млади луѓе – Kurir.mk

Во Германија никогаш немало помалку млади луѓе на возраст од 15 до 24 години

Катерина Бојаџиева — Tue, 26 Jul 2022 16:23:57 +0000

Младите на возраст меѓу 15 и 24 години сочинуваа само десет проценти од населението во Германија на крајот на минатата година, најмалку во последните седум децении. Од 1950 година, кога почнало да се води евиденција, најголем процент на млади на возраст од 15 до 24 години имало во 1983 година, кога тие сочинувале 16,7 отсто од населението, пишува денеска Дојче веле. Бројот на млади луѓе оттогаш постојано се намалува, со исклучок на 2015 година, покажуваат податоците на Федералниот завод за статистика во Визбаден. Денес, меѓу германските покраини има доста големи разлики во однос на бројот на млади луѓе на возраст од 15 до 24 години. Најбројни се во Бремен, 11 отсто, а најмалку се во Бранденбург, осум отсто. Во источногерманските покраини Саксонија-Анхалт и Мекленбург-Западна Померанија нивното учество од 8,3 отсто е значително под просекот, додека покраините Баден-Виртемберг, Северна Рајна-Вестфалија и Долна Саксонија сè уште се над просекот со по 10,6 отсто. Неодамна објавената студија за главните преокупации на младите во Германија покажува дека нивните животи се обележани со кризи. Анкетираните млади луѓе како нивни најголеми грижи ги навеле војната во Украина (68 проценти), климатските промени (55 проценти), инфлацијата (46 проценти) и поделбите во општеството (40 проценти). Студијата, исто така, укажа на катастрофалното влијание на антипандемиските мерки врз нивното ментално здравје, а трите работи што најмногу ги мачат младите Германци се стресот (45 проценти), безволноста (35 проценти) и исцрпеноста (32 проценти). Дури 27 отсто од младите Германци зборуваат за депресија, 13 отсто имаат чувство на беспомошност, додека седум отсто од испитаниците изјавиле дека размислувале за самоубиство.

„МЛАДИТЕ И НИВНИТЕ ПЕРСПЕКТИВИ ВО ОПШТИНИТЕ“ – следете дискусија на ВМРО-ДПМНЕ

Ивана Ефремовски — Sun, 13 Feb 2022 13:42:03 +0000

Во насока на транспарентноста и отвореноста кон граѓаните ВМРО-ДПМНЕ денес ќе одржи целодневен настан во објектот на Македонската Филхармонија кој ќе финишира со отчет за првите 100 дена од управувањето на општините од страна на градоначалниците на ВМРО-ДПМНЕ. Слоганот под кој ќе се одржи настанот е “ПРОМЕНИ ШТО НОСАТ ИДНИНА”-100 дена градоначалници на ВМРО-ДПМНЕ. На настанот ќе биде презентирано она што е сработено во изминатиот период од 100 дена. Свое обраќање на настанот во 17:00 часот ќе има претседателот на ВМРО-ДПМНЕ, Христијан Мицкоски. Во 14:30 часот во малата сала на Македонска Филхармонија ќе има дискусија на тема: МЛАДИТЕ И НИВНИТЕ ПЕРСПЕКТИВА ВО ОПШТИНИТЕ. Учесници: Иванка Василевска, Сергеј Попов, Невена Величковска, Стефан Андоновски. Модератор: Димче Арсовски. Овој настан можете да го следите во живо на Фејсбук страницата на ВМРО-ДПМНЕ.

