Мкб – Kurir.mk

Македонско кредитно биро со активности по повод Глобалната недела на пари

Ивона Петрова — Mon, 22 Mar 2021 10:02:32 +0000

Македонско кредитно биро од денеска до 28 март е дел од настанот „Глобална недела на пари“, заедно со над 63 000 организации од 174 држави. Темата на активностите е „Грижи се за себе, грижи се за своите пари“. ГНП е годишна глобална кампања за финансиска едукација на младите луѓе, почнувајќи од најраната возраст, сè со цел да ги поттикне и едуцира младите да станат финансиски свесни, да стекнат знаења, вештини, ставови и однесувања неопходни за донесување на здрави финансиски одлуки. Годинешното издание на настанот „Глобална недела на пари“, кое е осмо по ред, првпат се одржува во организација на ИНФЕ-ОЕЦД, додека пак координатор на настанот, како и секоја година, е Народна банка на Република Северна Македонија. Изминатата година настанот беше откажан поради ситуација со пандемијата. Периодот во кој ќе се одржи настанот за ГНП, Македонско кредитно биро организира редица настани. Ќе се организираат онјалн едукативни сесии на темата „Грижи се за себе, грижи се за своите пари“ за учениците од средното-економско училиште „Васил Антевски-Дрен”. Сесиите ќе се одржат преку Microsoft Teams платформата, а воедно ќе бидат и снимени, со тоа што дополнително снимките ќе се постават на YouTube каналот на МКБ и ќе се споделат на социјалните мрежи каде што ќе имате можност да ги проследите. Ќе се организира Facebook Life настан на кој ќе биде поканета целата FB и Instagram публика да земе учество во дискусијата и да постави прашања на истата тема. Настанот ќе се снима и ќе биде поставен на YouTube каналот на МКБ, кој ќе биде споделен на социјалните мрежи. Во текот на оваа недела, во духот на темата „ Грижи се за себе, грижи се за своите пари“, МКБ ќе им овозможи на младите да осознаат која е улогата на оваа институција, како да ги користат услугите и придобивките од нивното користење. Како граѓани и идни менаџери ќе осознаат како да управуваат со сопствените финансиски обврски, а притоа да не го оптеретат сопствениот буџет, најавуваат од МКБ.

МКБ склучи договор со Централна Кооперативна Банка АД Скопје за продажба на сопствени извештаи за физички и правни лица

Ивана Ефремовски — Fri, 19 Mar 2021 09:25:58 +0000

Македонско кредитно биро започна соработка со Централна Кооперативна Банка АД Скопје за шалтерска продажба на сопствени извештати. Отсега, сите правни и физички лица ќе можат да добијат Сопствен извештај во било која експозитура/филијала на ЦКБ АД Скопје ширум земјата. МКБ е единствената институција на пазарот која изготвува Сопствен извештај за физички и Сопствен извештај за правни лица. Извештајот е единствен на пазарот што содржи податоци за задолженост и редовност во исполнување на обврските и тоа: обврски по основ на кредити, жиранства, гаранции, акредитиви, заеми, платежни картички, лимити на трансакциски сметки, финансиски лизинг, осигурување, обврски по основ на даноци, телекомуникациски услуги, услуги од областа на енергетиката, комунални давачки, такси, придонеси, како и обврски по основ на користење на други услуги. Исто така извештајот содржи и податоци за блокада на трансакциска сметка во реално време кои укажуваат на тоа дали трансакциската сметка е блокирана или не. Ваквата соработка помеѓу МКБ АД Скопје и ЦКБ АД Скопје е резултат на постојаните заложби за подобрување на пристапот на услугите и прилагодување на потребите на клиентите.

Менаџирајте успешно со вашите обврски

Предраг Кукиќ — Wed, 03 Mar 2021 09:41:47 +0000

Навремениот, точниот и целосниот увид во сопствените обврски за физички и правни лица допринесува да имате моќ со менаџирањето на истите за да спречите да станат нефункционални, да Ви ја блокираат сметката или да Ве тужат за некој долг. Вистинските алатки за тоа се Сопствениот извештај за физички и правни лица и Корпоративниот-бонитетен извештај за правни субјекти. Овие услуги можете да ги добиете преку Македонско кредитно биро, како единствена институција која нуди услуги од ваков тип. Сопствен извештај е документ кој се изготвува на лично барање на нарачателот, односно физичкото или правното лице, кое сака да ја провери сопствената задолженост. Сопствениот извештај нуди целосен увид во сите обврски. Обезбедува брз и лесен увид во сопствениот статус на долговите и подмирувањето на истите со што преку унапредување на својата лична евиденција, може да се спречи евентуално презадолжување, а со тоа и избегнување на дополнителни трошоци. Извештајот е единствен на пазарот што содржи податоци за задолженост и редовност во исполнување на обврските, и тоа: обврски по основ на кредити, жирантства, гаранции, акредитиви, заеми, платежни картички, лимити на трансакциски сметки, финансиски лизинг, осигурување, обврски по основ на даноци, телекомуникациски услуги, услуги од областа на енергетиката, комунални давачки, такси, придонеси, како и обврски по основ на користење на други услуги. Една од клучните работи за правните лица во деловниот свет е донесувањето на правилни и сигурни бизнис одлуки кои што ќе донесат позитивни резултати за компанијата.Корпоративниот-бонитетен извештај e единствениот кој ќе им го овозможи тоа на правните субјекти. Овој извештај покрај податоци за задолженост и редовност во подмирување на обврските, содржи и индикатор за финансиската стабилност на правниот субјект, податоци за блокада на трансакциска сметка во реално време кои се добиваат од Единствениот регистар на трансакциски сметки, тековни состојби на правни субјекти и комплетни завршни сметки на субјектите за последните три години, во кои детално се прикажани билансот на состојба, билансот на успех и извештајот за готовински тек. За повеќе информации за услугите на МКБ можете да ја посетите официјалната веб страна https://mkb.mk/.