Велјаноски од СДСМ контра СДСМ: Македонија плати огромна цена со оваа влада со промената на името

Тале Кристо — Wed, 19 Jan 2022 10:28:59 +0000

Со преспанскиот договор, иако некои прашања, блокади се решија, но се отвори пандорината кутија и понатаму ќе видиме до каде ќе се оди, истакна при своето гостување во „Топ тема“ на Телма телевизија поранешниот пратеник од редовите на СДСМ Митре Велјаноски. Велјаноски понатаму вели дека Македонија по секоја цена не треба да влези во ЕУ. -Ова значи промена на стратегијата, да се оди точка по точка, а да не се отвараат главните, тешките прашања. Дефинитивно, мора да се отворат и затворат тие тешки прашања, но не на штета на Македонија, затоа што ние сме уценетата странка со членството во Европската унија. Ние треба да му кажеме на секој дека не по секоја цена Македонја треба да влезе во ЕУ, вели Велјаноски. Тој додава дека иако е решен спорот со Грција, Македонија сега има поголеми проблеми. -Едно болно тешко прашање кое ни беше 30 години камен околу вратот го решивме со Грција, да го затворивме, но по која цена да не разговараме, бидејќи таква цена никој нема платено, ниту една држава. Ја плативме цената, но сега имаме поголеми проблеми, буквално поголеми проблеми, имаме негирање на македонската нација, рече Велјановски.

Екс пратеникот на СДСМ против Заев: Ѓуро ќе ти прости што те тепаше

Дарко Андоновски — Fri, 27 Nov 2020 11:35:26 +0000

Не е време за смеење. Напротив, време е за плачење. Но, кога лошото, од ден на ден е полошо, во духот на старите македонски обичаи (како во потресната сцена од „Пиреј“ кога Велика и нејзината јатрва го закопуваат претпоследното дете, место кукање и солзи од пресушените очи, за да „пукне“ лошото и да го куртулат барем последното, и тоа е на смртна постела, играат оро на гробот), така и јас, кога врие јад и чемер во мене, за наслов на ова мое писание, позајмив дел од легендарната реплика од култната југословенска комедија „Балкански шпиун“, ова во својата најнова колумна за „Плус инфо“ го пишува Митре Велјановски кој воедно беше и пратеник од редовите на СДСМ. И, колку да звучи комично и контрадикторно, за жал, токму таква е денешната македонска состојба во односите со „мајка“ Б`лгарија. После осумдесет години, после осумдесет илјади документи, се разбира, ако прифатат дека имаат бугарски корени и дека јазикот им е бугарски дијалект, тогаш, Бугарите ќе им простат на Македонците затоа што четири години (од 1941 до 1944) ги тепаа и ги убиваа. Цела вселена, освен неколкумина, знае дека: На први март 1941 година, во Виена, тогашниот бугарски премиер, Богдан Филов го потпиша Тројниот пакт; Истиот ден, Рибентроп, официјално го известил бугарскиот премиер дека Бугарија ќе добие излез на Егејско Море помеѓу реките Струма и Марица; Бугарското Народно собрание го ратификува со 140 гласа „за“ и 20 „против“; Окупатори или администартори? – Одговорот ќе го најдете во Париските мировни договори од 10 февруари 1947 година, според кои, Бугарија беше обврзана да исплати репарации во износ од 45 милиони долари на Грција и 25 милиони долари на Југославија (администратори не плаќаат репарации). Целата колумна прочитајте ја ТУКА.

митре велјановски – Kurir.mk

Велјаноски од СДСМ контра СДСМ: Македонија плати огромна цена со оваа влада со промената на името

Екс пратеникот на СДСМ против Заев: Ѓуро ќе ти прости што те тепаше