миралем пјаниќ – Kurir.mk

Пјаниќ ја напушта Барселона

Бошко Тасиќ — Mon, 05 Sep 2022 20:39:45 +0000

Иако се очекуваше Пјаниќ да остане во Барселона, сепак не добива голема минутажа и може да си замине од „Камп Ноу“ следните денови. Фабрицио Романо пренесува дека Шарја од Обединетите Арапски Емирати е силно заинтересирана за Пјаниќ и плејмејкерот е отворен за преселба на Блискиот Исток. Преодниот рок на Емирати се уште е отворен, па Пјаниќ има можност да го реализира трансферот.Клубот му понудил тригодишен договор на Босанецот, а Барселона ќе добие 3 милиони евра обештетување.

Чави и Барса со јасна порака до Пјаниќ: Барај си нов клуб!

Ристе Здравков — Mon, 11 Jul 2022 14:16:05 +0000

Барселона не смета на босанскиот играч за врска Миралем Пјаниќ и бара од него малку да се потруди околу заминувањето од клубот. Според информациите од Шпанија, клубот веќе го информирал Пјаниќ и неговиот агент дека тој не е планиран на листата на патници за претсезонска турнеја во САД. Иднината на Пјаниќ стана уште покомплицирана откако во тимот на Барселона дојде ѕвездата на Милан, Френк Кеси, а Чави и натаму одбива да го врати Пјаниќ во тимот за следната сезона. Босанецот минатата сезона ја помина на позајмица во екипата на Бешикташ, од каде летово се врати во Шпанија.

Барселона e пред разделба со Пјаниќ

Магдалена Андонова — Mon, 11 Jul 2022 07:26:04 +0000

Барселона е пред разделба со играчот од средниот ред Миралем Пјаниќ. Во исто време, Каталонците сакаат тоа да се случи што е можно поскоро. Многу веројатно, 32-годишниот репрезентативец на Босна и Херцеговина да не замине на претсезонска турнеја низ САД, каде Барселона ќе оди на 16 јули. Пјаниќ минатата сезона ја мина на позајмица во Бешикташ. Неговиот договор со каталонскиот клуб е со важност до јуни 2024 година. (МИА)

Пјаниќ би можел да ги следи Толисо и Лаказет за да се врати во Лион

Дарко Андоновски — Thu, 07 Jul 2022 07:17:22 +0000

Францускиот фудбалски прволигаш Лион е заинтересиран за потписот на играчот од средниот ред на Барселона, Миралем Пјаниќ, објави „RMC sport“. Претходно, босанскиот фудбалер веќе играше за Лион од 2008 до 2011 година. Актуелниот договор на Пјаниќ со Барселона е до 2024 година. Порталот „Трансфермаркт“ го проценува играчот од средниот ред на 11,5 милиони евра. Пјаниќ минатата сезона играше за Бешикташ како позајмен играч. Настапи на 26 натпревари и имаше четири асистенции. За потсетување, летово Лион ги врати во тимот двајцата поранешни играчи, Александре Лаказет и Корентин Толисо.

Миралем Пјаниќ испрати брутална порака откако Куман доби отказ

Ристе Здравков — Thu, 28 Oct 2021 14:22:08 +0000

Роналд Куман вчера доби отказ од тимот на Барселона. По бројните шпекулации за заминување, раководството на каталонскиот тим реши да му врачи отказ на Холанѓанецот по поразот од Рајо Ваљекано (1:0). Многу навивачи на Барселона се задоволни од одлуката, а среќен е и играчот од средниот ред на БиХ, Миралем Пјаниќ, кого Куман буквално го исфрли од клубот. Откако само остави „лајк“ на сликата за отказ, тој денеска на својот Инстаграм остави навистина брутална порака која веројатно е посветена на Куман. „Знаеја кога да го пуштат тоа срање.“

📲| Miralem Pjanić on instagram. pic.twitter.com/ewIBqOXqJP
— Barça Buzz (@Barca_Buzz) October 28, 2021

Да потсетиме, 31-годишниот играч за врска на БиХ имаше многу проблеми со холандскиот тренер на Камп Ноу.

