мисли – Kurir.mk

Методи како да ги контролираме негативните мисли

Ристе Здравков — Tue, 24 Jan 2023 08:51:14 +0000

80% од мислите на секој човек содржат на некој начин негативна содржина. Значи нормалмно е да се има негативни мисли. Ние луѓето секогаш ја скенираме нашата околина барајќи проблем да го решиме (генерирајќи негативни мисли цело време). Проблемот не е што имаме негативни мисли. Проблемот настанува кога ние веруваме дека нашите мисли се вистина. Ако погледнете во една статија напишана за некој таблоид , за најнов скандал за славна личност. Ние ќе ја прочитаме статијата и знаеме дека статијата е веројатно необјективна, претерана, или извадени од контекст . Ние обично не верувам дека секој збор во статијата е вистинит, или дека треба да преземеме некоја мерка, како резултат на читањето на статијата. Мислите во нашата глава заедно прават приказни (статии), и тие најчесто се слични на статиите во таблоидите. Проблемот е што ние стануваме сплотени со статиите, како едно. Ние не се враќаме назад да погледнеме од подобра перспектива. Ние не си поставуваме прашања за нашите мисли, како: * дали оваа мисла е точна? * дали оваа мисла е важна? *дали оваа мисла ми помага? Следуваат некои мали трикови да ви помогнат да се тргнете од милисте и сториите во вашата глава Заменети ги вашите мисли Наместо да велите “Jас сум лузер”, речете “Јас имам мисла дека јас сум лузер”. Наместо да речете “Јас нема да го положам овој тест”, речете “Јас имам мисла дека нема да го положам овој тест”. Разликата може да ви изгледа суптилна, но може да ви помогне да ја промените перспективата дека вие не сте вашите мисли. Заблагодарете се на вашиот мозок Ако имате анксиозни мисли, како на пример “Јас се надевам дека овој авион нема да се сруши..се надевам пилотот знае што прави”, речете “Ти благодарам мозоку. Ти благодарам што се обидуваш да ми направиш да се чувствувам безбедно. Но навистина нема потреба да правиш такво нешто сега. Некогаш можеш да се одмориш”. Пуштети ги мислите

