митко сандев – Kurir.mk

Арсовски: Антикорупциска со мислењето за судијата поротник Митко Сандев покажа дека е партиска испостава на власта, правдата ќе ја бараме на суд преку кривични за Џолев и Сандев

Ивона Петрова — Thu, 17 Jun 2021 12:17:30 +0000

На самиот ден кога ја поднесов претставката и барањето за утврдување на судир на интереси кај судијата поротник Митко Сандев до Антикорупциска комисија, напоменав дека веќе очекуваме и знаеме каков ќе биде исходот, но сепак доставивме до институцијата барање за да може да си го обели образот, односно нема образ бидејќи се однесува како партиска испостава на власта, изјави денеска портпаролот на ВМРО-ДПМНЕ, Димче Арсовски. Тој посочи дека одговорот, односно мислењето на Антикорупциска денеска стигна, каде што наведуваат дека нема судир на интереси кај Митко Сандев во неговата функција. -Зошто поднесовме барање и претставка да се утврди судир на интереси, затоа што во Партијата на пензионери, Митко Сандев е член на статутарната комисија, а Партијата на пензионери е во коалиција со СДСМ и со власта. Тоа е доволен показател дека тој не може да одлучува непристрасно, дотолку повеќе што ова штуро мислење на Антикорупциска комисија се наведуваат два членови. Тоа се член 42 дека може да биде избран судија поротник секој полнолетен државјанин кој има најмалку средно образование, говори македонски и не е постар од 60 години и вториот член 43, став 1 дека при изборот на судии и судии поротници не смее да се врши дискриминација во однос на полот, расата, бојата на кожата, националното и социјалното потекло. Морам да напоменам дека оваа Антикорупциска комисија, нејзините членови покажа и докажа дека се подготвени да си дадат оставки бидејќи тие се само една испостава на власта и одлучуваат онака како што ќе им биде кажано од нивните ментори. Член 52, став 6, од Законот за судии јасно кажува дека судија поротник не може да биде избран доколку е политички определен, односно не смее да биде политички определен. Така да и повеќе од јасно зошто е вакво мислењето и одлуката на Антикорупциска, вели Арсовски. Тие се подготвени да си дадат оставки, бидејќи не одлучуваат согласно законот, туку согласно нарачките кои им ги праќаат од горе, како што и самите велат ќе чекаат мислење од горе. Она кое можам да го потенцирам е дека во Република Македонија не важат законите. Денешното мислење на антикорупциската е доволен показател за истото и доволен показател дека и понатака продолжува теророт врз ВМРО-ДПМНЕ. Односно оној политички прогон кој се врши врз ВМРО-ДПМНЕ, во случајот „Талир“ каде овој судија поротник е именуван, а треба да му биде прекината функцијата, е замрзнат имотот на ВМРО-ДПМНЕ. Нам не ни останува ништо друго освен да ја бараме правдата на суд, односно да поднесеме кривични пријави за господинот Иван Џолев кој е претседател на Кривичниот суд и за Митко Сандев кој е судија поротник.

Арсовски: Бараме ДКСК да се изјасни дали има судир на интереси во случајот Митко Сандев – член на партија и судија поротник

