Миодраг Давидовиќ Дака – Kurir.mk

Контроверзниот бизнисмен Дака ја купи ШИК Јелак Тетово – ВМРО-ДПМНЕ со месеци предупредуваше дека Заев ќе ја исполни неговата желба

Дарко Андоновски — Tue, 23 Mar 2021 08:18:27 +0000

Компанијата „Нексан“ од Никшиќ на Миодраг Дака Давидовиќ стана сопственик на „Јелак Градба“ од Тетово наместо панамската оф-шор компанија Адастра на контроверзниот црногорски бизнисмен. Градежната компанија „Јелак-Градба“ е формирана на почетокот на 2016 година со седиште во Тетово, со основна главнина од 2 милиони евра основана од офшор фирмата Адастра и управувана од Давидовиќ-Дака, која досега немаше никаква деловна активност. Опозицијата по минатогодишните парламентарни избори реагираше дека Дака, чија компанија „Нексан“ е позната по тоа што превзема компании под стечај во Црна Гора и Србија, во центарот на Тетово ќе изгради 2.000 стана и трговски центар на местото на поранешниот шумарско-индустриски комбинат Јелак. Од таму побараа од Обвинителството да отвори случај, по објавениот аудио-разговор, кој опозицијата го толкуваше како обид за милионски поткуп за премиерот Зоран Заев и поранешниот генерален секретар на Владата, Драги Рашковски. Дака потоа се огласи дека финансирал единствено консултантски услуги преку посредници. Инаку, црногорската „Нексан“ е основана во 1992 година како друштво за трговија, додека во годините што следуваат фирмата почнува да се занимава со транспорт, шпедиција, градежништво, трговија со нафта, производство на вино. Во 2006 година, нејзина доминантна дејност станува градежништвото, така што гради комплекси во Будва, Свети Стефан, Подгорица, Никшиќ… Премиерот Заев во врска со овој случај минатата година се изјасни дека сопственоста на инвеститорот била остварена за време на ВМРО-ДПМНЕ и дека тој не гледа ништо спорно во тоа што за тој простор е донесен урбанистички план со станови. Парцелата од 71.000 квадратни метри на комбинатот минатата година доби нова намена и наместо за индустрија, општината Тетово одлучи локацијата да се користи за домување и за трговски дејности. Инаку ВМРО-ДПМНЕ откри дека Заев признал дека мотивирал ДУП и гласање за него“ уште во септември минатата година. Зоран Заев нарачува гласање за Детален Урбанистички План, Зоран Заев е мотиватор за носење на Детален Урбанистички План, Зоран Заев во февруари издејствувал согласност од Владата за Детален урбанистички план, Зоран Зaев е „aлфа и oмега“ во мега аферата „ШИК Јелак-Тетово“, ова во септември лани преку прес-конференција го истакна портпаролот на ВМРО-ДПМНЕ Наум Стоилковски. -Зоран Заев вчера јавно призна дека стои зад сиот скандал со „ШИК Јелак“ во Тетово. Да го погледнеме видеото. Почитувани, Зоран Заев останува недопирлив за овој корумпиран правен систем којшто сам го воспостави во Македонија. Ова е скандал со кој што на контроверзниот балкански бизнисмен, а според многумина руски играч во регионот, Миодраг Давидовиќ -Дака, со пари од офшор фирма од Панама, добива огромен градежен имот во Тетово. Според ДУП-от предвидени се дури 27 станбени згради високи до седум ката и четири големи трговски единици, од кои една огромна. Можеби тоа е тој Трговски центар на кој што од Дака, од него е барано како што раскажува да има бензинска пумпа на влезот? И во разговорот објавен на интернет, овој на кој што се повикав, Дака раскажува дека извесен Зоки бил кај него со жена за да „ВЦРТААТ“ бензинска пумпа и што ли уште не. Почитувани „вцртување“ е израз кој што го користат урбанисти кога се планира Урбанистички план, вели Стоилковски. Тој додава дека затоа ли Дака финансирал референдум, требало да финансира избори, дал 300.000 евра, договорил Бензинска пумпа, внимавајте доделува уште 2000 квадрати од плацот на ШИК Јелак за кој се изгласува ДУП? -Зоран Заев почитувани, вчера призна дека бил мотиватор за носење на ДУП, а при консултации, нарачал ДУП-от за „ШИК Јелак“ да мине на тетовскиот совет. А сето тоа откако во февруари истиот ДУП минал низ Владата. ЈО за организиран криминал мора да поведе истрага, а Зоран Заев мора да одговори за целиот скандал. Тоа што Заев јавно вели дека „нема докази“ не смее да биде појдовна точка за ЈО на Вилма Русковска, доколку навистина сака да остави впечаток дека не дозволува политички УВИД во предметите во ЈО. Ова е сериозен криминал за кој врвот на мафијата на чело со Заев мора да одговара. Или Мафијата или Македонија, додава Стоилковски.

