мирис – Kurir.mk

Како да се ослободите од непријатниот мирис од фрижидерот: Еден трик го решава проблемот

Ристе Здравков — Thu, 24 Aug 2023 07:23:09 +0000

Состојка која сите ја имаме дома е прва помош за овој проблем Непријатност која барем еднаш му се случила на секој од нас е моментот кога го отвораме фрижидерот и не обзема непријатна миризба. Првата реакција најчесто е да се утврди дали во него останало нешто гнило, а кога ќе се утврди дека не, останува прашањето како да се ослободите од непосакуваниот мирис? Мешавинаta од мириси составена од најразлични намирници може лесно да се неутрализира. Најпрво, отстранете ги од фрижидерот сите намирници кои можеби го предизвикале несаканиот мирис. Избришете ги сите полици, преуредете ги намирниците и сад наполнет со сода бикарбона ставете во фрижидер и затворете ја вратата, советува „Recipes.timesofindia.com“. Оставете го да отстои неколку часа. Овој трик треба да ги неутрализира непријатните мириси од фрижидерот.

Нема да ве чини ништо: Имаме проверен трик со кој вашата куќа веќе никогаш нема да мириса на риба

Ристе Здравков — Fri, 16 Jun 2023 08:36:49 +0000

Некои домаќинки решаваат да ги купат рибите веќе готови и пржени, додека некои ги засукаат ракавите и влегуваат во кујната и сакаат сами да ги подготват. И тоа е одлично. Но, мирисите кои се шират низ куќата за време на оваа работа не се секогаш добредојдени, особено ако очекувате гости. За да ви помогнеме да се ослободите од мирисот на печена риба, кој многумина го опишуваат како „многу непријатен“, ќе ви откриеме супер трик кој докажано делува. Имено, вметнете пет чепкалки во маслото во кое ја пржите рибата и ќе видите дека мирисот ќе биде многу понеинтензивен. Скоро и ќе го нема. Секако, ако пржите многу риба, одвреме-навреме треба да ги менувате чепкалките. Можеби ви звучи глупаво, но овој трик докажано функционира.

Еве зошто треба да држите ТЕГЛА СО ОРИЗ во вашиот ОРМАР

Ристе Здравков — Wed, 25 Jan 2023 08:39:16 +0000

Доколку сакате вашите плакари и соби секогаш да мирисаат пријатно, се што ви треба е стаклена тегла, ориз и неколку капки есенцијално масло. Оризот совршено ги впива мирисите на есенцијалното масло, така што ќе го задржи мирисот во вашата гардероба неколку месеци. Тоа е подобар избор од освежувачите за воздух купени во продавница бидејќи не содржи никакви хемикалии. Можете да изберете масло од кој било мирис. Маслото од маточина е најефикасно ако сакате да ги елиминирате непријатните ароми. Се прави со полнење на тегла со ориз и додавање 10 до 20 капки есенцијално масло. Покријте и добро протресете за рамномерно да се распореди маслото. Отстранете го капакот, покријте ја теглата со газа и прицврстете ја со гумена лента. Кога ќе забележите дека интензитетот на мирисот е намален, само протресете ја теглата или додадете неколку капки масло. Освен за гардероби, можете да го користите и како освежувач на просторијата.

КАКО ВАШИОТ ДОМ ДА МИРИСА НА ЧИСТО, НОВО И ЛУКСУЗНО: Трикови со кои ќе внесете мириси на СПА и велнес оази

