младеновац – Kurir.mk

Трагедија во Младеновац: Момче го уби својот брат

Ристе Здравков — Thu, 06 Jul 2023 14:56:58 +0000

Момче (12) денеска било застрелано до смрт од друг малолетник (14) во селото Меѓулужје кај Младеновац. Според неофицијални информации на белградските медиуми, станува збор за браќа. Постариот го застрелал помладиот брат со воздушна пушка. Засега не се знае каде момчето го добило огненото оружје.

Убиецот од Младеновац направил хаос во притвор: Се скарал со цимерот, а потоа го нападнал

Ристе Здравков — Wed, 21 Jun 2023 08:59:37 +0000

Урош Б.(21), кој ден по масакрот во училиштето во Белград, сееше страв во Младеновац и уби осум и рани уште 14 лица, во вторникот вечерта се степал во притвор во Смедерево, јавува Нова.рс. Според неофицијални информации, Урош прво се скарал со својот цимер, а потоа го нападнал. Го удрил со тупаница по лицето. Затвореникот добил модрица на окото додека убиецот бил неповреден. Претходно, на рочиштето во Вишото јавно обвинителство во Смедерево, Урош призна дека пукал во луѓе затоа што чувствувал дека мештаните прават заговор против него. Како што рече, бил изложен на потсмев. Прво почна да пука во Мало Орашје, а потоа се продолжил во Дубона. Конечно бил уапсен во Крагуевац.

Уапсен и вујкото на убиецот од Младеновац

Ристе Здравков — Thu, 25 May 2023 10:36:45 +0000

Вишото јавно обвинителство во Смедерево денеска соопшти дека уапсен е Г.Г. (49) од Крагуевац, инаку вујко на Урош Блажиќ кој уби осум, а рани 12 лица во околината на Младеновац, Србија. Осомничениот Г.Г. е задржан на 48 часа поради сомнеж дека извршил кривично дело недозволено производство, држење, носење и промет на оружје и експлозивни материи, соопшти Вишото јавно обвинителство. Г.Г. е уапсен врз основа на нови факти утврдени во истрагата која се води против Урош Блажиќ и неговиот татко Р.Б. со цел утврдување и разјаснување на сите околности кои се однесуваат на потеклото на оружјето со кое обвинeтиот У.Б. ги извршил кривичните дела кои му се ставаат на товар.

Последниот ранет во вооружениот напад кај Младеновац ќе биде пуштен од болница

Тале Кристо — Fri, 12 May 2023 18:18:44 +0000

И последниот ранет во вооружениот напад во околината на Смедерево и Младеновац во текот на денот ќе биде пуштен од смедеревската општа болница, потврдија за Радио-телевизија на Србија (РТС). Ноќта на пукањето бил примен со прострелна рана во потколеницата по што му била извршена операција и бил сместен на одделението за ортопедија. Осомничениот за убиството на осум лица во околината на Младеновац и ранувањето на уште 14, У. Б. (21), беше сослушан во Вишото јавно обвинителство во Смедерево и одредена му е мерка притвор до 30 дена. Ден претходно, на 3 мај, во ОУ „Владислав Рибникар“ тринаесетгодишен ученик уби осум врсници и училиштен чувар и рани уште седум лица.

ВИДЕО: По чорапи и во скафандер, убиецот од Младеновац донесен во полициска станица

Ивона Петрова — Fri, 05 May 2023 15:59:55 +0000

Масовниот убиец од Младеновац, Урош Б. (21) доцна попладнево беше донесен во полициската станица во Смедерево. Како што јавуваат српските медиумите, тој бил донесен толку доцна во станица бидејќи на полицијата морал да и покаже каде ја сокрил пушката со која го извршил масакрот. Доцна синоќа тој усмрти осум лица, а рани 14. Урош бил однесен во полициска станица под силно полициско обезбедување. На себе имал чорапи и бел скафандер без облека под него. Како што претходно соопшти Министерството за внатрешни работи на Србија, во неговото апсење, кое се случи утринава, учествуваа 600 полициски службеници од повеќе полициски единици.