Скандалот Дака-Заев-Рашковски расте: И по објавување на аферата, контактите и трансакциите со Панама продолжиле

Ивана Ефремовски — Fri, 09 Oct 2020 09:40:33 +0000

Потпретседателот на ВМРО-ДПМНЕ Александар Николоски во синоќешното гостување во емисијата “Заспиј ако можеш” на Алфа телевизија на тема од каде се парите на Давидовиќ-Дака со кои ќе гради во Тетово изјави дека Дака е управител на фирма чии што сопственик е човек од Панама. -Тоа е така затоа што се кријат и да направат перење на пари и да скријат капитал кој што најчесто доаѓа од сомнителни извори. Затоа што ако ви се чисти парите вие од Никшиќ ќе ги пуштите во Скопје. Но, ако ви се прљави тогаш од Панама ќе ги пуштите во Скопје или Тетово. За тоа имам и документ од Централен регистар дека фирмата Шик Јелак е од Панама. Како основачки влог се уплатуваат од Панама само 2 милиони евра, рече Николоски. -Аферата јас ја објавувам на 5-ти и 6-ти септември, а веќе на 10-ти септември има 5 посети од Македонија во Панама. Пет пости од Македонија има само на 10-ти септември. Сето ова отвора многу прашања за институциите во Македонија. Дури и да го прифатиме образложението на Зоран Заев дека секој бизнисмен се бори да му се урбанизира земјиштето прашањата кои што остануваат се: Што се случи со митото за кое што слушнавме пред изборите? Дали потеклото на калитал кој што е внесен од Панама во Скопје и Тетово е чисто?- порача тој. Меѓународната заедница се обратила до него да достави документи кои ги поседува, се заинтересирале и меѓународни новинари, се заинтересирале и релевантни политичари и институции. -Така што Зоран Заев нема така лесно да се извлече од целата оваа ситуација. Затоа што се отвора и уште еден сомнеж за конфликт на интереси. Јавноста треба да знае за да помине еден детален урбанистички план прво треба истиот да го одобри Министерството за транспорт и врски. Тоа е одобрено за само 7 дена. Само обичен документ да извадите ви требаат месец дена. Во овој случај, за инвестиција од 200 милиони евра министерството дава дозвола за само 7 дена, изјави потпретседателот на ВМРО-ДПМНЕ.