Оваа стапка вклучува имагинација. Вие ја ставате секоја негативна мисла на лист и замислувате како листот паѓа во поток. Кога имате друга мисла, ја ставате на друг лист и го гледате како паѓа и тој. Запишете ги вашите мисли Потрудете се да ги запишете вашите мисли во алфабетски редослед и потоа прочитајте ги. Ќе ви звучат бескрајно нелогично, што е и целата поента. Изговорете ги со потсмев или со смешен глас. Може и да направите имитација од некој лик/карактер од смешна серија или цртан. Именувајте ги вашите приказни Mногу пати нашите мисли се повторуваат и вклучуваат исти приказни. Мојата приказна најчесто е: “Јас навистина не знам што правам”. Кога мислите доаѓаат на тој начин, можете да кажете “ООО еве ја мојата ЈАС СУМ ИЗГУБЕН” приказна, и само пуштете ја да си оди. Вежби Метод 1. Идентификувајте ги негативните мисли Запишете ги мислите кои ви прават да се чувствувате тажни или обесхрабрени: се обвинувате или се срамите себеси за работи кои не се ваша вина, интерпретирајќи ги тие едноставни грешки како показател за лични неуспеси, или ги замислувате вашите мали проблеми како многу поголеми од што реално се. Прекинети ги негативните мисли веднаш! Еднаш кога ќе ги идентификувате негативните мисли, возвратете им со кажување на нешто позитивно за себе. Како на пример. наместо да речете “Јас навистина имам лошо утро”, речете си “Ова утро е глупаво, но денов ќе биде подобар”. Задржете го вашиот ден позитивен. Ако патите од ова, запамтете го следдново: никогаш не си кажувајте нешто за себе, коешто нема да му го кажете на некој друг. Останете позитивни и едноставно тоа може да ви стане навика. Обратете внимание на вашиот речник Дали сте се забележале дека употребувате безусловни термини? Како на пример: “Јас никогаш нема да можам да го направам ова” или “Јас секогаш го зезнувам ова”. Апсолутните термини (безусловните) најчесто се претерани и не оставаат простор за објаснување и разбирање. Вашиот вокабулар (речник) треба да вклучува зборови кои ги кажувате на галас на други луѓе, додека зборувате за себе, дали на глас или ментално. Отстранети ги премногу негативните зборови од вашиот речник Екстремните термини како “ужасно” или “катастрофа”, не треба да се користат. Заменети ги овие термини со охрабрувачки мисли или пофалби. Кога ќе ви дојдат ваквите зборови во вашите мисли одма заменети ги, пример: “Ужасно” со “Не толку добро колку што се надевав”, “Катастрофа” може да се замени со “Предизвик”. Свртете го лошто во добро. Неколку ситуации се тотално добри или тотално лоши. Барајќи го доброто во вознемирувачка ситуација ќе ви помогне лошто искуство да изгледа помалку лошо. Кога ќе приметите дека почнувате да размислувате негативно, најбрзо застанете и погледнете го позитивниот аспект. Метод 2 Започенете го денот со 5 добри работи. Тие не мора да бидат возвишени или амбициозни работи. Тие можат да бидат едноставни како мирисот на добро кафе или звукот на вашата омилена песна. Размилувајќи на овие работи и кажувајќи ги нив гласно значи дека сте го започнале секој ден фокусирајќи се на позитивното. Ова создава основа за подигнување на остатокот од денот, што прави потешкотија за раст на негативноста. Студиите покажуваат дека кажувањето на позитивни работи гласно всушност ќе направат да верувате во тоа што го кажувате. Ова може да ве направи посреќни и пофокусирани на позитивните работи. Уживатје во вашиот ден. Не ги сфаќајте работите многу сериозно. Социјализирајте се и опкружете се со позитивни луѓе. Ако сте стресни, мислете на нешто друго наместо на тоа што ви го предизвикало стресот. Практикувајте здрави навики Јадете свежа храна, вежбајте и спијте доволно. Вежбањето е добар начин за да му попречите на вашиот мозок во генерирањето на негативни мисли. Избегнувајте пушење и прекумерно пиење. Контролирајте ја вашата околина Вие не сте беспомошни со вашите мисли. Ако не сте среќни со нешто, СМЕНЕТЕ ГО. Слушањето на музика, убавото осветлување дома, вежбањето, пешачењето се неколку начини да го регулирате стресот. По преземањето на промените, честитајте си себе си за вашето подобрување. Активното сетирање на вашиот мозок ќе ги избрка вашите негативни мисли. Релаксирајте се навечер. Најдете мирно, удобно место и одвојте си време за релаксирање. Ментално прегледајте го денот и најдете 5 позитивни работи кои сте ги доживеале во текот на денот. Кажете ја секоја од тие работи гласно и запишете ја во вашиот дневник.

Исфрлете го стресот за една минута: ОВАА ТЕХНИКА многу ќе ви помогне

Ивана Ефремовски — Thu, 18 Aug 2022 08:32:17 +0000

Стресот е дел од животот. Ако забележите дека сте веќе на почетокот на денот, уморни, нервозни, тоа значи дека вашиот мозок е “окупиран” со негативни мисли. Стресот останува во нашата меморија и постојано се повторува. Постои техника која за само една минута може да го реши проблемот! Благодарение на еден едноставен трик, стресот може да биде историја и вашиот ум да стане јасен и позитивен. Тоа е техника со која се фокусира мозокот на други ситуации и му дава наредба да заборави на стресот и на стресните повторувачки мисли. Оваа техника може да се користи насекаде и ќе ви помогне да ги контролирате вашите мисли и да ја “испразните” главата: Затворете ги очите и фокусирајте се на звуците околу вас. Бебе кое плаче, луѓе на улица, колеги кои пишуваат на тастатурата, компјутери, сообраќај. Земете длабок здив, а потоа издишете, сконцентрирајте се. Продолжете со длабоко дишење, пет пати едно по друго и максимално фокусирајте се на ова. За време на дишењето, слушајте го влегувањето на воздухот во телото, преку носот до белите дробови и почувствувајте како се полнат со воздух,и како воздухот излегува од вашето тело за време на издишувањето. Обидете се да почувствувате каков е воздухот што излегува – топол или ладен. Со помош на сетилото за слух, вашиот мозок за еден миг ќе ги запре повторувачките негативни мисли.

