митко чавков – Kurir.mk

Митко Чавков итно пренесен во приватна болница – влошена неговата здравствена состојба

Магдалена Андонова — Tue, 13 Apr 2021 13:38:37 +0000

Поранешниот директор на Бирото за јавна безбедност, Митко Чавков откако ноќта ја поминал во штипската модуларна болница, попладнево е веќе спроведен во приватна болница во Скопје. Директорот на Затвор-Штип, Мики Тодоров за МИА потврдува дека вчера откако му се влошила здравствена состојба на Чавков и имал ниска сатурација при прегледот од затворскиот лекар, веднаш е хоспитализиран во модуларната болница, каде што добил и постојана кислородна поддршка. На барање на семејството и по препорака на штипските инфектолози Чавков е спроведен до приватната болница на болнички третман. Деновиве во штипскиот Затвор кластерот се зголеми со уште двајца новозаразени осуденици, со што бројката се искачи на седум. Меѓу позитивните на коронавирусот се и поранешниот началник на специјалните полициски сили, Митко Пешов и Никола Митревски-Кољо, кој беше осомничен како еден од главните организатори на насилствата во Собранието на 27 април. Според затворскиот лекар, здравствената состојба на останатите осуденици е добра и се изолирани во три посебни простории. Инаку, 13 осуденици поради контакт со заразените се во изолација, засега немаат пројавено симптоми на коронавирусот. (МИА)

Заразени со коронавирус се Митко Чавков и уште седум лица во Штипскиот затвор

Ивана Ефремовски — Thu, 08 Apr 2021 07:28:28 +0000

Пет осудени лица, меѓу кои поранешниот директор на Бирото за јавна безбедност (БЈБ) Митко Чавков, кои се на издржување на затворска казна во Штипскиот затвор се позитивни на ковид-19. Од затворот потврдија дека има заразени и тројца вработени, пренесе СДК.МК. „Во моментов, во КПД Штип има три вработени лица позитивни на корона вирусот и пет осудени лица. Петте осудени лица позитивни на коронавирус се во две посебни простории изолирани и издвоени од останатите осудени лица“, рече директорот Мики Тодоров, пренесе порталот. Чавков ја издржува казната во затвореното крило и најверојатно се заразил од некој од вработените, бидејќи не користи викенд. Вчера во затворот се тестирале уште дваесетина затвореници и вработени, за да се открие дали кластерот се шири.

Двојни аршини: Чавков 5-ти ден штрајкува со глад – власта не му дава да оди на операција, а Боки 13 цели 55 пати беше во болница!

Ивана Ефремовски — Fri, 31 Jan 2020 14:38:03 +0000

Поранешниот директор на Бирото за јавна безбедност Митко Чавков започна штрајк со глад во штипскиот затвор, откако не му било дозволено да оди на операција за колено. “Заради грубо кршење на Уставно загарантираното право на здравствена заштита, вградено и во Законот за извршување на кривични санкции, заради АРБИТРЕРНОТО толкување на правото на здравствена заштита од директорот на Казнено поправниот дом Штип, пристапувам кон ШТРАЈК со глад“, објави Чавков. Во неговата жалба тој вели дека со уредна медицинска документација, за потребата од оперативен зафат кој трае само два дена, со документација за закажани датуми за преглед и операција, беа запознаени одговорните раководители и директорот на КПД Штип. -Медицинската документација ја игнорираат со нерационални и усмени одговори со што се ставија во улога на ГОСПОДАРИ НА МОЕТО ЗДРАВЈЕ, објави тој. -Заради арбитрерното токување на позитивната обврска за здравствена заштита од државата, ќе бидат запознаени и Комитетот за превенција и заштита од тортура и ќе поднесам кривична пријава за сомневање за извршено кривично дело Злоупотреба на службената положба и овластување како и тужба за кршење на уставно загарантираното право на здравствена заштита. Директорот на Установата не се ни воздржа да каже дека причина за неразумното и арбитрерно толкување и попречување на операцијата без писмено да ме извести според него било и поради “ЗВУЧНОСТА” на моето име и презиме, што е ПРЕСЕДАН!!! Политичка координација заради попречување на правото на здравствена заштита е не само преседан туку и акт на системска тортура, додава тој. Иако штрајкува со глад неколку дена, власта не покажа ни трошка грижа за неговото здравје. Доколку согласно неговата возраст не направи операција на коленото сега, за извесен период ќе треба да вгради вештачко колено. Чавков е човек кој има срцева болест. Тој веќе еднаш беше хоспитализиран, па додека се наоѓаше во Шутка беше извршен зафат врз него. Штрајкот со глад може да ја влоши сериозно неговата здравствена состојба, а тоа на надлежните им е и повеќе од јасно. Чавков е осуден на 18 години затвор за настаните во Собранието на 27-ми април. Човек кој цела кариера ја посвети да се грижи за безбедноста на граѓаните, стана жртва на политички прогон.