Ристе Здравков — Mon, 19 Dec 2022 12:21:18 +0000

Ако мислевте дека е тешко да направите просторот во кој поминувате време да мириса на луксузно СПА-одморалиште или како хотелска соба со 5 ѕвезди – не грижете се, постојат многу начини да направите вашиот простор да мириса божествено – од правење потпури од сушено цвеќе (олд скул) до инвестирање во дифузер со етерични масла, сè до докажан рецепт – миризливи свеќи. Но, пред да ви ги откриеме триковите со кои вашиот дом ќе се „бања“ со пријатни мириси, еве што треба прво да направите за се друго да има ефект. Користете вреќи за отпад со мирис Редовното празнење на отпадот се подразбира, но секако ќе помогне употребата на миризливи кеси кои ги неутрализираат непријатните мириси. Перење на теписи и килими Ова правило е можеби едно од најважните доколку сакате вашиот дом да мириса пријатно. Добро би било барем еднаш во сезоната длабоко да ги чистите теписите и патеките, а доколку имате домашни миленици почесто се советува вакво нешто. Редовно проветрување, особено ако има готвење или пушење во просторијата Миризливи свеќи, дифузери, стапчиња… нема да ви помогнат доколку редовно не ги проветрувате просториите. Мирисот на храна и цигари најлесно се „закачува“ на ткаенини, а останува и најдолго, па затоа се препорачува да се префрлите од цигари на електрична варијанта која има помалку пријатен мирис во однос на цигарите, и аспиратори и прочистувачите на воздух се идеални за простори каде што нема доволно вентилација или прозорци како што е случајот со кујните и трпезариите. Дифузери Дифузерите се одличен начин да внесете свежина во вашиот дом. Потребно е само малку масло и просторот ќе мириса на најлуксузните хотели. Вклучени освежувачи Електричните освежувачи на воздух се исто така фантастичен избор за да го направите вашиот дом миризлив. Сè што треба да направите е да ја изберете вашата омилена арома, да ги вклучите и да ги оставите да ја направат својата магија. Потпури од стари цвеќиња и овошје Го знаете ли тој прекрасен мирис на цимет и јаболка? Или мешани ароми на рози или лаванда? Потпури е прекрасен и суптилен начин да му дадете на вашиот дом пријатен и ненаметлив мирис. Онлајн можете да најдете безброј сорти на потпури сами, а најлесниот начин е да користите сушени цветови или да исечете на прстени овошје како што се јаболка или портокали (и да додадете цимет доколку е потребно), да ги печете во рерна на пониска температура помеѓу час и два часа, а потоа да ги посипете со малку етерично масло како здравец, бергамот или сандалово дрво и наредете ги во сад. И Voila – добивте не само прекрасен освежувач на просторот, туку и декорација што нема да остане незабележана. Готвено овошје и вино Ако поптурите не ви се ваш стил, но сакате вашиот дом да го добие тој „празничен допир“, наједноставниот начин е да сварите овошје со малку зачин. Каранфилчето, циметот и анасонот ќе дадат сосема нова арома. Без разлика дали правите вино или чај, вакво нешто брзо ќе ја направи атмосферата потопла и попријатна. Свежо цвеќе Секако, не треба да заборавиме дека свежото цвеќе и тоа како прави разлика. Дури и во зима постојат видови кои мирисаат интензивно како летните букети и кои ќе го претворат вашиот дом во најубава градина. Миризливи марамчиња за сушење алишта Еден од најлесните трикови за освежување е да користите миризливи марамчиња за машината за сушење алишта на друг начин. Се што треба да направите е да ги протриете преку перниците и креветот и ќе видите дека целиот простор ќе мириса свежо. Спрејови за мебел и завеси Овие производи сега се попопуларни од кога било, главно поради разновидноста на мириси. Од вас зависи дали сакате да ја изберете аромата на памук, кремаста ванила, „зачинет“ цимет или нешто друго. Испрскајте мала количина на завеси и драперии или на мебел и гарантираме дека ќе ја почувствувате разликата.

Како облеката да мириса долго време по перењето? Овој трик го знаат само искусни домаќинки!