Сигурно ќе се пронајдете: Седум особини кои ги красат мудрите луѓе

Ристе Здравков — Fri, 05 Aug 2022 14:39:38 +0000

Кои особини го красат мудриот човек? 1. Мудриот човек неуспесите не ги доживува како целосна загуба. Ги користи како искуства од кои ќе научи нешто ново, дури и да е грешка што самиот ја направил. 2. Мудриот човек ќе молчи и повеќе ќе слуша отколку што ќе зборува. Таквите луѓе се свесни за својата мудрост и немаат потреба да ја докажуваат, како што тоа го прават помалку мудрите луѓе. 3. Мудриот човек секогаш работи и создава во тишина. Не ги открива своите планови, бидејќи знае дека тоа може да предизвика љубомора, завист и оспорување. 4. Мудриот човек е лукав, во позитивна смисла. Секогаш знае да ги искористи околностите во кои се наоѓа и да ги сврти во своја полза. 5. Мудрите луѓе се обидуваат да го искористат својот максимален потенцијал дури и кога станува збор за помалку напорна задача. 6. Мудриот човек секогаш ќе ги ислуша туѓите мислења и нема да го наметнува своето. Сепак, тој не потпаѓа лесно под ничие внимание. Нема да зборува доколку не го прашаат за совет. 7. Иако изгледа дека е врзан за минатото, мудриот човек секогаш гледа во иднината. Минатото го чува само како богатство на знаење и искуство.

Зборувате самите со себе? Не сте чудни, напротив…

Ивана Ефремовски — Mon, 31 May 2021 19:33:58 +0000

Веројатно кога ќе видите некој што си зборува самиот со себе, ви паѓа чудно. Но тој можеби е еден чекор пред другите. Зборувањето со себе е одличен начин за подобро да го разберете материјалот што го учите. Секако, разговорот со себе не треба да биде за времето и тоа како надвор е топло, туку треба да пробате да влезете длабоко во потсвеста за да ја најдете другата страна на вашата личност која ќе ви одговори на прашањата кои ги поставувате. Според Улрих Босер, автор и експерт на полето на едукација, не се работи за „разговор со себеси“ туку за „објаснување на самиот себе“. Замислете си го тоа како повторување на сѐ што имате научено, ама наместо со некој друг, тоа го правите со себе. Зошто ваквиот монолог помага? Босер вели, затоа што го забавува вашето размислување и така ве прави спремни за да размислувате многу поконструктивно. Ваквото преиспитување на мислите ви помага да го задржите знаењето и да имате поголеми придобивки од самиот акт на учење. Прашањата од типот на „Дали навистина го знам ова?“ и „Што ме збунува од целиот материјал?“ може да бидат од голема помош. Зборувањето со себе ве држи фокусирани на материјалот. На тој начин, вербално ги одговарате прашањата и учите да го складирате знаењето наместо само да го научите од збор до збор. Сумаризацијата е исто така ефективен начин да се совлада она кое го учите, а уште повеќе доколку сумирате вербално. Откако ќе завршите со лекција, тема или пак книга, пробајте во кратки црти да си објасните што сте научиле. На почеток можеби ќе ви личи смешно, но потоа ќе видите дека овој начин на учење е многу полесен.

