СДСМ ги излажа младите – ветија многу, не реализираа ништо, од понеделник ќе остават илјадници ученици без книги

Курир — Sat, 01 Sep 2018 12:11:56 +0000

Прес-конферанција на Лика Кржалоски- претседател на УМС на ВМРО-ДПМНЕ СДСМ ги разочара младите. Повеќе од една година како СДСМ е на власт, а разочарувањата ги надминуваат дури и ветувањата. Образованието е сегмент кој најмногу настрада од неодговорната политика. Иако бевме сведоци на многу најави за инвестиции, реформи и подобри услови, нема ништо од нивна реализација. Од понеделник стартува учебната година, а илјадници основци и средношколци ќе ја почнат годината без учебници. Како што известија медиумите учебници ќе нема за поголем број на предмети низ целата држава. Ова е резултат на неодговорноста на власта. СДСМ имаше доволно време да обезбеди учебници, но не го направи тоа. СДСМ не направија ништо, дури ни она што го ветуваа како приоритети. Едно од најголемите ветувања на СДСМ беше дека ќе започне со изградба на нови средни училишта во Тетово, Аеродром, Арачиново и Ново Село и тоа уште во првите 6 месеци откако ќе дојдат на власт. Денес, после повеќе од една година, нема ништо од најавеното. Проектите не се ни на повидок. СДСМ вети дека ќе го реализира предлогот кој дојде токму од УМС во предизбoрната кампања - „Математичка гимназија“. Сепак, во општина Аеродром локацијата се уште е празна ливада. Проектот воопшто не е ни почнат. СДСМ вети и дека ќе изврши намалување на бројот на ученици во основното и средното образование во паралелки од 25 ученици. Но единствено на што работи е забрзување на трендот на иселување наместо реогранизација на наставата. Најголемите ветувања на СДСМ беа насочени кон студентите. Ветуваа изградба на студентски град и тоа во првите 6 месеци од преземањето на функцијата и подобар студентски стандард, погодности за студентите и младите невработени. После повеќе од 14 месеци власт, овие проекти останаа на хартија а студентите се измамени. СДСМ лажеше и манипулираше. За повеќе од една година покажаа дека немаат намера да направат нешто за младите. Почитувани, Образованието на една земја е нејзината иднина и затоа мора постојано да се вложува за младите да учат во услови кои им доликуваат. СДСМ ниту има капацитет, ниту знае што да направи. Затоа и мора да си замине. ВМРО - ДПМНЕ во новата програма планира пристапи кои ќе ги поттикнат најдобрите студенти, ќе направат мост помеѓу образованието и бизнис заедницата, ќе ги подобри состојбите во образованието и ќе понуди остварливи цели за нормализирање на животот на младите, тука, во Македонија. Нас младите ни се во фокусот, а решенијата реални и остварливи!

Македонија е на европското дно според можност за напредoк на младите

Курир — Fri, 08 Jun 2018 11:32:49 +0000

Македонија е на европското дно според можност за напредoк на младите. За жал, оваа информација не е ниту лоша прогноза, ниту политичка измислица на ВМРО-ДПМНЕ. Според истражувањето на Европскиот младински форум, достапно на нивната веб страница, можностите за напредок на младите во Македонија се рангирани на очајното 49-то место и со тоа на дното на Европа. Пред Македонија се рангирани сите земји од соседството вклучувајќи ги Албанија, Црна Гора, Србија и Бугарија, но и Еквадор, Грузија и Ерменија. Според овој извештај, Македонија најслабо е оценета за квалитетот на амбиентален воздух, има БДП ранк од 76 од 154 земји, намалени политички права и недоверба на младите во полицијата, како и младинска невработеност и млади надвор од образовниот процес, изјави денеска на прес-конференција Стефан Андоновски од ВМРО-ДПМНЕ. -Трагичните статистики покажуваат дека од Македонија се иселуваат високообразовани млади лица, во текот или по завршувањето на високото образование. Најбројни од оваа категорија се лекарите, инжинерите, информатичарите, уметниците. Затоа ги прашуваме Владата и институциите зошто младите се иселуваат доколку дојде животот во Македонија? Кој ги лажеше младите со празните флоскули, младинска гаранција, права на младите, слободи и човекови права?, праша Андоновски. Со последните информации од Државниот завод за статистика за слаб раст на бруто домашниот производ од 0,1%, падот во градежништвото и капиталните инвестиции, како и најавата за зголемување на даноците, очекувањата на младите се се понегативни. -Сепак ВМРО-ДПМНЕ ги повикува младите да не се обесхрабруваат, затоа што доаѓаат подобри времиња. Ние изработуваме програма која потекнува од потребите на младите луѓе. Оваа програма нуди решенија, а не празни политички флоскули. За зголемување на инвестициите и отворање на нови работни места, предвидуваме дополнителни даночни олеснувања за сите компании кои ќе вложат во својот развој. За спречување на одливот на млади и образовани кадри од нашата држава, ние секоја учебна година ќе дадеме директна понуда за вработување на 500 студенти. Наместо омаловажување на образовниот кадар, ние во текот на нашиот мандат ќе инвестираме во образована иднина и ќе обезбедиме покачување на примањата на просветните работници за 50%. Ние нудиме перспектива на младите да останат да работат и да успеат во Република Македонија. За нас секој млад човек е важен, заклучи Андоновски.

младите – Kurir.mk

СДСМ ги излажа младите – ветија многу, не реализираа ништо, од понеделник ќе остават илјадници ученици без книги

Македонија е на европското дно според можност за напредoк на младите