Боки 13 дури 55 пати бил носен во болница

Додека за Чавков никој не се грижи и не му се дозволува да направи операција, Боки 13 се жали дека често го носат во болница. Јовановски се обрати на судијката и се пожали за здравствената состојба. -Состојбата не ми е добра, дури 55 пати сум носен во болница. Не сум експериментален глушец, еден кажува едно, друг друго, за да на крајот обвинителката Вилма Русковска констатира дека сум во добра здравствена состојба, рече Јовановски.

Чавков: Уставниот суд ја бетонира праксата на политички пазар преку подобни судии и обвинители, војната ќе ја извојуваме во Стразбур

Ивана Ефремовски — Wed, 04 Dec 2019 18:29:15 +0000

За Уставниот суд и Иницијативата за испитување на уставноста на Законот за амнестија, се огласи Митко Чавков. Неговиот Фејсбук статус го пренесуваме во продолжение: Почитувани пријатели, пред да се осврнам на одлуката на Уставниот суд, за да не се искривува вистината, сакам да потенцирам дека: Прво, не поднесов барање за амнестија убеден дека Законот е дел од политички процес кој се одвиваше паралелно со судскиот процес и на самиот крај од доказната постапка, финишираа амнестиите со кои беа опфатени само оние со цена на политичкиот пазар и кои беа донесени од притвор за да ги гласат уставните измени, тоа дефинитивно беше селективо и на штета на владеењето на правото а на линија на воспоставениот принцип на неказнивост токму од менаџерите на процесот; Второ, јавно преку медиуми и Основен суд Скопје, го повикав тогашниот претседател Иванов да ме изземе од списокот на лица за кои имало Иницијатива за помилување, доколку се одлучеше да решава пред истекот на мандатот. Се разбира дека инсистирв да биде и беше објавен мојот повик во медиумите. Зошто ги сторив двете работи..... ???!!! Причината е едноставна, владеење на правото и правото на фер судење за сите опфатени со постапката и во ИНТЕРЕС НА ВИСТИНАТА. Нити се задоволи ниту пак ќе се задоволи чуството на правда затоа што се тргна од вообичаената пракса, од за среќа мал дел на судии и обвинители кои и во минатото и сега тргнуваат од логиката дека за да се задоволи чуството на правда НЕКОЈ МОРА ДА ПЛАТИ, се разбира, тоа се поданиците на политичките влијанија. А сега за одлуката на Уставниот суд, без да ја коментирм, КРАТКО: ЈА БЕТОНИРАА ПРАКСАТА НА ПОЛИТИЧКИ ПАЗАР И ПОЛИТИЧКО ВЛИЈАНИЕ ПРЕКУ ОДРЕДЕНИ ЗА ТАА ЦЕЛ ПОДОБНИ СУДИИ И ОБВИНИТЕЛИ СО ПРОТИВУСТАВЕН ЗАКОН КОЈ ДИРЕКТНО ЈА ПОДРИВА ПРВНАТА ДРЖАВА И ВЛАДЕЕЊЕТО НА ПРАВОТО. За целта на Иницијативата, се рководев од идеата да се отвори стручна и академска рсправа , па можеби ќе слушнавме дали постои некаде во светот пример на СУДСКО-ОБВИНИТЕЛСКА АМНЕСТИЈА. Тоа го потенцирам за да е јсно дека никако не беше целта како што коментира една ОБВИНИТЕЛСКА "ЅВЕЗДА" ВЕЌЕ ВО ПРОЦЕС НА СОГОРУВАЊЕ И ИСЧЕЗНУВАЊЕ да бидат амнестирани сите инволвирани во настаните од 27 април - НАПРОТИВ!!!! ЕДНА НЕПРВДА НЕ МОЖЕ ДА БИДЕ ЗАДОВОЛЕНА СО ДРУГА НЕПРАВДА!!! За крај, имаме јавни признанија од најповиканите носители на политичка моќ за одлучување кои експлицитно објснуваат зошто е донесен токму таков закон .... Уште една битка е изгубена, но војната ќе ја извојуваме во Стразбур!!! Борбата продолжува, со силата на правните аргументи!!!! п.с. Благодарност на мојата ќерка која го менаџира мојот ФБ профил....

