млекара здравје – Kurir.mk

НЛБ Банка: Во моментов не водиме никаква постапка за присилна наплата против Млекара Здравје

Ивона Петрова — Fri, 23 Nov 2018 15:22:19 +0000

НЛБ Банка АД Скопје во моментов не води никаква постапка за присилна наплата против Друштвото за производство и трговија Млекара Здравје Радово ДОО увоз-извоз Скопје, се вели во соопштението на Банката по објавите во дел од медиумите каде се споменуваше во врска со Друштвото за производство и трговија Млекара Здравје Радово ДОО увоз-извоз Скопје. -НЛБ Банка АД Скопје има започнато постапка за присилна наплата против должникот Земјоделски комбинат Пелагонија акционерско друштво од Битола, а заради наплата на побарувања.Во рамки на наведената постапка од страна на надлежен извршител е издаден налог за заплена на удел, кој должникот Земјоделски комбинат Пелагонија го поседува во Друштвото за производство и трговија Млекара Здравје Радово ДОО увоз-извоз Скопје. НЛБ Банка дејствува согласно законските прописи и сите наши активности се насочени пред се кон заштитана интересите на нашите депоненти и интересите на Банката воопшто, се наведува во соопштението. Оттаму посочуваат дека како системска банка во Република Македонија, во рамки на нивните надлежности секогаш настојуваат да обезбедат стабилност и примарна цел на Банката е нормално функционирање на компаниите.

Млекара Здравје со донација на зимски јакни за граѓаните на кои им е потребна помош

Ивона Петрова — Thu, 22 Nov 2018 14:21:37 +0000

Насмевки и задоволство за вниманието можеше да се забележи на лицата на граѓаните сместени во Дневниотцентар за деца на улица - Шуто Оризари и на бездомните лица сместени во времениот објект за лица со поддржано живеење - Визбегово. Млекара Здравје под мотото „Здравје во твои раце“, продолжува со хуманитарните активности и за оние групи на граѓани на кои им е потребна помош донираше зимски јакни. -Постојано ги следиме потребите на граѓаните на кои им е потребна поддршка. Со нашите активности сакаме да дадеме придонес во општеството на оние категории на граѓани на кои им е потребна помош. Ние во континуитет учествуваме и даваме безрезервна поддршка на иницијативи кои имаат хуманитарен карактер, овој пат, преку донација на зимски јакни, изјавуваат од Млекара Здравје. Од млекарницата информираат дека оваа активност има за цел да даде скромен придонесза најранливите категорииво општеството.

„Млекара Здравје“ го одбележа Светскиот ден на храната преку промоција на хуманоста и одговорното однесување

Ивона Петрова — Wed, 17 Oct 2018 10:45:02 +0000

По повод Светскиот ден на храната, а со цел промоција на хуманоста и зголемување на свеста од потребата за намалувањето на отпадот од храна, на 16.10.2018 година Млекара Здравје организираше повеќе активности за вклучување на младите во општествено добротворни активности. Во Битола, учениците од VII оддление со својата класна раководителка Сашка Делова од Основното училиште „Гоце Делчев“учествуваа во приготвувањето на храна со користење на производите на Млекара Здравје и Жито Полог во кујната на Кафе ресторанот Аурум и истатаја донираа во народната кујна Утешител во Битолаза лицата на кои им е потребен оброк. Во Скопје, учениците од Гимназијата Нова поддржани од Млекара Здравје и Жито Полог приготвуваа оброци кои беа донирани во добротворни цели. За промовирање на домашното производство и здравите македонски производи, а истовремено и поддршка на образовниот процес во Македонија, во Средното стручно општинско училиште „Киро Бурназ“ во Куманово, Млекара Здравје донираше свои производи на учениците кои, исто така го одбележаа светскиот ден на храната под мотото „Здраво, домашно, природно“.