Четвртина од невработените се млади, Заев ги заборави, а викаше и ќе ги враќа иселените

Магдалена Андонова — Sat, 09 Jan 2021 15:51:53 +0000

Условите во земјава од ден на ден се полоши. Иако власта предводена од СДСМ и Зоран Заев пред да дојдат на власт ветуваа квалитетен живот за сите граѓани, сепак не се покажа дека е така. Младите постојано се жалат дека се целосно заборавени од надлежните. Тоа го потврди и истражувањето на МОФ каде стапката на младинската невработеност и понатаму е голема односно околу една четвртина од луѓето без работа се млади и дополнително многу е повисок процентот на млади луѓе кои бараат работа споредбено со сите други возрасни категории.Во истото истражување се вели дека многу млади луѓе сметаат дека главна пречка за доаѓање до работно место е партизација. -Пред само две години дипломирав на економскиот факултет при универзитетот „Св.Кирил и Методиј“ во Скопје и сеуште сум без работа. Аплицирав на речиси сите огласи кои излегуваа за вработување по сите установи. На ниту едно од нив не бев повикана. По неколку апликации сватив дека морам да сум партиски активна и само така може да се дојде до работно место, ни раскажа 21 годишно девојче. За оваа проблематика објави и Радио Слободна Европа односно дека до работа во државата според дипломирани студенти најлесно е да се дојде со партиска книшка. -Мислам дека најголем фактор при вработување е непотизмот и недостиг на критериуми во одлучување кој ќе ги добие тие позиции. Ова се работи со кој се немав соочено директно, но слушам од сите мои другари кои се соочуваат со слична демотивација секогаш кога се обидуваат да најдат работа", раскажал дипломираниот студент од Скопје кој е без работа за Радио Слободна Европа.

Силјановска: Да создадеме услови младите да имаат влијание и да бидат признаени и препознаени во општеството

Тале Кристо — Wed, 01 Jul 2020 11:09:24 +0000

Постојниот систем не ги охрабрува ниту вреднува младите луѓе ниту им обезбедува доволно можности за партиципација во одлучувањето, вели универзитетската професорка Гордана Силјановска Давкова, носител на листата на ВМРО-ДПМНЕ во ИЕ1. Младите луѓе се гладни за промена, за современ европски живот, дел од нив дури се и активни во нивната борба “making a difference” и тоа не треба да го карактеризираме како “political” туку како крик на младиот човек, без разлика дали припаѓа на партија или е неопределен партиски. Младите луѓе, младите претприемачи, се залагаат да одговорат на областа која ја подразбира потребата на општеството, отколку да се зависни од политичка партија или да чекаат само од владата интервенции. Време е да го почитуваме младиот човек, и тоа, според неговите залагања и вредности, да го поттикнеме неговиот пркос и критички ум, да им овозможиме систем каде сето ова ќе можат да го реализираат самите. Јас се залагам и ќе се борам за создавање услови, младите луѓе самите да можат да се реализираат и изразат автентично, при тоа да бидат квалитативно вреднувани. Да создадеме услови младите да имаат влијание и да бидат признаени и препознаени во општеството.

Коронавирусот напаѓа се помлади луѓе

Дарко Андоновски — Sat, 04 Apr 2020 09:44:43 +0000

Многу повеќе помлади луѓе имаат потешка форма или умираат од новиот коронавирус, предупреди Светската здравствена организација. Експертите на СЗО се обидуваат да откријат зошто се повеќе здрави пациенти, кои претходно немале никакво хронично заболување, се наоѓаат во одделите за интензивна нега со тешки форми на заразата. – Се уште има многу непознати во моментот. Општо, повеќето од пациентите, кои имаат тешка форма на Ковид-19 и се примени на интензивна нега, се повозрасни лица и обично имаат една или повеќе хронични болести. Сепак, она што се забележува во некои земји е дека пациентите на 30, 40 и 50 годишна возраст многу често завршуваат во оддел за интензивна нега, а случаите се повеќе завршуваат со смрт, изјави експертот на СЗО, доктор Марија Ван Керхове на прес-конференција во Женева.. Изјавата на експертите од СЗО доаѓа во момент кога 13-годишно момче без никакви претходни здравствени проблеми, почина во понеделникот од Ковид-19 во лондонска болница. Во Кореја еден од шест смртни случаи како последица од новиот коронавирус, се меѓу луѓе на возраст под 60 години, покажуваат статистичките податоци на СЗО. Во Италија околу 10 до 15 отсто од луѓето, кои починале по интензивно лекувае в болница, биле на возраст под 50 години. Минатата недела во Велика Британија почина 21-годишна девојка заразена со коронавирусот, без да има претходно какви било здравствени проблеми.