Дел од повредени во Младеновац останаа без некои органи, 17 годишно девојче ималo куршум во окото

Ивона Петрова — Fri, 05 May 2023 15:47:24 +0000

Српската министерка за здравство Даница Грујичиќ ја соопшти состојбата за ранетите во пукањето во Младеновац, сите повреди се предизвикани од огнено оружје, а 13 повредени се хоспитализирани. Како што рече Грујичиќ, М.М. има површна рана на градниот кош, но нема повреди на внатрешните органи на абдоменот, стабилен е и опериран. -Девојчето Н.Н.(2006) има прострелна рана во главата и мочниот меур, оперирано е, изваден е хематом од десната страна на челото, а пред операцијата не можела да гледа во левото око каде се забил куршум и ја чека уште една интервенција. М.А. е најтешко повредена, има две прострелни рани, извадени се бубрегот, дуоденумот и дел од дебелото црево, повредите на екстремитетите се третирани површно, а доколку се стабилизира, следува ортопедска интервенција, рече министерката. И.И. околу 20 години, има повреда на ногата, на операција е и во состојба на хеморагичен шок, анестезиолозите ја надоместиле изгубената крв, решена е фрактура на десната бутна коска, подлактица и надколеница, му се вршат ортопедски интервенции. -В.Н.(2003) десната горна нога и препоните се без оштетување на крвните садови, по стабилизирање на состојбата ја чекаат дополнителни ортопедски интервенции. С.Ј.(1972) има повреда на градниот кош, извршена е операција, стабилна е, има фрактура на прв лумбален пршлен и засега нема знаци на поместување на нозете, може да биде минливо. Острелна рана на долниот дел на карлицата на М.П.(1969) е оперирана и тој е на интензивна нега, оперирана и П.М. со повреда на глутеалната регија, рече Грујичиќ. Во болницата „Драгиша Мишовиќ“ има двајца пациенти, М.П. (1997) со отсранет бубрег, има повреди на крвните садови, операцијата е завршена и И.М. (2003) со деструкција на коската на десната бутина, без знаци на оштетување на нервите и крвните садови, стабилна е. Во болницата во Смедерево имало тројца пациенти, од кои еден (Р.Ј., роден 2002 година) поради компликации на повреди на градниот кош бил префрлен во Ургентниот центар и е префрлен во стабилна состојба.

ВИДЕО: Објавени снимки од апсењето на убиецот од Младеновац, еве какво оружје е пронајдено

Ивона Петрова — Fri, 05 May 2023 13:39:05 +0000

Припадници на српската полиција го уапсија У. Б. (2002) поради постоење основи на сомнение дека убил осум лица, а ранил 14 лица, информираат од српското Министерство за внатрешни работи. Тој е осомничен дека синоќа во селото Мало Орашје кај Смедерево, а потоа и во селото Дубона кај Младеновац со огнено оружје уби пет лица, а рани шестмина, при што уби уште три лица, а рани осуммина. -Потоа, како што се сомневањата, запрел таксист и го принудил да го однесе во селото Вињиште кај Крагуевац, каде што полицијата го уапсила. Полицијата при претрес на викендицата што ја користел осомничениот во Шевшин, пронашла карабин со оптика, пиштол, сигнален пиштол, два пригушувачи, ловечки нож и друго оружје, 164 куршуми различен калибар, 13 ловечки патрони, 12 патрони, 4 сигнални куршуми и 25 парчиња муниција за карабин. Исто така, при претрес на куќата и помошниот објект во населба Вињиште, полицијата пронашла четири рачни бомби, неколку кутии пиштолска муниција, неколку парчиња пушка муниција, рамка за пиштол, две рамки најверојатно за автоматска пушка, носач за оптика, како и автоматска пушка без фабрички број, информираат од МВР на Србија. Во потрагата учествуваа повеќе од 600 полицајци, припадници на Управата за криминалистичка полиција, Специјална антитерористичка единица, Жандармерија, Полициска бригада, Единица за обезбедување, Сообраќајна полиција, Служба за специјални истражни методи, Единица за интервенција 92, Единица хеликоптер, Сектор за аналитика, телекомуникации и информации технологија, како и регионалните полициски администрации во Белград, Смедерево и Крагуевац. Понатамошната работа на полицијата и обвинителството е во тек.

Две повредени деца од училиштето се уште критични, повеќе тешко ранети во Младеновац

