менаџерот Мино Раиола и во иднина ќе го претставува агенцијата „Рок Нејшн Спортс“ на чие чело се наоѓа познатиот рапер Џеј Зи. Тој оваа промена дури сега ја објави на социјалните мрежи, иако договорот со агенцијата на познатиот рапер бил склучен уште пред еден месец. Дека Лукаку е нов клиент на Џеј Зи можеше да се насети уште на натпреварот со Борнмут, кога тој по постигнатиот гол со рацете покажа знак за дијамант, кој раперот како симбол го користи со години. МИА