Не се препуштајте на своите стравови: Запомнете ги овие мисли, можат многу да ви помогнат

Ивана Ефремовски — Fri, 06 Dec 2019 16:28:36 +0000

Пауло Коелјо е популарниот автор кого различни генерации го обожаваат. Неговите книги се полни со различни мудрости за животот. Прочитајте ги овие мисли кои можат да ви го сменат животот. Ако болката мора да дојде, нека дојде брзо. Бидејќи имам живот за живеење, а сакам да живеам што е можно подобро. Сè што треба да направите е да обрнете внимание: лекциите доаѓаат кога сте подготвени и ако можете да ги прочитате знаците. Ќе научите сè што е потребно за да го преземете следниот чекор. Чекањето е болно. Заборавањето е болно. Но, незнаењето што да се прави е најлошото страдање. Не се препуштајте на своите стравови. Ако го направите тоа, нема да можете да комуницирате со своето срце. Можам да одлучам да бидам жртва или авантурист. Тоа е изборот кој морам да го направам во животот. Тајната на животот е да паднеш седум пати, но да станеш осум пати. Никогаш не можете да избегате од своето срце. Затоа, слушајте го што има да ви каже. Тагата не трае вечно, кога одиме во насока што ја посакуваме. Љубовта е само збор додека некој не дојде и не му даде значење. На крајот, најинтересните луѓе секогаш си заминуваат. Трагедијата зависи од начинот како гледате на неа. Ако изберете да бидете жртва во светот, сè што ќе ви се случи ќе ја храни темната страна на вашата душа, каде се чувствувате лошо, виновно и страдате. Ако ја изберете другата страна, сите промени, дури и загубите кои морате да ги поднесете, можат да предизвикаат болка, но тие само ќе ве придвижат напред.

Најубавите мисли кои ќе ве поттикнат никогаш да не се откажувате!

Ристе Здравков — Mon, 19 Nov 2018 12:24:44 +0000

Животот понекогаш е навистина тежок. Понекогаш животот задава тешки удари и понекогаш губиме секаква желба да продолжиме понатаму. Понекогаш едноставно немаме мотивација и сакаме да се откажеме. Но, некогаш доволни се неколку зборови кои ќе ни вратат малку зрак светлина и трошка надеж. Денес ви претставуваме неколку прекрасни мисли кои ќе ве мотивираат никогаш да не се откажете! „Успехот се состои од тоа да преминувате од еден до друг неуспех без да го изгубите ентузијазмот.“ – Винстон Черчил „Нашата најголема слава не е во тоа што никогаш не паѓаме, туку во тоа што се издигнуваме секогаш кога ќе паднеме.“ – Конфучие „Јас никогаш не губам. Или победувам или учам.“ – Нелсон Мандела „За да ја совлада фрустрацијата, човек мора да остане интензивно фокусиран на исходот, а не на пречките.“ – Т.Ф.Хоџ „Секогаш пробуваш. Секогаш паѓаш. Без оглед. Пробај пак. Падни пак. Падни подобро.“ – Семјуел Бекет „Ништо не си оди додека не не научи на она што треба да го знаеме.“ – Пема Чодрон „Не доживеав неуспех. Само пронајдов 10.000 начини кои не функционираа.“ – Томас Едисон „Никогаш не се откажувај од сон само затоа што ќе ти е потребно време за да го постигнеш. Времето секако ќе си пројде.“ – Ерл Најтингејл „Барај трпение и страст во поеднакви количини. Трпението само по себе нема да го изгради храмот. Страста сама по себе ќе ги уништи неговите ѕидови.“ – Маја Ангелоу

