мира стојчевска – Kurir.mk

Синот на Стојчевска не ги исполнувал условите за да биде вработен во ЕЛЕМ: Откриени неправилности во вработувањата на роднини на функционери

Ивана Ефремовски — Thu, 28 Mar 2019 07:57:08 +0000

Предметите кои што Антикорупциска ги отвори за вработувањата на роднините на функционерите се веќе при крај. Според информациите на Телевизија 24, антикорупционерите констатирале неправилост при вработувањето на синот на пратеничката на СДСМ, Мира Стојчевска кој е вработен во ЕЛЕМ. Според истите извори, синот на пратеничката не ги исполнил условите што биле предвидени со конкурсот за вработување. Неправилности имало и кај дел од вработувањата на другите роднини на функционери. Според најавата, овие предмети треба да бидат целосно завршени следната недела. Но Антикорупциска ќе ги објави одлуките за десетина дена кога Комисијата ќе биде во полн состав, а не следната недела, зашто тогаш двајца членови на Комисијата ќе бидат службено отсутни.

Синот на Стојчевска ќе зема 600 евра плата во ЕЛЕМ

Ивана Ефремовски — Wed, 13 Feb 2019 13:39:36 +0000

Речиси 600 евра ќе изнесува платата на синот на пратеничката Мира Стојчевска од СДСМ, кој од понеделникот почна да работи во државниот ЕЛЕМ. -Од таму вчера ни одговорија дека Виктор Стојчевски бил вработен на работното место инженер за примена на нови технологии во Сектор за развој и инвестиции, пишува „Независен“. „Платата на работното место е објавена во огласот што е објавен во два дневни весници и изнесува 35.864 денари. На огласот се пријавиле три лица, меѓу кои и избраниот. Изборот го врши генералниот директор и тоа од пријавените кандидати кои ги исполнуваат условите“, нагласуваат во ЕЛЕМ за „Независен весник“.

Арсовски обелодени нов случај на непотизам: Пратеничка на СДСМ си го вработила синот во МВР

Ивана Ефремовски — Wed, 13 Feb 2019 13:20:28 +0000

Стана всушност секојдневие за пратеничката на СДСМ Мира Стојчевска, инаку меѓу народот позната како Мира Дизел, да дознаеме дека бил ангажиран некој близок од нејзиното семејството во државна институција за многу висока плата, истакнува Димче Арсовски, портпарол на ВМРО-ДПМНЕ. -Откако се вработија синот и нејзиниот брат, последна информација е дека и нејзиниот сопруг Илчо Стојчевски е назначен за командир на шумската полиција во Делчево на ден 11.02.2019 година односно понеделник. Да потсетиме на 11. февруари со работа почнаа и нејзиниот син и нејзиниот брат, а сега и нејзиниот сопруг. Многу среќен ден е овој датум за семејството на Мира Стојчевска, па можеби треба да го земе и за куќна слава. Очекуваме дека Мира Стојчевска и за ова нема информација или пак повторно е изненадена и воопшто не знае. Ова веќе не е непотизам. Ова е епидемија од непотизам од кое што во само еден ден се заразило целото едно семејство Стојчевски. Ако веќе не е новост да разбереме дека член од семејството на Мира Стојчевска се вработува, тогаш денес ќе ви посочиме за уште еден скандалозен случај на вработување на член на семејството од уште еден пратеник од редовите на СДСМ. Имено, според кои критериуми е вработен синот на пратеничката на СДСМ од Радовиш, почитуваната Милева Ѓорѓиева, нејзиниот син се вика Стојче Ѓорѓиев, како инспектор за јавна безбедност во МВР без огласување на јавен оглас? Патем мора да потенцираме и да и обзнанеме на јавноста дека синот Стојче е пријавен на оваа работна позиција со средна стручна спрема, замислете, фармацевтски техничар. Фармацевтски техничар како инспектор за јавна безбедност, истакна тој. Портпаролот на ВМРО-ДПМНЕ прашува: Дали е тоа така само затоа што е син на Милева-Ѓорѓиева? -Ова веќе е болна работа, ова веќе е епидемија на непотизам кое може да се реши само на еден начин. А тоа е СДСМ да не бега од избори и излезе на избори каде што народот ќе си го каже своето мислење за нив. Нема човек во државата кој не е разочаран кога гледа дека без критериуми се вработуваат синови, ќерки, сопрузи, браќа, сестри, мајки, баби, дедовци на и сите останати роднини, блиски и подалечни кои што се роднини на партиските функционери на СДСМ. Веќе и на членството на СДСМ им е јасно дека си имаат работа со криминален картел кој гледа за себе да си обезбеди високи плати за семејството, високи бизниси, огромни тендери, огромни грантови и на тој начин да се натоварат што побрзо дури не паднале од власт, бидејќи деновите им се одбројани. Оваа криминогена екипа од СДСМ веќе знае дека нивниот политички крај се ближи бидејќи ништо не направија за граѓаните и државата. Единствено уништија и напакостија. Времето и народните пари ги трошат единствено за нив и нивните семејства, порача Арсовски.