Маричиќ ќе се борел против корупција ама ништо не знаел за скандалот Заев Дака

Магдалена Андонова — Thu, 17 Sep 2020 08:34:47 +0000

Министерот за правда Бојан Маричиќ иако ветува реформи во правосудство и поефикасна борба против корупцијата, нема информација за скандалот кој деновиве ја тресе македонската јавност. Имено, нема реакција ниту од надлежните институции за отворање на истрага за скандалот во кој се споменуваше и премиерот на владата Зоран Заев, а е поврзан со контроверзниот црногорски бизнисмен Миодраг Давидовиќ Дака во аферата ШИК Јелак Тетово, во која се предвидува изградба на згради во центарот на Тетово, но и огромни деловни комплекси со вкупна заработка за инвеститорот од 200 милиони евра. Министерот Маричиќ, нема информации дали Јавното обвинителство има отворено истрага и покрај тоа што има обврска да отвори истрага и само по допрен глас. Тој во одговор на новинарско прашање поставено на вчерашната прес конференција, вели дека нема информации за овој случај, упатувајќи ги медиумите да побараат дополнителни одговори во Јавното обвинителство. -Јас мислам дека тој беше инициран од некого пред обвинителство или беше доставено како допрен глас, и натаму е работа на обвинителството тоа да го расчисти и да постапи по тоа, секогаш јавно сме го повикувале обвинителството. Мислам дека е најдобро да се обратите за одговор до обвинителството, инаку пак ќе кажам без да навлегувам во коментирање на конкретен случај, обвинителството е должно да постапи за сите индиции, вели Маричиќ на вчерашната прес конференција. Но, и покрај обидите на националната телевизија Алфа да дознае повеќе за овој случај, Јавното обвинителство не одговари на прашањето. За овој случај првично информираше опозициската ВМРО-ДПМНЕ која обвини дека се работи за една огромна афера, како и дека процесот на носење на детален урбанистички план за изградба на згради и деловни објекти во центарот на Тетово за кои гласаа советниците на СДСМ и ДУИ во советот на општина Тетово е донесен во нетранспарентна постапка. -Се работи за една огромна афера која што во континуитет ја објавувам последните недела дена, за жал досега не добивме релевантен одговор од ниту една надлежна институција. Имено, на само еден ден после формирањето на старо новата влада на СДСМ и ДУИ, мнозинството на СДСМ и ДУИ во советот на општина Тетово гласа детален Урбанистички план со кои што се предвидени 230 илјади метри квадратни корисна површина, односно некаде околу 2000 стана со 8.000 жители и Трговски центар поголем од Сити мол во Скопје, вели потпретседателот на ВМРО-ДПМНЕ Александар Николоски во интервју за дневникот на Канал 5 телевизија. Но, постојат сериозни индиции кои покажуваат можна поврзаност на сега веќе осудениот Зоран Милевски Кичеец со Дака, бидејќи за време на предизборието од емитуваните нелегално снимени разговори можеше да се слушне дека продажбата на компанијата ШИК Јелак Тетово ја договорил Милевски Кичеец со црногорскиот бизнисмен Дака, кој наводно дал 300.000 евра и 2.000 метри квадратен простор за да се заврши постапката, а во разговорите беа и спомнати премиерот Заев и вториот човек на владата, генералниот секретар Драги Рашковски со Кичеец наводно договарал средби. За да прикаже владата дека наводно ќе се бори против криминалот и корупцијата, измисли и нова позиција за борба против корупцијата и криминалот на чие чело е поставен, генералниот секретар на СДСМ и поранешен министер за земјоделство Љупчо Николовски, но и покрај се, се уште нема никаква реакција од негова страна за овој случај. За високиот степен на криминал и корупција, забележуваат и неколку меѓународни институции кои велат дека Република Македонија мора да се темели врз заложба на правна држава и владеење на законот, како и непречено функционирање и независно постапување на органите на прогонот.

Велјановски: ЈО да отвори истрага, кај кого завршиле ветените 4 милиони евра поткуп кои Дака му ги вети на Кичеец за ШИК Јелак!?

Ивана Ефремовски — Thu, 10 Sep 2020 12:31:20 +0000

300.000 евра, гратис 2.000 квадрати, 2 милиони евра откако работата ќе биде завршена и уште два милиони евра за друг, ова е поткупот за бетонската џунгла која овде зад нас ќе никне, а која завршила во џебовите на некој од власта. Дака за оваа работа се видел и со Заев. Ова не се зборови на ВМРО-ДПМНЕ, ова го говори бизнисменот Миодраг Давидовиќ - Дака, познат по своите анти ЕУ и анти НАТО ставови од снимката која цела јавност ја слушна, а која ние заедно со текст од оваа изјава ќе ја поднесеме до ЈО, обвинува Александар Велјановски од ВМРО-ДПМНЕ. -Според снимката која беше објавено во медиумите Дака дал 300.000 евра на Зоран Милески - Кичеец, 2.000 квадрати простор на непознато лице и ветување дека откако ќе го добие ветеното ќе плати уште 4 милиони евра. Заев преку Дака отвора врата за анти НАТО и анти ЕУ политики во државата. СДСМ и ДУИ побрзаа она што сите слушнавме дека Кичеец го вети во снимката да го реализираат. Останува непознато кај кого точно завршиле 4 милиони евра?! Кој политичар од власта за 4 милиони евра дозволи Тетово да биде претворено во бетонска градежна џунгла?! ЈО не смее да го премолчува очигледниот криминал. Се што слушнавме дека Зоран Милески - Кичеец вети, сега е реализирано. За истата работа, како што слушнавме од снимките, Кичеец му организирал средби на Дака со Драги Рашковски, тогашен генерален секретар на владата и Зоран Заев лично, истакна тој. Велјановски порачува дека постапката за добивање согласност е истуркана во рекорден рок од 7 дена. -Во услови кога остатокот од граѓаните и фирмите чекаат со месеци. Сето ова индицира на криминал.ЈО мора да го испита случајот и да покрене постапка против Зоран Милески - Кичеец, Драги Рашковски и Зоран Заев. ЈО мора да отвори случај за злоупотреба на службената положба и овластување против Драги Рашковски и Зоран Заев согласно чл.353 ст.5 од КЗ. Обвинителството да не спие и да го расветли скандалот. Одговорност мора да има. ЈО мора да отпочне постапка. Никој не смее да премолчува очигледен криминал. Законите мора да се почитуваат и спроведуваат, а сегашното премолчување на криминалот, ќе значи одговорност за сите утре, истакна тој.

