мизрахи – Kurir.mk

Мизрхи: Не гледам никаква пречка во мојата лична карта да не стои етничка припадност!

Тале Кристо — Sun, 14 Feb 2021 16:29:35 +0000

Како Рашела Мизрахи, горда Еврејка од Македонија сметам дека во мојата лична карта не постои никаква пречка да стои етничка припадност!, пишува на својата Фејсбук страница пратеничката од редовите на ВМРО-ДПМНЕ Рашела Мизрахи. Не гледам причина зошто тоа би им пречело на колегите Апасиев и Крмов!?, вели Мизрахи во својата објава.

Јуришникот на СДСМ Тричковски „блеска“: Многу сексизам и навреди кон Мизрахи и апостолите на македонската револуционерна борба

Љупчо Цветаноски — Tue, 28 Jul 2020 11:28:14 +0000

Еден од најголемите и највлијателните поддржувачи на СДСМ и Зоран Заев, екс новинарот Бранко Тричковски, со нови навреди за Рашела Мизрахи и за револуционерите Гоце Делчев и Даме Груев. Според Тричковски Гоце Делчев и Даме Груев никогаш не се бореле туку загинале додека биле пијани или имале секс. Во пост во кој го коментира заминувањето на Рашела Мизрахи на коњ кон Крушево во чест на 117 години од Крушевското востание, поддржувачот на СДСМ Тричковски со навреди и за пратеничката на ВМРО-ДПМНЕ но и за апостолите на македонската револуционерната борба. „Вмороните се собирале на Витоша, како што денеска во Крушево се собира четата на Рашела Мизрахи. Потоа го викале Бимбо од Софија да ги слика. Така амфитеатрално исполегнати на некоја ливатка окружена со корија. Веднаш по фотосесијата го враќале оружјето на интендатурата на бугарската армија и оделе да пасат говеда, да садат тутун или да питачат по софиските улици. Имало неколку чети за тероризирање на македонското население, но ниту една не била обучена за борба против османското присуство. Ниту пак некогаш, некаде отишла да се тепа. Тие што испозагинале испозагинале или на е*ење, како Гоце Делчев или како Даме Груев на препивање. Тоа е, не се Рашелчето заебава со историјата на вмро, туку историјата на вмро се заебава со сите нас“, пишува болниот за внимание Тричковски на Фејсбук. Во врска со Мизрахи тој во обид дополнително да ја навреди во друг статус за одење на Мизрахи кон Крушево на коњ пишува дека на враќање имало договор коњот да ја јава неа.

Јанушев: Рашела Мизрахи ја сменија затоа што почна да ги вади криминалите на Царовска

Предраг Кукиќ — Thu, 20 Feb 2020 21:52:21 +0000

Рашела Мизрахи беше разрешена затоа што почна да ги вади криминалите и неработата на Мила Царовска, а не за користење на името Република Македонија, бидејќи откако се најавија изборите многу функционери од СДСМ почнаа да не ја користат придавката но никој не ги спомнува, изјави генералниот секретар на ВМРО-ДПМНЕ, Игор Јанушев во Клик Плус на ТВ 21. „Министерката беше разрешена затоа што почна да ги вади сите криминали и неработење во министерството, ако беше за разрешување требаше да ја разрешат и мила царовска бидејќи таа не ја сменила ама тоа никој не го спомнува. Само што почна да ги вади работите, на пример дека Царовска чувала 8000 предмети во фиока и веднаш ја сменија“ истакна Јанушев. Тој потенцираше дека заради вадењето на криминалите во министерството за труд и социјала намерно ја сатанизираа Мизрахи и покажаа антисемитизам во добар дел поголем од тој во втората светска војна. „Нема човек што нема приметено, како најголем дел од владејачката структура на СДСМ, откако се договорија изборите пред некој месец од континуираното спомнување на придавката на името, по неколку пати наеднаш престанаа да го користат, зошто никој не реагираше за тоа и не побара разрешување“ вели Јанушев.

Не се повлекува од разрешување на Мизрахи: Новопечениот уставобранител Спасовски не правел компромиси за почитување на Уставот?!