Видео пародија: „Кучето Џеки ДИЗЕЛ Стојчески доби решение за Командир во гранична полиција“

Ивана Ефремовски — Wed, 13 Feb 2019 12:13:34 +0000

“Македонската јавност вчера сведочеше за непотизам од огромни размери какви што не се паметат во нашава држава. После изнесените информации низ медиумите за наводно вработување на синот и братот на пратеничката Мира Стојчевска, низ интернет порталите протече информација за наводно вработување и на нејзиното куче”, велат од Унијата на млади сили при ОК ВМРО-ДПМНЕ Прилеп, во денешната пародија, која е поттикната од непотизмот при вработувањето во државните институции. Изјавата во продолжение ја пренесуваме во целост: “За задоволство на целата јавност, денес тука до нас успеавме да го донесеме Џеки Стојчевски, кучето за кое вчера на големо се пишуваше низ интернет просторот. Како што може да забележите, станува збор за ултра паметно куче, добро ухрането од дебели патни трошоци, спремно да го даде својот придонес во општеството. Прашуваме дали кучето Џеки како единствен подобен кандидат пријавен на огласот преку Агенција за вработување, кое ги има примено сите вакцини, куче кое има покажано одлична физичка спремност, дисциплина и кое успешно ги реши сите тестови со највиско бодување е примено во гранична полиција? Или пак за истото е најдена работа во некоја друга државна институција? Очигледно покрај децата на функционерите од редовите на СДС кои ги преплавија институциите, и нивните миленици заслужуваат чесно да си го заработат свото парче леб! Тезгаџиите, пензионерите, занаетчиите и сите останати, ќе мора да го почекаат малку доаѓањето на животот кој го ветуваа во изборната кампања”, изјави Никола Златески претседател на УМС при ОК ВМРО-ДПМНЕ Прилеп. Извор: Маркукуле

По вработувањата на синот и братот, сопругот на пратеничката Мира Стојчевска унапреден во командир во шумска полиција

Предраг Кукиќ — Wed, 13 Feb 2019 11:23:15 +0000

Не стивнуваат реакциите на социјалните мрежи по врботувањата на блиски роднини на пратеничката од СДСМ Мира Стојчевска. По информацијата дека во ист ден во ЕЛЕМ и во РЕК Битола која работи во состав на државната енергетска компанија се вработени нејзиниот син и брат, денеска се споделува и информација дека и сопругот на Стојчевска пред еден месец е унапреден во командир на Шумската полиција во Делчево, пишува Плус Инфо. ОдПлусинфо го контактираше сопругот на Стојчевска, Илјо. Тој не криеше дека е унапреден, но прокоментира дека добил само овластување да ја извршува функцијата командир на шумската полиција во Делчево по оставка на претходникот. – Заменик командир на шумската полиција од Делчево сум од моето вработување при основањето на шумската полиција. Сега имам добиено само овластување за командир оти претходниот командир даде оставка на функцијата – рече Стојчевски. Тој не знаеше да каже кога точно го добил овластувањето.

