МКЦК – Kurir.mk

МКЦК преговара со Израел и Хамас за ослободување на заробениците во Газа

Ивона Петрова — Thu, 12 Oct 2023 06:40:33 +0000

Меѓународниот комитет на Црвениот крст (МКЦК) е во контакт со Хамас и со Израел во обид да преговара за ослободување на заложниците земени во Газа. „Како неутрален посредник сме подготвени да спроведеме хуманитарни посети, олеснување на комуникацијата меѓу заложниците и членовите на семејствата и да се олесни секое евентуално ослободување“, нагласи во денешната изјавата Фабрицио Карбони, регионален директор на МКЦК за Блискиот Исток.

МКЦК: Повеќе луѓе се соочуваат со опасност од мини отколку пред две години

Ивана Ефремовски — Mon, 03 Apr 2023 13:48:16 +0000

Повеќе луѓе се соочуваат со опасностите од мини и неексплодирани убојни средства денес отколку пред две години, објави денеска Меѓународниот комитет на Црвениот крст (МКЦК). На алармантниот тренд укажа Ерик Толефсен, раководител на Единицата за справување со контаминација со оружје при МКЦК, по повод Меѓународниот ден за подигање на свеста и помош при деминирање, кој се одбележува на 4 април. - Повеќе луѓе денес се соочуваат со опасност од нагазни мини и неексплодирани убојни средства отколку пред две години поради борбите во Украина и Етиопија кои контаминираа големи области на населени места и обработливо земјиште“, рече Толефсен. Според него, премногу луѓе претрпеле повреди кои го промениле животот, што покажува како секојдневните активности како садење во градина или дури и шетање низ соседството претставуваат смртоносен ризик. Толефсен рече дека децата се особено изложени на ризик. „Ефектите од нагазните мини и експлозивните остатоци од војната врз луѓето кои живеат, се враќаат или минуваат низ контаминирани области ќе траат со години“, објави МКЦК. На крајот на ланската година, МКЦК објави дека иако мините и неексплодираните убојни средства се долгорочна опасност во регионот околу Украина, ризикот е зголемен од минатиот февруари. Делови од украинските региони Доњецк и Луганск веќе беа силно контаминирани со неексплодирани убојни средства по осум години конфликт. Сето ова е многукратно зголемено откако Русија почна војна против Украина во февруари 2022 година. Дури и пред тоа, Украина беше дом на најголемиот тим на МКЦК, кој се занимава со контаминација од оружје. Минатата година беа одбележани 25 години од усвојувањето и отворањето за потпишување на Договорот за забрана на мини од 1997 година и 30 години од создавањето на Меѓународната кампања за забрана на нагазни мини во 1992 година. Во август 2022 година, Хјуман рајтс воч (ХРВ) објави дека употребата на касетна муниција од страна на руските сили предизвикала трајна штета на стотици украински цивили. Во својот извештај за следење на касетната муниција од 2022 година, ХРВ рече дека и Русија и Украина треба да престанат да користат касетна муниција и да се приклучат на Конвенцијата за касетна муниција од 2008 година. (МИА)

ОН и МКЦК потврдија за евакуација од Азовстал

Магдалена Андонова — Sun, 01 May 2022 15:11:41 +0000

ОН и Меѓународниот комитет на Црвениот крст (МКЦК) денеска потврдија дека е во тек операција за евакуација на луѓето од фабриката за челик Азовстал во украинскиот град Мариупол. Портпаролот на ОН за хуманитарна помош, Савијано Абреу, изјави дека напорите за евакуација на луѓето од Азовстал се прават во соработка со МКЦК и во координација со украинските и руските власти. Абреу ја опиша ситуацијата како „многу сложена“ и не даде повеќе детали. МКЦК потврди и дека е во тек процесот на евакуација на цивили од Мариупол. „МКЦК потврдува дека операцијата за безбедно поминување е во тек, во координација со ОН и страните во конфликтот“, изјави портпаролот на организацијата.

Шефот на МКЦК во петдневна посета на Киев

Ивана Ефремовски — Wed, 16 Mar 2022 11:12:42 +0000

Шефот на Меѓународниот комитет на Црвениот крст, Питер Маурер пристигна во петдневна мисија во Киев, со цел да помогне во олеснувањето на пристапот на хуманитарните организации што работат во земјата разурната од војната и да се изврши притисок за поголема цивилна заштита, јави ДПА. Тој треба да се сретне со претставници на украинската Влада, соопшти организацијата. Во текот на вчерашниот ден, МКЦК заедно со украинскиот Црвен крст, однесе стотици луѓе на безбедно во конвои од над 80 автобуси од опколениот украински регион Суми, во близина на руската граница. Надлежноста на МКЦК во конфликтите, исто така, често вклучува проверка на условите на воените заробеници. Швајцарскиот дипломат Маурер, во Киев пристигна откако си заминаа премиерите на Полска, Словенија и Чешка. (МИА)