Мудри животни совети за секој хороскопски знак

Ристе Здравков — Fri, 14 Sep 2018 19:25:26 +0000

Секој човек минува низ тешкотии во животот и секој човек има свои позитивни и негативни страни. Денес нудиме неколку мудри животни совети за секој хороскопски знак. Овен Вие сте храбра личност и сѐ правите брзо и страстно. Тоа едноставно ви доаѓа природно. Размислете за негување на чувствителност и практичност, затоа што ќе ви помогне однапред да сфатите што функционира, а што не. Ако успеете, овој ваш инспиративен пристап ќе има уште поголем успех. Бик Вие сте мирни и стабилни како карпа. Но, наместо да се однесувате стегнато и прикотвено, обидете се да бидете трска која се витка при силен ветер и се прилагодува на околностите. Обидете се да им верувате на своите инстинкти и следете ги, наместо постојано да ги разгледувате сите можни страни пред да направите нешто. Ако го слушате своето срце, ќе станете уште посилни. Близнаци Вие сте мислители, оратори и мотиватори. За промена, обидете се да бидете мирни и да застанете малку. Нема да умрете од досада. Навлезете длабоко во она што моментално го правите, наместо да правите 100 работи одеднаш. Почувствувајте го развојот на ситуацијата, наместо да се повлекувате и размислувате. Ќе видите дека трудот ќе ви се исплати. Рак Вие сте чувствителни, креативни и безнадежно активни. Обидете се барем на еден ден да ги исклучите чувствата. Слушајте го умот. Ако научите да бидете пофлексибилни и посигурни, вашата неверојатна интуиција ќе биде уште помоќна. Лав Вие сте темпераментни, оптимистични и сакате да се дружите со луѓето. Но, не сте премногу свртени кон самите себе. Планирајте пред да скокнете во акција. Поминувајте квалитетно време самите со себе и уживајте во тоа време. Сите мислат дека сте прекрасни, но морате и самите да се уверите во тоа – без публика. Ако го направите тоа – ќе сјаете уште посилно. Девица Вие сте практични и корисни, но морате да го пронајдете својот скриен оган. Тоа значи дека треба да негувате оптимизам, да преземате ризици и да ги следите своите соништа, без да се поклонувате на вашите должности. Бидете похрабри, поактивни и посјајни. Не дозволувајте да бидете потценети. Вашата нова виталност ќе ве води кон нови победи! Вага Вие сте друштвени личности и шармантни говорници – природни посредници. Но, во овој период треба да заборавите на тактичноста и повеќе да се фокусирате на себеси. Заборавете на добивање согласност и почит, наместо тоа, бидете поактивни. Постојат некои работи кои се „закопани во песок“ и чекаат вие да ги откриете. Шкорпија Вие живеете со страствен интензитет и сакате длабочина во вашите чувства. Повлекувањето и длабокото размислување бара труд, но и вежбање на уметноста на ослободување од горчината. Вие никогаш нема да бидете површни, но ќе видите дека мала доза површност додава димензија која му недостасува на вашето постоење. Стрелец Вие сакате возбудувања, вие сте полни со надеж и немир и секогаш сакате да го проширите потенцијалот на работите во кои сте вклучени. Практичноста краде дел од вашиот сон. Но, ако поставите мали ограничувања на вашата фантазија и инспирација, ќе видите дека ќе ги зацврстите своите амбиции. Мислете помалку, а не повеќе. Јарец Вие цврсто стоите на земја, разумни сте и амбициозни. Морате да го негувате вашето чувство за иднината, своите соништа и морате да ја развивате вашата верба. Обидете се да бидете поамбициозни, постраствени и помалку внимателни. Внесете спонтани уживања во вашиот живот и повеќе никогаш нема да жалите за минатото. Водолија Вие сте смирени, цврсти и независни. Вашата прва цел би требало да биде да го пронајдете огнот која ќе вдахне топлина и живост во вашите идеи. Не се плашете од вашите чувства, тие ќе бидат главната порта за исполнување на вашите соништа. Излезете од својата глава и спуштете се во вашето тело, срце и интуиција. Живејте го живтотот мулти-димензионално. Риби Вие сте битие на универзумот и океанот, лебдите и пливате по својот пат. Сувата земја ви е најнеудобно подрачје, затоа морате да научите како да се вкорените во реалноста и како да ги изнесете своите визии и соништа. Тие можеби нема да бидат совршени, но токму поради и тоа ќе бидат остварени. Додадете малку адреналин во својата самодоверба. После тоа, ништо нема да може да ве сопре.