Николоски: Заев и Ахмети да одговорат зошто дозволиле 200 милиони евра корупциски скандал на контроверзниот бизнисмен Дака

Ивана Ефремовски — Sun, 06 Sep 2020 18:15:35 +0000

Во гостување во вестите на Сител телевизија вечерва потпретседателот Александар Николоски, посочи дека власта дозволи во земјава мултимилионски бизниси на контроверзни личности од регионот, мега афера и корупциски скандал вреден 200 милиони евра. Николоски ја потсети јавноста дека во текот на изборите контроверзниот бизнисмен кажал дека дал 300 илјади евра мито, а истиот тоа и го потврдил подоцна во писмена изјава, по што давањето поткуп е кривично дело, Николоски вели дека во истиот тој разговор се слушало за ШИК Јелак, кој контроверзниот бизнисмен Миодраг Дака Давидовиќ го поседува. Потпретседателот на ВМРО – ДПМНЕ, Николоски истакна дека во моментот е трансформиран еден голем детален урбанистички план од 230 илјади метри развиена површина, од кои некаде 120 илјади метри квадратни се само станови. -2000 станови за некаде 8000 жители, а 80 000 метри квадратни се трговски единици, што е некаде нето профит од 200 милиони евра, потенцираше Николоски. Николоски праша како е возможно да се овозможуваат мултимилионски бизниси на контроверзна личност која што е позната во регионот особено во Црна Гора, Босна и Србија како подржувач на радикални елементи кои што врочем се против евроатланските аспирации на целиот овој регион. -Клучното прашање што се поставува во јавноста е зошто немаше дебата и дискусија за ова и како е возможно Министерството за транспорт и врски на 21 фебруари да добие барање за одобрение на планот, а на 28 февруари веќе и да го одобри истото, за само седум дена се одобрило барањето, кога граѓаните чекаат по месец дена еден документ. Николоски потенцираше дека на овие прашања треба да одговорат и Заев и Ахмети.

Дака главен руски играч во Црна Гора, во Македонија изведувачи Заев и Теута Арифи

Ристе Здравков — Sun, 06 Sep 2020 14:50:48 +0000

Дака станува повторно актуелен после изборите во Црна Гора на кои победи опозицијата. Аналитичарите од регионот тврдат дека Давидовиќ Дака како екстремен про-руски бизнисмен ги финансирал политичките противници на Мило Ѓукановиќ кои победија на последните избори и кои најверојатно ќе ја формираат следната влада. Здравко Кривокапиќ, најверојатно идниот премиер е формален лидер на широката ултрадесна, некој ја нарекува Вучиќ, други Амфилохие коалиција, која на изборите настапи под името “За иднина на Црна Гора“. Вистинскиот шеф на коалицијата е Миодраг Дака Давидовиќ, за кого и самиот Кривокапиќ вели дека е најзаслужен за влез во политиката, пишува Ал Џезира балканс. Ал Џезира Балканс во својата анализа вели дека рбетот и главата на црквената коалиција е Дака Давидовиќ. Тој е човек кој бил воен министер на Караџиќ во Српската автономна област Херцеговина во време на војната во Босна и Херцеговина и кој со најголемо гадење зборувал за Европската Унија и европската цивилизација, се вели во анализата. И аналитичарот Шеки Радончиќ тврди дека Русија, Белград и Српската православна црква помогнале да победат великосрпските интереси во Црна Гора. Главен финансиер, според Радониќ, на оваа коалиција е Дака Давидовиќ, бивш началник на Центарот за безбедност во Никшиќ кој во Македонија е поврзуван со огромна корупција. Српскиот портал republika.rs тврди дека западните странски служби овој контроверзен бизнисмен го квалификуваат како соработник на руските служби.