Ристе Здравков — Mon, 25 Jul 2022 11:24:58 +0000

Сега кога сè ни е достапно преку социјалните мрежи, многу лесно можеме да добиеме некои информации. Девојките повеќе не мора да им се јавуваат на своите мајки за секој совет, тие имаат се на интернет. Една жена на социјалната мрежа го сподели методот со кој алиштата и мирисаат свежо, и тоа долго време. Најпрво земала три пакувања сунѓери за миење садови и омекнувач што вие го избирате по ваш вкус, односно мирис кој ви одговара. Сунѓерите исечени на две половини ги ставила во пластичен сад и го наполнила со нив до половина, а исто толку полила и со омекнувач. Го додала остатокот од сунѓерчињата и го наполнила садот до работ со вода. Сè убаво измешала, ги ставила алиштата во машина за сушење, додала две натопени сунѓери и ја вклучила програмата. – Одлично е што можете да ги користите повеќе пати, важно е само да ги исцедите пред да ги ставите во машина за сушење – гласи еден од коментарите.

Како да го изберете совршениот парфем, совет од експертите на Шанел

Ивона Петрова — Sat, 23 Jul 2022 18:50:21 +0000

Откријте ја својата мирисна нота, доколку не знаете како најдобро да го направите тоа прочитајте ги советите на експерите. Како да изберете совршен парфем за вас? Откријте ги своите ноти Мирисот би требало да биде што поедноставен. Почнете со основното, изберете парфем кој го сакате. Идентификувајте ги омилените мирисни ноти. Обрнете внимание на она што ги одговара. Кога ќе пронајдете исти или слични мириси кои ги одговараат тоа е мирисот кој природно ви одговара. И веќе сте завршиле најголем дел од работата. Тестирајте на кожата Следниот чекор е да одите во парфимерија. Изберете мириси кои ви се допаѓаат и тестирајте ги на кожата. Парфемот реагира поинаку на секоја кожа. Потрудете се кожата да ви биде што почиста и без нанесени креми и лосиони Како да изберете совршен парфем - тип на мирис Откако сте одредиле кој парфем најдобро одговара на вашата кожа, време е да одлучите дали сакате помала или поголема концентрација на мирис. Парфемите често се интензивни и долготрајни, додека тоалетните води се поблаги и не траат цел ден. Изборот е ваш. Место за нанесување парфем Парфемот најчесто се нанесува на натоплите делови од кожата (зглоб, меѓу гради, зад вратот и кај ушите). Кога температурата на телото расте, така и аромата се интензивира. Доколку сакате повеќе да се чувствува мирисот на косата или облеката, тогаш изберете нежни формули. Совршен парфем за секое годишно време За време на пролетта и летото советот е да користите лесни тонови, додека наесен и во зима дозволени се потешки и поинтензивни мириси. Преку ден се советува да се користат нежни варијанти, додека навечер може да користите поинтензивни мириси. Дополнителни правила -При посета на парфимерија не би требало да пробате повеќе од четири парфеми -Парфемите најпрво пробајте ги на хартиија. Доколку ви се допадне пробајте го на своја кожа. -Кога пробувате парфем тоа нека биде над дланката, отприлика на местото каде мерите пулс. -Почекајте неколку минути пред да мириснете.

Ја убиваат секоја желба: Мажите конечно признаваат какви МИРИСИ не поднесуваат кај жените!

