Адвокатот Мишел Наумоски нуди 1.000 евра за информација за лицата кои му го запалија автомобилот

Ивона Петрова — Sun, 19 Aug 2018 17:13:19 +0000

Адвокатот од Охрид, Мишел Наумоски, чиј автомобил изгоре во пожар пред два дена, денес преку Фејсбук објави дека ќе додели награда од 1000 евра за секоја информација која ќе доведе до откривање на сторителите. -Во интерес на откривање на можните сторители и нарачатели на кривично правниот настан ја нудам следнава НАГРАДА: 1.000,00 евра за секоја релевантна информација која ке ги открие извршителите или нарачателите на кривичното дело. Гарантирам дискреција на изворот на информацијата, пишува Наумоски на Фејсбук.

Монтирана експлозивна направа: Запален автомобилот на висок функционер на ВМРО – ДПМНЕ во Охрид

Матеја Петровски — Fri, 17 Aug 2018 16:26:05 +0000

Експлозија одекнала ноќеска и го запалила автомобилот на Мишел Наумоски-адвокат и висок партиски фунционер на ВМРО ДПМНЕ од Охрид. За среќа нема повредени во инцидентот кој се случил во строгиот центар на градот, но силно е вознемирено семејството на Наумоски кој е член на Општинскиот комите на ВМРО ДПМНЕ. Тој беше сериозен кандидат за претседател на охридскиот огранок, а неговото име се врзуваше и за директорската фотеља на КПУ „Затвор” Охрид. -Силната детонација ги распамети соседите, исплашени скокнаа од сон и се симнаа пред зградата – раскажува Наумоски кој стигнал дома само 10-тина минути пред да го запалат автомобилот. -Згрозен сум од ова што се случи. Кај моето семејство веќе има чувство на несигурност, бидејќи ова не е прв инцидент, вели Наумоски. Во континуитет последниве неколку години се врши притисок и заплашување на моето семејство, но овој пат сторитеелите отидоа предалеку, додава тој. -Сме добивале, не можеби јас лично меѓутоа и моето семејство и како дел од моето семејство, разни пораки по фејсбук профили разни дејствија предизвикани од органи на државната управава, односно министерство за внатрешни работи, односно полициската станица во Охрид, изразена преку висок старешина таму кој упатувал индирекни закани преку непосредни лица, вели Наумовски. Наумоски, кој се сомнева дека бил следен, потенцира дека до сега ниту еден инцидент не бил расчистен, нити биле откриени сторителите на другите дела. Поради тоа имал и состанок со началникот на СВР Охрид од каде заминал со ветување дека ќе откријат кој го запашува семејството Наумоски и кој е мотивот и за овој инцидент. -Ќе покаже истрагата за што се работи меѓутоа во возачкиот дел на седиштето на возачот има поголема дупка, отвор, што е скоро невозможно да се направи од оган, од висока температура, бидејќи тоа е најјакиот дел на основата на возилото. Истрагата ќе покаже со што е направено тоа дали е користенадруга форма на запалива течност или е експлозив – вели тој. Безбедносните камери и очевидците забележале две лица околу автомилот на Наумоски во моментот кога тој експлодирал, а малку недостасувало пожарот да ги зафати и останатите 30-тина возила паркирани едно до едно пред зградата во која живее.

мишел наумоски – Kurir.mk

Адвокатот Мишел Наумоски нуди 1.000 евра за информација за лицата кои му го запалија автомобилот

Монтирана експлозивна направа: Запален автомобилот на висок функционер на ВМРО – ДПМНЕ во Охрид