млад кромид – Kurir.mk

Младиот кромид може да ви помогне да го намалите шеќерот

Ивана Ефремовски — Fri, 11 Feb 2022 09:50:11 +0000

Богат со витамини и минерали, младиот кромид е вистинска ризница на хранливи и лековити состојки. Освен калиум, сулфур, и разни олигоелементи, оваа нискокалорична намирница ги содржи и витамините Б1, Б2, Ц, Е, К, П (особено во зелениот дел), како и каротен, гликозиди, етерични масла и растителниот хормон глукокинин (сличен на инсулинот) кој го намалува нивото на шеќер во крвта. Докажано е дека витамините и минералите содржани во кромидот благотворно делуваат на целокупното здравје, а особено на кардиоваскуларниот и нервниот систем. Освен тоа, благодарение на богатството од есенцијални масла и лековити ароматични супстанци, оваа лековита намирница делува како природен антибиотик и ги уништува штетните бактерии во цревата. Сокот од младото кромидче се користи во народната медицина како лек против разни кожни инфекции. Помешан со лажица мед, помага при благите респираторни проблеми бидејќи го олеснува искашлувањето, го лекува воспалението на крајниците и зарипнатоста. И тоа не е се. Младиот кромид има и диуретички својства поради што се користи и како природен лек за регулирање на варењето на храната. Не им се препорачува единствено на лицата кои страдаат од гастритис бидејќи стимулира лачење на желудечни сокови.

Спас за синуси, младиот кромид е одличен против воспаление

Ивона Петрова — Sat, 04 Dec 2021 13:33:21 +0000

Младиот кромид е добар за здравјето, велат нутриционистите. Токму поради тоа тој треба да се употребува во што поголеми количини. Овој зеленчук е ислучително добар против воспаление. Воспаление на грло Исечете го кромидот на парчиња, а можете да додадете и малку изрендан ѓумбир и сол, ставете на крпа и загрејте. Топлата крпа замотајте ја во уште една крпа и ставете на воспаленото место, околу вратот или градите. Отечени нозе Младиот кромид варете го неколку минути. Изблендирајте го додека смесата не се претвори во паста. Со пастата намачкајте ги отечените делови. Растечен нос Истолчете го кромидот и сокот кој ќе се појави ставете го на парче памук, па на подрачјето на синусите.

Младиот кромид е многу здрав, се препорачува при неколку здравствени проблеми

Ивона Петрова — Mon, 05 Apr 2021 07:58:22 +0000

Алтернативната медицина го смета младиот кромид за неверојатно вреден и здрав додаток во храната. Освен што помага при настинки и го намалува високиот крвен притисок, пролетниот кромид има антиинфламаторно својство и делува против габички, стрес и замор. За следниве здравствени проблеми се препорачуваат зелените перца од младиот кромид… 1. Болки во грлото Средината на зелениот дел се сече и се сечка на парчиња, се додава малку изрендан ѓумбир и сол – тоа се става во ќесичка или крпа и се загрева. Сѐ тоа се витка во друга крпа и се става на воспаленото место. 2. Отечени нозе Перцата се загреваат неколку минути. Потоа се мешаат со мешалка (може да се додаде многу малку вода, доколку е потребно), додека смесата не добие кремаст облик и густина. Добиената смеса се нанесува на отечените делови на нозете како крема. 3. Отнување на носот Зелените перца се гмечат и потоа – парче памук или газа се натопува во самиот сок. Тоа се нанесува околу носот и синусите. Кромидот ја дразни слузницата и така ги отнува дишните патишта.

Многумина не знаат колку младиот кромид е здрав: „Бомба“ за имунитет, ги зајакнува коските, но една група на луѓе не смее да го јаде!

Магдалена Андонова — Sat, 27 Feb 2021 08:40:38 +0000

Пролетта се приближува и тезгите на маркетите се веќе полни со младиот кромид! Оваа скромна, вкусна храна е многу ефтина и ќе ве изненади со сè што прави за здравјето на организмот! Една чаша ситно исечен млад кромид содржи повеќе од двојно препорачана доза на витамин К, што е важно за здравјето на коските и згрутчување на крвта. Истиот дел содржи четвртина од дневната потребна доза на витамин Ц, што спречува оштетување на клетките како резултат на слободните радикали и е важно за зајакнување на имунитетот на природен начин. Околу 16 проценти од фолатите, особено важни за бремените жени, се наоѓаат во овој скромен дел од младиот кромид. Содржи многу малку калории, маснотии во трагови и нула холестерол. Младиот кромид, исто така, има помалку јаглехидрати и шеќери отколку компирот, морковот или пченката. Доколку сакате да го користите на најдобар начин, грицкајте го со оброк или ставете го свеж во салата. Не го загревајте бидејќи тоа ќе ги уништи витамините. Важно е да се консултирате со лекар само ако земате разредувачи на крв затоа што голема доза на витамин К може да предизвика проблем.