Ристе Здравков — Tue, 10 May 2022 16:27:09 +0000

Изборот на погрешен парфем може да ја уништи вечерта Правилно избраниот сензуален парфем ќе има посилен ефект кај мажите отколку секси долната облека… Но, од друга страна, погрешниот мирис ќе уништи се. Колку е важен изборот на парфем покажува и анкета во која припадниците на посилниот пол откриле кои мириси едноставно не ги поднесуваат кај жените. Старински парфеми Дали некогаш сте почувствувале парфем на постара личност што никогаш во животот не сте го имале и не би го ставиле? Токму таквите ноти припаѓаат на старинсите парфеми, а пред се мислиме на оние кои биле популарни во минатиот век. Не можат да го возбудат машкиот пол и тоа премногу ги одбива. Слатки парфеми Колку и да е една жена згодна, негувана и елегантна, таа ќе ја убие желбата кај мажот ако користи „засладени“ парфеми бидејќи наликуваат на детски слатки. Преслатките парфеми кај мажите предизвикуваат два чекори наназад и ја убиваат секоја желба за интимен однос. Ванила Кој би помислил дека мирисот на ванила им пречи? Мажите сакаат ванила, но кога се работи за колачи или сладолед. Многу жени сакаат купки и лосиони за тело со мирис на ванила, но за мажите тие се „тврди“, слатки и нималку привлечни. Тутун Ниту еден маж не сака жената да мириса на цигари. Она што е интересно е што воопшто не е важно дали се пушачи или не. Многумина од нив чувството на бакнеж го опишуваат како „допирање на пепелник“, а како што велат, тој непријатен мирис им остава впечаток на несоодветна хигиена. Унисекс парфеми Колку и да мислат дека е убав парфемот, на мажот не му се допаѓа ако жената користи ист парфем како него. Тие сакаат жената да мириса женствено, а не да ги потсетува на нивниот пријател или блиска машка личност.

Заборавете на непријатниот мирис од МАШИНАТА ЗА ПЕРЕЊЕ: Еве како облеката секогаш да ви мириса на омекнувачот

Ристе Здравков — Fri, 06 May 2022 12:45:06 +0000

Помислата на перење алишта многумина ги асоцира на мирис на чистота, но често се случува тоа да не е случај. Многу од вас веројатно се сретнале со непријатен мирис на перените алишта, иако штотуку ги извадиле од машината. За оној најлошиот мирис некои тврдат дека потсетува на „мирис на мокро куче“, кој останува и по неколку перења на алиштата на различни програми и речиси е невозможно да се ослободите од него. Причини за непријатниот мирис Причината за непријатниот мирис можат да бидат остатоците од нечисторија во гумата на машината, предолго оставање на алиштата во машината и габички односно мувла. Понекогаш причината за лошиот мирис може да биде и лошата комбинација на детергент и омекнувач за алишта. Мувлата, пак, може да се храни со остатоците од пена од детергентот, особено ако сте склони кон обилно ставање на средства за перење алишта. Можеби мислите дека од овие мириси можете да се ослободите само со „тешка хемија“, но не е така. Вообичаените куински средства можат да ви бидат од голема корист. Како да се ослободите од непријатниот мирис Мувлата сака темни и влажни места, а машината за перење спаѓа во овој опис. Постојат бројни методи со кои можете да ги исчистите несакани наслаги и нечистотија, а притоа повторно да имате миризливи алишта. Алкохолен оцет – спас за машината за перење Алкохолниот оцет е проверено природно средство за отстранување на сите причинители на непријатни мириси и за одржувањето на чиста машина за перење. Додавањето на алкохолен оцет при секое перење ќе ви заштеди многу маки и ќе ве ослободи од непријатните мирис. Тој ги убива бактериите, ја омекнува водата и делотворно ги отстранува тврдокорните наслаги, па и дамки на облеката. Ако сакате да го избегнете мирисот на оцет можете да му додадете неколку капки етерично масло, така што вашите алишта ќе мирисаат прекрасно. Комбинацијата со етерично масло е одлична и како омекнувач. Комерцијалните омекнувачи ако се користат прекумерно предизвикуваат побавно сушење на алиштата, поради што тие се склони кон создавање на непријатни мириси. Месечно чистење на машината за перење Во преградата за омекнувач ставете една шолја оцет, а диретно во машината една шолја сода бикарбона. Пуштете ја машината на најкратката програма, а на најјака температура, и вклучете додатно плакнење. Што да направите ако алиштата останат предолго во машината Многумина ги мачи овој проблем, на сите им се случило ова некогаш, но без грижа има решение. За алиштата да се ослободат од непријатните мириси, во машината додадете една шолја мешавина од сода бикарбона и оцет, ставете детергент во ппреградата за детергент и вклучете ја машината. Кога детергнетот ќе почне да пени, исклучете ја машината и оставете ја да одстои преку ноќ. Наутро повторно вклучете ја, алиштата нека се исперат уште еднаш на вообичаената програма, а после перењето исушете ги на отворено доколку имате можност. Отстранување на нечистотијата со боракс Бораксот е природно средство која ја уништува мувлата, било на облеката или во машината за перење. Можете и да го додадете на детергентот. Пред перење растопете половина лажица боракс во врела вода. Додадете го растворот во преградата за детергент и со него исперете ги алиштата. Познат по своите антигабични дејства, воедно и ќе ја дезинфицира вашата облека. Важна е и температурата на водата Користењето на студена вода за перење на алиштата е во ред, но притоа е многу важно превентивното одржување на машината за перење. Ако често користите пониска температура или студена вода, нужно е темелно да ја чистите машината неколку пати во годината поради насобраните остатоци од детергент, маснотии, храна и други нечистотии. Одржувајте ја вашата машина за перење алишта чиста и свежа. Самото испирање на машината со врела вода ќе ги реши вашите проблеми. Еднаш месечно дозедорирајте ја со оцет. По перењето секогаш оставајте ја врата од машината отворена, со што ќе се спречи појавата на бактерии и мувла. Бришете ги остатоците од детергент и омекнувач барем на секои две недели. Користете соодветен детергент за вашата машина. Не користете повеќе детергент и омекнувач од што е потребно. Почитувајте ги препорачаните дози. Секогаш перете ја облеката на соодветната температура. Не ја преполнувајте машината.