Од руски тајкун до бизнис со Заев и Рашкоски, кој е Дака?

Ивана Ефремовски — Sat, 05 Sep 2020 11:17:50 +0000

Далеку од очите на пошироката јавност на 31 август оваа година само еден ден по формирањето на старо- новата Влада на СДСМ и ДУИ во Советот на Општина Тетово каде мнозинство имаат исто така СДСМ и ДУИ се изгласа детален урбанистички план кој во себе носи криминал, корупција како и сериозен регионален контроверзен контекст, обелодени денес Александар Николоски од ВМРО-ДПМНЕ. „Со ДУПот целосно се нарушува балансот и урбаното живеење во градот. Со овој ДУП се предвидува градба од 230 000 метри квадрати од кои станови дури 140 000 метри квадратни, а околу 80 000 метри квадратни деловни објекти. Поедноставено ова значи околу 2 000 нови станови во Тетово со некаде околу 8 000 нови жители, како и деловни објекти кои дополнително ќе го оптоварат градот. План за кој нема никакви нити урбанистички нити сообраќајни услови а најмалку хумани услови за живот. План во кој потенцијалната заработка на инвеститорот надминува незамисливи 200 милиони евра! Тука доаѓаме до клучното прашање- кој е сопственик на земјиштето и за кого СДСМ и ДУИ го спремаат овој профитабилен бизнис? Сопственик на објектите на поранешен ШИК Јелак како и земјиштето на кое ќе се гради е контроверзниот црногорски бизнисмен Миодраг Дака Давидовиќ. На македонската јавност познат од разговорите кои се објавија пред парламентарните избори во кои јасно се слуша дека дал 300 000 евра со цел да му се завршат работите, а дополнително ветува 2 000 метри квадратни земјиште и 2 милиони евра доколку се дозаврши работата поврзана со ШИК Јелак Тетово. На македонската јавност и беше исто така презентирано дека Владата предводена од СДСМ и ДУИ на најмалку три седници одржани на 25.12.2018, на 15.01.2019 и на 07.02.2019 дала согласност да се понуди остатокот од ШИК Јелак на Дака Давидовиќ кој веќе поседувал дел од ШИК Јелак искористувајќи празнини во законот. Со тоа контроверзниот Миодраг Дака Давидовиќ има право да го откупи по почетна ниска цена целокупното земјиште на ШИК Јелак и на него со новиот ДУП да изгради објекти од кои ќе заработи незамисливи 200 милиони евра. Дека ништо не е случајно се слушна и во разговорите од кои се дозна дека Давидовиќ е во постојана комуникација со Драги Рашковски- генералниот секретар на Владата, а има средби и со Зоран Заев“- посочи денес тој. Миодраг Дака Давидовиќ е веќе познат за македонската јавност. КУРИР веќе пишуваше за скандалите поврзани со името на Дака, како и за неговата соработка со високи функционери во македонската Влада.

Српски тајкун со руски врски: Кој е Давидовиќ Дака со кој прават деловни планови Заев и Рашковски (27.06.2020)

