митева – Kurir.mk

Митева: Целата ситуација со вакцините некако соодвествува со карактеристиките на драмата „Чекајќи го Годо“

Тале Кристо — Thu, 11 Feb 2021 08:33:25 +0000

Целава ситуација со вакциниве некако соодвествува со карактеристиките на драмата „Чекајќи го Годо“, пишува на социјалната мрежа на Фејсбук Марија Митева од ВМРО-ДПМНЕ. „Чекајќи го Годо“ е антидрама (театар на апсурдот), која претставува празнина, чекање како празно дејство. Во неа има низа дејствија и низа дијалози кои не претставуваат ништо – само празно губење на времето додека се чека нешто што нема да дојде. Во оваа драма (како и во нашата) сè е релативно. Времето, местото, па и ликовите. Времето е денес, утре и вчера, а можеби и не е. Самите ликови не знаат дали чекале вчера или некогаш порано, а и утре можеби ќе чекаат, ако стигнат на време. Местото е покрај некое дрво, кое можеби е грмушка. Апсурдот на релативизирањето оди до таму што не е сигурно дали е тоа вистинското место каде што се договориле да се чекаат и дали и вчера биле тука или првпат доаѓаат. Идејата е во бесмислата на животот која сепак е поткрепена со надеж за подобра иднина и пронаоѓање на смислата. Надеж, дека утре ќе биде подобро, дека утре можеби ќе дојде Годо. Во современото општество во кое е карактеристично отуѓувањето на луѓето, ликовите насликани во драмата се типични. Неразделните врски се такви поради навиката и неиницијативноста. Често се дружиме со истите луѓе, зашто ни е тешко да наоѓаме нови, одново да ги запознаваме и да се зближуваме. Тешко е да се направи чекор напред. Посигурно ни е да седиме и да чекаме, отколку да го направиме чекорот кон неизвесното и новото. Дали навистина не постои излез? Изборот што го правиме е слободен, никој не нè ограничува, освен самите ние!!! А во вториот случај, иако изборот на претпоставените не го правиме, не значи дека мора безусловно да го трпиме јаремот што ни го наметнуваат, а со тоа целосно да го изгубиме нашето достоинство. Во модерното општество сите ние сме на некој начин Среќко, а малкумина се Поцо, вели МИтева во својата објава.

Митева: Кога Филипче ќе понесе одговорност за целиот хаос во здравството?

Тале Кристо — Wed, 10 Feb 2021 11:59:18 +0000

лучајот со родилката во битолската болница, впрочем како и сите други досега се дела за кои ќе слушнеме само дека истрагата е започната, одговорноста можеби ќе се лоцира само врз извршителите, а директно одговорните за спречување на вакви дела ќе ги гледаме како ладнокрвно ни велат „да го почекаме извештајот“, на денешната прес конференција Марија Митева од ВМРО-ДПМНЕ. Делото надрилекарство се случило на 01.01.2021 година, а ако му веруваме на Венко тој дознал пред една недела, па прашуваме дали досега мудро молчел? Почитуван неспособен министер, дали ПР тимот Ве советуваше дека немилите настани не треба да ги соопштувате на јавноста, дека е подобро да молчите и да се надевате дека ништо од ова нема да се дознае? Дали почитуван министер ПР тимот во меѓувреме смислува план како да промовира кампања во која немањето вакцини ќе биде уште една наша перцепција? Жално е што постои потреба да ги зборуваме овие немили настани, но во недостиг на ваша морална одговорност ни останува само гласно да се спротивставиме. Ретроспективно гледано, би Ве потсетиле дека се уште чекаме разрешница за жената која почина од КОВИД-19 откако два дена барала да и се обезбеди кислород од сестрите во штипската болница. Тешки дела против здравјето на луѓето се случија и во Струга, на родилката која отиде на породување, а замина без три органи. Има вонреден инспекциски надзор во ГОБ „8-ми септември“, откако пациент си го одзема животот. Заглавени сме на дневна статистика заболени од КОВИД-19 додека државите од соседството се на пат за започнување сопствено производство на вакцини. Целиот систем е уништен, медицинскиот кадар е девалвиран, а граѓаните оставени сами на себе. Најмалку што може да направи Филипче е да си поднесе оставка веднаш!, порача Митева.

