Мирјана Најчевска – Kurir.mk

Мирјана Најчевска за Ламбе Алабаковски: Тој е најобичен вандал

Ристе Здравков — Wed, 08 Jun 2022 08:21:01 +0000

Не застануваат коментарите за Ламбе Алабаковски кој од печај стана „херој“ благодарение на перцепцијата на граѓаните. Последен во низата ставови е даден од Мирјана Најчевска, професорка на Правниот факултет. Таа посочи дека Ламбе не е херој туку вандал. Даде и објаснување. „Ламбе не е херој. Ни дисидент. Не е ни пироман (новинари дај прочитајте дефиниција за пироман) или терорист. Ламбе е најобичен вандал. Ама тие кои дозволија отворање на клуб со име Ванчо Михајлов во Битола се криминалци. Како и оние кои го направија Скопје 2014. Различни а исти“, пишува Најчевска. Инаку денеска се организира и протест во Битола за мерката притвор која му е одредена на Алабаковски.

Бучковски има ангажман и на бугарскиот државен универзитет

Магдалена Андонова — Fri, 04 Dec 2020 12:06:49 +0000

За именувањето на Владо Бучковски за специјален претставник во преговорите меѓу Македонија и Бугарија на социјалните мрежи реагираше и професорката Мирјана Најчевска. Таа ангажманот на Бучковски од стран на македонската влада го смета за тотален апсурд. Најчевска потсетува дека Бучковски е ангажиран на докторските студии на бугарскиот државен универзитет „Уни БИТ”, и е дел од мрежата „Јус Романум” на Софискиот универзитет. „За објективноста прашувам и конфликтот на интереси“, вели Најчевска.

Медиумските перјаници на Заев удрија по ракометарите и народот кој го прославуваше нивниот успех (ФОТО)

Ивана Ефремовски — Wed, 05 Jun 2019 10:00:51 +0000

Медиумските перјаници на премиерот Зоран Заев и неговата партија СДСМ се најверојатно единствени граѓани на оваа држава кои не се израдуваа на големиот успех на Вардар. Народот од срце ја прославуваше големата победа и покажуваше гордост кон Стојанче, Тимур, Игор, Дејан, Кристиан.... Овие луѓе, блиски до Зоран Заев, удрија по ракометарите, но и по македонските граѓани кои го прославуваа успехот. Мирјана Најчевска со жестоки нацреди за Комитите, ги нарече багра неписмена. „Дали им е дозволено на Албанците граѓани на Северна Македонија да бидат навивачи на Вардар? А на комуњарите? А на атеистите? А на тие кои не веруваат дека потекнуваме од Аце таткоубиецот? А Турците од Република Северна Македонија, може? А тие кои гласаа на референдум за Северна Македонија, смеат да бидат навивачи на Вардар? А баби како мене смеат да навиваат за Вардар, или само дедовци? Да прашам Да не има некаде некој правилник. И кои сте бре вие самонаречени Комити (кои немате врска со комитите и кои само го валкате историското значење на овој поим) да кажувате кој е навивач, а кој не? И кој смее да биде на плоштад а кој не. Ајде бре сиктер багро неписмена“-пишува таа. Најчевска не застанува тука. За неа Вергина е ва*ина, а народот гревови. „Кога им ги приватизираа претпријатијата, молчеа. Затоа што се горди Македонци. Кога им ја даваа земјата под концесија, молчеа, затоа што се горди Македонци. Кога ги губеа работните места затоа што ги ставаа под стечај, молчеа, затоа што се Горди Македонци. Кога гилиптерите и измамниците од нивното мааало се богате асо мамење и крадење, молчеа, затоа што се горди Македонци. Кога им умираа децата од лошо зравство, лоша исхрана, загаден возух и загадена вода, молчеа, затоа што се горди Македонци. Кога кој ќе стигне на власт ги крадеше нивните пари, молчеа, затоа што се горди Македонци. Кога се исподавија затоа што некој ги украл парите за изработка на одводни канали, молчеа, затоа што се горди Македонци. Кога образованието потона под нула, молчеа, затоа што се горди Македонци. Кога се вработуваа партиски војници и роднини и швалерки и швалери, молчеа, затоа што се горди Македонци. Кога им ги трошеа парите на споменици и златни рамки и дебели килими за канцелариите, молчеа затоа што се горди Македонци. Ама знамето од вагина, пардон, Вергина, е во тоа немој да им пипнеш. Затоа што се горди Македонци. Можете слободно да го замените зборот Македонци со Албанци, а знамето со разлетаните пеперуги, пардон, разлетаните орли. Е гревови мои тажни“-пишува таа. Пренесуваме уште еден нејзин статус во ваква насока: „Ова е она што јас го напишав. Што е тоа што ја предизвика лавината на некултура, примитивизам, насилство, вулгарности? Тоа што реков дека станува збор за убава спортска победа?