Барселона е подготвена да му плаќа дел од платата на Пјаниќ, само да се ослободи од него

Тале Кристо — Mon, 09 Aug 2021 11:21:39 +0000

Миралем Пјаниќ би можел да се врати во Јувентус, а Барселона е подготвена да му плаќа дел од платата. Барселона се обидува да се ослободи од фудбалерите кои не и се потребни, но проблем се високите плати кои им ги дава, а никој друг не им ги нуди. Таква е ситуацијата и со Пјаниќ. На вчерашниот пријателски меч меѓу Барселона и Јувентус, Пјаниќ беше исвиркан. Тој една сезона помина на Камп Ноу, но не импресионираше. Јувентус е во преговори за да го врати, но нема намера да му ја дава годиишната плата од 8,5 милиони евра по сезона која ја добива во Барселона. Можно е Пјаниќ да биде испратен на позајмица во Јувентус, а дел од платата да му ја плаќа Барселона.

Барселона може да го врати Пјаниќ во Јувентус во замена за Бентанкур

Дарко Андоновски — Tue, 11 May 2021 10:50:27 +0000

Фудбалерот за врска на Барселона, Миралем Пјаниќ, може да се врати во Јувентус. Според радиото „РАЦ1“ претставници на клубовите неодамна се состанале за да разговараат за можното враќање на Босанецот. Се претпоставува дека Пјаниќ може да биде заменет со уругвајскиот играч за врска на Јуве, Родриго Бентанкур. Во моментов преговорите се прекинати, но Барселона и Јувентус се согласија дека можат да ги продолжат во секое време. Пјаниќ се пресели во каталонскиот клуб минатото лето како резултат на размена за Артур. За слична размена се разговара и за 23-годишниот Бентанкур.

Пјаниќ може да оди во Челзи или Интер

Дарко Андоновски — Thu, 06 May 2021 10:41:46 +0000

Играчот за врска Миралем Пјаниќ може да ја напушти Барселона за време на летниот преоден рок. „Диарио Спорт“ пишува дека Челзи и Интер веќе оствариле контакт со каталонскиот клуб во врска со можниот трансфер на 31-годишниот фудбалер. Лондонскиот клуб минатото лето покажа интерес за играчот. Интер ја цени вештината на Пјаниќ и верува дека тој ќе му помогне на тимот, кој штотуку ја освои титулата во лигата, да стане уште посилен. Пјаниќ е подготвен да остане во Барса, бидејќи е сигурен дека сепак ќе добие шанса да се докаже. Ако Роналд Куман остане во тимот, тогаш улогата на Пјаниќ во Барселона нема да стане позначајна. Играчот за врска прима многу голема плата, а управата на клубот не сака да го задржи ваквиот договор за играч кој скоро никогаш не влегува на теренот. Најуспешна опција за Барселона е изнајмување на Пјаниќ, бидејќи сега цената на играчот драматично падна. Пјаниќ разговарал со Куман за ситуацијата. Конечната одлука за иднината на играчот ќе биде донесена во јуни. Босанецот оваа сезона настапи на само 17 натпревари во Примера.

Пјаниќ не знае зошто добива мала минутажа во Барселона

Тале Кристо — Mon, 15 Feb 2021 09:13:14 +0000

Фудбалерот за врска на Барселона, Миралем Пјаниќ го сподели своето мислење зошто стручниот штаб му дава мала минутажа. -Не ги знам точните причини зошто ја немам очекуваната минутажа. Ќе продолжам да работам напорно. Ние мора да ги почитуваме тренерските одлуки, дури и ако не се согласувам со нив. Сакам да оставам свој белег во овој клуб, изјави Пјаниќ за „Телефут“. Оваа сезона Пјаниќ одигра 24 натпревари за Барселона на сите турнири на кои не постигна еден гол. Играчот поминува на теренот во просек 49 минути по натпревар.

Пјаниќ се кае што дојде во Барселона: Потпишав поради Меси, а имав подобра понуда!

Ристе Здравков — Tue, 01 Sep 2020 14:42:00 +0000

Босанската ѕвезда Миралем Пјаниќ уште пред два месеци дојде во Барселона во размената во која Артур Мело замина во Јувентус, ама по се изгледа Босанецот веќе се кае што потпиша за Каталонците, откако Лионел Меси реши да си оди и веќе го бојкотира шпанскиот великан со неодаѓањето на почетокот на подготовките. Пјаниќ, кој има коронавирус, па е во изолација во Торино и дури идната недела би требало да допатува на „Камп Ноу“ и да почне со тренинзите во новиот клуб. Ама, изјавата од неодамна кога со нетрпение чекаше да почне да игра со најдобриот светски фудбалер, сега е мета на потсмев. „Дојдов во Барселона за да играм со Лионел Меси и затоа одбив многу подобра понуда од Пари Сен Жермен“, рече Пјаниќ неодамна. Сега Босанецот нема да има шанса да игра со аргентинската суперѕвезда, а веројатно се кае што не ја прифати многу побогатата понуда од париските „светци“.