ФОТО: Документот кој е доказ дали Чавков има вила, гулабарник или трло на Халкидики

Дарко Андоновски — Tue, 23 Apr 2019 07:32:51 +0000

Република го обезбеди документот што го доставил адвокатот на осудениот поранешен директор на Бирото за јавна безбедност (БЈБ) Митко Чавков, Сашко Дуковски, до судот, а со кој се потврдува дека Чавков не поседува „ни вила, ни гулабарник, ни трло“ во Халкидики Дуковски денеска достави извод од катастарот на Халкидики. Со него се потврдува дека Чавков не поседува имот на грчкиот полуостров, што беше една од основите за определување на оваа мерка. Тој додаде дека за неговиот клиент, кој беше неправосилно осуден на 18 години затвор, постојат две мерки за обезбедување, одземен пасош и обврска за јавување во судот, а понудена е и висока активна правосилна гаранција од 600 илјади евра во недвижен имот. Дуковски е сигурен дека судот ќе ја одбие жалбата на Чавков, но нагласи дека предметот ќе заврши во меѓународниот суд за човекови права во Стразбур. Одлуката ќе биде соопштена дополнително.

Доставени докази дека Чавков нема вила на Халкидики, адвокатот најави жалба во Меѓународниот суд за човекови права

Ивана Ефремовски — Mon, 22 Apr 2019 13:42:44 +0000

Петмина од осудените за настаните во Собранието на 27-ми април, денеска до Апелациониот суд Скопје поднесоа жалба и побараа да им биде укинат притворот, а меѓу нив и Чавков кој доби најголема казна од 18 години. Адвокатот на осудениот поранешен директор на Бирото за јавна безбедност (БЈБ) Митко Чавков, Сашко Дуковски, до судот достави извод од катастарот на Халкидики. Со него, како што вели Дуковски, се потврдува дека Чавков не поседува „ни вила, ни гулабарник, ни трло“ во Халкидики, што беше една од основите за определување на оваа мерка. Дуковски е сигурен дека судот ќе ја одбие жалбата на Чавков, но нагласи дека предметот ќе заврши во Меѓународниот суд за човекови права во Стразбур.

Чавков во април 2017-та обелодени дека Заев му се заканувал, денес е осуден на 18 години казна затвор

