мирковци – Kurir.mk

Претрес во Мирковци, пронајдена автоматска пушка

Тале Кристо — Wed, 06 Sep 2023 20:25:46 +0000

Денеска (06.09.2023) полициски службеници од СВР Скопје-Единица за насилен криминал, по добиена судска наредба, извршија претрес во дом на З.З. (55) во с. Мирковци, скопско. При претресот пронајдена е автоматска пушка. З.З. е лишен од слобода и по документирање на случајот, ќе биде поднесена соодветна кривична пријава.

Голем пожар во скопско кај воени објекти, за гаснење активиран и армиски хеликоптер

Ивона Петрова — Sun, 14 Nov 2021 14:39:23 +0000

Голем пожар на отворен простор е пријавен над селото Мирковци на патот за селото Бродец, место викано Рамно во Општина Чучер Сандево. Од Центарот за управување со кризи информираат дека веднаш на терен излезени се екипите на БППЗ на Град Скопје. -Поради комлексноста на состојбата и поради тоа што пожарот од едната страна е проширен кон високата дабова и букова шума од ридот, екипите се соочија со потешкотии при гаснењето на пожарот, при што беше неопходна поддршка од воздух. Директорот на Центарот за управување со кризи, Стојанче Ангелов преку секторот за операции и координација во ЦУК веднаш покрена постапка за подигање на армиски хеликоптер. На просторот каде што избувна пожарот се наоѓаат и воени армиски објекти, кои со поддршка на припадниците на АРСМ успешно се локализирани, информира ЦУК. Во моментов се очекуваат првите налети и дејствување од воздух. Согласно процедурите на ЦУК, искоординирани се и МВР, ДЗС и Шумско стопанство Караџица.

Во Шуто Оризари и Мирковци полицијата казни 67 возачи

Магдалена Андонова — Thu, 25 Feb 2021 09:45:53 +0000

Министерството за внатрешни работи во текот на вчерашниот ден (24.02.) продолжи со засилените акциски контроли во областа на сообраќајот. На териториите на Шуто Оризари и на Мирковци изречени се вкупно 67 мерки, меѓу кои за возење без возачка дозвола 15 санкции, 11 за непочитување на брзина на движење, четири за нерегистрирани возила и две санкции за возење под дејство на алкохол. Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот.

Од црква украдени предмети и огревни дрва

Ивана Ефремовски — Fri, 06 Dec 2019 16:08:43 +0000

На 05.12.2019 околу 07:30 часот во СВР Скопје, З.Б.(54) од с.Мирковци, скопско, пријавил дека во периодот помеѓу 03. и 05.12.2019 неколку лица извршиле кражба во црвката „Св.Меркуриј“ во с.Мирковци, при што одзеле предмети и огревни дрва. Увид на местото на настанот извршила увидна екипа од СВР Скопје. Се преземаат мерки за расчистување на случајот.

Драма на бадникарски оган во скопско: Со возило поминал низ огнот и прегазил две лица

Ивона Петрова — Sat, 06 Jan 2018 10:10:36 +0000

И.П. од село Кучевиште синоќа околу 1:40 часот во скопско Мирковци на место каде по повод Бадник имало запалено оган на кој биле присутни повеќе граѓани, им се заканил дека со неговото возило ќе помине низ огнот и дека ќе ги прегази. -Потоа, И.П. го стартувал неговото теренско возило „Мерцедес“ со непознати регистарски ознаки, тргнал кон присутните граѓани, поминал низ огнот и удрил во М.Б. (39) и Б.К. (39), двајцата од Мирковци. И.П. избегал во непознат правец, информираат од полицијата. Со возило на Итна медицинска помош, М.Б. и Б.К. биле пренесени во Градската општа болница „8-ми Септември“, каде им биле констатирани телесни повреди и по укажаната помош се пуштени на домашно лекување. СВР Скопје презема мерки за целосно расчистување на случајот.