Или тоа што кажав факти за тимот и неговиот сопственик (кој е впрочем осомничен за перење пари)? Проблем е што не се согласувам дека треба да се вее знамето од Вергина? Кое впрочем не се веело за време на ниту една револуционерна активност на овие простори. Или оваа река од исфрустрирани и насилни коментари беа испровоцирани со барањето да нема говор на омраза? Хммм. “Кога од убава спортска победа после два интригантни натпревари ќе направиш гомнарија ... Прво, Вардар е спортски тим кој на натпревар настапуваше како спортски тим од Северна Македонија. Не од Античка, не од Поранешна или некоја друга.Втро, тоа е приватен тим кој е во сопственост на руски бизнисмен. Трето, во тимот има еден Македонец, ако не се лажам. Никако не можам да разберам каква врска има победата на овој и ваков тим кој доаѓа од Северна Македонија со знамето на Вергина. И не сум сигурна како смртта на некој Албанец ќе придонесе за натамошните спортски победи на овој тим. И лично мислам дека треба да почнат да се казнуваат навивачките групи кои шират омраза против Македонци, против Албанци, против било која група кој ќе им дојде на удар. И кои промовираат таков вид на наислство кое завршува со тепачки па и со убивање. Казните вообичаено почнуваат со забрана на присуство на натпревари и се зголемуваат соодветно на предизвиканата омраза и насилство.“ Се изјасни и гласниот поддржувач на Зоран Заев, Бранко Тричковски. „Колективна дефекација На сите спортски манифестации нормалноста треба да навива против претставниците на Северна Македонија. Од искуство ви кажувам дека тоа е аристократска поза и став. Мислам, каква смисла има да бидеме светски прваци во фудбал или македонска екипа да победи во американскиот Супер бол, кога тоа ја тера нацијата на колективна дефекација од која засмрдува се живо и диво околу нејзината септичка јаметина“-пишува тој.. Васко Иловски е партиски активист на СДСМ, кој поради книшката си доби вработување на работно место инспектор во МВР.

Најчевска до Заев: А кој ќе биде исчистен? Спасовски или Мариќиќ или певаљката Ласкова…

Предраг Кукиќ — Tue, 23 Apr 2019 10:57:15 +0000

Професорката Мирјана Најчевска на својот Фејсбук профил му се обрати на Зоран Заев како да се справи со владеењето и како да дојде до посакуваните резултати. Најпрво му препорачува да тргне да го менува системот на владеење и институционална поставеност, па потоа да се реши на поставување нови партиски кадри. А кој ќе биде исчистен? Спасовски или Мариќиќ или певаљката Ласкова или буљументата лепачи на плакати кои ги запосливте или буљументата вмровци кои ги задржавте или лабовиќите настискани во комисиите или сваровски судиите кои удобно си се башкарат или она крлежите во управните одбори или … Потребни се правила и критериуми и процедури кои ќе обезбедат професионалност на државниот апарат и кои ќе бидат брана од корупцијата. Правила и процедури и критериуми кои ригидно ќе се применуваат без исклучок. Правила и процедури и критериуми кои ќе ги десеткуваат пулените и пуленките во администрацијат. Правила и критериуми и процедури кои можат да обезбедат вистинска чистка и ослободување на граѓаните од клиентелистичјата зависност воспоставена од ВМРО и продолжена од СДСМ.

