Мино Рајола – Kurir.mk

ФУДБАЛСКА БОМБА: Ибрахимовиќ наследник на Мино Рајола, Швеѓанецот става крај на играчката кариера?

Ивона Петрова — Sun, 01 May 2022 12:27:05 +0000

Напаѓачот на Милан, Златан Ибрахимовиќ неофицијално сериозно размислува да ја прифати понудата од фудбалската агенција на починатиот Мино Рајола, еден од најпознатите фудбалски агенти. Ибра има понуда од Милан да игра и следната сезона, но по разговорот со роднината на Мино, Винченцо размислува да стави крај на професионалната фудбалска кариера и да стане прв човек на агенцијата „Рајола“. Швеѓанецот долги години соработуваше со Мино Рајола кој пак на својата листа фудбалски ѕвезди ги има Ерлинг Халанд, Пол Погба, Делихт, Домарума, Лукаку и Верати. „Тутомеркатовеб“ пренесува дека Ибрахимовиќ својата конечна одлука ќе ја донесе по завршувањето на оваа сезона во која има шанси со Милан да дојде до Скудето.

Почина Мино Рајола, веста ја објави семејството

Ивона Петрова — Sat, 30 Apr 2022 14:23:40 +0000

Големиот фудбалски менаџер Мино Рајола почина на 54 годишна возраст, објави неговото семејство на социјалните мрежи. -Со бескрајна тага ја објавуваме смртта на нагрижливиот и најчудесниот фудбалски агент. Мино до крајот се бореше со истата сила која ја имаше за време на преговорите за играчите. Како и обично, Мино не направи горд, а тоа никогаш не го сфати. Мино со својата работа допре до многу живот и напиша ново поглавје во историјата на модерниот фудбал. Засекогаш ќе ни недостасуваш. Мисијата на Мино да го направи фудбалот подобро место за играчите ќе продолжи со истата страст. Им благодариме на сите за огромната поддршка која ја имаме во овие тешки моменти и молиме за почит и приватност, стои во објавата на семејството. Инаку пред два дена сите светски медиуми објавија дека Рајола починал, но набрзо пристигна демант за веста од него и од неговиот адвокат.

pic.twitter.com/xuZWBNA62N
— Mino Raiola (@MinoRaiola) April 30, 2022

По веста за неговата смрт се огласи и Рајола: За четири месеци два пати ме умревте!

Магдалена Андонова — Thu, 28 Apr 2022 13:13:54 +0000

Откако сите релевантни медиуми ја објавија веста дека познатиот агент Мино Раиола починал, следуваше вистински шок односно демант дека фудбалскиот агент е жив! Прв се огласи неговиот адвокат и истакна дека Рајола е во тешка ситуација и дека силно се бори за живот. Докторот од болницата исто така потврди дека Мино се бори за живот и е згрозен од веста која се појави во медиумите. Само неколку минути потоа се огласи и самиот Мино Риола преку социјалните мрежи. - Мојата моментална здравтствена состојба за сите оние кои ги интересира, изнервиран, ме умреа два пати за 4 месеци. Се чини дека и јас можам да воскреснам, напиша Раиола.

Current health status for the ones wondering: pissed off second time in 4 months they kill me. Seem also able to ressuscitate.
— Mino Raiola (@MinoRaiola) April 28, 2022

„Шокиран сум, човекот се бори за својот живот“ – се огласи директорот на болницата во која се наоѓа Рајола

Ивана Ефремовски — Thu, 28 Apr 2022 13:07:26 +0000

Кусо време по објавување на информацијата дека Мино Рајола починал во една италијанска болница, стигнува демант од првиот човек на клиниката.

Алберто Цангрилјо реагирал поради лажната вест објавена од италијанските медиуми, а која потоа очекувано стана топ вест во глобални рамки.

-Шокиран сум од однесувањето на псевдо-новинари кои шпекулираат со состојбата на човек кој се бори за својот живот, изјавил Цангрилјо.

АДВОКАТОТ НА РАЈОЛА ДЕМАНТИРА: Фудбалскиот агент не е починат, силно се бори за живот!

Магдалена Андонова — Thu, 28 Apr 2022 12:55:38 +0000

Трагични вести денеска почнаа да се шират од Италија дека фудбалскиот агент Мино Рајола починал. Шокот стана уште поголем откако почнаа да се јавуваат деманти на оваа вест, од луѓе блиски до Раиола кои тврдат дека неговата состојба е тешка, но дека агентот на Ибрахимовиќ, Погба и на уште многу фудбалски суперѕвезди се уште е жив. Прв што јавно прокоментира на оваа тема е претседателот на Џенова, Алберто Зангрилјо. - Мино не е мртов, тој се бори… Навистина ми се гади од оние кои се појавија со шпекулации дека човекот е мртов. Најстрашно е да прогласите за умрен човек што толку силно се бори за живот, изјави Зангрилјо.

ТАГА И НЕВЕРУВАЊЕ ВО ФУДБАЛСКИОТ СВЕТ: Почина најпознатиот и најмоќен менаџер!

Ивана Ефремовски — Thu, 28 Apr 2022 12:00:00 +0000

Трагични вести доаѓаат од Италија, од каде информираат дека фудбалскиот агент Мино Рајола починал. Еден од најдобрите агенти во светскиот фудбал замина во вечоста на 54-годишна возраст. Причината за смртта на Рајола засега не е позната. Но, јавноста е познато дека во месец јануари здравствената состојба на агентот не е добра и дека тој бил хоспитализиран во Милано. Наводно Рајола имал здравствени проблеми со белите дробови. Мино Рајола важеше за гигант во светскиот фудбал. Беше претставник на големи фудбалски имиња како што се Ерлинг Халанд, Пол Погба, Златан Ибрахимовиќ, Матијас Де Лихт... Рајола беше роден во 1967 година во Салерно, Италија, говореше седум јазици, а со менаџерството почна да се занимава пред 30-тина години. Направи бомбастични трансфери и на многу фудбалери им ја отвори вратата на светскиот фудбал. OБНОВЕНО 14:55 АДВОКАТОТ НА РАЈОЛА ДЕМАНТИРА: Фудбалскиот агент не е починат, силно се бори за живот! ОБНОВЕНО 15:13 По веста за неговата смрт се огласи и Рајола: За четири месеци два пати ме умревте!

