миравци – Kurir.mk

СЛЕДЕТЕ ВО ЖИВО: „Важно е! Од тебе зависат промените“ – Мицкоски во Миравци

Ивана Ефремовски — Tue, 17 Oct 2023 15:25:10 +0000

Денеска 17.10.2023 година (вторник), ВМРО-ДПМНЕ продолжува со кампањата „Важно е! Од тебе зависат промените“ во општината Гевгелија. Лидерот на ВМРО-ДПМНЕ, Христијан Мицкоски, по низата настани кои ги имаше денес, ќе изврши увид во градежни активности на асфалтирање и бетонирање во населено место Миравци. Во 18:00 ќе се обрати пред присутните граѓани во населено место Миравци, во Гевгелија. Изјавата можете да ја следите во живо на линкот во продолжение:

На авотпатот кај Миравци пронајдени 10 мигранти од Сирија и еден од Ирак

Ивана Ефремовски — Sat, 06 May 2023 14:50:53 +0000

На автопатот А1, кај клучка Миравци, синоќа во 20.20 часот полицијата во патничко возило „ауди“ пронашла мигранти од Сирија и едно лице мигрант од Ирак. Како што денеска информираа од МВР, полициски службеници од Регионалниот центар за гранични работи Југ дале знак за запирање на патничко возило „ауди“ со струмички регистарски ознаки, но возилото не застанало. - Набргу, возилото било запрено и во него биле пронајдени 10 лица мигранти од Сирија и едно лице мигрант од Ирак, кои биле сместени во прифатно-транзитен центар. Се преземаат мерки за расчистување на случајот, појаснуваат од МВР.

Товарен воз удрил во стадо овци кај Миравци

Тале Кристо — Mon, 31 Oct 2022 18:35:05 +0000

Товарен воз усмртил околу 30 овци кај Миравци, потврди вечерва за МИА, Тони Ангеловски, помошник на министерот за внатрешни работи, за односи со јавноста. – Денес околу 15 часот во Полициската станица Гевгелија, било пријавено дека во близина на железничка станица Миравци, товарен воз кој сообраќал на релација Гевгелија-Скопје, удрил во стадо овци, при што биле усмртени околу 30 овци, а повредени лица нема, појасни Ангеловски за МИА. Увид на местото врши екипа на Полициска станица Гевгелија.

ХИТ ВИДЕО ОД СТРУМИЧКО: Поп не е поп ако за Водици не падне во вода заедно со верниците

Дарко Андоновски — Wed, 19 Jan 2022 14:59:39 +0000

На големиот христијански празник Богојавление речиси низ целата земја се фрла светиот крст во реките, езерата, но и базените. А, секоја година верниците го овековекуваат тој момент снимајќи го со телефон. Истото се случи и оваа година, но се ќе беше вообичаено фрлање на крстот во струмичко Миравци доколку попот не паднеше во вода лизгајќи се по тревата. Видеото беше објавено на Инстаграм профилот „Роберто Навали“, погледнете:

Поп не е поп ако за Водици не падне во вода заедно со верниците pic.twitter.com/F7SUDLYSoz
— Курир (@KurirMK) January 19, 2022

ВМРО-ДПМНЕ ќе изгради ветерен парк во Миравци

Ивона Петрова — Wed, 26 Feb 2020 08:41:13 +0000

По 12-ти април кога ВМРО-ДПМНЕ ќе ја формира новата Влада ќе следи обнова која ќе значи почист воздух и повеќе здравје за граѓаните, велат од партијата. Оттаму додаваат дека еден од клучните приоритети на новата Влада предводена од ВМРО-ДПМНЕ ќе биде животната средина и чистиот воздух. -ВМРО-ДПМНЕ се обврзува на обнова која ќе донесе до 50-тина проценти почист воздух во првиот мандат. Тоа подразбира намалување на загадувањето за 50 проценти. Оваа ќе значи реализација на целосна гасификација на државата, создавање на услови гасот да биде достапен до секое домаќинство и да стане широко распространет енергенс кој ќе се користи. Воедно тоа подразбира и негово користење од државните институции како и од компаниите кои се загадувачи. Истовремено новата Влада предводена од ВМРО-ДПМНЕ ќе инвестира во зелени еко проекти и нови вложувања во екологијата. Сето ова сериозно ќе го намали загадувањето или најмалку до 50-тина проценти на крајот од мандатот од тоа што е состојбата сега. Почист воздух за повеќе здравје. ВМРО-ДПМНЕ обврзува на обнова која подразбира инвестиции во обновливи извори на енергија. Ветерен парк Миравци за складирање на енергијата. за прв пат изградба на таков проект во нашата држава. Ветерен парк Миравци кој што ќе располага со ветерен потенцијал со вкупна инсталирана моќност и производство на електрична енергија од 300 GWh, се наведува во соопштението. Системот за складирање на оваа електрична енергија ќе овозможи енергијата која што се произведува во периодите кога има вишоци да биде складирана и истата во периоди на недостаток да биде испорачана до потрошувачите. Со што ќе бидат опфатени околу 6.000 домаќинства. -По 12-ти април ќе дојде обновата на Република Македонија. Обновата ќе значи повеќе за секој граѓанин на Република Македонија, велат од ВМРО-ДПМНЕ.

Пронајдено починато лице кај Миравци, познат неговиот идентитет

Ивана Ефремовски — Thu, 05 Dec 2019 16:24:21 +0000

Во близина на Шумското складиште кај село Миравци, вчера било пронајдено тело на починато лице, соопшти денеска СВР Струмица. Лекар од Итната медицинска помош констатирал смрт без траги на насилство, а екипа од полициската станица во Гевгелија констатирала дека се работи за лицето Н.С. (55) од село Давидово. По наредба на јавен обвинител телото било предадено на обдукција. (МИА)

Мицкоски: Граѓаните се исправаат над неправдите, се противат на тешкото време кое го донесе оваа власт

Ивана Ефремовски — Mon, 29 Apr 2019 18:24:33 +0000

Лидерот на ВМРО-ДПМНЕ, Христијан Мицкоски беше во Миравци, Гевгелија. -Се повеќе граѓани се исправаат над неправдите, се противат на тешкото време кое го донесе оваа власт. Не е сеедно каква одлука ќе донесете, од таа одлука зависи заедничката иднина. Или ќе прифатите во ваше име да одлучуваат неспособни политичари од власта кои се однесуваат неодговорно кон заедничките судбини или ќе поддржите опција која ќе донесе правда, која ќе биде вашиот глас во политиката. Гордана е тој избор, честит и стаменит човек, жена со кредибилитет и визија за нашата татковина Република Македонија, посочи тој.