млади лекари – Kurir.mk

Mладите лекари извисени: Филипче најави, но конкурсот за специјализации никаде го нема

Тале Кристо — Fri, 05 Feb 2021 12:30:04 +0000

Министерот за здравство Венко Филипче ги извиси и младите лекари. Година дена чекаат министерството да пушти конкурс за специјализации со цел да до продолжат нивното школување и доусовршување. Како за вакцините против Ковид-19, така и за специјализациите има само најава. Двата конкурса за младите специјализанти требаше да се објават на 15 март и 15 септември минатата година, но досега ниту еден не е отворен. Ресорниот министер, Венко Филипче во ноември 2020 година вети дека до крајот на годината програмата ќе биде изготвена, по што ќе биде објавен конкурс. Но, ова не се случи, а тој истото ветување го даде и за јануари 2021 година. Но, еве и јануари помина, а конкурсите никаде ги нема. На почетокот на јануари, министерот рече дека ги изготвиле програмите со податоци од сите Јавно здравствените установи, кој бил процес кој што им одземал повеќе време, додавајќи дека сеуште се координираат со Деканот. Но, Филипче повторно не даде конкретен датум околу тоа кога ќе почнат со специјализација младите лекари кои чекаат уште од март минатата година. -Сѐ уште се координираме со Деканатот. Имавме повеќе состаноци и програмата е при крај. Целта е да не се избрза и програмата да одговара на потребите, а тоа бара детални податоци од сите ЈЗУ. Затоа зема повеќе време, истакна Венко Филипче. Во време на пандемија со корона вирусот, кога на државата и те како им се потребни и неопходни лекари, па макар тие биле и специјализанти, македонските млади лекари губат непроценливо, неповратно време и чекаат дома да се објават конкурсите. Од Асоцијацијата на специјализанти и млади лекари бараат што поскоро да се објави конкурс и да почне постапката за специјализација на младите лекари. Но, ова не е единствениот проблем со кој се соочуваат лекарите во Македонија. Имено, македонската јавност беше сведок како во периодот на пандемијата, младите специјализанти беа ангажирани во ковид центрите низ државата, а при тоа немаа здравствено осигурување.

Младите лекари до Филипче: Не експлоатирате!

Тале Кристо — Thu, 19 Nov 2020 09:58:34 +0000

КОВИД-19 во Македонија додека го урнисува македонското здравство, министерот за здравство Венко Филипче и покрај ветувањата дека ќе го реши статусот на специјализантите се уште тапка во место. Приватните специјализанти не се вработени, а единствено им е обезбедена сума на средства, во вид на месечен надоместок, а не се ниту здравствено осигурани. „Како лекар и како министер најмалку што можете е да се изборите да имаат здравствено и социјално осигурување, плата и додатоци за дежурство. Се друго е само експлоатација и жртвување на младите колеги. Доста е веќе е бесплатна и ризична работа!!“, им порача вчера Асоцијација на специјализанти и млади лекари – АСМЛ преку статус на социјалните мрежи. Вчера министерот за здравство, Венко Филипче се сретна со младите лекари кои се на приватна специјализација на клиниките за нефрологија, гастроентерохепатологија, дерматовенерологија, неврологија, Клиниката за уво нос и грло и Кожната клиника кои сакаа доброволно да се приклучат во работата во КОВИД центрите на овие клиники. Станува збор за триесетина млади лекари чија помош ќе биде добредојдена на инфективните одделенија. Иако младите лекари по своја желба се приклучија да помагаат, сепак министерот за здравство не го исполни своето ветување од пред неколку недели кога вети дека ќе се среди статусот на младите специјализанти и ќе се вработат. „За приватните специјализанти кои не се вработени е обезбедена сума на средства, во вид на месечен надоместок. Тие не се здравствено осигурани, затоа што не се вработени. Го започнавме процесот, уште претходно пред кризата за нивно вработување во институциите каде што треба. Меѓутоа сега во овој момент имавме таков предизвик кој излезе на површина и разговаравме со претседателката на Комората и тоа што ќе го направиме со брза законска измена“, рече министерот за здравство Венко Филипче и додаде дека верува дека ќе успеат во тоа. Изјавата на министерот за здравство остана во заборав, а процесот на вработување на млади специјализанти тапка во место и покрај писмото кое го испратија ЗЛС – Здруженија на Лекари специјализанти каде што му порачаа дека имал доволно време да ги разреши сите проблеми и да се направи идеална организација на кадарот за борба со КОВИД-19. Специјализантите јавно го прашаа министерот, дали и понатаму вака ќе се грижи за доктори, за нивното здравје и добросостојбата на нивните семејства.

