младо момче – Kurir.mk

ТРАГЕДИЈА ЈА СТРЕСЕ МАКЕДОНИЈА: Почина 22 годишник од струен удар

Магдалена Андонова — Thu, 01 Sep 2022 13:51:33 +0000

Тетовската полиција информира дека кај нив е пријавен смртен случај на 22 годишник од Боговиње, кој животот го загубил поради повреди здобиени од струен удар. Трагичниот настан се случил во соседното Камењане, каде 22 годишниот работел како градежен работник. – Денеска (1 септември) во 12 часот и 20 минути во СВР Тетово пријавено е дека во тетовската Клиничка болница бил донесен 22-годишниот Е.И. од тетовско Боговиње кој претходно, според првично пријавеното, задобил тешки телесни повреди од струен удар додека бил ангажиран на изведување на градежни работи (фасадирање) на училишен објект во тетовско Камењане.По извршениот преглед, лекарите констатирале негова смрт. По наредба на Јавниот обвинител ќе се врши обдукција на бeзживотното тело на Е.И.Се преземаат мерки за расчистување на случајот, информира Марјан Јосифоски, портпарол на СВР Тетово. Увидот е во тек со учество на Јавен обвинител и екипа од Секторот за внатрешни работи Тетово. (МИА)

Силен земјотрес во Еквадор, загина тинејџер

Магдалена Андонова — Fri, 15 Jul 2022 07:35:08 +0000

Во земјотрес со јачина од 5,7 степени според Рихтеровата скала во близина на брегот на Еквадор, едно лице загина, тинејџер кој настрадал од струен удар од паднат далновод, соопштија властите, а пренесува АП. Градоначалникот на кантонот Симон Боливар, во крајбрежната провинција Гуајас, рече дека 16-годишното момче загинало кога паднал кабел со висок напон додека младиот човек се занимавал со „спортска активност“, но не наведе повеќе детали. Американскиот геолошки институт соопшти дека земјотресот бил на длабочина од околу 80 километри, со епицентар на речиси 20 километри североисточно од пристаништето Гвајакил. Геофизичкиот институт на Еквадор соопшти дека тресењето се почувствувало во поголемиот дел од земјата, иако било „послабо“ во планинскиот регион.

ТРАГЕДИЈА ВО МАКЕДОНИЈА: Почина 24-годишно момче од коронавирус – се заразил на сопствената свадба ?!

Магдалена Андонова — Fri, 27 Aug 2021 15:57:54 +0000

Во денешниот билтен на починати од коронавирус во Битола запишано е и 24-годишно момче од Ресен, кое на 25 август било донесено во битолскиот ковид центар во многу тешка состојба, објави порталот ММС. Директорката на Клиничката болница Битола за порталот ја потврдила веста. - Беше во многу тешка состојба со ниска сатурација и масивна бронхопневмонија. Поставен веднаш на перманентна максимална кислородна поддршка и соодветна терапија. Земениот брис покажа дека е позитивен. И покрај сите интензивни обиди за реанимација, пациентот утрово почина, истакнала д-р Билјана Гагачовска. Според извори на порталот, момчето неодамна правело свадба и неговите блиски претпоставуваат дека најверојатно бил заразен од некој од гостите кои биле присутни.

ПОЧИНА 21. ГОДИШНИК ОД КОРОНАВИРУС – вкупно шест починати во Тетово

Магдалена Андонова — Wed, 25 Aug 2021 10:12:19 +0000

Во последните 24 часа во тетовската болница починале шест пациенти како последица на коронавирусот. 21-годишеник е најмладиот меѓу шестте починати во тетовската болница. Како што вели координатор во КОВИД центарот, Гзим Нуредини, од седум часот вчера до седум часот утрово, на болничко лекување се примени вкупно 17 лица, а деветмина се отпуштени од болничко лекување. - Имаме починати шест лица од кои најмладиот е на 21 година. Бројот на вкупно хоспитализирани е 123 лица од кои една доза вакцина имаат само осум лица, а две дози само седум луѓе, информира Нуредини. За преглед или контрола во амбулантата на Ковид центарот помош за 24 часа побарале 188 луѓе.

