мисајловски – Kurir.mk

Мисајловски: Владата и Заев да одговорат дали тајната смена на членот на историската комисија не е притисок врз одлучувањето и увертира во ново попуштање на сметка на интересите на Македонија?

Тале Кристо — Wed, 20 Jan 2021 11:57:44 +0000

Зоран Заев далеку од очите на македонската јавност, смени член на историската комисија со Бугарија, истакна на денешната прес-конференција потпретседателот на ВМРО-ДПМНЕ Владо Мисајловски. Воедно, министер од владата на Бојко Борисов јавно соопшти дека во игра бил анекс на постојниот договор од 12 точки. До ден денешен, нема информации за демант на македонската влада и МНР за оваа негова изјава, што нам ни дава за право да заклучиме дека Заев преговара за анекс на договор во кој многу веројатно дека се вклучени елементи од нашиот идентитет, историја и јазик. Премиерот Зоран Заев должи одговори зошто е сменет членот на историската Комисија? И дали со тоа се прави директен притисок и врз останатите за прифаќање на историските невистини? Дали Заев сака од Комисијата наместо историски орган, да направи политички орган кој ќе одлучува по негова логика и онака како што тој ќе се испазари? Дали поради тоа што не може да ја убеди бугарската страна сега менува членови на Комисијата кои даваат отпор на историските невистини и менувањето на идентитет за кој Заев преговара? Дали ова е казна затоа што ја бранеле вистината? Владата и Заев да одговорат дали тајната смена на членот на историската комисија, не е притисок врз одлучувањето и увертира во ново попуштање на сметка на интересите на Македонија. Зошто се крие смената на членот на Комисијата. Историјата е јасна. Науката е јасна. Чепкање во македонскиот идентитет, јазик и историја не смее да има. Апелираме и до членовите на Комисијата да не се претвораат во маша на Заев. За тоа што ќе ги натера да се потпишат, тој дебело ќе се испазари. Историските комисии треба да преговараат необременети од политички притисоци, а идентитетските обележја не смеат да бидат на маса на преговори, порача Мисајловски од денешната прес-конференција.

Мисајловски: Прогласуваат 30-дневна кризна состојба, ама важно избори во Штип ќе си тераат?!

Тале Кристо — Thu, 19 Nov 2020 14:23:13 +0000

Само што најави Владата дека ќе прогласи 30 дена КРИЗНА СОСТОЈБА!!! Ама важно избори во Штип ќе си тераат⁉️⁉️ Наместо да се посветат целосно на здравјето и економијата, власта си тера само политиканство!!!,реагира потпретседателот на ВМРО-ДПМНЕ Владо Мисајловски, откако претходно од страна на кризниот штаб беше прогласена 30 дневна кризна состојба.

Мисајловски: Благодарност до сите граѓани кои овие изборни денови не следеа насекаде, благодарам од срце на нашата најсилна Изборна единица 2!

Тале Кристо — Sun, 12 Jul 2020 21:17:49 +0000

Дојде крајот на изборната кампања за предвремените парламентарни избори. Поминавме преубави денови, исполнети со многу средби, дружби и разговори за #ОбноваНаМакедонија, пишува на својата Фејсбук страница носителот на листат на ВМРО-ДПМНЕ во ИЕ2 Владо Мисајловски. Имав прилика да се сретнам со луѓе од најразлични националности и религии, и сите со иста цел и желба. Македонија да биде горда и исправена земја! Се заблагодарувам на сите кандидати за пратеници во Изборната единица 2, на сите Општински Комитети, претседателите на Општинските Комитети, коалиционите партнери од коалицијата "За обнова на Македонија" и на сите граѓани кои овие изборни денови не следеа насекаде. Благодарам од срце на нашата најсилна Изборна единица 2! Горд сум на секој еден од вас, кој рамо до рамо со мене ја водеше оваа изборна кампања и беше цврст сојузник на ВМРО-ДПМНЕ и Република Македонија. Секој од вас има своја заслуга во #ОбноватаНаМакедонија која што следи по 15-ти јули. Но, најголемо БЛАГОДАРАМ до сите граѓани кои на 15-ти јули ќе ни ја дадат својата поддршка. Имавме најдобра, позитивна и сеопфатна изборна кампања и покажавме дека можеме да ја пренесеме убавата енергија насекаде, за да се сплотиме и да ја пратиме пораката за надеж и поубав живот. На 15-ти јули победува народот, победува ВМРО-ДПМНЕ, победува Република Македонија! И С П Р А В И С Е М А К Е Д О Н И Ј О! О Б Н О В А ТА П О Б Е Д У В А!, пишува Мисајловски.