АСМЛ до Филипче: Осигурување и плата, се друго е експлоатација и жртвување на младите лекари

Ивона Петрова — Wed, 18 Nov 2020 11:00:20 +0000

Аосцијацијата на специјализанти и млади лекари реагира по објавата од Министерството за здравство дека министерот Венко Филипче е во преговори со претставници на млади лекари за ангажман. -Како лекар и како министер најмалку што можете е да се изборите да имаат здравствено и социјално осигурување, плата и додатоци за дежурство. Се друго е само експлоатација и жртвување на младите колеги. Доста е веќе е бесплатна и ризична работа, велат од АСМЛ. Од Министерството денеска соопштија дека министерот утрово се сретнал со триесетина млади лекари кои се на приватна специјализација на клиниките за нефрологија, гастроентерохепатологија, дерматовенерологија, неврологија, Клиниката за уво нос и грло и Кожната клиника кои сакаат доброволно да се приклучат во работата во ковид центрите на овие клиники. -Како министер за здравство и како лекар ценам што покажавте желба и спремност да се влучите во работата во ковид центрите сега кога за тоа има голема потреба. Во тешки времиња се покажуваат желбата и спремноста на луѓето и тоа е за почит – рече министерот Филипче. Во тек на денот ќе се направи распоред за ротација на сите млади лекари и ќе бидат вклучени во работата во ковид центрите. Министерот потоа оствари средба и со претставници на млади лиценцирани лекари со кои исто разговараше за нивен ангажман во здравствените установи низ цела држава. До крајот на неделата треба да се допрецизираат условите на оваа група лекари за нивно приклучување во работата во ковид одделенијата и болниците низ државата.

Филипче ги излажа и ги остави на цедило младите лекари

Катерина Бојаџиева — Tue, 03 Mar 2020 10:02:59 +0000

Нема финансии за младите лекари кои што се обврзани да ја поминат праксата од 6 месеци за да можат да конкурираат за специјализација. -Пари за џипови има директорот на Здравствен дом има, но за младите надежни лекари нема...Ова ли е стратегијата на Филипче и Исјановски? Вака ли ќе не мотивираат и задржат во државава, коментираат револтирано младите лекари. Имено, утринава откако веќе потпишаа валидни договори со Здравствен дом Скопје, директорот Виктор Исјановски ги повикал на состанок и им ги земал договорите. Како што сведочат „дрско им се обратил, нема финансии за вас“. Младите лекари велат „сега сме оставени на милост и немилост на системот и владеењето на Филипче и Исјановски“.

АСМЛ во целост ги поддржува колегите во нивното барање за отпочнување на ветената 6-месечна платена пракса

Ивана Ефремовски — Thu, 06 Feb 2020 19:21:11 +0000

Асоцијација на специјализанти и млади лекари-АСМЛ во целост ги поддржува колегите во нивното барање за отпочнување на ветената 6-месечна платена пракса. „Млади лекари со лиценца за работа, веќе скоро втор месец чекаат на отпочнување на шест месечната платена пракса. Истата е предвидена со закон и е услов за запишување на специјализација. Колегите ги имаат уредно доставени сите потребно документи, а официјален став за отпочнување на истата нема! Овој допис е поддржан од 60+ млади лекари кои се директно засегнати од проблемот, и уште многу кои ќе бидат засегнати во наредните месеци. Овие млади лекари моментално се без работа и заблуда за својата професионална иднина. Тие се сериозна бројка на млади лекари кои вeќе размислуваат за иселување од државата! Дополнителен проблем е правната дилема дали овие млади лекари ќе можат да потпишуваат договори после 12-ти Февруари? Итно очекуваме официјален став од МЗ и временска рамка за отпочнување“- се наведува во нивното соопштение.