мировна мисија – Kurir.mk

Советот за безбедност на ОН ја прекинува мировната мисија во Мали

Тале Кристо — Fri, 30 Jun 2023 17:34:00 +0000

Советот за безбедност на ОН гласаше за завршување на децениската мировна мисија во Мали. Одлуката доаѓа по повикот од пред две недели на воената хунта во оваа западноафриканска земја за „итно повлекување“ на 13.000 странски војници. Инсистирањето беше дадено преку министерот за надворешни работи на Мали, Абдулаје Диоп на 16 јуни. На крајот на мисијата на ОН во Мали, MINUSMA, претходеа повеќегодишни тензии и ограничувања од страна на локалната власт, што ја попречи мировната операција по копно и воздух, особено откако африканската земја се здружи со руската приватна воена групација Вагнер во 2021 година. Советот за безбедност на ОН усвои резолуција подготвена од Франција, според која утре, сабота, треба да започне „престанокот на операциите како и уредното и безбедно повлекување на воениот персонал со цел да се заврши целиот процес до 31 декември 2023 година." САД изразија загриженост за дестабилизирачките активности на „Вагнер“ во Африка и го обвинија Евгениј Пригожин дека придонел за протерувањето на силите на ОН од Мали. Во Вашингтон имаа информации дека преодната влада на африканската земја од крајот на 2021 година на „Вагнер“ му платила повеќе од 200 милиони долари. Ова за медиумите го изјави портпаролот на Белата куќа за национална безбедност Џон Кирби.

Качински: Во Украина треба да се испрати меѓународна мировна мисија

Ивона Петрова — Wed, 16 Mar 2022 06:17:50 +0000

Во Украина треба да се испрати меѓународна мировна мисија, изјави лидерот на полската владејачка партија Јарослав Качински на прес-конференција со украинскиот претседател Володимир Зеленски во Киев. „Мислам дека е неопходно да има мировна мисија, НАТО и евентуално некои пошироки меѓународни структури, но мисија што ќе може да одбрани, која ќе дејствува на украинска територија“, рече Качински на прес-конференцијата емитувана на полската телевизија. Качински вчера допатува во Киев со воз, заедно со премиерите на Полска, Чешка и Словенија, Матеуш Моравјецки, Петер Фиала и Јанез Јанша. се првите странски лидери кои го посетија Киев од почетокот на руската инвазија „Вашата посета на Киев во овој тежок момент е силен знак за поддршка на Украина. Ние навистина го почитуваме тоа“, наведе Зеленски во објава на Интернет. На кратко видео објавено од неговата канцеларија се гледа како Зеленски разговара со Моравјецки, Фиала и Јанша, а на разговорите присуствува и полскиот вицепремиер Качински, лидерот на владејачката Партија на правото и правдата, кој се смета за главен носител на одлуки во земјата.

ОН ја менува мировната мисија на Хаити со политичка

Дарко Андоновски — Wed, 26 Jun 2019 05:51:58 +0000

Советот за безбедност на ОН одобри резолуција за формирање политичка мисија на светската организација во Хаити, што официјално ќе ги замени сите мировни операции на ОН во најсиромашната држава во западната хемисфера. Резолуцијата беше одобрена со 13 гласови и два воздржани – соседот на Хаити – Доминиканската Република и Кина. На таа одлука на СБ му претходеше гласање на 12. април за прекин на мировните операции во Хаити. Воениот мировен контингент ги напушти Хаити на 15 октомври 2017 година по 13-годишна мисија, но таму остана стабилизациска мисија за обука на националната полиција и за помош на владата во зајакнување на судските и правните институции, како и за набљудување на човековите права.