Мисајловски: Се подготвуваат нови сценарија за Македонија, а одговорот следи токму од вас

Тале Кристо — Sun, 12 Jul 2020 19:59:35 +0000

Се подготвуваат нови сценарија за Македонија, а одговорот следи токму од вас, рече на денешната средба со граѓаните од Ѓорче Петров носителот на листата на ВМРО-ДПМНЕ во изборната единица 2, Владо Мисајловски. -Сакаа да ме заплашат, да престанам да водам кампања и бидам тоа што сум. Со гордост можам да кажам дека ја имавме најдобрата, најпозитивната и најубавата кампања што било кој носител ја имал во Република Македонија, рече Мисајловски. -Во среда се гласа, јас ќе ве замолам сите вас, да разговарате со секој еден пријател, со секој еден комшија, сосед, со секој еден што го познавате да ни ја даде довербата. Зошто после 15-ти може да биде доцна. После 15-ти некој може да побара да ја раздели Македонија, после 15-ти некој ќе сака македонскиот јазик да не биди македонски јазик, после 15-ти некој ќе сака Гоце Делчев или Ѓорче петров да не биде Македонец. Јас ова не го зборувам паушално, колку да го кажам за некој плус глас. Видовте што се случуваше изминатите три години, видовте дека постојат политичари дека за пусти пари ќе продадат се, истакна Мисајловски. Целиот говор на Мисајловски, носител на листата на ВМРО-ДПМНЕ во ИЕ2 можете да го погледнете во продолжение:

ФОТО: Мисајловски на средба со граѓаните на Ѓорче Петров

Тале Кристо — Sun, 12 Jul 2020 16:57:39 +0000

Во рамките на предизборната кампања, носителот на листата на ВМРО-ДПМНЕ во изборната единица 2, Владо Мисајловски вечерва ќе одржи средба со граѓаните на општина Ѓорче Петров. На средбата, Мисајловски ќе ја презентира програмата на ВМРО-ДПМНЕ, како и проектите за наредните четири години.

Мисајловски од Куманово: Луѓето велат дека ваква ненародна власт не заслужува никогаш повеќе да ја добие довербата од граѓаните

Тале Кристо — Fri, 10 Jul 2020 12:38:45 +0000

Носителот на листат на ВМРО-ДПМНЕ во изборната единица 2, Владо Мисајловски во рамките на предизборната кампања за предвремените парламентарни избори денеска одржа средба со граѓани на Куманово во Соколански парк. Пред граѓаните Мисајловски ги презентираше проектите и заложбите на ВМРО-ДПМНЕ како идна Влада. Во Соколански парк остварив средба со жителите од околината на населеното место Соколана, Куманово. Населението е апсолутно сигурно во победата на ВМРО-ДПМНЕ која што следува 15-ти јули, пишува Мисајловски на Фејсбук. Велат дека ваква ненародна власт не заслужува никогаш повеќе да ја добие довербата од граѓаните. Покрај манипулациите и лажните ветувања, СДСМ и Заев го понижија македонскиот народ и за тоа мора да следи казна. Токму затоа овие луѓе силно не поддржуваат во борбата за #ОбноваНаМакедонија и на 15-ти јули ќе го заокружат бројот 14 и ќе ги испратат СДСМ и Заев на буништето, вели во својата објава носителот на листата на ВМРО-ДПМНЕ во ИЕ2 Црната приказна завршува, доаѓа обновата на Македонија! Исправи се Македонијо!, порачува Мисајловски.