Арсовски: Пратеничката Мира Дизел Стојчевска по синот, си го вработи и братот на државен трошок

Ивана Ефремовски — Tue, 12 Feb 2019 12:56:32 +0000

Воопшто не и е лесно на пратеничката Мира Дизел Стојчевска штом не знаела и морала од медиумите да разбере дека нејзиниот син Виктор Стојчевски аплицирал и за негова среќа бил вработен во државната ЕЛЕМ, реагира Димче Арсовски, портпарол на ВМРО-ДПМНЕ. -За да не ги обвини медиумите дека кријат информации од нејзе, еве да и помогнеме со уште една информација, која би сакале да ја потврдиме пред целата македонска јавност. Почитувана Мира, дали е точно дека покрај Виктор, твојот син вработен во ЕЛЕМ, преку агенција за времени вработувања е примен и твојот брат како перспективен бравар со завршено средно училиште? Еве и шанса на Мира Дизел Стојчевска да се јави кај нејзиниот брат и да го праша дали и тој е ангажиран во ЕЛЕМ односно во РЕК Битола? Дали е на определено или неопределено време? Дали и тој стартува со работа од 11 февруари? Според нашите информации датумот на спроведување на вработувањето на син и на брат и во Агенцијата за вработување се на 09.02, односно во саботата, а изборите се распишани во петокот на 08.02. Првиот работен ден на Виктор и на брат и на Мира бил вчера односно на 11.02 во понеделник три дена после распишувањето на претседателските избори од страна на Собранието. Она што е симптоматично и ја интересира јавноста е следново: Дали е точно и како е можно да син и на Мира Стојчевска да биде пријавен за вработен во државната ЕЛЕМ ден после распишување на претседателските избори во Собранието? Премногу е симптоматично исто така, како е можно сите блиски роднини на функционерите од власта токму сега да добијат шанса за вработувања и тоа баш во институциите и претпријатијата каде што платите се многу повеќе од 500 евра просечната плата која што ја ветуваше Зоран Заев пред изборите. Но, еве најверојатно тоа е дел од планот на СДСМ и Владата за покачување на просечната плата, така што ќе си ги вработат своите роднини на места каде што ќе земаат многу повисока плата од просечната за сметка на сите оние граѓани кои што земаат далеку пониска плата од просечната, истакна Арсовски. Портпаролот на ВМРО-ДПМНЕ порачува дека ова е лицемерие од кое што сите граѓани се згрозени. -Барем малку ако имате срам, барем само грам срам ако имате, веднаш ќе си поднесете оставки и ќе се срамите за се што претходно сте зборувале. Но, бидејќи немате ниту срам ниту перде, вие и понатака пробувате да ги оправдате овие постапки. Ова нема оправдување! Слободно вие правдајте се, граѓаните гледаат и никогаш повеќе нема да ја добиете нивната доверба која што ја изгубивте. Дополнително, сите овие вработувања и класични примери на непотизам по доаѓањето на власт на ВМРО-ДПМНЕ ќе бидат ревидирани и за истите ќе бидат поведени постапки на кој начин и како се вработени, порачува Арсовски.

Се откажа од нафтата: Мира Дизел доби субвенции за печка на пелети

Дарко Андоновски — Fri, 11 Jan 2019 13:15:10 +0000

Пратеничката од редовите на СДСМ, Мира Стојчевска која имаше скандалозна изјава кога се покачија цените на горивата како резултат на зголемената акциза за нафтата, дека врпочем зголемувањето на цените на нафтените деривати нема да ги погодат сиромашните, бидејќи тие и онака не возат автомобили сега се откажа од греењето на нафта, пренесува Вечер. Имено таа во јавноста е по позната по нејзиниот прекар Мира Дизел кој го доби благодарение на рекордните патни трошоци кои таа ги има како пратеник во Собранието, а сега можеби нејзиниот прекар ќе треба да претрпи мала промена. Таа како и низа на други високи функционери на СДСМ се најде на листата на добитници на државни субвенции за печки на пелети во Делчево. На списокот за субвенции за печки за пелети се најдоа Илјо Стојчевски сопруг на пратеничката Мира Стојчевска, Кирил Тренчевски советник во советот на СДСМ и Член на централен одбор на СДСМ, Фиданчо Тренчевски татко на претседателот на младината на СДСМ Делчево, Влатко Даневски раководител на фондот за Здравство во Делчево, Венцислав Ѕабирски шеф на царина на Делчево и член на општинската организација на СДСМ, цариници и нивни блиски, сопруги, родители кои са активисти на СДСМ.

