мисисипи – Kurir.mk

Најмалку 23 загинати во торнадo и силна бура во Мисисипи

Ивона Петрова — Sat, 25 Mar 2023 14:30:32 +0000

Најмалку 23 лица загинаа, а неколку десетици се повредени во торнадото и силната бура со грмотевици што синоќа зафати дел од американската сојузна држава Мисисипи, соопшти државната агенција за вонредни состојби и извести дека торнадото предизвикало материјална штета во област подолга од 160 км. Четири лица се водат како исчезнати, а тимовите за пребарување и спасување трагаат по преживеани откако невремето ја погоди областа Сивер Сити во западен Мисисипи, соопшти државната Агенција за вонредни состојби. - За жал, очекуваме овие бројки да се променат, најавија тие, мислејќи на бројот на загинати. Си-Ен-Ен јавува дека тимови за пребарување и спасување биле и во Ролинг Форк, градот најтешко погоден од торнадото. -Никогаш досега не сум видела вакво нешто, изјави Бренди Шооа за Си-Ен-Ен. „Ова беше убав мал град, а сега го нема“. Ловците на бури испратиле најмалку 24 извештаи за торнада до Националната метеоролошка служба во текот на ноќта. На фотографиите објавени на социјалните мрежи се гледаат урнати згради и автомобили превртени на страните, како и групи луѓе кои се обидуваат да излезат од урнатините.

ВИДЕО: Драма во Мисисипи, украл авион и заканува дека ќе го урне во Волмарт

Ивона Петрова — Sat, 03 Sep 2022 13:56:58 +0000

Американските медиуми јавуваат дека 29 годишник украл авион и со него кружи над Волмарт во Мисисипи. Мажот се заканувал дека ќе го урне авионот во маркетот Волмарт, а кружи над него околу еден час. Медиуми јавуваат дека тој авионот го украл од локалниот аеродром во градот Тупел. Посетителите на маркетот и персоналот се евакуирани, полицијата ја расчистува областа.

BREAKING: Pilot threatening to crash plane into Walmart in Tupelo, Mississippi, police say pic.twitter.com/znMlDj5M2N
— BNO News (@BNONews) September 3, 2022

Мисисипи по поплавите остана без вода, повикана Националната гарда да помогне

Ивона Петрова — Wed, 31 Aug 2022 05:58:21 +0000

Националната гарда на американската сојузна држава Мисисипи е активирана за доставување вода до жителите на главниот град Џексон, по откажувањето на локалната станица за прочистување на водата поради дождовите и поплавите што го погодија градот. Околу 180.000 жители на Џексон го загубија пристапот до проточна вода на неодредено време откако зголемените поплави ја оштетија главната станица за прочистување на водата во градот во текот на викендот. Гувернерот Тејт Ривс прогласи вонредна состојба за Џексон и околните области, предупредувајќи ги жителите од тоа подрачје да не пијат вода од чешма. Училиштата, рестораните и деловните објекти се привремено затворени. Тој, исто така, ја повика Националната гарда да му помогне на градот, кој беше погоден од обилни дождови и поплави за време на викендот. Водата за пиење на населението се дели во шишиња, а водата што не е за пиење, туку се користи за други потреби во домаќинството им се доставува со цистерни.

Се очекуваат големи поплави во Мисисипи

Ивона Петрова — Mon, 29 Aug 2022 10:27:22 +0000

Гувернерот на Мисисипи, Тејт Ривс прогласи вонредна состојба пред очекуваните „големи поплави“, што значи водени токови со ниво од седум метри. Се проценува дека нов бран поплави во некои области може да достигне и ниво на водата од над 10 метри. – Доколку предвидувањата се покажат како точни, се очекува максималниот бран поплави на реката Перл денеска да надмине 10 метри, што е 24 часа порано отколку што првично се предвидуваше. Ако вашиот дом бил поплавен во 2020 година, голема е веројатноста тоа да се повтори. Сакам силно да ги охрабрам сите да останат мирни. Бидете свесни, но, не паничете, истакна Ривс. Досега, државата распореди 126.000 вреќи со песок и ги стави на готовност екипите за пребарување и спасување. Покрај тоа, агенцијата за управување со вонредни состојби на Мисисипи со дронови го проценува нивото на водата долж реката Перл.

Во американската сојузна држава Мисисипи најмалку 26 пратеници заразени со Ковид-19

Тале Кристо — Thu, 09 Jul 2020 10:00:19 +0000

Најмалку 26 пратеници и 10 вработени во Парламентот на американската сојузна држава Мисисипи се заразени со новиот коронавирус. Парламентот на Мисисипи брои 174 пратеници. Гувернерот на Мисисипи, Тајт Ривс уапти апел до сите кои биле во контакт со заразените пратеници да се тестираат што побрзо. Тој истакна дека мора да се почитува физичата дистанца и да се носат маски во затворен простор. (МИА)

Мисисипи го смени знамето со симболот на конфедератите

Магдалена Андонова — Wed, 01 Jul 2020 15:09:39 +0000

Гувернерот на Мисисипи, Тејт Ривс, синоќа потпиша закон за промена на знамето на сојузната држава со што го отстрани симболот на конфедератите, кој беше главен елемент на знамето над 126 години. Мисисипи е последната сојузна држава во САД што го употребуваше симболот, кој го загуби статусот откако повеќе од еден месец во САД се одвиваат демонстрации, понекогаш и насилни, против расизмот и убиството на Афроамериканецот Џорџ Флојд. Ривс, републиканец, сепак е против барањата да се отиде предалеку како снесување споменици на воени личности и политичари од на Југот од времето на Граѓанската војна во САД. Такви спомен обележја веќе се урнаа во повеќе градови низ САД Како што јави дописникот на МИА, во Капитолот во Вашингтон денеска беше отстрането поранешното знаме на Мисисипи и на негово место е ставено таканареченото знаме Магнолија, што го носи државниот грб. (МИА)

Силно невреме на југот од САД, најмалку шест жртви во Мисисипи

Ивона Петрова — Mon, 13 Apr 2020 06:49:36 +0000

Најмалку шест лица загинаа во силното невреме на југот на Мисисипи во кое се оштетени најмалку 300 куќи и една зграда на северот од Луизијана. Едно лице погина во округот Волтхол, две во Лоренс, а три во округот Џеферсон Дејвис. Сите три округа се наоѓаат на околу еден час возење јужно од Џексон, во близина на Луизијана. Националната метеоролошка служба соопшти дека силниот ветер минал и низ другите делови на Мисисипи, каде имало и локални торнада. Гувернерот на Мисисипи, Тејт Риверс, прогласи вонредна состојба во државата бидејќи е погодена и од неколку торнада, јавија американските медиуми. Од силниот ветар искинати се електричните водови , а врз неколку куќи во Клерксдејл паднале дрвја.