Мисајловски: Нашите деца се иднината на Република Македонија и наша должност е да обезбедиме најдобри услови за тие да останат тука

Тале Кристо — Fri, 10 Jul 2020 09:19:54 +0000

Се обврзуваме на нови 50.000 работни места. Нашите деца се иднината на Република Македонија и наша должност е да обезбедиме најдобри услови за тие да останат тука. Обновата доаѓа!, пишува во својата објава на Фејсбук носителот на листат на ВМРО-ДПМНЕ во ИЕ2 Владо Мисајловски.

Мисајловски се сретна со дуќанџиите и занаетчиите од Ѓорче Петров: Потребни се најразлични модели на стимулација на малите и средните бизниси

Тале Кристо — Thu, 09 Jul 2020 13:00:45 +0000

По средбата со просветните работници, остварив средба со дуќанџиите и занаетчиите од Ѓорче Петров. Заедно со кандидатот за пратеник во ИЕ2 Бојан Стојаноски ги посетивме овие луѓе, кои велат дека економската криза во државата влијаела многу врз нивната работа. Овие чесни и работливи луѓе кои заработуваат од својот занает, заслужуваат голема почит и помош. За заживување на економијата во државата, потребни се најразлични модели на стимулација на малите и средните бизниси. Македонската економија мора да биде силна, за да има повеќе работа и повеќе нови работни места во приватниот сектор. Поради тоа, ВМРО-ДПМНЕ во својата изборна програма има низа проекти и мерки за приватниот сектор, преку кои ќе се помогне македонската економија. Македонската економија е еден од приоритетите на ВМРО-ДПМНЕ, пишува на Фејсбук носителот на листата на ВМРО-ДПМНЕ во изборната единица 2 Владо Мисајловски. Силна економија за силна држава! Обновата доаѓа!, пишува Мисајловски во својата објава. https://youtu.be/imEIeTvOMaE

ФОТО: Мисајловски на средба со просветните работници во Ѓорче Петров

Тале Кристо — Thu, 09 Jul 2020 12:10:25 +0000

Носителот на листата на ВМРО-ДПМНЕ во изборната единица 2, Владо Мисајловски денеска оствари средба со просветните работници од општина Ѓорче Петров. Мисајловски пред присутните ја претстави програмата за Обнова, како и приоритетите и залагањата во образованието на идната Влада предводена од ВМРО-ДПМНЕ.

Мисајловски се сретна со еден од најдобрите пливачи во Република Македонија: ВМРО-ДПМНЕ во својата изборна програма има голем број на проекти во однос на спортот

Тале Кристо — Thu, 09 Jul 2020 11:50:10 +0000

На мое огромно задоволство денеска се сретнав со еден од најдобрите пливачи во Република Македонија, младиот Андреј Стојановски. Заедно со кандидатот за пратеник во ИЕ2 Бојан Стојаноски поразговаравме со него за неговите успеси, предизвици и очекувања во однос на пливањето како спорт во нашата земја. Андреј Стојановски има оштетување на слухот, но и покрај сите потешкотии, неговите успеси се на завидно ниво. Андреј е наш пријател долги години и секоја средба со него ни е драга. ВМРО-ДПМНЕ во својата изборна програма има голем број на проекти во однос на спортот, но исто така и за луѓето со одредени оштетувања, односно за луѓето на кои им треба одредена помош или асистенција во секојдневното функционирање, пишува во својата објава носителот на листат на ВМРО-ДПМНЕ во ИЕ 2 Владо Мисајловски. Андреј Стојановски е нашата гордост и наша должност е како на него, така и на сите останати спортисти, да им овозможиме услови за нивно понатамошно развивање. Обновата ќе се случи во секој слој од општеството. Обновата доаѓа насекаде!, дециден е Мисајловски.