Најчевска призна: СДСМ удри по студентите кои работеа под нивно влијание за водење на „Шарена револуција“

Катерина Бојаџиева — Thu, 04 Apr 2019 08:34:20 +0000

Во вчерашната емисија „Само вистина“ гостуваше Мирјана Најчевска, која појасни дека покрај нејзе, глоба добиле и неколку студенти кои подготвувале настапи и спроведувале нечии политики за да се одвиваат маршовите на „Шарена револуција“. -Јас си поднесов приговор до второстепената комисија и имам намера да ја водам постапката до крај. Не толку заради мене туку заради тоа што одеднаш излезе дека многу луѓе од „Шарена револуција“ добиле такви казни. И посебно она што мене ме растревожи е тоа што такви казни добиле многу од студентите кои што беа инволвирани како студенти кои што подготвуваа одредени настапи, подготвуваа одредени дејствија. Тие дејствија беа смислувани на друго место, а тие потоа ги спроведуваа и сл. И сега одеднаш сите се повлекуваат настрана и ги истопорија децата да плаќаат некакви казни бесмислени. Во моментов казни кои што се поврзани токму со промената на еден режим, казни кои што се поврзани со многу носење на една нова власт која што би требало да даде нешто сосема поинакво од она кое што го имавме, истакна Најчевска.

Најчевска: Треба да се прочисти Јавното обвинителство и да се направи што е можно понезависно

Предраг Кукиќ — Thu, 04 Apr 2019 08:10:41 +0000

Мирјана Најчевска во вчерашната емисија „Само вистина“ изјави дека Јавното обвинителство треба да стане се понезависно, а СЈО има одреден рок на траење, кој треба да му заврши и да се самораспушти. Најчевска рече дека доколку продолжиме вака со правење на паралелни структури ќе го изгубиме моментумот на вистинско градење на правната држава преку зацврстување на институциите кои што веќе ги имаме. Значи треба да се прочисти Јавното обвинителство, дефинитивно. Треба да се направи што е можно понезависно и треба да се направи моќно. Значи Јавно обвинителство кое што ќе може да се избори со криминалот посебно со криминалот и неказнивоста на високи функционери во власта, истакна Најчевска

Најчевска: Ако Џаферовски Ласкова и Адеми се најдобриот избор за министер за култура, тогаш јас ќе барам настап како балерина во театар

Предраг Кукиќ — Sat, 30 Mar 2019 09:36:31 +0000

Ако, Аднан Џаферовски, Цветанка Ласкова и Едмонд Адеми се најдобриот избор за министер за култура, тогаш јас ќе барам платен настап како балерина во Народниот театар. Јас секогаш ќе бидам подобра балерина отколку тие министри за култура (па и за било што ако веќе станува збор за квалитети, вештини, знаење и способност), напиша на својот Фејсбук профил активистката Мирјана Најчевска по информациите што протекоа во јавноста за тоа кои се потенцијалните кандидати за нов министер за култура.

Најчевска до Сарачини: Мене претходната власт не ме казни, сега вие ме казнувате

Предраг Кукиќ — Thu, 28 Feb 2019 20:40:31 +0000

Довчерашните ,,шарени соборци’’, Мирјана Најчевска и Петрит Сарачини жестоко дебатираа во Отвореното студио поради прекршочната пријава која ја доби Најчевска поради фарбањето на државните институции за време на ,,шарената револуција’’. Сарачини како човек со државна функција се обидуваше да ја одбрани власта, а Најчевска забележa дека добила прекршочна пријава сега од оваа власт, а од претходната против која се борела никогаш не добила ваква пријава. -Ама јас не сум добила прекршочна казна од минатата власт. Не сум добила. Значи јас не сум добила прекршочна, не сум платила до сега казна. Сум дебатирала и кога била минатата власт. Значи факт е дека не сум добила прекршочна казна од минатата власт, а добив прекршочна казна од оваа власт, вели Најчевска. Според неа оваа власт одлучува да не го почитува законот, сомневајќи се дека станува збор за малициозност и замолчување на своите критичари. - Оваа власт се решава да не го почитува законот, на ист начин како што не го почитувала претходната власт. Не знам дали тоа е од незнаење. Јас многу се плашам дека тоа е од незнаење тоа е најзастрашувачкиот момент или пак е од малициозност. Меѓутоа наједноставен начин, го зема законот, го чита законот нема основ за овие прекршоци само треба да се примени законот и по автоматизам да се повлечат сите овие прекршочни казни, истакнува таа. За крај Најчевска запраша зашто досега не проработеле институциите, што правеле цели две и половина години. -Зашто досега не проработеле институциите. Што правеле, па поминаа две и пол години. Не проработеле, заклучи Најчевска.

