млада кошаркарска репрезентација – Kurir.mk

Македонија го загуби финалето од Чешка, но целта е остварена – пласман во А-дивизија

Бошко Тасиќ — Sun, 16 Jul 2023 21:09:54 +0000

Европското првенство Б-дивизија кое се играше во Скопје, Македонија го почна со пораз од Чешка и го заврши со пораз токму од оваа селекција, меѓу овие два меча го победивме сите противници. Денеска Чешка подобро го почна мечот, но нашите надежи одиграа одлична трета четвртина по која успеаа да дојдат до нерешено. Со 52-52 влеговме во последните десет минути. Но, во четвртиот период одбраната наша не беше на потребното ниво, примивме дури 33 поени, дадовме 20 и загубивме убедливо со 85-72. Теодор Симиќ беше убедливо најдобар во нашата селекција со 23 поени, Марин Петков реализираше 14. За поголем успех можеби недостасуваше Андреј Митревски кој се повреди во четвртфиналето а дотогаш беше еден од најдобрите наши кошаркари. Македонија како финалист на овој шампионат избори пласман во А-дивизијата каде што се најдобрите селекции од континентот. Ова е голем успех за македонските млади кошаркари кои покажаа дека можеби пред нас се подобри денови за репрезентативната кошарка.

Падна и Украина – Македонија е во финале и oбезбеди пласман во А дивизијата

Бошко Тасиќ — Sat, 15 Jul 2023 19:45:17 +0000

Македонската кошаркарска репрезентација до 20 години ќе игра во финалето на Европското првенство Б дивизија откако во СЦ „Борис Трајковски“ ја совлада Украина со убедливи 66-53, со овој триумф изборивме и пласман во А дивизијата каде што се најдобрите европски селекции. Нашата репрезентација беше ослабена за неиграњето на Андреј Митревски кој е еден од најдобрите кошаркари во овој состав, но работите во свои раце ги презема Резарт Мемед кој имаше фантастична партија. Македонија водеше во текот на целиот меч, имаше полна контрола на резултатот и не дозволи противникот во ниту еден момент да ја загрози победата, конечниот резултат беше 66-53. Најефикасен беше Резарт Мемед со 24 поени од кои шест беа тројки, двоцифрен беше уште и Амар Хот со 12 поени, имаше и 11 скокови, 11 скокови имаше и Теодор Симиќ кој даде осум поени. Во финалето (утре 21:00) Македонија ќе игра со подобриот од дуелот меѓу Чешка и Шведска.

Македонија ќе се бори за седмото место на ЕП во Грузија

Бошко Тасиќ — Sat, 23 Jul 2022 17:11:52 +0000

По вчерашниот пораз од Естонија во четвртфиналето, македонските кошаркари до 20 години не пронајдоа преголема мотивација за надигрување во разигрувањето од 5-то до 8-то место и денеска загубија и од Летонија. Машката малдинска репрезентација не успеа да се рехабилитира од вчерашното разочарување и претрпе нов убедливо пораз, овојпат изразен со резултат 85:62. Селекцијата од Балтикот влезе многу посамоуверено на натпреварот кој се играше во Грузија и заслужено стигна до победата, па ќе остане во игра за петтото место. Нашата селекција ја чека уште еден натпревар на ЕП од Б дивизијата, односно борба за седмото место на континенталниот турнир во Тбилиси. Во завршниот меч на турнирот, Македонија ќе игра против поразениот од денешниот натпревар меѓу Бугарија и Шведска.

Младите кошаркари поразени од Шведска на ЕП во Тбилиси

Бошко Тасиќ — Sat, 16 Jul 2022 17:48:55 +0000

По вчерашната убедлива победа над Австрија, денеска машката младинска селекција на Македонија е поразена од Шведска во дуел од „Б“ дивизијата на Европското првенство за кошаркари до 20 години, што се одржува во Тбилиси, Грузија. Избраниците на селекторот Василев во натпревар од 2.коло од Б групата загубија од Шведска со 92-90. Иако на крајот беше само два разлика, сепак од самиот почеток „Викинзите“ ја имаа контролата над резултатот, а победата ја најавија уште по првата четвртина која ја добија со 14 поени разлика. Жолтите-црвените утре од 12:30 часот ќе играат против селекцијата на Косово, по што ќе имаат двата слободни дена, за во последното коло, закажано за во среда, да се судрат со домашната селекција на Грузија. Потсетување дека само двете првопласирани репрезентации од секоја од четирите групи ќе обезбедат пласман во четвртфиналето, а трите најдобри селекции од ова првенство ќе се изборат за настап во по елитната А дивизија следната година.