мирсад кериќ – Kurir.mk

Исчезна возачот кој ја предизвика сообраќајката во која загина Шабан Шаулиќ

Ивона Петрова — Mon, 13 Jan 2020 07:43:17 +0000

Српскиот пејач Шабан Шаулиќ го загуби животот во сообраќајна несреќа која се случи во февруари минатата година додека со квалијатуристот Мирсад Кериќ (43) се враќале од настап. Во нивниот автомобил удри Турчинот Алсин Левент (36), кој според најновите информации исчезнал од градот каде живеел. За сообраќајната несреќа се уште не е започнат судскиот процес, а медиумите пишуваат дека Левент кој е пуштен од притвор исчезнал од градот Гитерсло каде до неодамна и живеел. Обвинението против него е покренато во август, а покрај убиство од небрежност во два случаи, обвинет е и за нанесување на тешки повреди, загрозување на сообраќајот и возење без возачка дозвола. Пред да биде пуштен на слобода, тој помина 11 недели во притвор. Германски Nw.de пренесува дека Левент не живее повеќе во Гитерсло. Ни неговиот адвокат не сака да обелодени каде се наоѓа клиентот, на кој како што тврди, во меѓувреме му биле испраќани бројни заканувачки по живот пораки. -Според податоците кои ги утврди истрагата, Левент се товари за невнимателно возење кое усмрти две лица. Со оглед на тоа дека возел под дејство на алкохол нема сомнеж дека повторно ќе се најде зад решетки. Анализите од обдукцијата не укажуваат на тоа дека Шаулиќ, кој бил на совозачкото седиште, и Кериќ кој бил возач, не биле врзани со појас. Овој податок ќе биде исклучително важен во моментот на изрекување на пресудата за Левент, објавуваат германските медиуми. Левент, според локалните медиуми, возел пијан и под дејство на дрога речиси двојно повеќе од максимално дозволената брзина.

17 години беа пријатели на 17-ти пред еден месец заминаа во смрт: Синот на музичарот Мирсад со емотивна порака еден месец по трагедијата

Дарко Андоновски — Sun, 17 Mar 2019 13:50:23 +0000

Пред точно еден месец во тешка сообраќајна несреќа настрадаа музичарот Мирсад Кериќ и српскиот пејач Шабан Шаулиќ, а по тој повод синот од Мирсад напиша емотивна порака на Фејсбук. Мирсад Кериќ бил голем пријател на Шабан Шаулиќ 17 години, а потоа во Германија се случи тешка сообраќајна несреќа, во која двајцата ги изгубија своите животи. Од тешката сообраќајна несреќа која се случи пред еден месец, семејството Кериќ никако не може да ја победи болката за изгубениот татко, сопруг и син. Синот од Мирсад Кериќ на својот Фејсбук профил напиша емотивна порака во која ќе ви го стопи срцето: -Тато денеска е месец дена од кога те нема... Недостигаш. Но, ти засекогаш ќе останеш во нашите срца. Најдобар татко во светот, напиша неговиот син Денис.

Од левото око му течеа солзи, а мојот син му ги избриша: Сопругата на музичарот на колена ги молела докторите да не го исклучуваат од апарати

Дарко Андоновски — Mon, 04 Mar 2019 18:57:26 +0000

Поминаа три недели од трагичната вест која го потресе целиот регион- во сообраќајна несреќа загина кралот на фолк музиката Шабан Шаулиќ. Но, во автомобилот освен пејачот со него во смрт замина и возачот на автомобилот кој исто така е музичар и вечерта настапувал со Шабан, тоа е Мирсад Кериќ. Сопругата на музичарот за српски „Телеграф“ собрала сила и ја раскажала последната потресна сцена пред да му ги исклучат апаратите на Мирсад. -Кога дојдовме во болницата ми пријде докторот и ме повика во собата, докторот беше упатен дека јас користам силни таблети по мојата операција па не смееја да ми дадат било какви таблети за смирување. Тогаш ме погледна и ми рече дека мојот Мирсад не издржал. Јас удрив со главата во ѕид и му реков да не ги гасат апаратите, бидејќи ги контактирав најдобрите неуролози во Германија, еден од Берлин, а друг од Диселдорф и сакав да го прегледаат тие, да го вратат, но ми рекоа дека тоа не е возможно. Јавниот обвинител барал главата да му биде отворена, но докторот по своја совест го оставил Мирасад на апарати додека ние не дојдеме и не се опростиме од него, раскажува сопругата на музичарот. Таа додава дека кога влегле кај Мирсад од неговото лево око течело солзи низ образот, а нејзиниот син му ги избришал за секогаш да останат на неговите дланки. -Паднав на колена и молев докторот да не го гаси од апаратите, не бев свесна дека апаратите само го одржуваат вештачки во живот. Апаратите ги угаснаа во 22:35 часот и тогаш Мирсад не напушти засекогаш, вели таа за српски „Телеграф“.