Љупчо Цветаноски — Thu, 13 Feb 2020 10:25:40 +0000

Откако ги „презеде“ ингеренциите на Уставниот суд и во негово име, без да го консултира, самостојно оцени дека Рашела Мизрахи го прекршила Уставот, техничкиот Оливер Спасовски сега останува доследен на своето уставно насилие, по најново претставувајќи се како неприкосновен уставобранител и негов најголем зашттитник. Во говорот со вокабулар со остар мирис на кујната на СДСм, очигледно срочен од неговите ПИ-ар стартези на екс Бихаќка, Спасовски семоќноста ја демонстрира и со безобразниоот предлог некој од ВМРО-ДПМНЕ што гласал за Северна и за НАТО, да ја заменел Мизрахи, алудирајќи притоа опозицијата да предложи некој од редовите на „зависните“ пратеници, за кои целата јавност, а веројарно најдобро токму Спасoвски и Заев, добро знаат како и зошто гласаа за промена на Уставот по неуспешниот Референдум во Македонија. Нејсе што дузина пати го прекршија со неговата СДСМ во минатите 30 месеци, но техничкиот Спасовски, познат во јавноста како чувар на тронот на Заев, вели дека можел да прави компромис и да разговарал за политички теми, можел да бара решенија за тие теми, но не и да правел компромис за почитување на Устав и на закон и посебно на министер што дал свечена изјава пред Собрание дека ќе го почитува Уставот и законот, тоа немало да се случи?! Ова го изјави техничкиот Спасовски во одговорот на новинарско прашање дали размислува, за да се избегне политичка криза, да го повлече барањето за разрешување на министерката за труд и социјална политика Рашела Мизрахи. Технички или не, но новопечениот уставобранител Спасовски, чија партија во минатите три години десетици пати го користеше истиот тој Устав како тоалетна хартија, на страна што го смени насила и за да им угоди на Грците му ја смени дури и Преамбулата, сега стана најголем заштитник на светата книга. Не го почитуваа ни на 27 април, ни при референдумот, зошто би го смениле својот насилнички став сега, прашуваат експертите, особено кога според анкетите им остануваат само два месеци владеење? На прашањето како можело да се реши ова прашање, новокомпонираниот уставопочитувач Спасовски посочи дека во предлогот доставен во Собранието за разрешувањето на министерката Мизрахи, тој немал дадено ново решение и затоа, нагласи, тоа останувало на опозицијата. „Очекувам дека опозицијата ќе биде мудра и ќе даде кандидат, што го почитува Уставот и законите. На пример еден од пратениците кои гласаа за Северна Македонија и Протоколот за НАТО, како можно решение. Одлуката е нивна кого сакаат нека предложат, јас ќе го прифатам,“ изјави Спасовски на денешната заедничка прес-конференција со директорот на Агенција за млади и спорт, Дарко Каевски. За жал на Спасовки, чиј чин се оценува како голо и неоправдано насилие за кое нема право и кое е ингеренција на Уставниот суд, контра него застана дури и неговиот заменик-министер за надворешни работи, Андреј Жерновски кој потврди дека министерката за Труд и социјална политика, Рашела Мизрахи, немала обврска да ја менува таблата со Република Македонија.

Во емисијата „Топ Тема“ на Телма, Жерновски во дебата со Тимчо Муцунски, ја урна владината позиција дека Мизрахи е виновна, со тоа што истакна дека Мизрахи не прекршила ниту еден рок што би се однесувал на менување на таблата.

Министерката Мизрахи, од своја страна, вчера за медиумите истакна дека не очекува да биде разрешена, оти не е виновна за ништо.

Не очекувам да бидам разрешена, не направив ништо и не сум виновна за ништо. Апсолутно ќе ја почитувам одлуката на пратениците каква и да е, бидејќи тие ме назначиле, тие можат и да ме разрешат – изјави Мизрахи.

За разрешувањето на Мизрахи се потребни гласовите на 61 пратеник.

