Мирко Радовиќ – Kurir.mk

Мирко Радовиќ промовиран во Ловќен

Бошко Тасиќ — Mon, 26 Jun 2023 04:17:05 +0000

Мирко Радовиќ спогодбено го раскина договорот со Еурофарм Пелистер и се врати во Црна Гора каде ќе игра и настапува за екипата на Ловќен од Цетиње. Клубот веќе се пофали со аквизицијата на црногорскиот репрезентативец, кој доаѓа како големо засилување во Ловќен. „Тешко некој можепе да замисли дека дваесет дена по освојувањето на титулата како капитен на Еурофарм Пелистер, Мирко Радовиќ ќе се пресели во Ловќен за следната сезона. Ние верувавме, зборувавме и бргу се договоривме. Горди сме за нашата заедничка приказна во Ловќен, која ништо не можеше да ја расипе, ниту предизвикот во Лигата на шампионите“, напишаа од клубот.

Радовиќ: Вакви убавина од мечеви нема никаде во светот

Бошко Тасиќ — Sun, 11 Sep 2022 20:18:00 +0000

Мирко Радовиќ како капитен на Еурофарм Пелситер го подигна првиот трофеј во новата сезона. Битолчани со драматична победа над Вардар 1961 дојдоа до титула во Суперкупот (21-22), а по средбата, Црногорецот ги пренесе импресиите од дуелот. „Ова беше еден врвен меч и доста тешка за играње. Како што се и сите други мечеви со Вардар. Најважно е што не се предадовме додека губевме, се боревме и успеавме да дојдеме до една неверојатна победа. Ова е голем триумф за самодоверба за понатаму. Беше многу тешко да се игра во оваа атмосфера која беше неверојатна. Убавина е да се играат вакви мечеви, вакво нешто нема никаде во светот“, изјави Радовиќ.

Марко Радовиќ и следната година останува во Битола

Бошко Тасиќ — Fri, 28 May 2021 16:44:13 +0000

Црногорскиот ракометар Мирко Радовиќ и следната сезона ќе го носи дресот на Еурофарм Пелистер. Без разлика што во клубот од Битола потпиша Хрватот, Јосип Божиќ Павлетиќ, искусното крило, кое добро игра и како бек, доби договор на уште една сезона. Миленикот на „Чкембарите“ беше на истек на договорот, но на задоволство на двете страни ќе игра во „Боро Чурлевски“ и следната сезона. „РК Еурофарм Пелистер ја известува јавноста дека постигна согласност за нов договор со ракометарот Мирко Радовиќ. Десното крило на црногорската репрезентација и во сезоната 2021/22 ќе го носи дресот на битолскиот суперлигаш.Обновувањето на договорот на една сезона доаѓа на обострано задоволство и клубот ќе го официјализира со церемонија во клупските простории следната недела“, се вели во клупското соопштение. 30-годишниот Радовиќ веќе три сезони е во Битола, а покрај искуствата во Будуќност Подгорица и Ловќен, настапувал и во Унгарија и Франција. Радовиќ собра 51 настап за црногорската репрезентација, а се квалификува и за Европското првенство во 2022 година.Во последните неколку недели Радовиќ со успех настапуваше и на позиција десен бек, а забележлив е неговиот придонес и во играта во одбрана.