„Аудио-бомба“ која се појави на јутјуб каналот „Раце Лепливи“, открива фрапантни сознанија и сомневања за криминал од меѓународни рамки во кој појавува името на контраверзниот српски бизнисмен Миодраг Давидовиќ Дака, лидерот на СДСМ, Зоран Заев и неговиот соработник и пријател Драги Рашковски, кого го именуваше за генерален секретар на владата Снимката е дел од разговор меѓу Миодраг Давидовиќ Дака и Зоран Милески Кичеец, инаку осуден во корупцискиот скандал „Рекет“, кој кажува дека е пратен директно од Зоран Заев. Потоа Милески го потсетува Дака дека му дал ветување на генералниот секретар на Владата и близок соработник на Заев, Рашкоски дека е тука ако треба да заврши работа за референдумот за името. Очигледно Давидовиќ Дака е незадоволен бидејќи се чувствува изигран за парите кои ги дал од Зоран Заев и Рашкоски бидејќи не го добил тоа што сака иако платил пари. Од разговорот се дознава дека Заев парите примени од Давидовиќ ги користел за инженеринг на референдумот за промена на името „Не сакам да одам кај Заев за да платам повторно, за тој да го плати референдумот“, вели Дака. За Миодраг Давидовиќ Дака медиумите во регионот пишуваат дека е личност со контроверзна улога, во прв ред во политичките случување во Црна Гора и Србија, а постојат сомневања дека е експонент на одредени руски кругови под контрола на тајните служби. Давидовиќ 12 години бил финансиски раководител на железараницатат „Борис Кидрич“ кај црногорскиот град Никшиќ. Потоа во деведесетите години од минатиот век бил началник на Центарот за безбедност во Никшиќ и министер во Владата на Слободна (Српска) автономна област Херцеговина, во периодот на војната во Босна и Херцеговина. По завршувањето на војната почнал да се занимава со бизнис. Го основал претпријатието „НЕКСАн“ во 1992 година кое се занимавало со трговија со нафта и алкохолни производи, а во два наврата тој и неговата компанија ја контролирале никшиќката железарница. Имал обид да влезе и во политиката и бил кандидат за градоначалник на Никшиќ. Во декември 2019 година имало обид за атентат врз ного хотелот „Краун Плаза“ во Белград, кај што неколку години наназад тој живее, а пред десет години бил и тешко повреден во физички напад со метални шипки. Во одредени медиуми се споменува како финансиер на Демократскиот фронт во Црна Гора, чии лидери беа обвинети и судени за наводниот обид за пуч во земјата зад кој стоело руското воено разузнавање. Беше посочуван како добавувач на оружје на групата која на 16.10.2016 година планирала терористички напади на денот на парламентарните избори во Црна Гора. Најавувал и дека на престојните претседателски избори сака да се кандидира за претседател на Црна Гора. Давидовиќ била апсен уште во 1997 година за наводни малверзации со Тутунскиот комбинат. Во 2009 година во медиумите се споменува како вмешан во фиктивен извоз на нафта кон Косово, но тие обвинувања обвинителството никогаш не ги потврдило. Во гореспоменатото обвинение за малверзации со Тутунскиот комбинат, ја оштетил државната каса за 10,5 милиони тогашни германски марки. До судење не дошло затоа што тогашниот претседател на Црна Гора, Момир Булатовиќ, го аболирал (слично како и Зоран Заев во 2008 година во случајот „Глобал“ од страна на тогашниот сопартиец и шеф на државата Бранко Црвенковски), бидејќи постоела опасност тој преку ваквиот притисок и компромитација да биде искористен како главен сведок во случајот за наводен шверц на тогашниот министер за внатрешни работи Филип Вујановиќ и директорот на државна безбедност Вукашин Мараш. Компанија на Давидовиќ сега е посветена на градежништвото и гради згради во Будва, Котор, Никшиќ и Подгорица. Две илјади квадратни метри се споменуваат и во неговиот разговор со Кичеец. „Ги знам тие ваши трикови. Јас вас ви дадов 300.000 евра и 2.000 квадрати, работата не е завршена, што сакате уште. Јас тебе (мисли на Кичеец) те исплатив и со тебе немам ништо“. На што Милески одговара дека има работа сега со Рашкоски. Медиумите во регионот пишуваат дека Давидовиќ бил кум на првиот претседател на Црна Гора Момир Булатовиќ ( во деведесетите) и бил во сериозен конфликт со Мило Ѓукановиќ

Мицкоски: Контроверзниот Дака го спомнува името на Заев и Рашковски, парите таму завршиле, срамно!

Ивана Ефремовски — Mon, 06 Jul 2020 19:01:12 +0000

Говорејќи за разговорот во кој се споменува името на Зоран Заев и генералниот секретар на владата, Драги Рашковски, лидерот на ВМРО-ДПМНЕ, Христијан Мицкоски на дебатата на Македонската телевизја, посочи дека се споменува лице кое организира состанок кај Заев.

„Не знам за што се организира тој состанок, веројатно вие знаете. Јас не се спомнувам, не се споменува Христијан Мицкоски, се спомнувате вие. И вие последен пат на дебатата признавте дека сте имале средба со тој господин. Јас тој господин не го познавам. Доколку тој има докази дека дал толкава сума јас го повикувам веднаш да ја проширите кривичната пријава за поткуп, да се расчисти на кому му ги дал парите. Веднаш да ги активирате овие кривични пријави“, го повика Мицкоски, претседателот на СДСМ Зоран Заев на оваа втора телевизиска дебата.

Претседателот на ВМРО-ДПМНЕ посочи дека мора да важи законот за сите подеднакво и сите вакви и слични ситуации да се земат во предвид.

„Мора да има важење на законот за секого, тоа не смее да биде секлективно“, потенцираше Мицкоски.