И по Тричко, Зиков: „Малку глупаво како за Еврејка“

Љупчо Цветаноски — Thu, 13 Feb 2020 09:33:48 +0000

Нов атак на етничка база врз министерката Рашела Мизрахи. Во одбрана на владејачката СДСМ која е во клинч со министерката од редовите на опозицијата сега е новинарот Љупчо Зиков. Новокомпонираниот познавач и толкувач на еврејските обичаи во услови на владеење на социјалдемократска хунта во Македонија, барем според напишаното, за Рашела Мизрахи процени дека не се однесувала еврејски?! Поранешниот новинар, сега наратор и етнолог, кој беше предлог на СДСМ за финансиски директор во државната компанија МЕПСО, а сега фигурира како член на Управен одбор, до овој „заклучок“ дојде споделувајќи една, како што вели тој, стара еврејска мудрост. Од друга страна, познат е и по пофалбите за ВМРО-ДПМНЕ во нивните најдобри денови на владеењето. „Една стара еврејска приказна: Таткото на смртна постела го повикал синот и му рекол дека освен воспитувањето, како и начинот на размислување што му ги дал, нема што друго да му остави на синот. Таткото, сепак, му порачал дека во старата куќа, кај дедо му, оставил две кутии – црна и бела. – Синко, кога ке ти биде најтешко во животот ке ја отвориш црната кутија, а кога ке ти биде најубаво во животот ке ја отвориш белата кутија. Му станало на синот најлошо во животот и кога ја отворил црната кутија во неја немало ништо … освен ливче на кое пишувало кратко – Ке помине …! Потоа на синот му станало најубаво во животот и ја отворил белата кутија. Во неја исто така ливче на кое пишувало – и тоа ке помине синко … Значи … Не знам дали Мизрахи како гордо декларирана Еврејка ја слушнала оваа многу длабока, и полна со пораки приказна на стариот Евреин … Но, да ми прости, и таа, и партијата од чии редови е, министерката ни малку не се однесува еврејски, она што го знаеме за овој народ полн со памет и мудрости наод нашироко во светот прифатен. Напротив Малку глупаво како за Еврејка. Неприфатливо.“ - напиша Зиков. Зиков не е прв новинар во атак на Мизрахи. Му претходеа Тричковски и Зоран Иванов. Нивна претходница, пак, беа активисти на СДСМ. На екс Бихаќка се кладат кој еселдниот новинар кој ќе ја нападне Рашела Мизрахи и ќе го освои пехарот за најголем антисемитист во партијата која толку многу се залага за едно општество за сите. За сите социјалдемократи, нели...

Пресинг: Спасовски во улога на Уставен суд

Љупчо Цветаноски — Thu, 13 Feb 2020 08:05:17 +0000

Власта уште еднаш покажа силување на демократијата и максимално непочитување на институциите на системот, пишува пресингтв.мк. Техничкиот премиер Оливер Спасовски наметнува политичка пресметка со техничката министерка Рахела Мизрахи за наводно кршење на уставот поради таблата на која стои името Република Македонија и му предлага на собранието да ја разреши од функцијата. Меѓутоа со ваквата постапка техничкиот премиер се става во улога на Уставен суд, а пратениците ги доведува во ситуација да бидат устани судии. Единствена надлежна институција во државата која може да оцени дали е нарушен Уставот или не е Уставнот суд. Оттука техничкиот премиер единствено што може да направи е да покрене иницијатива за кршење на уставот пред Уставниот суд. Во случајот не се надлежни ни пратениците да се изјаснуваат околу предлогот затоа што не се ни уставни судии ниту пак станува збор за толкување на одредена законска одредба или норма. Евентуалното нивно гласање за разрешување на техничката министерка Мизрахи ќе мора да има друго образложение, а не прекршување на Уставот. Доколку тоа не се случи и остане образложението на техничкиот премиер тогаш не само што ќе бидат уставни судии туку сите до еден ќе се најдат во улога на отворени прекршители на Уставот затоа што ќе преземат ингеренции кои според Уставот и други законски акти не им припаѓаат. Било која друга постапка освен пред надлежниот Уставен суд ќе претставува грубо кршење на уставните, демократските и институционалните права, должности и надлежности. А, кому му треба тоа пред самото распуштање на Собранието и распишувањето на предвремените парламентарни избори закажани за 12 април? Оригиналниот текст погледнете го тука.

СКАНДАЛ: Техничкиот Спасовски и угодува на Грција и бара разрешување на министерката Мизрахи поради таблата со Република Македонија!?