Митева: Владата предводена од СДСМ не само што се прецени, туку и го потцени целиот наставен кадар, сите родители, па и сите ученици

Тале Кристо — Thu, 01 Oct 2020 11:04:14 +0000

Генералната проба која се покажа неуспешна заврши. Владата предводена од СДСМ не само што се прецени, туку и го потцени целиот наставен кадар, сите родители, па и сите ученици. Не уверуваа дека за еден месец можат да направат нешто што не може да се реализира, истакна на денешнат прес-конференција Марија Митева од ВМРО-ДПМНЕ. На самиот старт на учебната година, согласно Сојузот на средношколци над 80 илјади ученици немаат основни услови за следење онлајн настава. Нивното барање за воведување на комбиниран модел на образование, не е дозволено од Министерството за образование и наука. Учениците со право стравуваат дека учебната годината може да биде изгубена. Не може да биде оправдување што министерот е сменет. Владата, па и најголем дел од министрите се исти, само со сменети ресори. Ако Владата мислеше барем малку образованието, со ова темпо ќе работеше цело минато полугодие. Но, за нив одржувањето на изборите и водењето институционална кампања беше приоритет. За да се презентира нормален почеток на учебната година наставниците и учениците се насочени кон употреба на „Microsoft Teams“ мрежата, затоа што Националната платформа е комплетно нефункционална. Македонското образование се соочува со бројни инфраструктури проблеми, слаб квалитет според меѓународните тестирања, несоодветни образовни програми и недоволна мобилност. Ние решенија понудивме во нашата програма, се однесуваат на интегриран електронски систем во образованието, кариерен центар за наставниците со цел градење на капацитетите, воведување на квалитетни наставни програми и многу други проекти. Прашањето е дали имате желба вистински да ги подобрите состојбите во образованието? Дали се обврзувате да воведете модерна настава со дидактички средства и опрема или со неуспешни платформи? Потребно е да ги препознаете базичните морални и етички вредности, па потоа да се направи избор и начин на соочување со предизвиците. За на крај, доколку не успеете, да поднесете оставка.

Митева: МОН признава дека платформата е нефункционална

Тале Кристо — Wed, 30 Sep 2020 10:25:20 +0000

На ден пред официјалниот старт на училишната година, образованието кое е клуч за креирање и одржување на државата е сеуште во фаза на тестирање. Родителите, учениците и наставниците се најзасегнати, Синдикатот за образование наука и култура алармира за бројни недостатоци, а надлежните бараат трпение, истакна на денешната прес-конференција Марија Митева од ВМРО-ДПМНЕ. Универзалниот опфат за квалитетно образование достапно за сите деца е клучен приоритет на современото општество. Ние поддржуваме големи секторски реформи и процеси со кои ќе се обезбеди квалитетно образование, но со вистинска, реална функционалност. Напротив, добиваме информации дека предизвиците ВЕРОЈАТНО ќе се надминат. Сведоци сме на празни зборови. Ни недостасуваат дела. Дали цел овој месец ќе помине во неуспешни обиди и адаптација, додека се презентира нова современа и нормална настава? Дали Министерството за образование и наука може да состави план, стратешки приоритет со конкретни чекори и насоки, како до квалитетна учебна година за сите чинители во образовниот процес? И конечно, дали Министерството за образование и наука признава дека платформата, која не убедуваа дека е најдоброто решение не е добра, не е функционална и се пренасочуваат кон друга? Реакциите стигнуваат и од студентите, велат мобилната верзија не е воопшто функционална. Промоцијата за користење на платформата на 5 наставни јазици за жал не ги вклучува ромите и ромскиот јазик, за чие прашање јавноста чека писмен одговор од Министерството за образование и наука. Јавните прашања се безбројни, а одговори се помалку. Дополнително, во време кога постојат бесплатни оперативни системи, бесплатни мрежни сервиси, бесплатна замена за Офис програми, Владата предводена од СДСМ финансира софтверски лиценци, но залудно. Училиштето значи функционирање на општествениот систем како целина. А ние денес сме сведоци на неуспешна платформа. Образованието во својата модерна, дигитална форма, е уште еден во низата ваши неуспешни обиди. Доколку учебната година не започне утре, ја повикуваме Мила Царовска да си поднесе оставка од позицијата Министер за образование и наука, порача Митева.