Стоилковски: Дали Даневски можеби вечерта земал службено возило идентично како она ПО кое е организирана потера на Водно?

Магдалена Андонова — Sat, 21 Aug 2021 13:00:18 +0000

МВР на Зоран Заев и на Оливер Спасовски само со факти и со вистина може да ги сопрат шпекулациите на штета на полициската единица Тигри, заради информациите дека командирот на Тигрите, Митко Даневски е едно од двете лица во Шкода Октавија по којашто имало полноќна полициска потера на скопско Водно, а во несреќа се повредени тројца полицајци? Поврзувањето на името на командирот на Тигрите Митко Даневски со вести со наслов цитирам - „Повредени тројца полицајци, се истумбале на Водно додека бркале „љубовџии“ во шкода“ го рушат реномето на оваа полициска единица, изјави на денешната прес конференција, Наум Стоилковски, портпарол на ВМРО-ДПМНЕ. Тој посочи дека за почеток МВР на Оливер Спасовски треба сериозно да одговори и да ја каже вистината дали по несреќата во којашто се повредени тројца полицајци, со последици, причината е огромна материјална штета, а јавноста заради недостаток на информации случајот го поврзува со Даневски, е направен увид од Јавен обвинител, или Јавниот обвинител не излегол на терен? - МВР, но и надлежното ЈО за организиран криминал мора да кажат и дали се проверени информациите, дали можеби вечерта од скопската касарна „Илинден“ е земено, и дали токму Даневски е тој којшто можеби зема службено возило Шкода Октавија, идентично на она по кое што е организирана потерата на Водно по две лица во Шкода Октавија? ЈО има на располагање и видео снимки со кои има можност да се следи возило од касарната „Илинден“ па натаму сето негово можно движење. Со тоа би се утврдила вистината која што пред се е потребна за зачувување на реномето на полициската единица Тигри. Во услови на воведена кризна состојба, во услови на забрана за движење на Водно, МВР на Спасовски со штури информации оддава или впечаток на несигурност дека МВР е способно да се носи со задачите, или дека нешто прикрива. Јавноста мора да ја знае вистината, заради чинот на Даневски, како и заради неговата блискост особено со Зоран Заев и со Оливер Спасовски, појасни Стоилковски. Портпаролот истакна дека делумните информации од МВР креираат амбиент за недоверба на штета на единицата Тигри, и се дозволува да се шират сомнежи во македонската јавност.

ФОТО: 37 години ЕСЗ „Тигар“

Ивона Петрова — Tue, 13 Mar 2018 14:26:31 +0000

Полициската Единица за специјални задачи „Тигар“ денес одбележа 37 години од своето формирање. Министерот за внатрешни работи Оливер Спасовски истакна дека почнувајќи од 1981, па до денес, оваа единица е гарант на безбедноста и сигурноста на државата и најзините граѓани. Составена е од високопрофилирани професионалци, кои воспоставија строги критериуми и дисциплина за нејзиното дејствување. Тој истакна дека „Тигрите“, се тивките, но едни од најсилните механизми за заштита, подготвени да дејствуваат во непредвидливи ситуации, со исклучително висок ризик по сопствениот живот. Командантот на ЕСЗ Митко Доневски нагласи дека да се биде припадник на Единицата е огромна чест и гордост, но уште поголема обврска и одговорност. - Свесни за значењето и улогата на оваа Единица, чувствувам должност да упатам порака дека ЕСЗ ќе остане високо обучена, мотивирана и професионална формација, која во соработка со останатите субјекти во системот на одбраната и безбедноста, ќе продолжи по секоја цена да го чува мирот, безбедноста и спокојот на граѓаните на Република Македонија, заклучи Доневски. При одбележувањето Денот на формирањето на Единицата, им беше оддадена почит со едноминутен молк на загинатите припадници на ЕСЗ и беше положено цвеќе пред споменикот.

Митко Доневски – Kurir.mk

Стоилковски: Дали Даневски можеби вечерта земал службено возило идентично како она ПО кое е организирана потера на Водно?

ФОТО: 37 години ЕСЗ „Тигар“