Љупчо Цветаноски — Wed, 12 Feb 2020 11:54:44 +0000

Техничкиот премиер Оливер Спасовски на највисоко ниво и угодува на Грција и бара разрешување на министерката за труд и социјална политика, Рашела Мизрахи. Очигледно, и нему многу му пречела таблата со уставното име кое СДСМ насила го смени, без дозвола од народот на Референдумот. На СДСМ им текна за Уставот кој насила го сменија дури по вербалната нота на Грција која реагираше за Мизрахи, толкуваат експертите за Курир. Сега, главен проблем бил Уставот кој токму тие дузина пати го прекршуваа и го третираа како тоалетна хартија. Како што информираат од Владата, предлогот за разрешувањето на Мизрахи бил доставен до Собранието поради кршење на Уставот. „Премиерот и Владата имаат обврска да обезбедат заштита на Уставот на Република Северна Македонија. Имајќи предвид дека министерката Мизрахи свесно и намерно го крши Уставот и со тоа ја загрозува евроатланската иднина на земјата, премиерот до Собранието достави предлог за разрешување на техничката министерка за труд и социјална политика, Мизрахи“, информираат од Владата. Претходно, и министерот за надворешни работи Никола Димитров, потписникот на т.н. преспанска капитулација или Преспански договор му сугерираше на Спасовски да предложи до Собранието разрешување на Мизрахи. „Доколку министерката Мизрахи веднаш своето делување не го врати на линија и во рамките на Уставот, му сугерирам на претседателот на Владата, Оливер Спасовски, да предложи нејзино разрешување до Собранието. Укажувам дека во нејзиното делување има и елементи што можат да повлечат кривична одговорност по член 353 и член 390 од Кривичниот законик, но тоа е веќе работа во деолкруг на други државни органи“, рече министерот Димитров. Мизрахи вчера кажа дека нема намера да ја менува таблата со името Република Македонија, па дури и е подготовена да плати казна.

Владата во мисија на опструкција на техничките министри: Поништени решенија и на Рашела Мизрахи

Љупчо Цветаноски — Tue, 11 Feb 2020 12:05:25 +0000

Владата на вчерашната седница донесе одлука за поништување на решенијата донесени во периодот од 21 до 31 јануари од министерката за труд и социјална политика Рашела Мизрахи, со кои се опфаќаат решенија за овластување и потпишување, како и решенија за плати и за распоредување, информира денеска владината прес-служба. Претходниот ден Владата поништи цели 89 решенија на министерот Наќе Чулев. И двете поништувања се изведени без подетални образложенија од владата на техничкиот премеир Оливер Спасовски. Експертската јавност алармираше дека ова е непринципиелна, политички мотивирана класична опструкција на нивната работа, зад кои се чувствува мирисот на кујната на екс Бихаќка и СДСМ.

Клековски: Не ми смета што министерката Мизрахи не го употребува новото име на државата

Тале Кристо — Mon, 10 Feb 2020 19:44:00 +0000

Во емисијата „Топ Тема“, аналитичарот Сашо Клековски говореше за Преспанскиот Договор и неговата употреба при што на прашање дали му смета тоа што министерката за труд и социјална политика, Рашела Мизрахи не го користам помиот„северна“ тој го истакна следното: -Не, еве ќе кажам зошто, затоа што во преспанскиот договор има тајмнинг, има временска рамка 10 годишна во која вика дека ние ќе направиме се за да го употребуваме новото име, ама дека во првите 5 години ќе го употребиме во документите за надворешна употреба, тоа се oдонесува на пасош лична карта и возачка дозвола.

Мизрахи: Потребна е стандардна процедура за да реагираме во случаи како со 11-годишното бремено девојче од Кочани

Тале Кристо — Mon, 10 Feb 2020 17:06:34 +0000

По доставена претставка до Министерство за труд и социјална политика, денеска дојдовме во Берово заедно со инспекција од МТСП за вонреден инспекциски надзор и направиме увид за одреден случај. Имено се работи за 11 годишно девојче кое што на 24 јануари е донесено во Берово од Центарот за социјални работи во Кочани, штитеничката е моментално во мал групен дом, згрижена е, вели министерката за труд и социјална политика Рашела Мизрахи. -Имено се работи за 11 годишно дете кое е во поодмината фаза на бременост, имено 6 месеци е бремена. За жал немаме акционен индивидуален план за работа за оваа штитеничка и системот генерално затаил. Затоа апелирам дека треба да се изработи стандардна оперативна процедури со кои што ќе можеме интервентно да реагираме во вакви случаи!, додава Мизрахи.