Ивона Петрова — Fri, 05 May 2023 13:10:59 +0000

Српската министерка за здравство Даница Грујичиќ ја соопшти состојбата на повредените во пукањето во ОУ „Владислав Рибникар“ во Врачар и Младеновац, при што потенцираше дека неколку пациенти се во критична состојба, јави дописникот на МИА од Белград. Што се однесува до ранетите во училиштето, двете момчиња кои се лекуваа во Тиршова денеска се пуштени дома, но девојчето со повреди на главата се уште е критично. Три деца и наставничката се уште се во Ургентниот центар, момчето и девојчето, како и наставничката се добро, додека другото момче е многу сериозно и има тешки оштетувања на 'рбетниот мозок. Кога станува збор за ранетите во пукањето во Младеновац, сите повреди се предизвикани од огнено оружје, а 13 повредени се хоспитализирани. Како што рече Грујичиќ, М.М. има површна рана на градниот кош, но нема повреди на внатрешните органи на абдоменот, стабилен е и опериран. -Девојчето Н.Н.(2006) има прострелна рана во главата и мочниот меур, оперирано е, изваден е хематом од десната страна на челото, а пред операцијата не можела да гледа во левото око каде се забил куршум и ја чека уште една интервенција. М.А. е најтешко повредена, има две прострелни рани, извадени се бубрегот, дуоденумот и дел од дебелото црево, повредите на екстремитетите се третирани површно, а доколку се стабилизира, следува ортопедска интервенција, рече министерката. И.И. околу 20 години, има повреда на ногата, на операција е и во состојба на хеморагичен шок, анестезиолозите ја надоместиле изгубената крв, решена е фрактура на десната бутна коска, подлактица и надколеница, му се вршат ортопедски интервенции. -В.Н.(2003) десната горна нога и препоните се без оштетување на крвните садови, по стабилизирање на состојбата ја чекаат дополнителни ортопедски интервенции. С.Ј.(1972) има повреда на градниот кош, извршена е операција, стабилна е, има фрактура на прв лумбален пршлен и засега нема знаци на поместување на нозете, може да биде минливо. Острелна рана на долниот дел на карлицата на М.П.(1969) е оперирана и тој е на интензивна нега, оперирана и П.М. со повреда на глутеалната регија, рече Грујичиќ. Во болницата „Драгиша Мишовиќ“ има двајца пациенти, М.П. (1997) со отсранет бубрег, има повреди на крвните садови, операцијата е завршена и И.М. (2003) со деструкција на коската на десната бутина, без знаци на оштетување на нервите и крвните садови, стабилна е. Во болницата во Смедерево имало тројца пациенти, од кои еден (Р.Ј., роден 2002 година) поради компликации на повреди на градниот кош бил префрлен во Ургентниот центар и е префрлен во стабилна состојба.

Млади животи згаснаа поради монструмот Урош: Ова се жртвите на крвавиот пир во Младеновац

Ивана Ефремовски — Fri, 05 May 2023 08:49:46 +0000

Полицаецот М.П. и неговата сестра К.П. загинале на лице место во крвавиот пир што се случил вчера во селата Дубона и Мало Орашје. Ги убил Урош Блажиќ (21) кој пукал во нив со автоматска пушка. Д.Т., И.И. и В.К. биле застрелани во училишниот двор, а преживеал само В.К. Седеле во училишниот двор кога избило пукањето. -Слушнав три-четири истрели и видов како некој пука од калашников… Сите беа околу клупата. Овде три години нема ниту убиство, ниту самоубиство, што е ова сега, што се случи со него, навистина не знам, велат мештаните. -Како што дознавме, на повредената девојка Н.В. ѝ е ампутирана рака, објави Телеграф.рс. Да потсетиме, Урош Блажиќ доцна синоќа уби 8 и рани 14 лица. Уапсен беше утрово.

НОВИ ИНФОРМАЦИИ: Осуммина убиени и 13 ранети во оружениот напад во Дубона кај Младеновац

Ивана Ефремовски — Fri, 05 May 2023 06:20:35 +0000

Синоќа пред полноќ во селото Дубона кај Младеновац, 21-годишниот У.Б. уби осум, и повреди 13 луѓе, јави Бета. Нападот почнал во селото Дубона, кога младиот човек почнал да пука од автомобил во движење со автоматска пушка, а потоа пукал и во селата Мало Орашје и Шепшин. Повеќе од 600 припадници на МВР беа вклучени во потерата која беше успешна. Убиецот е приведен.. Ранетите се пренесени во Ургентниот центар на Клиничкиот центар во Белград, Клиничкиот болнички центар „Драгиша Мишовиќ“ и Општата болница „Свети Лука“ во Смедерево. Двајца од оперираните во КБЦ „Драгиша Мишовиќ“ се во животна опасност, осуммина од Ургентниот центар во Белград се стабилни, додека четворица починаа во Смедерево, две лица се пренесени во Белград, а три се оперирани. Вооружениот напад во Дубона е второ масовно злосторство во изминатите три дена во Србија. Во средата, на 3 мај, во утринските часови, тринаесетгодишен ученик од белградското основно училиште „Владислав Рибникар“ со пиштол уби осум ученици и еден чувар, а рани седуммина. (МИА)