Мицкоски за младите: 0 персонален данок за млади до 29 години, раст на БДП најмалку 4% годишно

Ивана Ефремовски — Sat, 08 Feb 2020 13:10:43 +0000

Лидерот на ВМРО-ДПМНЕ, Христијан Мицкоски денес одржа прес-конференција на која објави пакет мерки за граѓаните и бизнисот. Се обврза да работи за младите да имаат подобри услови за живот, а даде и ветувања кои се однесуваат на нив. -Повеќе работни места, повеќе среќни лица, повеќе работа за младите, повеќе работа за способните, повеќе работа за стручните. Под 10 проценти невработеност за помала сиромаштија и решавање на проблемите. Се обврзуваме за обнова која ќе донесе повеќе работа за младите, 0% персонален данок за млади до 29 години. Ова ќе значи ослободување од персонален данок за вработување на млади до 29 години кој имаат годишен нето приход до 6.5 илјади евра, рече тој. Мицкоски истакна дека негова цел е младите да имаат шанса тука да ја градат иднината. -Дополнително, преку градење на модерна иновациска инфраструктура која подразбира отворање на иновациски центри, бизнис инкубатори и акцелератори, научни и технолошки паркови ќе им овозможиме на младите и креативните луѓе целосна поддршка во реализација на нивните бизнис идеи. Ние сме силно убедени дека Македонија има млади талентирани луѓе кои имаат силни претприемачки и иновативни идеи и затоа ќе работиме на создавање најповолни услови за искористување на нивниот потенцијал, истакна тој.

Полска ги укина даноците за младите луѓе

Ивона Петрова — Tue, 06 Aug 2019 07:12:18 +0000

Полска ги укина даноците за младите работни луѓе во обид да се запре заминувањето на младите од земјата. Според новите правила, ниту еден работник до својата 26-та година нема да плаќа данок на доход. Олеснувањето се однесува само на работниците, не и на претприемачи и работодаватели. Законот стапи во сила на 1 август и може потенцијално да влијае на два милиони луѓе во земјата со 38 милиони население. Властите велат дека укинувањето на данокот ќе ги охрабри младите луѓе да се приклучат на пазарот на трудот, кој постојано бележи недостиг на луѓе. – Не очекувам да се збогатам од оваа мерка, вели 23-годишниот Јан Пиотрски. – Очекувам мојата плата да биде повисока за 100 до 200 злоти (23-46 евра) месечно. Во Полска, нема точна статистика за тоа колку пари заработуваат младите до 26-годишна возраст. Просечната плата за сите работници е 3700 злоти (860 евра).

Милијарда млади луѓе во опасност да го загубат слухот поради гласна музика

Ивана Ефремовски — Tue, 11 Dec 2018 17:06:52 +0000

Адолесцентите сакаат да слушаат гласна, па дури и прегласна музика и поради тоа околу една милијарда млади луѓе се во опасност да го загубат слухот, предупреди Светската здравствена организација. СЗО истакнува дека речиси половина од младите помеѓу 12 и 35 години секојдневно слушаат музика на мобилните телефони, додека околу 40 отсто од тинејџерите се изложени на премногу бучна музика во клубовите и кафулињата. Мобилниот телефон оптимално овозможува јачина помеѓу 75 и 136 децибели, а истражувањата покажуваат дека младите ги слушаат омилените песни на јачина од 75 до 105 децибели. Во ноќните клубови нивото на бучава е од 104 до 112 децибели. -Се обидуваме да ја подигнеме свеста на младите во врска со прашањето за кое не се зборува многу и чии последици се многу штетни. Мораме да им укажеме на возрасните да ги одвратат тинејџерите од слушање гласна музика, истакна директорот на СЗО за превенција на повреди, д-р Ејтен Круг. (МИА)