Пејачката која настапуваше пред трагедијата со пејачот откри нови детали за несреќата во која загинаа Шабан и Мирсад (ФОТО)

Дарко Андоновски — Sat, 02 Mar 2019 20:15:08 +0000

Пејачката Теа Таировиќ која последна настапуваше со Шабан Шаулиќ само неколку часови пред кобната сообраќајна несреќа проговори за последните моменти од нивната дружба. Имено таа откри дека пејачот и изгледал како да брза некаде. -Забележав дека беше расположен и дека атмосферата беше одлична. Пред настапот се слушнавме и правевме сосема обичен муабет, ништо не наговестуваше на несреќата. Ми се чини дека му било пишано да настрада на таков начин по 50 години кариера, вели пејачката. Таа додава дека возачот Мирсад Кериќ кој е исто така музичар немал ниту капка алкохол во себе ни дека таа сообраќајна несреќа во која загинал и тој било едноставно судбина.

Заминаа заедно во смрт: Синот на музичарот кој го возеше автомобилот се опрости со потресни зборови и видео од својот татко

Дарко Андоновски — Wed, 20 Feb 2019 14:23:41 +0000

Музичарот Мирсад Кериќ кој управуваше со автомобилот во кој загина пејачот Шабан Шаулиќ вчера им подлегна на повредите откако претходно беше на апарати по добиените тешки повреди. Неговиот син Денис Кериќ на својот Фејсбук профил објави емотивни фотографии и видео од кое се опрости од својот татко. -Со длабока тага ве информираме дека нашиот драг татко Мирсад Кериќ по борбата со живот почина на 18 февруари во 23 часот на клиниката во Белфелд. Следните денови ќе објавиме кога ќе се одржи погребот во Офенбах, напиша синот на починатиот музичар. Тој објави и видео снимка каде неговиот татко свири клавир, а тој пее. -Ти благодарам за се што ме научи во животот и за целата љубов која ми ја пружи. Никогаш нема да биде никој таков човек каков што беше ти. Ти си неизмерен! Почивај во мир, те сакаме сите и никогаш нема да те заборавиме.

Медиумите го прогласија за мртов, неговиот син со најнови информации- никој не знае што се случува со возачот на Шаулиќ (ФОТО)

Дарко Андоновски — Mon, 18 Feb 2019 08:13:24 +0000

Музичарот кој воедно и го управуваше возилото во кое загина Шабан Шаулиќ починал во болница во Германија, пренесе менаџерот на Шаулиќ. Тој вели дека му се јавиле од германската болница и му соопштиле дека повредениот Мирсад Кериќ им подлегнал на повредите, но сепак синот на музичарот тврди дека неговиот татко е жив и ја демантираше веста. -Како што дознавте преку медиумите, мојот татко Мирсад Кериќ имаше тешка сообраќајна несреќа. Мојот татко не умре, он е на интензивна нега и се бори за својот живот. Јас и мојата фамилија ги замолуваме сите медиуми да престанат да пренесуваат лажни информации дека мојот татко умрел, татко ми се уште е на апарати. Ве молам да се молите за мојот татко, фала, напиша Денис, синот на Мирсад.

Заминаа двајцата во смрт: Почина и музичарот кој го возеше Шаулиќ, пријателите неутешни (ФОТО)

Дарко Андоновски — Mon, 18 Feb 2019 07:11:54 +0000

По страшната сообраќајна несреќа во Германија во која настрада кралот на фолк музиката Шабан Шаулиќ, вчеравечер почина и возачот, Мирсад Кериќ кој имаше 43 години, пренесува српски Блиц. Имено заедно со Шабан во автомобилот кој се движел кон аеродромот бил и неговиот кум Слободан Бобан Стојадиновиќ и музичарот Мирсад Кериќ. Мирсад возел, а по сообраќајната несреќа лекарите се бореле за неговиот живот, но на крајот безуспешно. Неговите пријатели се опростуваат од него на социјалните мрежи, а под фотографиите безбројни се тажните коментари.