мировни преговори – Kurir.mk

Макрон на средбата со Абас упати апел за обнова на мировните преговори

Тале Кристо — Wed, 20 Jul 2022 15:03:42 +0000

Францускиот претседател Емануел Макрон, по денешната средба со претседателот на Палестинската управа Махмуд Абас, повика на обнова на израелско-палестинските преговори. Макрон ја потенцира потребата за „обнова на директниот политички дијалог помеѓу Израел и Палестинците, како и дека преговорите немаат алтернатива. Абас на заедничката прес-конференција ги осуди активностите на Израел и неодамнешното убиство на палестинската новинарка Ширин Абу Аклех, истакнувајќи оти „таа е ладнокрвно убиена без причина“. Макрон и Абас телефонски разговараа во јуни кога францускиот претседател изрази загриженост за вложување на ситуацијата во палестинските територии бидејќи мировниот процес е во застој од 2014 година.

Украина планира да ги продолжи мировните преговори со Русија до август

Дарко Андоновски — Sat, 18 Jun 2022 14:57:35 +0000

Киев планира да ги продолжи мировните преговори со Русија до крајот на август, откако беа извршени операции за контранапад, изјавија властите денеска. -Земјата ќе биде во подобра позиција да преговара, рече главниот преговарач на Киев, Дејвид Арахамиа, во интервју за Глас на Америка. Тој верува дека Украина ќе спроведе операција со контранапади на различни места, рече тој без да даде детали. Мировните преговори дојдоа во застој. На крајот на март, Киев предложи разговори во Истанбул. Меѓу другото, беше подготвена да се откаже од амбициите за членство во НАТО во замена за меѓународни безбедносни гаранции. Русија, меѓутоа, бара демилитаризација на својот сосед и отстапување на територија, вклучително и источните региони Доњецк и Луганск.

Орбан му понудил на Путин мировните преговори да се одржат во Будимпешта

Тале Кристо — Thu, 12 May 2022 08:39:08 +0000

Унгарските власти понудија во Будимпешта да се одржат мировни преговори со учество на Русија со цел решавање на ситуацијата. Ова го изјави унгарскиот министер за надворешни работи Петер Сијарто во интервју за весникот Ел Паис. – Порано имавме прагматични односи. Од почетокот на војната премиерот Орбан разговараше со Путин, рече Сијарто за односите со Русија. – Премиерот понуди Будимпешта да биде домаќин на мировните преговори, додаде шефот на унгарската дипломатија.

Унгарија се понуди да биде домаќин на руско-украинските мировни преговори

Тале Кристо — Sat, 26 Feb 2022 09:46:30 +0000

Шефот на унгарската дипломатија Петер Сијарто предлогот им го дала на рускиот колега Сергеј Лавров и шефот на кабинетот на украинскиот претседател Андриј Јермак. -Предложив преговори во Будимпешта, безбедно место за двете делегации, напиша Сијарто на Фејсбук. -Тие ми се заблагодарија и рекоа дека ќе ја разгледаар понудата, додаде унгарскиот министер за надворешни работи. Содржината продолжува после огласот Унгарија, како членка на ЕУ и НАТО, има блиски односи со Русија откако Виктор Орбан дојде на власт во земјата. Сепак, тој вчера ја осуди руската инвазија на Украина. Русија вчера предложи разговорите да се одржат во Минск, но како предуслов побара предавање на украинската армија. Украинското раководство, пак, ја предложи Варшава како локација за преговорите.

Трет ден од мировните преговори за Јемен

Ивана Ефремовски — Sat, 08 Dec 2018 08:57:39 +0000

Претставниците на завојуваните страни во Јемен се сретнаа денеска во Стокхолм, трет ден по ред, на преговорите кои имаат за цел да се стави крај на четиригодишната катастрофална граѓанска војна во земјата. Бунтовниците Хути и меѓународно признаената Влада, која има поддршка од коалицијата предводена од Саудиска Арабија, тврдат дека се залагаат за мир. Според делегацијата на Хутите, преговорите се поделени на пет главни делови, вклучувајќи дијалог за рамка за политичко решение на конфликтот и обновување на работата на аеродромот во главниот град Сана за да може да се доставува хуманитарна помош. Разговорите започнаа во четвртокот, кога завојуваните партии се согласија за размена на затвореници. Сепак, претставници на ОН предупредија дека не очекуваат преговорите да доведат до брз напредок кон политичко решение. (МИА)