Се заљубил во докторката која го вакцинирала, па започнал да ја бара насекаде – откако ја пронашол следувало вистинска драма (ВИДЕО)

Дарко Андоновски — Tue, 17 Aug 2021 08:07:46 +0000

Едно младо момче отишло пред неколку дена да ја прими првата доза од вакцината против корона, но се чини дека убавата докторка му вбризгала љубов. Имено, по враќањето дома, сфатил дека не може да престане да размислува за неа, и додека го снимил целиот процес, одлучил да започне голема потрага преку Тикток за некако повторно да стапи во контакт со неа. Неговото видео собра преку 7,5 милиони прегледи, и стигна до девојката. Таа му одговори на ист начин, со видео на нејзиниот канал и му посака повеќе среќа во љубовта во иднина. – Се надевам дека ќе ја пронајдеш љубовта на својот живот кога ќе дојдеш за втората доза. Јас мојата веќе ја најдов, му одговори Даниела, која гордо го истакна својот сакан во видеото. Интересно, таквиот исход растажи многу корисници на „Тикток“, а еден од нив ја праша Даниела колку лајкови се потребни за да раскине со своето момче и да му даде шанса на храбриот млад човек, додека други дури и ја нападнаа. – Еј, твојата работа беше да го вакцинираш, а не да му го скршиш срцето. Подобро не ни одговарај, се вели во еден коментар.

@danidenoriega ##dúo con @floba_xd Espero encuentres al amor de tu vida en tu segunda dosis jajaja yo ya tengo al mío 🥺💓##vacunacovid19 ##vacunate ##medstudent ♬ Never Forget You - Noisettes

ДЕВОЈКИТЕ ВО СВЕТОТ ВО БОЛКА: Младиот актер кој важеше за вистински убавец пронајден мртов имаше само 23 години (ФОТО)

Дарко Андоновски — Wed, 07 Jul 2021 07:58:08 +0000

Актерот Даниел Микелсон, 23 годишниот актер ненајдено почина на 4.јули, а од него фановите се простуваат. Прераната смрт ги изненади неговите обожаватели како и бројните колеги кои по пат на социјалните мрежи изразија сочуство и поддршка на неговото семејство.

View this post on Instagram

A post shared by Daniel Mickelson (@danielmickelson)

Сестрата на актерот Мердит Микелсон напиша емотивна вест за својот брат.

View this post on Instagram

A post shared by Daniel Mickelson (@danielmickelson)

– Моето срце е скршено и така ми е тешко што ова го пишувам да не знам воопшто што да кажам. Вчера го изгубив брат ми, мојот најдобар пријател другата половина од своето срце, напишала сестрата на актерот.

View this post on Instagram

A post shared by MEREDITH MICKELSON (@meredithmickelson)

View this post on Instagram

A post shared by Maddie Haley (@maddiehaley)

Исчезна младо момче – доколку некој го видел веднаш да го контактира семејството! (ФОТО)

Дарко Андоновски — Sat, 26 Jun 2021 19:25:51 +0000

Младото момче Предраг Стевковски е пријавено за исчезнато. Преку статус на Фејсбук момчето го бараат и неговите роднини. -Ова е внук ми Предраг Стевковски, вчера пред пладне излегол од дома и не се вратил повеќе ако имате било каква информација ве молам исконтактирајте не или на Фејсбук или на еден од броевите 070232277 или на 071329258, стои во постот на Фејсбук.

ТРАГЕДИЈА ВО МАКЕДОНИЈА: Младо момче се удави во базен, еве ги деталите

Дарко Андоновски — Thu, 15 Oct 2020 13:44:38 +0000

Вчера во 15.23 часот во СВР Штип, Д.П.(38) од Виница, пријавил дека во базен од куќа сопственост на Р.Б. на ул.„Маршал Тито“ во Виница го пронашол удавен П.З.(28) од Виница. Од страна на екипа на Територијалната противпожарна единица Виница телото било извадено, а смрт констатирал доктор од Итната медицинска помош Виница, при што не биле констатирани траги на насилство. Телото на починатиот било предадено на семејството.

ТРАГЕДИЈА ВО МАКЕДОНИЈА: Короната продолжува да зема млади животи, почина 22 годишно момче

Дарко Андоновски — Mon, 21 Sep 2020 12:44:41 +0000

Велешкиот градоначалник, Аце Коцевски денеска соопшти дека на Инфективната клиника во Скопје како последица на Ковид 19 починало 22-годишно момче од Свети Николе. Според неговата информација, момчето најпрво се лекувало на Инфективното одделение од болницата во Велес, но поради компликации, минатата недела било итно пренесено во Скопје. Коцевски апелираше до сите жители на општина Велес да ги почитуваат мерките за заштита затоа што последните десетина дена бројките покажуваат зголемување во тој реон.

Изгубил контрола над мотоциклот и завршил во ендек- 26 годишно момче итно пренесено во болница

Дарко Андоновски — Sat, 25 Jul 2020 08:28:37 +0000

На 24.07.2020 во 19.05 часот на магистралниот пат Ќафасан-Струга, М.М.(26) од с.Франгово, струшко, управувајќи мотоцикл „Сузуки“ со швајцарска национална ознака, изгубил контрола, излетал од коловозот и удрил во дрва покрај патот. Во незгодата, возачот М.М. се здобил со тешки телесни повреди и бил пренесен во Медицински центар Струга за укажување лекарска помош. Увид на местото извршила екипа од Полициската станица Струга.