Магдалена Андонова — Mon, 14 Jun 2021 10:44:56 +0000

Денеска ние како ВМРО-ДПМНЕ, јас како Димче Арсовски доставивме барање до Антикорупциската комисија барање за мислење дали има судир на интереси кај судијата поротник Митко Сандев. Кој како што знаете е судија поротник во случајот „Талир“ каде што е замрзнат имотот на партијата, судија на кој што се навршени 60 години и треба да биде неговата функција прекината. Но сега и доставивме барање за мислење до Антикорупциската комисија за тоа што сме убедени дека има судир на интереси во неговата функција како судија поротник за тоа што членува во политичка партија односно во тело на политичка партија, а тоа е Партијата на пензионери, изјави на денешната прес конференција, Димче Арсовски, портпарол на ВМРО-ДПМНЕ. - Во барањето кое што го доставивме, тоа е ова барање, потпишано од нас, и јасно посочивме кои членови од Законот за судови се косат со членовите од Законот за спречување на корупција и побаравме мислење од Антикорупциската, така да се надеваме дека во најбрз можен рок ќе одговорат иако знаеме дека и тие се барем во досегашните случаеви слепи послушници на Зоран Заев. Ова е пресериозен случај на кршење на Законите по две основи во случајот со Митко Сандев, судијата поротник како што знаете иако има навршено 60 години се уште претседателот на судот Иван Џолев не сака да побара прекин на неговото делување и функционирање односно на неговата функција до Републичкиот совет но еве има и една причина плус каде што ниту еден судија, судија поротник не смее да членува во политичка партија, а знаеме дека овој судија поротник Митко Сандев е член на политичко тело и тоа политичко тело односно политичка партија која што е во коалиција со власта односно во коалиција со Зоран Заев, вели тој. Арсовски посчи дека повеќе од јасно е дека по повеќе основи се кршат Законите, во овој случај кој што се води против ВМРО-ДПМНЕ, но и против поранешни и актуелни функционери, така да она кое што го ВМРО-ДПМНЕ го бара е Антикорупциската комисија да покаже барем грам достоинство, чесност и морал, и да даде мислење по овој случај што побрзо. - Знаеме каков ќе биде исходот, така да бараме да одлучи што побрзо. Во однос на претседателот Иван Џолев, ние веќе најавивме дека има рок до утре да поднесе барања до Републичкиот судски совет за прекин на функцијата на Митко Сандев заради навршени 60 години, еве му причина плус, така да доколку не поднесе како што рековме ќе има кривични пријави односно кривична одговорност, додаде тој.

Арсовски: Џолев има рок до вторник да поднесе иницијатива за разрешување на Сандев – следуваат кривични пријави

Магдалена Андонова — Fri, 11 Jun 2021 12:17:07 +0000

Иван Џолев 5-ти ден по ред молчи за противзаконското делување и постапување на поротникот Митко Сандев. Митко Сандев има полни 60 години и согласно одлуката на Уставен Суд од 2007 година, но и Член 80 од Закон за Судови, кој јасно кажува дека судија поротник со навршени 60 години мора да биде заменет со друг судија поротник во Републичкиот судски совет, изјави на денешната прес конференција, Димса Арсовски, портпарол на ВМРО-ДПМНЕ. - Дополнително, Иван Џолев или Митко Сандев, сокриле дека судијата поротник Митко Сандев на кој треба да му прекине мандатот, е член на партиско тело од Партијата на пензионерите, што е уште една причина да се постапи со менување на нов судија поротник. Согласно законот за кривична постапка, судија поротник не смее да биде член на политичко тело или партија, од едноставна причина затоа што може да одлучува пристрасно. Дотолку што партијата во која членува Митко Сандев е во колиација со СДСМ и со власта. Иван Џолев има време до вторник да постапки согласно законот и да поднесе иницијатива до Републички Судски Совет за прекин на мандатот на судијата поротник Митко Сандев. Бараме да биде заменет со друг, за да може текот на случајот да продолжи непречено и непристрасно, посочи тој. Арсовски вели дека доколку Иван Џолев не постапи по законот и не пушти до вторник иницијатива до Републички судскиот совет ќе биде поднесена кривична пријава и за него, но и за Митко Сандев. - Целиот овој суд на Иван Џолев кој следи наредби од Зоран Заев е крајно пристрасен во постапувањето по овој предмет и не ги почитува законите. Иван Џолев и Митко Сандев имаат избор, или да бидат слуги на Зоран Заев и неговата неселективна правда или да го почитуваат законот. Ако се одлучат за првото, набрзо ќе сносат и кривична одговорност, во вторник, ако се одлучат за второто, ќе покажат дека овој Суд има барем малку капацитет за фер судење и почитување на законите, додаде тој.

Арсовски: Џолев ги крши законите, Митко Сандев веднаш да биде заменет со друг судија-поротник инаку следува кривична одговорност (ВИДЕО)

