Истанбул се приклучи на семејството на Мишелин меѓу водечките светски гастрономски центри

Ивона Петрова — Wed, 27 Apr 2022 09:54:22 +0000

Истанбул, една од извонредните кулинарски дестинации во светот, се придружува на семејството Мишелин Водичот (MICHELIN Guide) кој се смета за најпрестижната организација за рангирање на ресторани во светот. Истанбул, меѓу водечките светски центри за гастрономски туризам, на гостите им нуди древна прехранбена култура обликувана од уникатно културно наследство што се рефлектира во прекрасните ресторани во градот. Истанбул, глобална метропола која на посетителите им нуди можност да уживаат во традиционални јадења, како и во најдобрата интернационална кујна, е 38-та дестинација што е избрана на светската гастрономска сцена од страна на MICHELIN Guide, кој го води глобалниот сектор за храна и пијалоци уште од 1900-тите. Говорејќи на состанокот за Истанбул да се приклучи на MICHELIN Guide, Министерот за култура и туризам на Република Турција Мехмет Нури Ерсој истакна дека активностите за позиционирање на Истанбул – еден од најпосетуваните градови во светот – како „гастроград“ ќе привлечат заинтересирани туристи во добра храна и исклучителни вкусови за Турција. Изразувајќи го своето задоволство од приклучувањето на Истанбул во семејството МИШЕЛИН, Гвендал Поленец, меѓународниот директор на МИШЕЛИН Guide, истакна дека Истанбул со векови го фасцинирал светот со својата историја, култура и интеркултурен идентитет. Приклучувањето на Истанбул во MICHELIN Guide семејството се очекува да привлече гастро туристи во Турција, охрабрувајќи ја земјата да го заземе заслуженото место меѓу водечките светски гастрономски центри. Изборот на првите ресторани во Истанбул направен од независни инспектори на Мишелин кои вршат доверливи и ненајавени посети на ресторани ќе биде објавен на церемонијата организирана од Мишелин на 11 октомври 2022 година.

Ова бебе го викаат„Мишелин“: На шестмесечна возраст има 12 килограми (ВИДЕО)

Ивана Ефремовски — Sat, 06 Apr 2019 09:45:32 +0000

Девојчето предизвика сензација во социјалните медиуми кога родителите објавија видеоснимка од нејзиното мало раче, која досега е видена 4,7 милиони пати. На возраст од шест месеци, Ксу Јујан има 12,5 килограми. Во просек таа е потешка од другите бебиња на нејзина возраст за една третина, односно 4 килограми. Поради јастучињата на рацете, Јујан е позната во кинеските медиуми како „Мишелин бебе“. Дебелкото раче потсетува на маскотата на францускиот производител на гуми „Мишелин“, коментираа некои од гледачите на видеото. Таткото на Јујан, Ксу Леи, од провинцијата Џилин во североисточна Кина, вели дека неговата ќерка е здрава. Тој го нарече бебето „грејпфрут“, вид цитрус, бидејќи изгледа како грејпфрут. Г. Ксу и неговата сопруга со видеоснимки го документираат растот на Јујан. Таткото признава дека е малку загрижен за големината на ќерката, поточно дека во иднина таа ќе биде дебела. Просечната тежина за шестмесечно девојче во Кина изнесува 7,2 килограми.

мишелин – Kurir.mk

Истанбул се приклучи на семејството на Мишелин меѓу водечките светски гастрономски центри

Ова бебе го викаат„Мишелин“: На шестмесечна возраст има 12 килограми (ВИДЕО)