млад скопјанец – Kurir.mk

ТРАГЕДИЈА ЈА ПОТРЕСЕ МАКЕДОНИЈА: 22 годишен скопјанец попладнево загина додека местел кабли качен на скеле

Дарко Андоновски — Wed, 16 Sep 2020 14:03:10 +0000

Дваесет и две годишниот А.Д. од Скопје денеска во околу 14:30 загинал во Куманово при извршување на градежни работи, дознава Алсат. Како што информира телевизијата, момчето загинало при местење на кабли. Лицето А.Д. додека работел качен на скеле изгубил рамнотежа и паднал по што починал на лице место. Увид се врши на лице место.

Три лица претепале млад скопјанец во центарот на градот- полицијата го расчистува случајот

Дарко Андоновски — Sat, 29 Aug 2020 13:23:37 +0000

На 29.08.2020 во 00,35 часот било пријавено дека во Скопје на ул. „Македонија“ во угостителски објект А.Х.(21) од Скопје бил физички нападнат од три лица. Се работи на расчистување на случајот.

Предложено задолжително психијатриско лекување за млад скопјанец обвинет за убиство на сопствениот татко

Дарко Андоновски — Mon, 08 Jun 2020 11:21:42 +0000

Надлежен јавен обвинител од Основното јавно обвинителство Скопје денеска до Основниот кривичен суд Скопје поднесе Предлог за изрекување мерка на безбедност – задолжително психијатриско лекување и чување во здравствена установа за лице обвинето за кривично дело – Убиство од член 123 став 2 точка 2 во врска со член 12 став 1 од Кривичниот законик. Имено, обвинетиот 24–годишник, на 12 април, во состојба на непресметливост поради привремено душевно растројство, при вршење семејно насилство, го лишил од живот сопствениот татко. Додека оштетениот седел на внатрешните скали кои воделе од приземјето кон повисокиот кат на куќата, обвинетиот се симнал по скалите од горниот кат, држејќи нож во раката и поради претходно нарушени семејни односи, на својот татко му задал пет рани во пределот на главата, вратот и раката. Оштетениот успеал да се оттргне и пеш тргнал кон Клиничкиот центар „Мајка Тереза“ кој бил во близина на неговото живеалиште за да побара лекарска помош. Но како последица на обилното крварење од раните кај него настапила шокова состојба, која довела до нарушување и конечен престанок на работата на виталните органи, па тој починал во кругот на Клиничкиот центар. Со оглед на утрврдената фактичка состојба во поглед на здравствената состојба и непресметливоста на обвинетиот, јавниот обвинител му предложи на судот да ја укине претходно определената мерка притвор, но обвинетото лице да не биде пуштено на слобода, туку до завршување на постапката против него за примена на мерките на безбедност, привремено да се смести во соодветна здравствена установа.

Млад скопјанец физички нападнал тројца жители на Долно Лисиче, па собрале храброст да го пријават во полиција

Дарко Андоновски — Tue, 10 Dec 2019 14:13:31 +0000

На 09.12.2019 год. во 20.38 часот во СВР Скопје, Ј.Е.(69) од Скопје, В.Г.(37) и П.Д.(42), двајцата од с.Долно Лисиче, скопско, пријавиле дека околу 20.30 часот на бул.„Кузман Јосифовски Питу“ биле физички нападнати од К.Ф.(31) од Скопје.

Сочинет е записник за констатиран прекршок по член 12 од Законот за прекршоците против јавниот ред и мир.

Млад скопјанец физички нападнал полицаец пред угостителски објект, па веднаш бил лишен од слобода

Дарко Андоновски — Sat, 12 Oct 2019 13:52:01 +0000

На 11.10.2019 околу 23,30 часот во СВР Скопје бил лишен од слобода С.О.(23) од Скопје бидејќи пред угостителски објект на ул.„Битпазарска“ физички нападнал полициски службеник, информираат од МВР.