мирче ацев – Kurir.mk

80 години од убиството на Страшо Пинџур и Мирче Ацев, македонските народни херои биле ѕверски мачени

Ивона Петрова — Wed, 04 Jan 2023 08:50:47 +0000

На денешен ден пред 80 години во Скопје убиени се македонските народни херои Страшо Пинџур и Мирче Ацев. Бугарската полиција го убила Страшо Пинџур по повеќедневно ѕверско мачење. Бил член на КПЈ од 1934 годин. Роден бил во селото Ваташа, Кавадаречко, на 5 март 1915 година. Ацев бил убиен по петдневно мачење од бугарската полиција која го фрлила низ прозорец. Правиот батаљон на Народноослободителната војска на Македонија го добил неговото име. Бил член на Покраинскиот комитет на КПЈ на Македонија од 1941 година и член на Главниот штаб на НОВ и ПО на Македонија. Роден е во селото Ореовец, Прилепско, на 26 септември 1915 година.

Концерт на Академското културно-уметничко друштво „Мирче Ацев“ по повод 70 години постоење

Ивона Петрова — Tue, 10 Dec 2019 07:04:32 +0000

Академското културно-уметничко друштво „Мирче Ацев“ вечер во Националната Опера и Балет ќе одржи „Генерацискиот концерт” по повод 70 години негово постоење. На концертот ќе учествуваат фолклорниот ансамбл, академскиот хор и народниот оркестар, како и уметници кои твореле изминатите години во друштвото. Академското културно-уметничко друштво „Мирче Ацев“ е симбол на македонската култура и уметност, амбасадор и презентер на македонското хорско, драмско и фолклорно творештво. Тоа седум децении е подвижен музеј на непроценливото македонско богатство, кое претставува историја и идентитет на македонскиот народ. АКУД „Мирче Ацев“ е формиран од страна на Универзитетот „Св. Кирил и Методиј“ во Скопје во 1949 година како потреба на студентската младина да ги собира, негува и обработува македонското фоолкорно богатство, ората, песните, инструментите, богатите оригинални носии, македонскотоо хорско пеење со цел да го презентира Универзитетот „Св. Кирил и Методиј“ во земјава и надвор од неа преку фестивали, концерти и други настани во областа на културата.

АКУД „Мирче Ацев“ ќе одбележи 70 години од своето постоење

Ивана Ефремовски — Mon, 20 May 2019 06:56:57 +0000

Со концерт на фолклорниот и хорскиот ансамбл, Aкадемското културно-уметничко друштво „Мирче Ацев“ денеска ќе одбележи 70 години од своето постоење. Друштвото ќе одржи целовечерен свечен концерт, кој веќе посетителите секоја година го очекуваат, поради својата долгогодишна традиција што се покажа како манифестација која заслужува почит во месецот кој изобилува со настани од културата. На концертот ќе настапи и народниот оркестар на „Мирче Ацев“, а солистка ќе биде познатата пејачка Елена Петреска. Во текот на следниот период предвидени се голем број настапи и концерти, а во летниот период, пак, во план е и одржување на 40-то издание на Меѓународниот студентски фолклорен фестивал. (МИА)

АКУД „Мирче Ацев“ – Скопје го најавува Меѓународниот студентски фолклорен фестивал

Ивана Ефремовски — Tue, 21 Aug 2018 11:32:53 +0000

Од 23-ти до 28- ми август 2018 година во организација на АКУД „Мирче Ацев“ – Скопје ќе се одржи Меѓународниот студентски фолклорен фестивал. Овој фолклорен фестивал се одржува од далечната 1967 година како израз на благодарност на земјите кои помогнаа во изградбата на Скопје по катастрофалниот земјотрес во 1963 година. Фестивал уште се нарекува и фестивал на солидарноста. Скопските студенти го иницираа организирањето на фестивалот кој се одржува и ден денес. И оваа година организаторите имаат богата петдневна програма за сите учесници. Инаку, покровители на фестивалот се Универзитетот „Свети Кирил и Методиј“ во Скопје, Министерството за култура, Општина Карпош, Општина Гази Баба и Општина Велес. Програмата ја гледате во продолжение: