Митко Ѓорѓиев – Kurir.mk

Претепан Митко Ѓорѓиев: Ме истепаа затоа што на 1ТВ зборував против Вице Заев

Ристе Здравков — Mon, 17 Dec 2018 17:16:14 +0000

Попладнево околу 17 часот и 15 минути на улицата пред неговиот дом бил претепан струмичанецот Митко Ѓорѓиев, пишува порталот Lider.com.mk Веднаш по настанот, Митко се јави во редакцијата на Лидер за да не информира за случајот, додека оди кон струмичката болница.

-Целиот сум во крв, во моментов одам кон болница. Се враќав кон дома и на улицата во темницата ме нападнаа три маскирани лица со боксирачи, целиот сум искршен. – ни рече Ѓорѓиев во краткиот телефонски разговор.

Струмичанецот се сомнева дека ова му се случило затоа што пред една недела се јавил во живо на 1тв и говорел против Вице Заев, брат на премиерот Зоран Заев.

-Ова е поради тоа мое јавување, сигурен сум. Таму кажав како Заеви ја тероризираат Страница и сега ми се случува ова. – ни рече Ѓорѓиев.

На нашата молба да ни испрати фотографии, Ѓорѓиев ни одговори дека тоа ќе го стори подоцна затоа што неговата фамилија сеуште не знае и не сака да ги вознемири со грозоморните слики. Ѓорѓиев веќе подолго време говори против фамилијата Заеви за кои во емисијата Блиц на ТВ Алфа, тврдеше дека наводно го фрлиле во должничко заложништво и цела Струмица ја држеле под лихва. Видео од емисијата:

ЛИДЕР: Вице Заев му пратил полиција на Митко Ѓорѓиев? Извини се јавно за да не те гониме!

Дарко Андоновски — Wed, 17 Oct 2018 19:10:58 +0000

Струмичанецот Митко Ѓоргиев утринава бил на распит во полицијата по пријава за наводна закана кон Вице Заев, брат на премиерот Зоран Заев. Тој до редакцијата на „Економски Лидер“, ја достави поканата со која го повикале на распит во СВР – Струмица за сторено кривично дело „Загрозување на сигурноста“. Ѓоргиев тврди дека го повикале поради јавните тврдења во емисијата „Блиц“ на Телевизија Алфа, во која фамилијата Заеви ја обвини за лихварство и должничко ропство во кое го држеле. Целиот текст прочитајте го ТУКА.

Митко Ѓорѓиев: Во Струмица има луѓе на кои Заеви за кредит од 5.000 евра им ја земале куќата

Даниел Василев — Tue, 22 May 2018 10:05:35 +0000

Струмичанецот Митко Ѓорѓиев во емисијата „Блиц“ на Телевизијата Алфа обвини дека цела Струмица е под лихва од штедилницата Пеон, која е во сопственост на братот на премиерот Зоран Заев, Вице Заев. Според него, во градот има луѓе на кои Заеви за кредит од 5.000 евра им ја земале куќата. -Најодговорно тврдам, бидејќи кога почнав да се бавам со штендилницата Пеон, најдов најмалку 100 луѓе. Во Струмица има луѓе на кои за 5.000 евра им е одземена куќата од Заеви. Нема кредит даден во Пеон под 30 проценти лихва. Цел град е под лихва. Нема фирма на која и е даден под 30 проценти, тврди Ѓорѓиев на прашањето дали тој е единствен случај во градот кој отплаќал толку висока камата за земен кредит. Вели дека бил и кај Јавниот обвинител кој, пак, му посочил оти добил преписки од многу граѓани на Струмица. Јавниот обвинител побарал од Народната Банка на Република Македонија да образложат како може штедилницата Пеон да дава најмалку 30 отсто каматна стапка, но оттаму четири години немаат дадено одговор.

Шокантно: Струмичанецот Митко Ѓорѓиев го обвинува семејството Заеви за лихварство и рекетарство

Даниел Василев — Tue, 22 May 2018 08:23:09 +0000

Дванаесет илјади евра е сумата која стумичанецот Митко Ѓорѓиев ја има позајмено од братот на премиерот Зоран Заев, Вице Заев, се со цел опстанок на неговиот бизнис со туризам. Она што е симптоматично тука е што Вице прво му ги дал парите за подоцна, после една недела, да склучат договор со штедилницата Пеон која е во сопственост на фамилијата на Заев и каде како гаранција го дал својот стан, беше објавено во емисијат Блиц на Телевизија Алфа. Неговите проблеми почнуваат после извесно време откако на вратата му се појавува извршител со цел наплата на долгот. Ова од семејството Заеви му било кажано експлицитно дека е последица на различно политичко мислење. Ѓорѓиев вели дека после целата оваа ситуација ги има вратено сите пари и 4 години немало ни трага ни глас од Вице Заев, ниту пак од неговата штедилница. Голготата на Ѓорѓиев не завршува тука. Поради тешка болест на член на неговото семејство побарал од Вице Заев да му ја ослободи хипотеката на станот се со цел да да го плати болничките трошоци. -Иако вратен кредитот јас се почудив кога Вице Заев ми пресметал и ми дава лист на кој ми бара да му платам уште 20 илјади евра. По закон за народна банка јас ги вратив парите. Иако тој ја знаеше мојата фамилијарна положба дека парите ми требаат за лекување тој ми побара уште 20 илјади евра, вели Ѓорѓиев. Ѓорѓиев за ваквите нерални пресметки на плата има документи каде се гледа дека каматата со која Вице Заев пресметал дека треба да му се врати, изнесува фрапантни 30%, иако според НБРМ тој процент на пресметка на камата треба да изнесува 11.5% . Ова според Ѓорѓиев е класичен рекет и лихварство. Од документите кои ги има Ѓорѓиев јасно се гледа дека за заем од 12 илјади евра, Вице Заев му бара да врати над 40 илјади евра иако Ѓорѓиев има вратено 24 илјади евра. -Човек како Митрко Ѓорѓиев нема ниту грам морален капацитет, а пред се лична одговорност или не дај Боже материјална одговорност. Човекот едноставно си има проблем сам со себе. Знам дека ќе мора кажаното да го докаже на друго место. Инаку овој циркус кој го прави Митко Ѓорѓиев јас го разбирам како класичен рекет, со кој сака да изврши притисок за отпис на долгот, кој реално го должи, тврди Вице Заев, кој додаде дека каматата била пресметана според законите кој важеле во тој период. Ѓорѓиев додава дека градот Струмица е целиот под контрола на кланот Заеви и сите што се околу нив. Според него не може да се отвори бизнис, ако прво не се помине од кај Заеви. Поради ваквата ситуација Ѓорѓиев повеќе од 10 години не живее во Македонија и заедно со семејството се има преселено во соседна Бугарија каде таму го продолжил својот бизнис.