Ивана Ефремовски — Wed, 27 Mar 2019 08:32:46 +0000

Поранешниот директор на БЈБ, Митко Чавков, уште на 28-ми април 2017-та обелодени дека до него пристигнале закани од Зоран Заев, кој тогаш беше лидер на опозицијата. -Што се однесува до директните закани кои кон мене ги упати лидерот на опозицијата Зоран Заев, сакам да му порачам дека јас целата моја кариера ја поминав служејќи и на државата и сум се соочил притоа со многу сложени безбедносни предизвици. Сум работел професионално во полза на Република Македонија и во полза на граѓаните на Република Македонија. Затоа му порачувам дека ниту ме загрижува, ниту пак може да ме заплашат неговите закани и актуелните закани од криминални структури, со кои тој е во спрега. Неговите закани и неговото недолично однесување, повеќе говорат за него и за начинот на кој што тој делува, изјави тогаш Чавков. На неговата Фејсбук страна денес беше реобјавено видеото со оваа изјава. Ова беше тема и на синоќешниот ТВ дуел меѓу Заев и Мицкоски, каде лидерот на ВМРО-ДПМНЕ говореше токму за овие закани иако премиерот се правеше како вакво нешто да не се случило. -Па вие му се заканивте да бега од државата на Митко Чавков на 28-ми април 2017-та година, тоа го има на прес конференција каде вие го кажувате сето ова, потенцираше Мицкоски. Чавков денес е осуден за настаните на 27-ми април на казна затвор од 18 години.

Масовен протест во Ново Село за драконската казна: „Слобода за Митко Чавков“ (ФОТО+ВИДЕО)

Дарко Андоновски — Sun, 17 Mar 2019 19:33:22 +0000

Членови на семејството, роднини, пријатели како и граѓани од Ново Село денеска излегоа на протест во знак за поддршка на поранешниот прв човек на Бирото за јавна безбедност Митко Чавков. Поддржувачите со пароли „Слобода за Митко Чавков“ го изразија своето незадоволство од драконската казна која ја доби тој во време траење од 18 години затвор.

Дуковски: Ова го нема ни во Бурунди, селективна амнестија нема ни во Африка!

Дарко Андоновски — Sat, 16 Mar 2019 12:05:32 +0000

Адвокатот на екс министерот за внатрешни, Митко Чавков, Сашо Дуковски во гостувањето во емисијата Отворено на телевизија Алфа истакна дека пресудата за 27 април ќе падне на меѓународните судови, напоменувајќи уште еднаш дека во случајот нема ниту д од дело. Тој вели дека ова што се случува во Македонија го нема ни во Бурунди, односно дека селективна амнестија нема ниту во Африка, констатирајќи дека тоа е правен нонсенс. -Спомнавте меѓународните судови, дали ќе падне пресудата на меѓународните судови и воопшто, што ќе мисли меѓународната јавност. Јас ќе поставам јавно едно прашање. Дали негде во светот со голема почит кон демократската држава во Африка Бурунди. Јас сметам дека ни во Бурунди нема селективна амнестија. Повторувам нема ни во Бурунди, селективна амнестија. Не може да има селективна амнестија, тоа е правен нонсенс, глупост и будалаштина. Значи не може некој да биде еднаков, а некој да биде поеднаков од еднаквите. Член 9 од Уставот на Република Македонија кажува дека сите граѓани се еднакви пред Уставот и законите. Е како тоа сите се еднакви пред Уставот и законите и некој добива амнестија, некој не добива амнестија, прашува Дуковски?

Чавков: Обвинението е неосновано, казната драконска, a вилата на Халкидики ја подарувам ако најдете дека постои

Дарко Андоновски — Sat, 16 Mar 2019 11:49:58 +0000

Поранешниот директор на БЈБ, Митко Чавков кој вчера беше осуден на 18 години затворска казна за собраниските инциденти од 27 април, се огласи на „Фејсбук“. Обвинението го нарече монструозно и неосновано и порача дека казната е драконска. 1. Нарачката на мафијата која владее со Република Македонија е реализирана: - Монструозно обвинение - неосновано - Драконска казна Ги повикувам сите членови и симпатизери на ВМРО-ДПМНЕ како и добронамерните граѓани на Република Македонија кои не се политички определени да се обединат околу каузата на ВМРО-ДПМНЕ и да се порази злосторничката организација која ги киднапира сите институции. ПОДЕЛБИТЕ СЕ ВО КОРИСТ САМО НА МАФИЈАТА! 2. Вилата на Халкидики ( ако ја најдете да постои), ја поклонувам на ,,истражувачките новинари“. 3. Најавувам тужба за фингираната службена белешка.