Најчевска: Нема да ја платам казната, власта се обидува да не замолчи и да го продолжи притисокот

Катерина Бојаџиева — Thu, 28 Feb 2019 20:36:56 +0000

Еден од нај активните активисти на „шарената револуција“ професорката Мирјана Најчевска во гостувањето во Отвореното студио на телевизија 24, посочи дека нема да ја плати казната која ја доби како резултат на нејзиното учество во „шарената револуција“ и фарбањето на институциите. Според неа ваквата постапка на власта е само обид да се замолчи критичката мисла во државата и да се продолжи притисокот. -Не ја платив казната и немам намера да ја платам. Ќе ја водам постапката, сега има жалбена постапка до второстепената комисија и врз основа на тоа што ќе добијам како одговор од таа второстепена комисија или ќе бидам ослободена од вина или пак ќе одам на Управен суд. Значи нема да ја платам казната поради тоа што не постои прекршок, значи ниту според нашата законска регулатива, тоа што ние го правевме, боењето на институциите на државата не може да се подведе под ниту една одредба за прекршување на јавниот ред и мир. И заради тоа сметам дека ова е само некој облик на продолжување на притисокот и на политичката пресија која што беше присутна во претходниот период, некако еве не престанува дури ни по промената на власта, вели Најчевска.

Најчевска казнета со 200 евра за Шарената револуција: Ќе му плукнам на Заев и на неговиот потрчко-теолог под прозор

Катерина Бојаџиева — Tue, 26 Feb 2019 17:30:39 +0000

Универзитетската професорка и активист за човекови права Мирјана Најчевска на својот профил на „Фејсбук“ напиша дека ќе треба да плати 200 евра за фрлање боја на објекти во државна сопственост за време на Шарената револуција. Најчевска вели дека добила две решенија со кои Комисијата за прекршоци при МВР утврдила дека таа е одговорна за фрлањето боја. „Ете денес ми стигнаа две решенија со кои Комисијата за прекршоци при МВР утврдува дека сум одговорна за фрлање боја на објекти на државата и ме задолжува да платам 200 евра. Тоа онаа комисија која е под надлежност на теологот министер за внатрешни работи кој дојде на власт како резултат на Шарената револуција чиј дел бев и јас, а која што се состоеше токму во фрлање боја на институциите запоседнати од страна на режимот на Груевски со цел избегнување било кој облик на насилство. Имам намера да го оспорам Решението пред Управен суд, да поведам постапка за дискриминација и да му плукнам на Заев и на неговиот потрчко-теолог кој го поставил за министер за внатрешни работи под прозор. И ги повикувам моите другарчиња од Шарената револуција кои во моментов топлат фотељчиња во власта да преземат нешто со цел запирање на натамошната виктимизација на учесниците во Шарената револуција кои не ги сместија задниците во фотељите во власта. ЈАС ОВА ГО РАЗБИРАМ КАКО ОБИД ДА БИДАМ ЗАМОЛЧЕНА, КАКО ОБИД ДА ЗАПРАМ СО КРИТИКА НА БИЛО КОЈ КОЈ СЕ НАОЃА НА ВЛАСТ И ОБИД ДА БИДЕ УНИШТЕН ГЛАСОТ НА ОНИЕ НЕЗАВИСНИТЕ КОИ НЕ ПРИПАЃААТ НА НИТУ ЕДНА ПОЛИТИЧКА ПАРТИЈА. ВЛАСТА КОЈА НЕ ТРПИ КРИТИКА Е МРТВА И НЕМА НИКАКВА ИДНИНА.“, пишува професорката Најчевска.