миса – Kurir.mk

Папата Франциск ја помести полноќната божиќна миса заради полицискиот час

Ивона Петрова — Fri, 11 Dec 2020 06:43:15 +0000

Поради полицискиот час папата Франциск ќе ја одржи традиционалната полноќна миса на Божиќ во 19,30 часот, додека службата за Божиќ ќе се одржи во затворен простор, со цел да се спречат турканици на плоштадот Свети Петар. Полноќната миса, која се одржува секоја година на 24 декември во 21:30 часот, годинава ќе биде преместена во 19:30 часот заради полицискиот час што е воведен во Италија поради пандемијата. Американските медиуми пренесуваат дека новогодишната молитва и миса ќе се одржат во базиликата Свети Петар и нема да бидат отворени за јавноста. Поради зголемувањето на бројот на новозаразени, властите во Италија воведоа полициски час што важи од 22 часот.

Ватикан: Во иднина без присуство на верници на мисите

Ивона Петрова — Wed, 04 Nov 2020 11:27:49 +0000

Папата Франциск (83) апелираше денеска до сите верници да ги слушаат советите на здравствените работници со цел да се спречи ширењето на коронавирусот, поради што се забранети јавни собири во Ватикан. Официјален Ватикан минатата недела објави дека папата забранил собири, додавајќи дека мисите во иднина ќе се одржуваат без присуство на верници. Поглаварот на Римокатоличката црква донесе таква одлука откако едно лице кое присуствувало на миса на 21 октомври е заразено со коронавирус. Истовремено, утврдено е дека 13 швајцарски гардисти, кои биле ангажирани во Ватикан да го чуваат папата, се инфицирани со Ковид-19.

Трамп го помина Бадник во црква со семејството

Ивона Петрова — Wed, 25 Dec 2019 08:35:09 +0000

Американскиот претседател Доналд Трамп и првата дама Меланија на Бадник прво присуствуваа на миса во баптистичка црква, а потоа празникот го прославија со вечера во неговиот приватен клуб на Флорида. Помалку од една недела откако беше отповикан во Претставничкиот дом, Трамп не одговори на новинарско прашање дали во црквата се молел за претседателката на Претставничкиот дом Ненси Пелоси. – Ќе имаме одлична година, кусо одговори Трамп. Трамп на Бадник видео повик со групи војници стационирани во Авганистан, Кувајт, Аденскиот Залив и припадниците на Ер Форс во Мисури и крајбрежната стража на Алјаска. Тој ги пофали вооружените сили за нивните напори во борбата против последниот калифат на Исламска држава и убиството на нејзиниот водач Абу Бакр ал-Багдади. Тој, исто така, ги истакна економските успеси дома и најави пораст на платите на војниците во новата година. На новинарско прашање што и купи на сопругата за Божиќ, тој одговори „убава честитка“, и додаде дека „сè уште работи на подарокот за Божиќ“

Напаѓачот влетал со два пиштоли: Пукотници во катедрала за време на миса, најмалку четворица мртви

Ивана Ефремовски — Tue, 11 Dec 2018 18:45:42 +0000

Непознат маж денеска отворил оган во катедрала во Кампинас за време на миса и убил најмалку 4 лица. Како што соопштуваат локалните медиуми, напаѓачот влетал во катедралата и почнал да пука од два пиштоли. Во пукотниците смртно погодил најмалку 4 лица, најмалку десетина се повредени, а потоа напаѓачот се самоубил.

ТРАГЕДИЈА: Свештеник почина среде божиќна миса

Александар Михаилов — Tue, 26 Dec 2017 20:13:01 +0000

Свештеник почина за време на миса којашто тој ја предводел на Бадниковата вечер во црква во Бретања на северозападот на Франција. Тој имал 45 години, а како причина за смртта се наведува срцев удар. На свештеникот му се слошило уште на почетокот на мисата. Кога колабирал, лекарите од Брза помош не успеале да го реанимираат, соопштија властите. Локални медиуми наведуваат дека свештеникот е од Конго, а во Сен-Ан д'Ор бил во шестодневна посета.