Ивана Ефремовски — Wed, 09 Jun 2021 09:40:56 +0000

ВМРО-ДПМНЕ бара престанок на мандатот на судијата поротник Митко Сандев од две причини. Прво, согласно одлуката на Уставниот суд на секој судија поротник кој има навршено 60 години треба да му престане мандатот на делување во постапката. Ова денес го истакна портпаролот на ВМРО-ДПМНЕ, Димче Арсовски, кој на суд беше во улога на овластен претставник на партијата. -Втората работа за која за жал не ми беше дозволено во судницата до крај да ја кажам, а тоа е изземање на овој судија поротник, причината веќе е јасна можевте да видите и на дел од медиумите кои објавија, а тоа дека господинот Митко Сандев е член на тело на политичка партија, така да доведува до тоа дека тој може да делува со одредена пристрасност. Тоа во законот за кривична постапка е предвидено во Член 33 практично е причина за изземање, една од причините е судија поротник кој може да биде иземен од вршење на судска должност покрај причините наведени во ставот 1 од овој член, ако постојат околности кои предизвикуваат сомневање во негова пристрасност. Ова е повеќе од доволна причина за негова пристрасност, тоа е членувањето во политичката партија која е во коалиција со власта. Она коешто е поважно е ние почитувајќи го овој суд и почитувајќи ги судиите во постапката којашто ја водат бараме почитување на законот, а тоа е да прекине мандатот односно функцијата на господинот Митко Сандев заради навршени 60 години. За жал се уште претседател на судот Иван Џолев кој сметаме дека главниот извршител на Зоран Заев во вој суд нема поднесено иницијатива иако господинот Митко Сандев има навршено 60 години, до Републичкиот судски совет за престанок на мандатот и веќе повеќе од јасно е дека се работи за политички притисок врз ВМРО-ДПМНЕ. Ова се две причини коишто се и повеќе од доволни за да господинот Митко Сандев има прекин на својата функција и да биде земенет со нов поротник за да може и понатаму да продолжи судењето за овој предмет. Ние го почитуваме законот, но истиот вели дека Митко Сандев не може повеќе да биде судија поротник во оваа постапка. Како што реков причините веќе се јасни, порача Арсовски. Но, наспроти законите кои ги цитираше Арсовски, очигледно е дека судот одлучува да продолжи да постапува противзаконски. -Очигледно е дека Иван Џолев ги слуша наредбите на Зоран Заев да се врши сè уште притисок врз ВМРО-ДПМНЕ преку овие судења, а главниот притисок е што во моментов заради овој случај е замрзнат имотот на партијата. Како што знаете, следуваат локални избори, на кои на Заев му е важно ВМРО-ДПМНЕ да биде со врзани раце во однос на ресурсите. Затоа сметаме дека главниот виновник кој што не го почитува законот е Иван Џолев кој е претседател на Основниот суд и тоа е една од причините што најверојатно сака да прикаже некоја колаборација со власта дека за одредено време треба да има нов оглас за реизбор на претседател на судот и претпоставуваме дека тој најверојатно сака да одработи за да биде повторно реизбран. Но, како што рековме ова не се политички игри, ова е многу посериозно и посилно од замислите на Иван Џолев и Зоран Заев и треба да се почитува законот. Ние како политичка партија, јас како нејзин претставник го испочитувавме законот до крај, ги испочитувавме судиите кои што го водат оваа судење, влеговме во салата, присуствувавме и побаравме да биде прекинато рочиштето, но и целата постапка се до моментот додека не се замени судијата поротник Митко Сандев. Но, очигледно не бевме послушани. Така што уште еднаш апелираме до Иван Џолев да ја поведе таа иницијатива за престанок на мандатот до Републичкиот судски совет за Митко Сандев од едноставна причина затоа што може да одговара за непостапување, затоа што тоа е законска обврска која што треба да ја направи, а за жал свесно го втурнува и Митко Сандев во кривично дело со тоа што не го почитува законот, истакна Арсовски. Дополнителен притисок е и високата парична казна која судот ја изрекува за правен субјект, партијата ВМРО-ДПМНЕ, а продолжуваат со незаконито делување што налагаат наместо овластен претставник од партијата како што тоа е случај со Арсовски, сега партијата да ја застапува адвокат.

Имотот на ВМРО-ДПМНЕ замрзнат поради случаите Талир 1 и 2 – на Сандев му е наложено да не се пензионира за да врши притисок врз ВМРО-ДПМНЕ

Магдалена Андонова — Mon, 07 Jun 2021 12:39:47 +0000

Имотот на ВМРО-ДПМНЕ е замрзнат како последица на случаите „Талир 1“ и „Талир 2“. Митко Сандев е судија поротник и во двата случаи, а е во органите на партиите на пензионерите. Тој наполни 60 години. Повикан е од авторитетите во судот и му е наложено да остане и да не се пензионира, за да врши притисок врз ВМРО-ДПМНЕ. Митко Сандев се држи спротивно од неговата волја како судија поротник и сето тоа за имотот на ВМРО-ДПМНЕ да остане заробен.