Мирољуб Шукаров – Kurir.mk

Шукаров: Со објавување на БДП за третиот квартал можеме слободно да прогласиме и рецесија

Ивана Ефремовски — Wed, 11 Nov 2020 19:32:15 +0000

„Во Македонија ние имаме многу низок административен пред се капацитет за реализирање на капиталните инвестиции. Прво самото планирање и нивна реализација одат многу тешко. Дури и финансирањето да е обезбедено, реализацијата на капиталните инвестиции поготов поместени во некој временски план многу тешко се реализираат во Македонија. Не верувам дека таа болка ќе се излечи за овој нареден многу кус период“, истакна универзитетскиот професор Мирољуб Шукаров при линковското јавѕвање во емисијата на телевизија Телма. Шукаров додаде дека тешко ќе очекуваме будење на капиталните инвестиции како на инфраструктурен план, во работи кои ги финансира државата. „БДП за третиот ќе го причекаме месец – два и дури тогаш ќе прогласиме рецесија, се уште не можеме, меѓутоа таа е на прагот. Таа рецесија не можеме да ја избегнеме. Ако се погледне од вториот квартал кои сектори настрадаа досега каде што има сериозен пад на економијата, тоа се оние сектори кои се поврзани со физичко присуство, индустријата“, појасни Шукаров.

Шукаров: Власта ветува раст и стабилност на Буџетот, а тоа едно со друго не оди, уште на самиот старт има контроверзи

Ивана Ефремовски — Wed, 11 Nov 2020 19:29:55 +0000

„Денес прочитав нешто што е дадено како брифинг за новинарите, во врска со презентација на Буџетот. Тоа што ми остави впечаток тоа што постои во самиот наслов е една контроверза, а тоа е вели „Буџет за економска стабилност и забрзан раст“, што едно со друго се спротивставени. Имено стабилноста и растот не се исти. Растот значи нестабилност“, појасни универзитетскиот професор Мирољуб Шукаров при линковското јавување во емисијата на телевизија Телма. Шукаров додаде дека економијата во Македонија не функционира во својата компелтност. „Кога економијата не функционира во својата целост, тоа не е економија. Треба да се подржат оние стопански субјекти кои што би имале за економијата мултипликативен карактер, би дале со еден денар внесен во тие стопански субјекти да се добие ефектот повеќе денари во целата економија. А, оние кои што пак немаат таква можност би требало со нив да работи на нивна социјална програма“, истакна Шукаров. Шукаров посочи дека целата приказна околу Буџетот е малку спорна бидејќи правите Буџет во денешни услови, а не знаете што ќе се случува наредната година.

Професор Шукаров во „24 Анализа”: Раст од 2.9 или 3.2 отсто – не е важно, тоа е потполен неуспех за македонската економија

Ивана Ефремовски — Thu, 11 Apr 2019 08:11:34 +0000

Во вчерашното издание на емисијата „24 Анализа“ на ТВ „24 Вести“ професорот Д-р Мирољуб Шукаров дебатираше со универзитетскиот професор Борче Треновски на тема домашна економија. ММФ посочува дека македонската економија годинава се очекува да расте со 3 проценти, но проекцијата на владата е малку пооптимистичка, односно 3,2 отсто. Но, за професорот Шукарев и двете прогнози се неуспех. -Светската банка вели 2.9 отсто, Владата вели 3.2 отсто. Прогнозерите имаат многу голем апарат за прогнозирање, но во секој случај тука некаде ќе биде. Што не е доволно. Македонија е земја која што е недоволно развиена, има многу низок бруто домашен производ по жител. Што значи дека дали е 2.9 или 3.2 не е важно, тоа е потполен неуспех. Стапки под 5, 5.5 и 6 отсто за Македонија не се добри. Затоа што големите земји, како што е Германија, САД, тие можат да се фалат и да бидат пресреќни со стапка од 2 проценти. Тоа за нив е успех, но за нас не е, дециден е Шукарев.