„Кичеец го носи Дака, човек со руски врски кај Заев, ете за кого работи тој„

Ивана Ефремовски — Tue, 30 Jun 2020 18:43:01 +0000

Го спомнавте господинот, бизнисменот Дака кој има блиски врски со Русија. Тој и кажува дека еднаш бил, го спомнува Заев, го спомнува генералниот секретар, бил втор пат незадоволен дека ветувањата од првиот состанок, дека не е задоволен од ветеното, рече лидерот на ВМРО-ДПМНЕ, Христијан Мицкоски на првата телевизиска дебата со претседателот на СДСМ, Зоран Заев што се емитуваше на телевизија 24.

Мицкоски додаде и дека од разговорите е јасно кој го носи Дака и кој со кого е поврзан.

-И тука се и Заев и Кичеец, тоа кажува дека ако Кичеец го носи Дака човек со руски врски кај Заев, се гледа за кого работи Кичеец, додава Мицкоски.

И Давидовиќ добил закани, кланот прераснува во регионална мафија: Ако Дака бил тука во времето на Груевски, зошто го спомнува Рашковски?

Ивана Ефремовски — Tue, 30 Jun 2020 15:38:33 +0000

Откако неговиот разговор со Зоран Милески – Кичеец беше употребен во кампањата, црногорскиот бизнисмен Миодраг Дака Давидовиќ излезе со јавна реакција нарекувајќи ги неточни и злонамерни написите објавени во македонските медиуми. Тој сега тврди дека парите што се споменуваат во снимката ги исплатил на Кичеец за консултантски услуги, и тоа не во времето на владата на Зоран Заев туку во времето на владата на Никола Груевски. -Значи, медиумската квалификација дека се работи за мито е премногу насочена и пресметана, бидејќи во овој деловен однос не постои ниту еден елемент што би укажувал, а камоли одредувал наведена исплата како мито и корупција. Сето ова укажува дека некому е цел деловно да ме дискредитира и да се обиде да ја спречи реализацијата на започнатите деловни проекти во Република Македонија. Фактот дека наведените парични средства сум ги исплатил на Зоран Милевски во време на владата на Никола Груевски, а не во време на владата на Зоран Заев, исто така потврдува колку написите се невистинити, а над се со цел и монтирани. Милевски, и покрај сите ветувања и преземени обврски, не успеа да обезбеди ниту една дозвола, ниту презеде какви било активности за реализација на проектот во Општина Штип, а единствено што стори за мене е што ми организираше состанок со премиерот Зоран Заев, реагира тој. Но, кога Давидовиќ ја смислувал оваа реакција изгледа заборавил дека додека Никола Груевски беше премиер, Драги Рашковски не беше вработен во Владата. Функција на Рашковски му даде лично Зоран Заев, па секој негов потег единствено може да се поврзе со СДСМ, а не со ВМРО-ДПМНЕ. -Точно е дека на состанокот со премиерот Заев ги изложив своите планови во врска со изградба на мини хидроелектрана и паркови на енергија на ветер. Меѓутоа, соопштено ми беше дека сите концесии за овој вид дејност се по повластени тарифи, веќе доделени, упатувајќи ме кај генералниот секретар на Владата, Драги Рашковски да проверам какви се плановите на Владата за идниот период, врзано за доделување нови концесии. Меѓутоа, ниту до денешен ден не добив информација која би укажала дека во иднина би можел да очекувам реализација на наведениот проект. Евидентно е дека Милевски не исполнил ниту една преземена обврска, како и дека не сум реализирал ниту еден деловен проект, така што огромните парични средства што ги вложив во недвижности останаа неактивни и заробени во Република Македонија, поради што не остварив никаква корист. Тоа се укажува дека квалификациите на одредени медиуми дека во овој случај се работи за мито се неточни и злонамерни и само и штетат на оваа држава, бидејќи ова е лоша порака на сите странски инвеститори кои сакаат да инвестираат во Република Македонија, стои во реакцијата на Давидовиќ. Изминатиов период јавноста беше сведок дека кога некој сака да обелодени криминал на Заев, станува мета на закани. Се случило ли тоа и со Дака? Ваквата негова реакција е направена како под притисок, како нешто да се обидува да сокрие и како од некој да се плаши. Се остава отворен простор за сомнеж дека кланот кој сее закани низ Македонија прераснал во регионална мафија.