Брутални навреди кон народот од синот на пратеничката на СДСМ која тврдеше дека покачувањето на акцизата нема да ги погоди сиромашните

Курир — Sun, 03 Jun 2018 09:26:46 +0000

Виктор Стојчевки, син на пратеничката на СДСМ, Мира Стојчевска на социјалните мрежи излезе со тешки навреди за граѓаните кои синоќа во масовен број излегоа пред Владата во Скопје, на протестот организиран од опозициската ВМРО-ДПМНЕ. -Хибернирани кретени по улиците на Скопје, напиша синот на пратеничката на СДСМ, според кого реките народ кои синоќа излегоа на протестот не се ништо друго, туку „излеана фекална канализација“. Инаку, ваквите негови навреди доаѓаат само неколку дена откако неговата мајка ја разбрани јавноста со контроверзна изјава дека покачувањето на акцизата на дизелот немало да ги погоди сиромашните граѓани во земјава, бидејќи тие и така немале автомобили. -Покачувањето на акцизата на дизелот нема да ги погоди сиромашните граѓани бидејќи 60% од сиромашните домаќинства во Македонија немаат автомобил, изјави Мира Стојчевска. Дополнително, Мира Стојчевска е една од пратеничките со најголеми исплатени патни трошоци. За само девет месеци, пратеничката добила 11.736 евра за патни трошоци. Токму поради ова, за нејзе е сосема неважно за колку е зголемена акцизата на дизелот, но дали е тоа така и за обичните граѓани?

Земала 12 илјади евра за патни трошоци: Која е пратеничката на СДСМ за која поскапа нафта не е проблем за сиромашните оти немаат автомобили

Матеја Петровски — Sat, 19 May 2018 09:06:10 +0000

Од опозициската ВМРО-ДПМНЕ побараа да се намали акцизата за горивата, за да им се излезе во пресрет во граѓаните кои даваат премногу пари за тоа. Партијата побара измени во Законот за акцизи со кои се предвидува намалување на акцизата за 3 денари на дизелот и црвената нафта. Меѓу оние кои учествуваа во дискусијата околу ова барање на опозицијата беше и пратеничката на СДСМ, Мира Стојчевска, која на седницата на собраниската комисија за финансирање и буџет кажа дека покачувањето на акцизата на дизелот нема да ги погоди сиромашните, бидејќи не поседувале автомобили. -Покачувањето на акцизата на дизелот нема да ги погоди сиромашните граѓани бидејќи 60% од сиромашните домаќинства во Македонија немаат автомобил, кажа Стојчевска. Инаку, Мира Стојчевска беше кандидатот на СДСМ во Делчево кој се бореше на предвремените парламентарни избори да влезе во парламентот и да ги брани иинтересите на делчевчани. Кандидатот за пратеник на СДСМ од Делчево, Мира Стојчевска во листатата на пратеници во третата изборна единица на истокот се најде на високото 6-то место. Таа е пратеничка која заклучно со месец март, за девет месеци добила 11.736 евра за патни трошоци. Таа е родена на 19.7.1966 во Битола и има завршено Шумарски факултет. Стојчевска е член на комисијата за земјоделство, шумарство и водостопанство, член во комисијата за еднакви можности на жените и мажите, член заменик-член во комисијата за локална самоуправа, претседател на Пратеничката група на Собранието на Република Македонија за соработка со Парламентот на Кралството Шведска, и член на пратеничката група на Собранието на Република Македонија за соработка со Парламентот на Швајцарската Конфедерација.