Рајола знае во кој клуб Халанд ќе направи трансфер

Ристе Здравков — Fri, 10 Dec 2021 11:47:14 +0000

Мино Рајола вели дека знае по кој пат треба да оди кариерата на Ерлинг Халанд и додава дека со години крои планови за слeдната дестинација на Норвежанецот. Ерлинг Халанд треба да биде една од ѕвездите на летниот преоден рок во 2022 година, се верува дека во неговиот договор има откупна клаузула од 75 милиони евра, сума која е по мерак на многу клубови. Во разговор со Спорт1, Мино Рајола вели дека знае во кој клуб напаѓачот ќе се пресели, со години крои планови за следната дестинација. „Размислуваме, кроиме планови две години. Имаме јасни идеи за тоа каде Ерлинг треба да се пресели и секако следиме што пазарот има да понуди. Би бил лош агент доколку не го правам ова. Можеме да влијаеме на пазарот со играч како Ерлинг, пазарот не може да влијае врз нас“ – вели контроверзниот агент. „Го имам променето трансфер пазарот со моите играчи. Ние агентите криравме втора игра покрај фудбалот, се вика „Калчомеркато“ (трансфер пазар на италијански). Сега за натпреварите се зборува два дена, а во останатите пет дена се зборува за трансфери. Можеби спортските директори ме мразат, но јас никого не мразам. Едноставно си ја вршам работата.... и да, понекогаш сакам да ја поминам границата“.

Ван де Бек го одбил Мино Рајола

Ивона Петрова — Wed, 27 Oct 2021 08:05:45 +0000

Фудбалерот од средниот ред на Манчестер јунајтед, Дони ван де Бек, одбил да соработува со агентот Мино Рајола, пишува „Дејли експрес“. Според изворот, Рајола му понудил на 24-годишниот Холанѓанец да помогне во заминувањето од сегашниот клуб, но играчот одбил. Ван де Бек моментално го претставува „HCM Sports Management“, кој исто така работи со поранешниот партнер на фудбалерот во Ајакс, Френки де Јонг. На 26 октомври беше објавено дека Ван де Бек сака да смени агент за да го забрза трансферот од Манчестер јунајтед.

Рајола: Прашајте го Манчестер јунајтед за продолжување на договорот со Погба

Ристе Здравков — Wed, 27 Oct 2021 06:40:45 +0000

Агентот на Пол Погба, Мино Рајола вели дека нема информации поврзани со продолжувањето на договорот со Манчестер јунајтед и ги упати новинарите да го прашаат клубот. Договорот на Пол Погба со Манчестер јунајтед истекува по крајот на оваа сезона и неизвесно е дали ќе го продолжи или ќе замине. Погба во голем стил ја почна новата сезона и се чинеше дека само прашање на време е кога ќе стави потпис на нов договор, но во меѓувреме работите се променија. Тој го загуби местото во првиот тим и на последните натпревари на Манчестер јунајтед влегува од клупата. На последниот меч, дуелот со Ливерпул направи и глупост откако доби директен црвен картон. Сега Погба повторно се поврзува со заминување од Манчестер јунајтед, а на Рајола не му се зборува многу на оваа тема. „Треба да го прашате Манчестер јунајтед за продолжување на договорот на Погба. Во овој момент се е мирно. Нема нови моменти“, изјави Рајола. Веројатно влијание врз одлуката на Погба ќе има и наследникот на Оле Гунар Солшер кој се очекува наскоро да пристигне.

Рајола кажа што мисли за Супер лигата

Ивона Петрова — Sat, 01 May 2021 12:55:28 +0000

Најпознатиот фудбалски агент, Мино Рајола го сподели своето мислење за проектот за создавање на Европската Суперлига. – Моето мислење е многу различно од она што другите го мислат за тоа. Јас секогаш ќе поддржувам каква било војна против ФИФА, против монополот, што не ми се допаѓа. Можеме да играме фудбал без ФИФА. Сепак, моето главно набљудување на прашањето од Суперлигата е дека организаторите на турнирот сакаат да се ослободат од Лигата на шампионите. И ова е грешка. Клучниот збор тука е „повеќе“. Ферари има Формула 1 болид, а се натпреварува и во 24 часа Ле Ман. Зошто Реал Мадрид не може да игра во Лигата на шампионите и Суперлигата? Тоа би бил најдобриот експеримент во историјата на фудбалот. Да бев сопственик на тимот, би сакал да играме и во Суперлигата и во Лигата на шампионите. И, се разбира, во националното првенство. Би било одлично и за играчите и за навивачите, изјави Рајола. Посочува дека навивачите погрешиле што се спротивставиле на новото натпреварување. – Со неверување ги погледнав протестите. Луѓето излегоа на улиците и протестираа против она што сè уште не го сфатиле. Тие беа против концептот на затворен турнир. Но Суперлигата не е обврска. Ако не ви се допаѓа, тогаш не купувајте права или гледајте го преносот. Суперлигата беше официјално објавена на 19 април, а по само два дена проектот беше стопиран, откако англиските клубови го откажаа учеството по негативните реакција во јавноста.