Не мора да значи дека сте заразени со корона ако го изгубите чувство за мирис

Ивана Ефремовски — Wed, 13 Jan 2021 14:29:21 +0000

Иако дури 77 проценти од заболените од корона го губат чувството за мирис и вкус, треба да се има предвид дека ова можеби не е сигурен показател за инфекцијата со Ковид-19. Меѓутоа, ако не чувствувате вкус и мирис на одредена храна, тоа може да биде знак на тревога. Експертите забележуваат дека храната што најдобро може да го тестира сетилото за вкус и мирис се кафе, лук, портокали, лимон и шеќер. Редовното тестирање на сетилото за мирис може да укаже на ковид 19 пред да се појават какви било симптоми, а тоа може да го сторат многубројни производи како што се кафе, парфем, босилек, рузмарин, паста за заби со мирис на ментол, рози. Сепак, научниците забележуваат дека мирисот може да се оштети кај луѓе кои имаат Паркинсонова или Алцхајмерова болест, па ваквите тестови можат да ги охрабрат лекарите да ја испитаат можноста за постоење на овие невродегенеративни болести.

Партнерот не го бира вашиот разум, а ниту срцето – туку овој орган

Ристе Здравков — Wed, 12 Aug 2020 13:39:37 +0000

Сигурно сте забележале дека во стабилна врска се двајца луѓе кои што немаат речиси ништо заедничко. Причината е едноставна. Доколку по којзнае кој пат сте се запрашале зошто ви се допаднала баш таа личност, иако понекогаш мислите дека не е по ваш вкус, тогаш треба да знаете дека ”виновникот” е сетилото за мирис. Науката докажала дека главниот елемент за привлекување е невидлив, па така по природа нè привлекуваат луѓе чиј имунолошки систем е поразличен од нашиот затоа што со тоа потомството ќе има еволутивна предност. Истражувањето било правено со маици, а луѓето ги мирисале и избирале… Интересно швајцарско истражување се обидело да ја утврди врската помеѓу изборот на партнер и телесниот мирис. Преку мирисање на маиците требало да се одреди степенот на привлечност на нивните мириси. На крајот се воспоставило дека учесниците воглавно бирале маици кои што ги носеле луѓе со целосно различен MHC комплекс.