Мистер Бин – Kurir.mk

Вест која ги изненади фановите на „Peaky Blinders“: „Мистер Бин“ ќе ја толкува улогата на Хитлер?

Магдалена Андонова — Fri, 25 Sep 2020 18:40:40 +0000

Фановите на популарната серија „Peaky Blinders“ се изненадиле поради новостите кои што протекле за шестата сезона. Имено, светските медиуми ја пренесоа веста дека постои голема можност во новата сезона ликот на Хитлер да го толкува легендарниот Роуан Аткинсон - „Мистер Бин“. Оваа информација сè уште не е потврдена, но фановите се возбудени поради ваквите вести. Имено, претходната сезона навистина ја постави приказната, така што логично е дека во новата сезона ќе го видиме Хитлер, како еден од позначајните ликови. Многумина мислат дека ова може да биде одлична шанса за Аткинсон да ги покаже своите големи актерски способности во една посериозна улога, во каква што пошироката јавност ретко го гледа. Снимањето на новата сеозна ќе почека до наредната година, а постои можност и пред публиката да се најде во 2022-та година. Порталот „Express UK“ објавил дека Аткинсон веќе се сретнал со продуцентите на серијата и дека моментално се договараат околу улогата.

Возилото на Мистер Бин на аукција

Дарко Андоновски — Fri, 08 Jun 2018 09:40:21 +0000

Зелениот автомобил „Бритиш лејланд мини" којшто комичарот Роуан Еткинсон со години го возеше во серијата „Мистер Бин" е ставен на аукцијата под наслов „Икони и легенди од Холивуд". Почетната цена е 60.000 долари. В првата епизода автомобилот на Бин беше портокалов, и беше уништен на крајот на истата епизода. Оттогаш, Бин не се оддели од своето зелено-жолтеникаво милениче со црна хауба. На возилото од 1977 година не е променето ништо од снимањето до денес, а во описот на аукциската куќа стои дека со него ќе го добиете и оригиналниот мотор кој не е тестиран, како и други механички делови. Освен овој автомобил, на аукцијата ќе се најде и автобусот што Сандра Булок и Кијану Ривс го возеа во филмот „Брзина", за почетна цена од 20.000 долари. На наддавањето, ќе можете за 1.700 долари да ја купите и пилата од хорор филмот „Тексашки масакр со моторна пила 2".

Ова е двојникот на Мистер Бин- живее во Бугарија и е атракција во градот (ФОТО)

Катерина Бојаџиева — Mon, 19 Mar 2018 09:50:28 +0000

Најголемиот комичар на денешното време Ројан Аткинсон има свој двојник во Дупница, Бугарија. Се работи за маж кој е многу сличен на популарниот Мистер Бин. 31-годишниот Мирослав Иванов е една од атракциите во градот поради огромната сличност со познатиот актер. Мистер Бин од Дупница работи во локална фирма и е миленик на своите колеги.

Поради неа остави сè: Ова е 30 години помладата девојка на Мистер Бин (ФОТО)

Катерина Бојаџиева — Fri, 02 Feb 2018 12:17:27 +0000

Таа има 33 години, а тој 63. Покрај емоциите, ги спојува и љубовта кон комедијата, бидејќи и двајцата се одлични актери во тој жанр. Жената која го освои урнебесниот „Мистер Бин“ се вика Луис Форд. Тие својата врска ја започнаа во 2015 година по неговиот развод со поранешната сопруга Санетри Састри, со која беше 23 години во брак и со која има две деца. Првпат се запознаа во 2012 година, кога се појавија на „Quartermaine`s Terms“. Набрзо потоа се појавиле симпатии меѓу нив, па новинарите не престанале да ги „ловат“ нивните средби. Крајот на минатата година парот објави дека го очекува своето прво заедничко дете.