мисури – Kurir.mk

Најмалку пет лица загинаа во торнадо на југоистокот од Мисури

Ивана Ефремовски — Wed, 05 Apr 2023 18:51:53 +0000

Најмалку пет лица загинаа, а засега неутврден број се повредени во торнадо што, денеска, рано утринава го погоди југоисточен Мисури. Во моментов екипите за итни случаи бараат жртви во уништените домови и деловни објекти. Смртните случаи биле пријавени во округот Болингер, каде што повеќе локални агенции учествуваат во спасувачката операција, изјави началникот на полицијата, Кларк Парот, пренесоа британските медиуми. Тој додаде дека повеќе лица се повредени, но точната бројка засега не е позната. Фотографии на социјалните мрежи од Глен Ален, село што се наоѓа на 177 километри јужно од Сент Луис, прикажува куќи без покриви, урнати дрвја и далноводи, додека купишта ѓубре ги прекрива патиштата и дворовите. -Едноставно, трогателно е да се видат домовите на луѓето без покриви, изјави Парот откако ја испита штетата. „Имаме работа, но ќе го поминеме ова“, додаде тој. Според Националната метеоролошка служба, торнадото ја погодило областа околу 3:30 часот по локално време. Неговата појава се поврзува со фронтот на бурата што минатата среда ги погоди Средниот Запад и Југот на САД. Предупредувања за торнадо и грмотевици се издадени за околу 24 милиони Американци. (МИА)

УЖАС: Во замрзнувачот на мајка му пронајде мртво бебе, ова е страшната вистина (ВИДЕО)

Ивана Ефремовски — Wed, 31 Jul 2019 11:27:33 +0000

Маж од американската држава Мисури во неделата повикал полиција бидејќи пронашол мртво бебе во замрзнувачот на неговата мајка. Адам Смит (37)вели дека таа кутија цел живот ја гледал во замрзнувачот и секогаш мислел дека во неа се наоѓа нивната свадбена торта или некои други спомени. -Се обидувам да сфатам како некој може да држи мртво бебе во замрзнувачот сите овие години, рекол Смит. Полицијата се уште спроведува истрага и се очекуваат резултати од обдукцијата. Адам раскажал дека кутијата била со големина како кутија за чевли и била замотана во кеса за чевли. -Се сеќавам дека уште како дете се обидував да ја искинам кесата, но никогаш не успеав,рекол тој. Неговата мајка починала на 21-ви јули, па после нејзината смрт Смит го чистел замрзнувачот и ја отворил старата кутија, па видел розев покривач, а под него ѕиркало мало стапало. Тој се сеќава дека неговата мајка му рекла еднаш кога имал 7 или 8 години, дека нејзината првородена ќерка, кога би била жива би имала 21 година. Затоа смета дека бебето пронајдено во замрзнувач би можело да биде неговата сестра, па тоа би значело дека телото е таму отприлика 50 години. -Не разбирам како некој може да го чува сопственото бебе во замрзнувач и да не каже на никој за тоа цели 50 години, рекол Смит.

ФОТО: Брод потона во езеро во Мисури, 11 загинати

Ивона Петрова — Fri, 20 Jul 2018 05:51:20 +0000

Единаесет лица загинале, а по петмина други се трага откако импровизирано туристичко бродче потонало во езерото Тејбл Рок во американската сојузна држава Мисури, јави новинската агенција ДПА. Локалните медиуми јавуваат дека три деца биле спасени од местото на несреќата со полесни повреди. Во моментот на несреќата на бродот имало 30-ина лица, а се уште не се открива точниот број на лица кои се водат како исчезнати. Несреќата била предизвикани од силната бура што го зафатила регионот, при што се кренале ветрови со брзина од 100 километри на час. Таканареченото бродче - патка, кое се превртело, е всушност возило прилагодено за пловидба. Компанијата која ги организира ваквите тури во минатото имала повеќе несреќни случаи.